轉角‧見

營業中

休息中

之前一直鍾情手工漢堡，見原來荃灣都有新鮮即做手工漢堡，今晚決定去試下。我地揀咗型男漢堡再加任何飲品可以送細薯條/細沙律，一客藍鱈魚意粉加$12配蒜蓉包，柚子蜜，由於所有嘢食即叫即煮，所以都等咗差不多10分鐘左右先有嘢食，漢堡麵包鬆軟，入面有煙肉，流心蛋，牛肉，蕃茄，紅菜頭...材料豐盛，如果入面可以放多些沙律醬或者其他醬汁就更好，因為初頭食嘅時候漢堡比較乾身，而意粉味道偏淡，油份偏多，下次都係試其他漢堡比較吸引.

原來今天向男朋友帶狗狗去食個tea,去到轉角見好多人等位,然後職員說要排隊,咁我哋就行過去排隊既時候我帶狗狗行開左一陣,其實叫我哋排隊嗰陣已經見到4，5張枱是無人的但職員又沒安排人坐叫左人排條隊出嚟好似制造人潮咁，但又無問幾位同派飛令到情況混亂下我朋友在等的時候佢將枱又給了排後面的人安排勁差,到安排到位置我在後面行回來中他跟我朋友說要齊人先比坐,我只是在後面行緊返去而已加上我們只是2個人,他的態度好像不歡迎你來的一樣,最後我們起來不吃他還要很不友善說一句你喜歡你們有選擇的

連續店的漢堡吃多了，沒什麼吸引力了。印象中荃灣有家小店的漢堡口碑不錯，今天特意來此一試。因為下午四時，所以沒點太多。炸雞翼，4個/份，不大但炸得很松脆。芝士蘑菇漢堡，入面有洋蔥，蘑菇，生菜，蕃茄，芝士，牛扒，好豐富，味道也有層次感，是一般連續店不能比的。下次再見！

其實都唔係第一次嚟食，印象中呢次係第四次。鋪位位置較隱蔽，門口排排坐等位都幾好。今次終於試到蝦多士。雖然係好熱氣，但十分脆口。主菜方面，每次黎親都想食All day Breakfast ，但每次最後都忍受唔到Burger 嘅誘惑。今次食芝士磨菇漢堡，再加咗杯xx奶昔👍🏻👍🏻相對下較同屬荃灣位於路德圍的 "先生&太太Burger" CP值較高。而且轉角見等位及環境也較好

一直對荃灣區毫無認識，簡直是一個路痴。不過恰巧是中秋長假，我又什點會留在家中倒不如與好友去尋覓新食物。在荃灣的地鐵站一直走，穿過幾個商場都未到目的地。究竟好友其實想帶我到那個地方，到了底層以舊式茶餐廳沒有半點特別。 但穿過小巷內終於看到盡頭，是日來到【轉角見】名稱特別。不知道是否週末的關係人頭湧湧，而且需要等候，幸好門外有幾張椅子給客人坐下。不一會兒很快便入座，我倆坐在高檯單點了一份漢堡包及飲品分享。在高檯上看到外面的椅桌，驚覺外面更寫意。 芝士磨菇漢堡包$48每盤的漢堡包及薯條相當吸晴，漢堡包經過烤過後脆口而且輕輕切開，滿帶芝士的磨菇牛扒肉汁爆出，極度滋味。洋蔥選用紫色更為惹味，重點沙律菜新鮮，配上即叫即炸的薯條這個Brunch大滿足。 忌廉梳打特飲 $25平常我都會點咖啡或茶作結，但今日見到有特飲又想試一下。滿滿的忌廉梳打微甜，頂層加上一球滑溜的雲尼拿雪糕及綠茶粉不錯。 我想如果人流不多的話，一定在此看看書悠閑一番。這裡的確是隱蔽轉角，食物及服務都不錯，好友確實沒有推介錯誤。

今天帶狗狗去街街， 肚餓時想起狗友經常推薦的好地方，乾淨企理，而且價錢合理！不過室外座位較少，不太合適一大班人/狗友聚餐！另外要提一提的，就是雖然大街有路邊位泊車，但經常性抄牌，所以駕駛人士要留意！我們兩人點了: 經典牛堡、沙嗲雞堡、抹茶鮮奶、柚子蜜。(正價飲品送薯條/沙律)雖然我不吃牛，但見到牛堡好多肉汁，沙嗲雞堡好香，不過食到有點污糟，d沙嗲汁周圍滴好味道！40多元，就已經大大個包，夠飽到上心口！再配飲品送薯條/沙律，真的下午茶飽到夜晚！薯條新鮮炸起，熱辣辣，又夠咬口！果然好推介！

假期無無聊黎左呢間cafe坐下，我叫左個all day breakfast加杯野飲。首先係果兩塊toast，好香牛油蒜香味，我自己平時鐘意加埋炒蛋上去食，一啖咬落口好滿足！性價比高

荃灣真係好多野食，點解咁講，因為我亂咁行都會搵到好多野食，但好唔好食又真係要試試啦。係荃豐中心行去荃昌中心大幾8分鐘就到，都無諗過有咩食，行行下見到有間類似All Day Breakfast既cafe餐廳。見到間都比較多人排隊，等左差不多25分鐘先入座，同埋餐廳有戶外座位，適合食煙既人士，不過呢啲天氣都可能比較熱啲啦。望望meun點選左「芝士蘑菇漢堡$48」、「轉角特選早餐$79」、「可樂特飲$25」。「芝士蘑菇漢堡」係有漢堡牛扒、蕃茄、芝士、蘑菇、炒洋蔥、沙律菜既配料而成。材料都幾豐富嫁，牛扒唔會獨靭，都幾juicy，味道適中，好入味。推薦大家去點選呢個黎食！「轉角特選早餐」整個餐有美式炒蛋、德國芝士及蒜蓉腸、美式煙肉、焗蕃茄、炒蘑菇、煙三文魚及蒜香法包。炒蛋好滑，德國芝士及蒜蓉腸幾好食，同埋都煎得幾香口。美式煙肉就有少少鹹，焗蕃茄就麻麻地鐘意，炒蘑菇好食，煙三文魚幾好有心思卷成花咁，蒜香法包好香蒜香味。「可樂特飲」係可樂上面加一球雲妮那雪糕，其實簡單黎講即係黑牛！不過買飲品就會送薯條一客，咁都幾抵既，薯條又炸得香口夠熱，好好味，份量都適中。

今日是Happy Friday當然要去同男友去食好東西和男友去轉角·見食已不時第一次，之前食了幾次一直都留有不錯的印象，所以今日想食burger又係荃灣就二話不說決定去食轉角·見啦去之前都怕會有好多人排隊，畢竟今日是星期五嘛。既意主已決等下都無所謂啦去到竟然唔洗等位就入得咁更加無理由唔食轉角·見位於一個舊式商場地下，第一次去會有d難搵..餐廳環境清靜裝修精緻，同附近店舖及食店相比下有點格格不入，所以係餐廳入面好似去了另一個國度咁餐廳主力推介burger，而且點burger加正價飲品便會自動升級為套餐有薯條送店裡主推的型男漢堡之前都有食過，所以就試下其他漢堡食物方面和男友不約而同地點了沙爹雞堡，飲品方面我叫了抹茶奶昔而男友側點了凍朱古力咖啡飲品先到，抹茶奶昔的有很多抹茶粉在奶昔泡沫上，只要把奶昔和抹茶粉攪均，味道不太甜太苦，剛剛好至於朱古力咖啡的味道正常，咖啡味不算濃，沒有太明顯的朱古力味。。。主菜沙嗲雞堡壓軸出場，雞扒煎得非常香口，加上香濃偏甜的沙嗲汁，已經漢堡還有添上黑醋的蕃茄及蔬菜沙律，一口咬到漢堡真的非常香口及juicy值得推介咁豐富既晚餐人均消費都是約75元，以性價比黎講真的不

朋友話呢度啲漢堡好抵食，所以特登帶我黎試好彩我地行得快，七點零入到去，如果再遲少少就要等位我地兩個人，叫左個型男漢堡同炸魚薯條型男漢堡一上枱，流心蛋已經流左心我仲諗住會係我整爆佢甘嘛…佢塊包外脆內軟，唔會得個烘左既樣，讚佢塊漢堡扒好厚，真係未食先興奮 好讚! 好juice 炸魚薯條個賣相好靚，分量都唔少粗薯條好新鮮，炸得岩岩好，唔過火配佢個酸酸地既茄醬好正炸魚好油，油到個面都仲見到有唔少油…粉有少少厚，而個味都係一般套餐熱檸茶同凍朱古力 朱古力唔會太甜，岩怕甜既我檸茶用紅茶包沖出，唔會太澀

上星期六係好朋友嘅生日，我帶咗佢嚟呢間我幾鍾意嘅cafe到食birthday lunch。由於正正係食飯時間，超級多人，我地等位等咗差唔多一個鐘先有位。我地一行4人，叫咗好多嘢食......包括炸蝦多士、炸薯條、雞翼、經典芝士漢堡、沙律、藍雪魚炒意粉、all day breakfast、花生奶昔。炸蝦多士熱辣辣果時食非常好味，炸薯條亦夠熱而且好多薯蓉係入面雞翼就乾咗少少，味道無咩特別。漢堡都唔錯，塊肉幾juicy，連酸瓜同生菜一齊食唔會覺得好滯。沙律無咩特別。藍雪魚意粉唔錯，d雪魚煎香咗都好滑，炒意粉好香蒜味All day breakfast 唔算特別，但味道都ok。花生奶昔就超級推介，真係好勁花生味好似花生醬味雪糕咁，總之一飲就停唔到下次都係早少少嚟，星期六中午太多人lu

本想一心走過來試試這間餐廳的地道漢堡包及小食，於是一個人來到，見已有人排隊等候，便乖乖排隊期待著，眼見餐廳內有座位，並且排到我了! 於是向店員查詢可否入座，誰知得到很不禮貌的回答是繼續排隊等，奇怪的是有座位也不可座，真的一肚氣。但等侯時間太長，再者心情被弄得一團糟，於是便走了，我走著時回頭看，店員竟主動開張2人枱給我跟隨著的兩位排隊客人，真的過份!!!!! 由我期待的一刻變成一肚氣離開，我想我不會再光顧這餐廳，或許不可一人去幫襯吧，會被歧視的！

今日去咗荃灣食飯 揾到間小店 原來依頭都幾多小店 間間都好似幾有特色咁 今次揾咗間小店 係走cafe 風嘅 食all day breakfast 同漢堡包嘅 今日叫咗炸魚薯條同芝士磨菇漢堡 憑叫炸魚薯條或 All day breakfast 可以免費送沙律/薯條 炸魚薯條 炸魚比較油 稍嫌唔夠香脆 薯條就處理得幾好 夠乾身 夠脆 不過冇乜薯味(._.)芝士磨菇漢堡 淨食牛肉漢堡就黑椒味比較重 不過夾埋哂黎食 黑椒味唔會太突岀 漢堡仲夾住生菜 蕃茄 一齊食唔會太過膩 不過一個人食就好飽😂整體黎講 都唔錯😀

今次嚟到Kitchen corner搵食！身為荃灣人當然要去荃豐附近一帶搵食啦～呢間小店真係性價比高到唔想介紹～（笑）雖然位置偏僻～但佢差不多每晚都要等位的～而我亦分別帶過住香港仔、觀塘同元朗嘅朋友仔嚟朝聖特濃花生奶昔 （$32）上次試咗綠茶奶昔～今次又想試新嘢～花生奶昔又幾吸引喎～一飲落去非常非常濃嘅花生味湧出～當然聞落去都係濃郁嘅花生香氣～完全被花生包圍嘅感覺～不過實際上較甜～怕甜的話可能會有點膩。份量亦大杯，抵飲！芝士蘑菇漢堡 （$48）餡料豐富～有漢堡牛扒、蕃茄、芝士、蘑菇、炒洋蔥、沙律菜！厚到一啖咬唔哂！個漢堡扒非常juicy～一咬落去肉汁即刻湧出來～絕對比其他漢堡包店好味！而且蕃茄、蘑菇同沙律菜亦係新鮮之選～半溶芝士同炒洋蔥香味四溢～刺激食慾！如果打算share或方便啲食～可以叫店員幫忙切開～就唔使食到咁慌亂～不過因為個漢堡扒真係好juicy～其實都會流到成手都係嘅轉角特選早餐 （$79）有英式炒蛋、德國芝士及蒜蓉腸、美國煙肉、焗蕃茄、炒蘑菇、煙三文魚及蒜蓉法包！蒜蓉包只有一小片～不過尚算香及脆～煙三文魚同煙肉不錯～唔會太鹹～但煙燻味濃郁～炒蛋應該加了一點牛奶～口感滑溜～蛋

轉角‧見太多人等，要係門係排隊，不過一早已經揀好食乜。叫左個芝士磨菇漢堡，跟餐漢堡扒好濃牛味，蘑菇又多汁，一路食Ｄ汁一路滴，真係想拎個包點番Ｄ汁食。薯條岩岩炸好，勁脆！