轉角‧見

營業中

休息中

本身對漢堡包沒太大興趣的我這次也跟着朋友來試試看。餐廳以售賣漢堡包為主，意粉亦只提供較為普通的兩三款口味。看完餐牌後心裏一直糾結：吃芝士蘑菇還是流心蛋漢堡好呢 ? 最後還是選擇了最愛的流心蛋。漢堡包賣相相當吸引，兩塊厚厚的麵包中間夾着豐富的配料，有芝士、煙肉、牛肉、流心蛋及蔬菜作配料，嘴巴細細的女孩子要一啖咬下去也有難道。流心蛋的半熟程度恰到好處，輕輕一切濃郁的蛋汁徐徐流出，沾上蛋黃汁令麵包變得濕潤易於入口。可惜餐廳水準不一，同行友人的流心蛋卻煮得過熟變成了全熟蛋，不免讓她有點失望。厚實的牛肉漢堡扒比想像中juicy，加上紅菜頭和蔬菜一起吃，口感清新不膩。隨漢堡一起上桌的粗薯條香脆可口，而且份量不少，經過一番大戰後仍然未能把全部薯條吃清光。飲品選了Oreo奶昔，Oreo的味道尚算濃郁，只是整體偏甜，嚐甜的女生應該會喜歡。吃了一大個漢堡加薯條還有特色飲品，晚餐埋單100元有找，算是抵食呢。

純粹是早幾天與同事說起想吃burger，teammate便建議到荃灣這間kitchen corner嚐嚐burger。坦白說，只售數十元的burger我倒是毫無信心，始終一分錢一分貨，最後當然不出所料......蘑菇芝士牛肉漢堡(單點): fries和飲品需額外加錢，total大概$60多塊。首先，牛肉漢堡沒啥牛味，擁有牛肉的外型及感覺，但就欠缺肉味，味道先輸一截，質感亦不及幼嫩。因此，牛肉的質素可謂平平無奇。另外，蘑菇汁亦不感太惹味。整體只能評為一般，並不特別。

今次朋友介紹一間平靚正Burger，係香港百物騰貴，麥當當都要三十幾蚊情況下，四、五十蚊有一個靚仔Burger已經物超所值。四點人流唔算多，而且唔駛等位！店內裝修相比較休閒，如果下次天氣乾爽可以坐室外。Satay Chicken Burger 沙嗲雞堡 $45麵包有焗過熱之餘帶少少脆沙嗲雞扒帶有肉汁再配上生菜同蕃茄*Burger 叫飲品送薯條薯條脆卜卜又夠味真係一條接一條食唔停Rocky Burger 煙肉漢堡 $52漢堡扒真係真係好juicy一邊食肉汁一邊滴內有煙肉、蕃茄、芝士、洋蔥、生菜太多料太juicy下食相有D呢heaCappuccino 泡沫咖啡 $26奶泡算棉密$26 情況下已經可以用平靚正形容坐底時電話無電，服務員好好私人借電叉比我Menu

荃灣 美食多得很😚.經典漢堡 (HKD$48)牛肉漢堡 juicy 煎得香噴噴😍煙肉 洋蔥 配合完美仲有 芝士當然不能缺少👍🏻雖然沙拉只是小小的頭盤但生菜都算新鮮 加埋芝麻醬不得了啦😋😋😋.薯條都很不錯的即叫即炸 熱辣辣都可以嘗試👍🏻👍🏻👍🏻

呢間cafe 一早on list 好耐喇～ 今日終於同男朋友黎試下～ 作為路痴嘅我地真係搵左好耐呀，最終喺個轉角搵到呢間cafe, 同店名好貼切我地去到時見到全店已full, 但好好彩地有一張吉枱喺外面，見今日天氣都唔太凍，坐出面都ok~ 仲好似relax d Tim~ 好快侍應姐姐就比左個menu 我地， 睇左陣就叫左個alpinc burger , fish n chips , green tea latte ，汽水點知落單冇幾耐就有另一個侍應姐姐衝出黎話原來商場內有人龍等緊位我地真係完全唔知，但佢見我地單都落埋就算所以我地之後都食得好快，快啲比反張枱人地，真係so sorry 首先黎左杯green tea latte 先～花都拉得好令～但就真係好普通，完全打動唔到我呢個抹茶怪之後再上的fish n chips 就好好食喇～ 炸魚外脆內juicy 仲要有魚味！一食就知唔係cheap 魚薯條係粗的，口感非常好，完全係我杯茶，加上呢個價錢喎，真係冇得輸！不過如果可以再加啲味粉就完美喇最後就係burger 喇，塊牛煎得好juicy 但牛味唔夠強烈，同埋如果係一舊大啡菇而唔係罐頭磨菇就好喇

第2次黎幫襯，今次都係坐outdoor, 又係full house, tea time時間黎食lunch, 不過呢度無tea set呢！！！今次照舊都係食早餐，跟一杯指定熱飲，3 選1, 上次飲咖啡，今次試柚子蜜，野食同上次一樣，不過奇怪地見到餐牌腸仔係可以選擇芝士或蒜味腸，但佢無問我要乜既？好在我2 款都食, 飲品就更奇怪，柚子沉哂係底，但佢無比匙我攪，算吧，坐outdoor揾人係麻煩d, 最多唔飲到底就算，因沉底過甜 老公又係食漢堡，我唔食牛，所以將個包分上下2 層，我食芝士+洋葱，好味 .... 正，個包唔硬，下次可以試雞堡，因為我懶唔想用手攞起個包食，所以先order all day breakfast重有一樣奇怪野， 第一次黎坐outdoor(商場入面), 野食黎齊要收錢先，唔知以為食快餐，係差在唔洗自己攞，今次就食完先收錢，但今次真係係室外喎，更加見我唔到喇，反而唔洗收錢先喎，真係好奇怪囉

又多1間有outdoor食漢堡既小店，最緊要附近有得泊車。食物質數ok, 賣相真係唔差，份量剛剛好，我要左all day breakfast, 老公就要左漢堡，肉汁佢就覺得一般，但算可以接受，料就少左d。我份breakfast就基本野，滑蛋ok好味，但我杯飲品就麻麻，咖啡落左2 包糖都係苦苦地，可能我鍾意多奶溝淡d卦，下次可以試下其他飲品野食唔洗等好耐，算快，因full house, 都幾驚有排等，lunch time等左一陣就有位，最緊要係有得坐出面

小店位於商場地舖有室內室外假期中午時間已經坐滿客人餐廳選擇多兩個人想試的實在太多今次先試all day breakfast與邪惡的fish & chips*All day 賣相不錯份量亦不少炒蛋及蒜茸飽有驚喜*fish & chips 沒有在吃炸粉感覺又不會鯹不錯再來飲品*flat white 與 mocha咖啡溫度 奶度 甜度剛剛好特別是我最愛的flatwhite尋回aus的感覺Like it!整體食物及咖啡都十分不錯support！

收工已經好攰 想同男朋友好好去搵間野食下坐下。夜晚九點三去到，估唔到職員已經黑哂面話要last order收十點。open rice明明寫住收2230，我咪問個職員：“你地唔係收10點半咩？“佢態度勁差咁答我：“10點半關門，係指10點半我地收工喎。“嘩，睇佢地個樣唔似想做生意囉。亦都認真唔見佢門口有什麼標示寫明。我地都好攰費事再搵過間就為有坐低食。不過有d咁串同淨係識黑面趕客既職員 就算d野食再好味都會變左唔好味啦。希望各位去既話都要早少少啊 唔係又會俾人黑面架啦。

kitchen corner 這個店名相信很多人都不會陌生, 上星期終於邀約朋友一試,結果沒有令我們失望,對於"荃灣必試食店"這個盛名確是當之無愧。 今天我點了一個芝士蘑菇漢堡配薯條,材料都算豐富,漢堡牛扒幾juicy, 入味,值得一讚。薯條很脆很香,熱辣辣又不會有油膩膩的感覺,超好吃。 加配飲品後價錢也不過7,80元,實在物超所值。 餐廳環境也不錯,有點文青feel,氣氛很適合三五知己共聚。像這樣有質素的小店很值得支持,下次也會帶朋友再去。

轉角 見炸魚薯條配他他醬加Flat White - 真魚，有魚味（唔係鯰魚黎），外面既炸漿唔太厚，但又唔太脆，魚既份量亦唔太多，Flat white 整得唔錯~加埋八十幾蚊，如果要非食不可，上次係元朗食個間會好食好多。型男漢堡配Mocha - 個名同野食既材料應該無咩關係，但相比起炸魚，呢個漢堡做得比較出色。 煎蛋上臺時仲係流心的，配上紅菜頭，煙肉，沙律菜，牛肉，賣相同份量都好足夠，唯一係塊牛肉食落有d鬆散，唔太講究黎講，都可以食下既~ 坐位黎講比較少，多人既話要等下 ，同埋坐既話最好坐出面，唔好坐廁所出面~

荃灣食好西之選多數美食都集中係海霸街個頭，但係今次就選擇左黎荃昌呢頭覓食！地點唔難搵！好易去！入到去已經被佢地自己手畫既牆吸引左！好「文青」女仔就係鐘意呢D ，所以我都選擇左呢個牆下既位置坐低享受我地既美食。我地點左個份 磨菇芝士漢堡 同埋 蝦多士漢堡既肉真係幾Juicy幾好食！味道唔錯❤️大大份 一個女仔食都確實係會好飽不過略嫌芝士少左D💦蝦多士上面滿滿既芝麻好酥㫉！好香口食一件都唔錯！不過油左少少💦加埋兩杯野飲 每人都係60-70蚊左右呢個價錢我覺得都算係咁！唔錯架啦平平地同朋友仔黎食野吹下水又就腳既地方

誤打誤撞搵到呢間野， 於是就入去試下😇 嗌左個牛肉漢堡加正價飲品送細薯條， 個fd就嗌左個all day breakfast 配咖啡正價飲品我嗌左個抹茶奶昔😍 抹茶味幾重下， 唔錯佢啲餐即叫即整， 所以牛肉漢堡送到來熱辣辣， 薯條都係 牛肉漢堡入面肉汗豐富， 雖然係牛肉扒， 但都好好味包既外皮脆卜卜， 一啖咬落去好有口感🤗不過係食得麻煩啲， 因為佢雖然有一支籤插住， 但我都係邊食邊跌餡😅可能係我論盡😅😅All day breakfast 就係滑蛋好評， 不過腸略嫌硬左啲😉煙三文魚， 包， 蕃茄都ok😊 煙肉既話，個fd就話好鹹， 不過我試過都唔係好覺鹹， 可能口味唔同 呢餐食得幾滿足美中不足， 就係佢甜品買哂我想試個海鹽朱古力撻都試唔到我心愛既朱古力~~

一直想試呢間，但每次都好多人等位.今日一點半滿坐，我們等了十五分鐘就有位，坐外面露天位置，寧靜舒服，十分喜歡小店行大帽山前想飲杯咖啡又想食burger，點了一個蘑菇Burger with chips 兩杯latte share with fd.比較大份，兩個女仔一定夠食. 咖啡十分滿意 Burger 好好味 ，💙抵食$48burger coffee$20幾 ，唔好諗住咁平食物就一般，真心好味！本人最愛食炸薯條，見相就知好味！支持小店💪🏼

我倆二人食左呢間店好多次都無問題，但今日下午食蘑菇芝士漢堡，我地一路傾計一路食，起初唔為意，但食到七七八八時發現個牛肉係粉紅色，於是唔食喇，但始終都係食左8成。。去到黃昏我地兩個都肚痛。。希望下次可以煮返熟佢，呢啲唔係靚牛扒，唔可以咁生架