農

營業中

休息中

有🐶，所以要求室外座位，33度的天氣，當然無人坐，幾張大枱唔曬，唔比坐，話有人book左，食完都未見有人然後，安排坐曬住的細枱。。。要求傘移入啲，唔比。。。所以結果係有sofa位都無得坐，睇住sofa坐😄阿姐仲叫我晒住食，無問題喎💁🏻‍♂️（影果時已唔晒）食物性價比差，選擇少，菠蘿炒飯難食，飯噪得好地地放咗入去菠蘿出水濕晒。。出下火咁就貴幾十蚊🥶其他，叫個點心咁，就一般般，無期望無失望乳鴿熱熱辣辣系ok的涼菜就可以無視了

後悔無參考食評就入黎試，原來呢間係大伏。兩人入黎食lunch，唔叫set散叫，睇隔離枱野食都feel到打卡感強，心入面仲同自己講咁多人食應該唔太差，點知真係錯了。叫左個signature 乳鴿係正常既，好彩有呢個，因為唔係成餐都無野食，其他都驚訝地難食。間野用qr code掃碼手機自己叫，叫左個雲吞麵，上到黎係水餃上海麵，我反映番qr code order時無相，應該寫番係上海麵（因為一般香港叫雲吞麵正常只會係一種麵） 佢既回覆：「我地開店一開始到宜家都係用呢隻麵！ 」跟住就走左啦。首先佢個回覆並唔係回答緊我問題，只係狡辯？ If it means anything, it only means you are wrong from the very beginning. 另一個鹽焗蟶子，無野好講，全部有沙既，完全食唔到，入到咁既貨好心就唔好出比客啦。如果想減肥既話推薦大家食呢間，因為你最後只會飲兩杯水落肚就走人，絕食之讀👍🏻

有舊同學在科學園負責物管工作，一直對這餐廳讚不絕口，今天終於可以試試！“爆汁乳鴿”，果然名不虛傳，炸乳鴿的火候控制質相當好，鴿還嫩滑多汁，很有水準。“烈焰菠蘿炒飯”，菠蘿下半截塗了臘一樣的燃料，上桌時用火點著，先來一場大龍鳳 ... 始終是大龍鳳，不可能改變菠蘿殼內炒飯的質數 ，但這炒飯實在也炒得很好， 熱、乾、香，一個字「正」！“火雲叉燒”，又玩放火，全部肥叉，吃下去，也可以。還有這三小碟特色點心 ... “三色黑魚子燒賣”，肉餡還juicy，味道不錯。“牛油果蝦春卷”，把牛油果蓉包在春捲皮內，確有不一樣的口感。“流心綠茶芝麻球”，流心餡做得不錯，夠香夠軟滑，外皮又炸得酥脆，值得推介！

呢個位置揸車入嚟都好方便，餐廳有室內室外，出面望海，環境優美。🍴冰鎮咕嚕肉上到黎冰鎮住d咕嚕肉表面脆哂，肉仲係熱既，完全做到外冷內熱，外脆內軟，好價得食！🍴蜆肉煎蛋餅蜆冇沙，好多蜆肉，好鮮甜美味。🍴乳鴿$28一隻乳鴿，開頭以為睇錯，但真係$28 隻乳鴿，肉質鮮嫩多汁，個皮有少少脆，非常之抵食！🍴避風塘炒軟殼蟹勁多香脆炸蒜係上面，炸出嚟唔會有油溢味，避風塘炒軟殼蟹，即係啖啖肉，唔需要損d殼。🍴醉蝦大大隻，有蝦糕，有酒香，肉質彈牙！食完一碗再叫多碗🍴小籠包黑色的小籠包，加上 金箔，非常之高級。味道同一般小籠包一樣味～🍴火焰菠蘿炒飯原隻菠蘿🍍，估唔到侍應點火，上演一個火燒菠蘿，好睇又好食。睇到哇哇聲。🍴黑魚子燒賣好高興既燒賣，外皮係綠色，好別緻，拎到碗入面先記得影。味道好好，有一粒完整的蝦。呢度係請家人食飯的一個好地方

來科學園探完朋友，順便看看有甚麼想吃的，迴轉一周，大都是茶餐廳類別，結果選了這間較特色的中餐館。看過門外的餐牌，我鍾情於貌似大雪茄的點心，而太太則喜歡樣子可愛的貓山榴槤甜品，二話不說便走了進去，可能距離午市時間仍有一小時，店內食客不多，地方寛闊而富香港特色的璧畫，色彩繽紛。在科學園，點餐也用上了新科技，以手機掃入QR code，食品分門別，方便有趣，很容易便下了單。土炮雪茄，其實是炸春卷，以煙灰碟盛著，三條土炮雪茄橫放在碟上，雪茄上還圈上招紙，幾可亂真，春卷皮是啡色的，包著蝦肉和蒜蓉，香脆微辣，十分可口，最令我動容的是一些細緻位，便是以Oreo 朱古力餅碎扮煙灰，佩服！佩服！BB雞是我們點的另一款點心，是小雞造形的叉燒包，樣子可愛，餡料也是與叉燒包無異，樣子吸引已是賣點。荷塘一口雞，以蒸籠及荷葉盛著雞塊，又加了蟲草花來蒸，此刻只想要一碗白飯，雖然不是甚麼驚喜菜式，但只是收$68，算抵食！貓山榴槤是太座來這食肆的主要目的，造型可愛，顏色亮麗，質感是奶凍，當中夾雜了真正貓山王果肉，太座相當滿意。玫瑰花糕，晶瑩剔透的玫瑰花糕是以魚膠粉造成，並加了清香的桂花，香氣襲人，造型賞心悅目，放傍的樹葉

從來未試過食一間嘢咁嬲上菜如擠牙膏般 一道菜上完要等半個鐘上下一道食物份量少 等三十分鐘只食了三分鐘未上菜又當上咗 催一次無反應 第二次先有反應全台戴曬口罩準備走先上菜店員亦無任何表示一句唔好意思都好啊總之就係 如果你好得閒 可以喺一間餐廳為咗食幾道菜而坐返三四個鐘都係一個可以理解嘅選擇黎嘅

Lunch去叫外賣，等左30分鐘先有，15分鐘問左1次，話整緊，第2次再問先見到廚房煎緊個手抓餅，仲要比人無視同反白眼。手抓餅賣相同味道普通。等咁耐就唔會再食😅

剛搬入白石角，因母親節叫了外賣，9折左都千幾蚊，拎返屋企打開時嚇了一跳1. 黑魚籽蝦巴$70得3隻蝦，仲要又凍又腥2. 山寨叉燒$151得7舊，好肥又靭3. 木桶豉油雞 (一隻) $169 無特別雞一隻4. 避風塘軟殼蟹$97有4件加好多炒蒜，得個辣無其他味道5. 藥膳鳳爪$61 有5件，好似白烚鳳爪再加啲湯4. 半隻農場燒鵝$295 味道正常5. 蜑家水果粟$70 一條粟米切開幾舊，再炒埋啲辣蒜，得個辣無其他味道6. 三蝦豆苗$79 菜一碟7. 鹵水豆腐$38 豆腐一舊11.牛油果蝦春卷42 有3舊12.農家炒蜆$79 得個辣無其他味道食物好少，味道一般，下次一定一定不會再幫襯

3/4/2022 入科學園嘆一嘆中式午餐，喜歡呢度環境舒服，坐戶外空氣清新，望住湖景，慢慢品嘗美食。佢哋嘅金箔蝦餃，皮薄蝦餃新鮮又彈牙。南瓜咸水角，賣相精緻嘅咸水角，當然仲係好好食啦😋春卷，脆卜卜，餡料豐富。燒乳鴿，皮脆肉嫩，佢哋準備埋手套，比大家用手揸住食乳鴿，原汁原味，特別滋味😋烈焰菠蘿炒飯，玩下花款，現場點火，表達出烈焰菠蘿嘅景象，比大家打下卡，拍下video😊菠蘿炒飯，粒粒飯，夾住菠蘿粒，口感淸爽。炒芥蘭，菜嫩好食。廚師悉心構思食物嘅賣相，加上用心烹調美食，值得食客欣賞👍🏻

我們三人訂了枱去到要分開兩枱座因疫情關係這是當然啦，佢地比咗張4人同一張2人嘅重要係前後，咁點食呢？我地見後面有張6枱就話座後面張啦，佢地話唔得呀，呢張座6人，明白！見佢地都係中間隔咗透明板就可以座一枱，咁我地話一張4人枱座哂啦，佢好心話張枱太細放唔到食物，你地等多陣我地再安排枱！點知之後係一張細圓枱我地3人一齊座，張枱重細過之前😂再換都係圓枱但大啲！服務差點知食物更差, 失望黑金蟹粉小籠飽-唔腥, 鹹木桶鼓油雞-無特別, 沒味火雲叉燒-夠酒香,沒有叉燒味魚香棋子-茄子好味蠔仔蛋角-夠香有蛋味, 蠔仔新鮮玫瑰花糕-樣靚, 沒內涵

We visited Farm today for an early dinner and was seated at a lovely outdoors area. Unfortunately, the managing team at this restaurant allows employees to smoke right next to the eating area. When we raised this concern, we were simply dismissed that smoking is allowed. We had to leave without finishing our meal. It is simply unreasonable to have your working staff smoke right next to eating customers. Otherwise, the menu is well laid out and ordering process is smooth. The food is average in q

一共在這間餐廳買過三次外賣，第一次燒肉飯，一共4塊細細塊，當時番到Office一打開，我呆咗😱係咪師傅搞錯咗呀？？？？第二次係叫口水雞飯，同樣都係極度少，四五塊雞，白飯一大盒飯。第三次所謂招牌必食五寶飯，OMG😱😱分別係：半隻鹹蛋，四細塊雞（全部係皮），兩塊肥叉燒，三片紅腸，幾條墨魚絲，好恐怖，慳皮慳到咁，仲叫招牌必食？？！價錢仲要$78蚊！以後唔會再幫襯！科學園最貴最差的餐廳！非常貴，非常少，懷疑係咪專賣白飯……

🌾🤨性價比一般。換湯不換藥的農家「新」派點心🤥👨🏻‍🌾🍴農📍沙田白石角香港科學園第二期科技大道西10號浚湖樓地下S041A號舖疫情持續，就連飲茶🫖都要去人煙比較稀少嘅科學園。當天餐廳做緊優惠，凡每2️⃣位惠顧即送爆汁乳鴿🐦一隻。有野食送咁抵，當然要食啦❗️😋😋😋😋餐廳有室內同室外露天座位選擇，我哋一行2️⃣人就選擇坐卡位，舒服一點😌 由於餐廳主打新派中式點心小菜，所以餐單上嘅點心都唔係普通蝦餃、燒賣，而係在傳統點心嘅基礎上加入左少許🤏🤏創意🙃🙃🔅 爆汁乳鴿 🐦唔算爆汁，好細隻，食落仲有啲乾添😂😂不過送嘅，無所謂啦🤪🤪🤪🔅 黑毛豬叉燒酥 🐷外皮幾香口，餐廳採用了比較瘦嘅豬肉，有黑毛豬香味但口感同坊間傳統酒樓的叉燒酥沒有太大分別，感覺性價比不高🤔🤔🔅 山寨叉燒 🐽呢個有驚喜😯😯山寨叉燒其實係🐮牛肉，燒得好粉嫩，口感好腍、有肉香，配埋個蜜糖叉燒醬，食落真係幾可亂真🤪🤪🤪🤪 但又比一般叉燒更好食😜仲可配埋🍋青檸汁，酸酸地好解膩👍🏻不過個別有兩三舊實在太多肥膏，同筋位，食唔到🥲🥲🔅 三色黑魚籽燒賣 🐟🐷只係普通蝦肉燒賣配上三種不同染色嘅外皮🤣蝦肉🦐彈牙，都有香菇🍄嘅味道，味道🆗嘅，不過冇乜特別囉😅🔅 三蝦

最基本：飯都唔識煮，又硬又生！叉燒酥油林林，個底穿嘅，d 叉燒走哂出嚟，鼓油雞骨多過肉！ 冇雞味，牛油果春卷完全唔夾，似一pat鬼口水，唔明係咩野創新。明明話係雲吞，其實係水餃。超級overprice。今時今日仲係諗住靠包裝唔理食物質素，死路一條。

位於中大附近嘅中菜館，菜式非常特別，味道高質，上菜擺盆亦好花巧，一大家去聚餐打卡最適合不過🥳🌟 爆汁乳鴿 ($68/隻)叫左兩隻bb乳鴿食，餐廳好細心，準備左手套俾我地食得舒服啲🥰 第一啖咬落已經充滿鴿油香，肉質結實又嫩，食到最尾都唔捨得放手🤪🌟 鮑羅萬有 ($78)一籠三隻餃，皮薄餡靚，裏面有好爽口嘅素菜同冬菇，每隻餃上面仲有隻迷你鮑魚，好食又精致🤤！🌟 火雲叉燒 ($238)上碟會有火點住，叉燒肥瘦均稱，好香口，可以按自己喜好淋上額外配上嘅蜜汁，會更惹味😝🌟 辣佬鴨舌拼秋葵 ($98)前菜黎講，秋葵酸酸地又爽口，好開胃😳。鴨舌好有咬口，不過如果更濃味啲會再過癮啲🥳！🌟 車煮豆腐 ($68)呢個豆腐配上菇類同芥蘭一齊煮，加埋啲汁送飯真係超香，好有層次，可以稱之為白飯神偷，呢碟有三分二都係小編食嘅🤗。🌟 烈焰菠蘿炒飯 ($128)菠蘿炒飯真係用成個菠蘿盛著，上碟個會點火燒住成個菠蘿，大家記得拎定電話打卡🤪！一開蓋好香炒飯味，裏面有菠蘿粒，食落原來可以咁夾咁開胃🥺🌟 椰香拉絲 ($28)最後叫左個甜品，食落好酥脆，配埋蜜糖好香甜，係圓滿嘅句號。😽味道：🌕🌕🌕🌕🌗環境：🌕🌕🌕🌕🌑價錢：🌕🌕