轉角‧見

營業中

休息中

我個人幾喜愛食burger, 特別係lamb burger, 可惜香港就真係比較難搵， 所以係香港我都係集中食beef做嘅burger。 之前係D 旅遊飲食雜誌同網上食評見到介紹荃灣美食， 呢間係其中我有興趣想食， 一直等幾時去開荃灣時就試食， 而今日就有機會同朋友去，大家都帶著期待心情去試試。。。我哋諗住share一齊食， 我朋友揀咗人氣之選嘅"型男burger" , 而我就揀咗另一款burger --- "芝士蘑菇" , side dish有薯條同沙律， 咁我哋就叫咗各一。食物到喇， 見到時我哋都覺得賣相幾好， 好似幾好食咁， 我簡單影完咗2張相同切咗一半俾friend share 食就急不及待去試， 前後都無2分鐘， 快手， 哈哈~~食喇！！食後嘅feedback: 先講"唔好"嘅：1. 個burger一食就唔熱， 凍凍哋， 唔似係即整~~2. 件牛扒得個油字， 無肉汁， 似一早就煎好， 等有客來就用油翻熱咁， 所以油油咁~~3. 蘑菇無蘑菇味， 我估D蘑菇係用水先煮熟， D蘑菇味早就俾熱水煮走晒~~4.芝士好少， Menu唔寫都唔知有芝士， 食唔出味， 🇺🇸大型burger

今次又係跟住網上推介去試可惜有少少虛有其表 份量的確大 但味道真係未夠吸引型男burger一上的確係大大隻薯條都好大份亦都脆口不過型男嘅肉實在太熟喇若果生少少 相信肉汁會更多 亦會更香而且芝士都唔係太夠(可能本人太愛芝士)包亦可以烤得更脆口些不過菜好大份 同爽口(佢地啲沙律菜幾新鮮)而且隻流心蛋亦生息不少雖然整體不過不失 但牛肉的確令整體大打折口呀期待下次嘅進步!!!

我一向都好鍾意食All day breakfast,係網上見到呢間啲野食好正，於是就帶埋媽咪黎試下間餐廳位置較偏僻，我地都搵左5分鐘先搵到，由於我地十一點半就去，人就唔係好多。我地兩個人叫左一個芝士蘑菇漢堡，一個早晨全餐野食終於黎到啦～分數:4/5呢個漢堡啲料好夠，佢仲大過你個口唯一冇咁好既就係有太多汁過左一陣，一份熱烘烘既早晨全餐就黎到我眼前分數:5/5蛋份量大，好香牛奶味，香滑濃郁蒜蓉包好香牛油味煙三文魚唔溜法蘭克福腸同煙肉啱啱好熟番茄個樣賣相冇咁好，但好食係我地只顧享受眼前美食，餐廳啲位慢慢地被客人坐滿小小建議:大家如果去既話，不妨早少少去

排長龍，齊人先比入！等位時已經有得睇定menu一入就叫了芝士磨菇漢堡，冇跟飲品。原來冇嗌野飲就冇薯條⋯漢堡好大，一啖咬唔哂！分開上下層咬，生菜好fresh, 咬落索索聲！牛肉漢堡極juicy, 直頭一路食一路滴汁！果然，漢堡要拎上手一啖咬先好味！

呢度嘅環境有啲似有少少裝修嘅港式快餐店.我食咗型男漢堡,個芝麻麵包都幾香,中間嘅漢堡扒係用鮮牛肉打成,都幾厚呀.同埋仲有芝士,煙肉,番茄,紅菜頭,生菜,沙律醬,酸酸哋咁,又有少少雜菜嘅脆口感覺,大個得嚟又唔會好滯.薯條就麻麻哋,唔係好脆.

難得放假想舒舒服服食餐午餐,但周圍都好多人,朋友突然話荃昌有間cafe好似唔錯,所以就去試試,一去到環境唔錯,靜靜地,仲要咁岩有位就2話不說坐低好好享受我既休閒午餐...凍朱古力咖啡：好大杯，不過就普通Ｄ，飲唔出咖啡味，可能熱飲會好Ｄ。凍抹茶奶昔：抹茶味唔夠濃，奶味比較重，不過夠晒凍，配熱辣辣薯條，岩晒。型男漢堡：漢堡包烘到外層好脆，面包就好鬆軟，材料有流心蛋，紅菜頭同煙肉，一咬落去，蛋汁就流晒出黎，夾埋紅菜頭同煙肉，完全係邪惡之作。芝士蘑姑漢堡：漢堡包同樣烘到外脆內軟，芝士就半溶狀態，有好多蘑菇，好夾好好味，配上新鮮炸起既薯條，真係一流

外脆內軟的麵包富滿芝麻香，夾着牛肉、煙肉等，配料豐富！再加上流心蛋，蛋漿為餡料添上一份濕潤黏口的蛋香。質素超越價錢，性價比高！型男漢堡 $58 +$12(薯條汽水)

怎麼一起床 又是星期一I need some refreshment!今天就來到了荃灣吃好西-荃灣被譽為是香港的美食天堂 每個横街小巷都藏著不少隱世高手 今次就來到荃昌中心找吃的✌🏼️-轉角不是遇到愛 而是轉角·見 burger今次點了芝士蘑菇漢堡 型男漢堡 和 Kitchen Corner's Deluxe-芝士蘑菇漢堡 $48本以為是平平無奇 一切開 便發現十分足料熱熔的芝士再加上炒香了的蘑菇 oh my god!Everything is so perfect牛肉漢堡扒不會很鬆散 而且亦十分厚身 每一口都在口中爆發牛的香氣 而且麵包亦有預先搽上牛油煎得香脆-型男漢堡 $58比芝士漢堡多出來的配料是流心蛋 紅菜頭和煙肉流心蛋即是把蛋邊煎得香脆的「荷包蛋」可是上檯時 一切開沒有太多蛋汁流出 而且我本身不太喜歡紅菜頭的味道 不過身旁的友人就很喜歡薯條是即炸的厚切薯條 炸得十分金黃香脆-Kitchen Corner's Deluxe $79吃後覺得跟漢堡比起來 還是漢堡比較好不得不提的是炒蛋挺滑的 而且份量很多來這裡還是吃漢堡比較好-後話: 我和同行友人都覺得漢堡做得十分出色 不過飲品和a

生日特地見openrice 有讚無彈。。就去試試😀😀星期日勁多人排隊，都等咗半小時才有位叫了型男漢堡，芝士漢堡及卡邦尼意粉，兩樣都好好味，意粉好濃忌廉味，超好味！😍😍唯獨美中不足係杯咖啡唔凍唔熱唔知想點。。要改善！！😞😞同埋出面張枱太唔掂。。沙灘個啲枱。一條條空隙。好易跌晒啲嘢落地！！

作為荃灣人，我細細個已經聽個「荃豐」依個名😂😂😂，除左集平·靚·正於一身，仲四通八達好方便，依到仲有吾少餐廳cafe提供好多不同選擇，lunch肚餓都吾死煩去邊搵食 今次就去到昌寧的「轉角·見」, 吾算難搵，一落電梯見到和食快餐，轉角見到大大個議員辦事處就到🙆 鋪頭細細，但坐落吾逼，枱上已有餐牌，心急人上既我即刻睇睇睇 好快就選定早晨全餐-配熱檸茶🍋 朋友J小姐同我簡既都一樣，配熱朱古力☕等了不久，餐飲就到，端上杯子同杯墊都很精美，我既檸檬茶細細杯，有一片檸檬同一整個茶包 ，淡淡的檸檬香朋友的朱古力竟然有拉花，確令人驚喜😶 唯一改進係朋友話杯朱古力微暖，不太熱坐的位置可以看到廚房，店員正準備食材，煎蛋烘面包等，一陣陣香味我既早晨全餐到啦! 我吾客氣啦 ☺早晨全晨-炒磨菇，德國芝士腸，美式炒蛋，炒煙肉同蒜蓉包🍞整體真的不錯，蛋炒得很滑更灑上香草🌿芝士腸很有驚喜，比想像中大條，芝士流心😋😋😋 蒜蓉包有兩塊，搽上滿滿蒜蓉醬再烘至脆身👅👅 (最高: ×5)悠閒環境×美味既食物就係好心情下次會再黎試試依到出名既漢堡包🍔🍔🍔

唔少荃灣人朋友都介紹我嚟呢間cafe到食burger，終於上星期日就到時間嚟食我叫咗一個經典漢堡同花生奶昔。漢堡塊肉好厚又重牛味，不過如果再juicy d就更加好，配埋生菜蕃茄同醬汁等配菜一齊食都算係中上嘅漢堡伴碟炸薯條好熱好脆而且無空心感覺，正最驚喜嘅係花生奶昔，十級邪惡，因為飲落好似飲緊無咁濃味嘅花生醬咁但係太好味，我最後成杯飲晒呢餐係食得滿足嘅

荃灣區其實很多穩世小店。最近發現了間在荃昌的小cafe，價錢大眾化，質素高店面細細，枱同枱之間有小小窄，同朋友傾計會比隔離聽到🙊食物種類不算多但款款都好想食。叫了一個蘑菇漢堡，再加任何特飲減$12，飲品揀了忌廉梳打特飲。漢堡包一上枱香噴噴，外層既包熱辣辣，芝士半溶溜曬出泥，一咬落去好多蘑菇，非常美味薯條新鮮炸起，咸咸地配茄汁吃一流。飲品無乜特別，都系忌廉加雪糕，致在消下暑。下次再泥會試下all day breakfast

Many people say this cafe was ok, but after my visit, no next time. I tried the Fish & Chips, and the burger... well, I will not comment but it's will be my last time going there. no more...The fish & chips was overcooked, and batter was dark brown and the fish was dry too... The looks of the Burger was ok, not too bad and not too big but when i first hold on the burger, the beef patty felt off, the beef was rare and salty. My experience for this cafe, was not too good.

星期日，相約朋友荃灣一遊上openrice 搵個地方Tea 一 Tea就搵左轉角.見唔熟路既我地 搵左都好一陣子呢間野要係荃豐 再行過多幾個中心既最低層一拎餐牌一睇 見到野食既價錢唔貴！我地點左炸魚薯條 以及 芝士蘑菇漢堡個炸魚薯條 比想像中好食！條魚好滑而個漢堡都不錯呀！行街經過 不妨試試又平又唔差

當油尖旺到處是大型連鎖食店，又或是為了租金而得抬高價錢的小店。荃灣就成為其中一個很多新派食店的基地，因此該區的食店選擇越來越多，而且很多食當也有相當的質素。周末選擇到荃灣覓食，第一站來到Kitchen Corner轉・角見，一家今年年頭才開業，以漢堡為主打的咖啡室。不過假日來到，大家要有等位的心理準備。其實這次可說是衝著這個「型男漢堡」而來的。食到這個性價比超高「型男漢堡」真是大滿足！店員聽到我們打算Share，更主動幫我們預先切開漢堡包，相當貼心！裡面有蛋、紅菜頭、漢堡扒、蕃茄、沙律菜、芝士、煙肉，超豐富juicy，單售才$58，另加點飲品更連薯條，而且我覺得薯條也是賣點，因為是厚切連皮的，超合我心意！牛肉類的漢堡，餐牌上都寫著是用100%鮮牛肉造的，若你不愛吃牛，也可選擇雞扒類漢堡。另外還點了一客All Day Breakfast，$52連指定飲品。給你的是德國芝士腸、蒜蓉包、炒蘑菇、炒蛋、煙肉，也是夠豐富夠誠意！除了煙肉稍為咸不夠香外，其他都好好食。始終是一家咖啡室，也要來試試他們的咖啡，味道不過不失，但咖啡拉花如此有心機，也令人心情大好！