講開中菜外賣，盆菜似乎係不二之選。當然，好多人話聽到盆菜就驚，我就唔同講法，簡單又容易預人數，最重要而家嘅盆菜食物通常都以名貴好食為主，就好似之前我介紹過嘅泰國盆菜，基本上係食過幾好先推，就好似今日推介呢間主打新派摩登農家菜的「農」。
近期佢地推出左兩款有特色的話題盆菜，一個傳統盆菜一個全素盆菜，基本上滿足所有人不同需要，先講我當晚食嘅傳統盆菜，配搭豐富，材料有蠔皇花膠、慢煮鮑魚、金蠔、蠔汁北菇、大蝦、油雞、南乳豬手、燒鵝、燒腩仔、手打鯪魚球、陳皮魚蛋等等，最好食係蠔皇花膠，用上精選8頭鱈魚膠，食落感受到佢嘅質素保證，六頭嘅鮑魚以紹興花雕及女兒紅等凍浸入味，之前你食盆菜邊會食到入邊嘅鮑魚自己有與別不同嘅味道，你就知佢好，其他燒鵝油雞其實都好值得講，不過都係等你食完自己感受，最正係魚蛋來自興利祥記，果皮香氣好重又彈牙，加上兩大支傳統的盆菜汁，平時食盆菜一定唔夠汁，但今次竟然可以有剩，安排非常完美。
當然佢設有不同人數的分量可選擇，有$1388/6位用、＄1688/8位用、＄2388/12位用，按你需要訂。
全素食作主打的全素盆菜（$888/6位用、$988/8位用、$1388/12位用）價錢就平啲，以素海參、素翅、素蝦、新鲜冬菇、大啡菇、白菌菇、白茄子、白栗米、娃娃菜、鮮炸枝竹及日本大根等十多款食材配搭，我食完呢個都會想試下，啱哂呢排農曆七月茹素的朋友食。
兩款盆菜都需要係3天前預訂，只要你惠顧滿$1000或以上，可享有沙田區及大埔區免費送貨服務，如跨區送貨則會代召直送你屋企，當然都可以自取，如於8月31日前提前預訂則可專享盆菜自取9折，凡預訂6位用的盆菜免費回贈$100餐飲禮券，12位用的盆菜免費回贈$200餐飲禮券，適用於你下次堂食用餐時使用，盆菜供應期由即日起至2022年9月10日。
影片
