轉角‧見

營業中

休息中

老老竇竇，傳統市區食個Burger閒閒哋百二蚊起跳，呢度四五十蚊有個，加埋薯條汽水都係加十二蚊，份量同樣十足，味道更有之而無不及。招牌型男漢堡，英文名叫Aussie Burger, 有理由相信店主或廚師係澳洲仔，本人身為鄰國紐西蘭嘅代表當然要試一試。爆汁百分百牛肉，流心煎蛋、紅菜頭、蕃茄、濃味醬汁。喺紐西蘭都食過夾紅菜頭嘅鴨肉漢堡，都無特別考究呢種食法係咪南太平洋獨有，但點之前會有啲擔心會有嗰啲鑵頭紅菜頭嘅嘔心味道或過濕。好彩佢個紅菜頭切得好薄，一兩小片，用紅菜頭獨特嘅甜味點綴濃味多汁嘅牛肉同醬汁，味道都幾配合同清新。正!!! 必點推介!!! 順帶一提，店內無論侍應、廚師定咖啡師都的確幾型仔。餐牌上其他漢堡就比較正路，都係洋蔥芝士生菜，只係一個配磨菇，一個配煙肉，一個配酸瓜，我哋選擇咗配酸瓜嘅經典漢堡。同型男漢堡一樣，都有爆汁牛肉，個醬好濃，又嚟點薯條都好正。但相對之下型男比較有特色。炸魚薯條，用我老家紐西蘭嘅鱈魚, 而fish n chips亦係紐西蘭名菜之一。食物其實真係睇個樣就知好唔好味，一睇個色就知overcook, 我堅係未見過炸到咁黑嘅fish n chips, 零肉汁。唯

星期日無聊又無野做，男朋友推介黎呢間位於荃豐既小店食野，搵左好耐先搵到，店位好隱蔽，唔跟住號碼搵都好難見到，入到去發現原來間舖又幾精緻，入面裝修好靚好有心機整，比人既第一印象真係好到無得彈！ 因為好多人幫襯，要等位先有得入，等左大約三十分鐘左右，店員好好態度～叫我地坐係度等，仲幫我地拎餐牌揀定食咩野～  呢間小店價錢相比出面已經算係超值，服務又好，飲品種類都算多，係假期黎放鬆一下既好去處 我地帶左狗狗去，店員好有禮貌咁同我地講寵物唔入得室內，幫我地安排室外坐位，於是我地唯有坐出面啦，所以影唔到店內靚靚既裝修。首先我地叫左一杯雲呢拿奶昔，奶昔好快就到，勁大杯，$32既價錢絕對係抵飲！飲落去覺得好滑，第一啖就覺得好重奶昔味，好想試埋其他味既奶昔。之後我地叫左一個經典雞堡配薯條，雞堡又高又厚，好大份，明顯落足料，啲生菜蕃茄好新鮮，塊雞扒唔會太油，肥瘦適宜，包你一定食得飽，不過對我呢啲細食既人黎講都幾滯下，建議食得比較少既食家可以搵朋友兩份SHARE，如果唔係會好浪費～薯條方面真係無得彈，一掂落去熱辣辣，應該係即叫即炸，食落口又脆又香，直頭有聲咁濟，仲要條條都勁大條，完全唔孤寒。食完正餐之後加

今次係第2次幫襯"轉角。見"平時好少去荃灣,每次都係為左shopping先去今日都不例外, shopping 前同朋友就醫飽個肚先再血拼荃灣人多就唔洗講,想搵個地方靜靜地,食下野傾下計都有困難但有次就無意中比我地搵到呢間餐廳餐廳分室外室內兩個section, 因為每次去都係平日的下午,所以都冇需要等位一入去就有位小妹妹招呼店鋪環境舒適寧靜非常適合三五知幾歇一歇今次order 左型男漢堡配沙律沙律已經k.o左,所以無影到,不過d 菜好fresh! 食落口,卜卜脆漢堡就如圖所見, d 旦汁爆緊出黎! 好正!!蝦多士上次已食過的蝦多士,一直在味蕾中念念不忘今次一定要order多次! 果然,水準依然無變!脆卜卜而不膩! 配茄汁一流! 同朋友share食,得兩舊真係唔夠喉呀蒜香鱈魚意粉次次黎都係食漢堡,今次就試下意粉不過不失! 喜歡漢堡多一點飲品類都唔錯呀! 我就order 左ginger tea! 可以沖幾次飲朋友order左green tea milkshake! 好好飲!下次會再黎試下All day breakfast!! 好抵食!

朕覺得喺荃灣，如果想食真正既漢堡，呢間Kitchen Corner，真的可以一試。一入到去一望個餐牌，竟然有個漢堡係用朕個外黎命名，名曰：《型男漢堡》！朕當然要一嚐滋味，仲加埋粗薯條添。《型男漢堡》一上枱，果然同朕一樣霸氣十足，個漢堡包中間夾住太陽蛋，香脆既煙肉，厚厚而又Juicy既牛肉，厚切既蕃茄，同埋鮮嫩既生菜。一啖咬落去有蛋黃既香，加煙肉既脆，牛肉既濃，蕃茄同生菜既鮮嫩，個種復雜而又凌亂既豐盈感覺，真係不得之了！－－－－－完－－－－－

突然想食漢堡 估唔到荃灣都有唔錯既選擇 鋪仔細細 枱都放埋出走廊 等左半個鐘 叫左型男漢堡同煙肉漢堡...驚喜地漢堡幾juicy 好足料 粗薯熱辣辣 我地2個都覺得煙肉漢堡好食d 值得一試 價錢合理

落足成日雨，攪到心情好差呀! 好彩男友帶我來荃灣呢間餐廳食 tea，嘩! 都幾多人食喎! 應該係好嘢 !   等了大約20分鐘有位坐，餐廳有outside seating，不過因為落雨所以我地揀了室內的高卡位置向窗坐，餐廳裝修簡單不過幾舒服，呢度有黑板手寫menu，牆壁既裝修都好別緻窗。原來呢度主打係食Burger及all day breakfast，我地叫咗1份all day breakfast及1份Burger，仲有2杯咖啡，呢度係食品都幾好味，環境亦不錯，價錢好合理，我會再來食的 。餐廳內的牆身裝飾睇下食乜先!1杯 Cappucino(好香好滑)及1杯普通既咖啡呢度所有既餐具都好別緻架!All Day Breakfast呢個Burger 有D驚喜(牛肉味好香)，再加埋脆脆薯條，好好味!  (仲有其他好多款Burger架!)呢度仲有花茶飲，睇下個茶壺幾得意!

一路都會喺OpenRice搵好野食，但食評就好幾年冇寫過，對上一次已經係5年前，今日又再的起心機寫寫食評，希望會有恆心持續落去啦!!!話說星期六又黎到荃灣搵野食，好多餐廳都試過晒，反而荃豐、華都、荃昌呢邊既小店未有幫襯，今日決定過黎睇下有乜好野食，初步已經鎖定2間 -「轉角‧見」或者「創意品味」，但見後者坐位空間比較狹窄，所以轉角見.....餐廳有室外/內坐位，但天氣炎熱，當然揀室內涼冷氣啦 這裡有主要有5種食品: All Day Breakfast、沙律、意粉、漢堡、甜品，我地今次揀左白汁蘑菇蒜腸煙肉意粉、芝士蘑菇漢堡、花生奶昔老實講，意粉真係麻麻地，好似未煮熟咁，未有完全受水，咬落仲好糊口，雖然唔算好多Sause，但還好食落唔算太乾，亦都唔會太油，但意粉本身真係敗筆。反而芝士蘑菇漢堡就相當有驚喜，先講薯條，係我最愛既粗身薯條，份量都唔少，仲見到一粒粒鹽鋪係上面，唔駛點茄汁已經好好味，但有人話鹹左D，我就覺得啱啱好，不過真係好熱氣。再來就係漢堡，餡料有漢堡扒、蕃茄、芝士、蘑菇、洋蔥、沙律菜，賣相都幾吸引，件頭又大，冇可能一啖咬得晒，所以我要用刀叉切開逐少逐少食，一切嗰下，已經見到有

星期六難得半天上班，下班後牛先生來接我，但沒想過到哪裡去好，想了一輪也沒結論，就先在荃灣吃東西了。想起網友PANSY曾在BLOG介紹「轉角．見」，就和牛先生去潮拜，這間店位於小商場荃昌，由荃豐入去穿梭人潮，找了一會才找到。去到時未夠兩點，有兩個人在等位，我們等了一會，也很快有位了。因為漢堡呀薯條等始終是不太健康的食物, 又熱氣, 所以不想吃太多, 兩個人一起吃漢堡+薯條就算了。型男漢堡$58 + $12有薯條和汽水, 可加錢轉特飲薯條是粗身的, 表面放了好多鹽, 好咸呀!!我們要撥開鹽吃, 才比較能入口。 我們加了$13轉capuccino, 皆因這個杯好靚 咖啡一飲下去好苦, 原來是沒放糖, 而且桌面沒提供糖, 要order才拿過來, 不夠細心啊!放了糖後比較順口, 但我只喝了一點, 因怕睡不著, 不太喝咖啡。 型男漢堡, 職員知道我們share來吃, 問過後先幫我們切開了$58的漢堡內有芝士、煙肉、半熟蛋、蕃茄、生菜、紅菜頭和手打漢堡, 實在已是不錯, 吃得很滿足, 但牛先生說漢堡沒什麼味道, 亦不夠juicy, 仔細品嚐的話, 又的確是啊! 比較下, 之前在中環吃的Shake'

星期六, 下午2:00PM, 去到岩岩好有位, 但之後就好多人要等啦.店內睇落好細, 不過坐低左感覺光鮮, 有空間感.見好多款漢堡揀, 我同友人考慮左好耐, 最後決定叫2款漢堡試試, +$12有薯仔汽水, 特飲補差價.凍朱古力咖啡, 大大杯好抵飲, 而且唔會好甜, 冇俾冰沖淡咖啡味.凍抹茶奶昔, 同樣大杯, 好岩夏天飲, 抹茶味唔會好濃, 反而奶味幾突出.2個漢堡同時送上, 睇落好足料好吸引丫, 仲有粗薯熱辣辣好正.型男漢堡, 最吸引既地方係有煎蛋, 刺穿蛋黃流落配料連包食, 味道豐富左.仲有少用既紅菜頭, 菜都有2款, 加埋煙肉, 蕃茄,,,,,其肉類同菜類都各一半, 感覺健康D而且唔膩.漢堡比較硬, 唔算多肉汁, 不過牛味濃. 麵包烘過暖暖地, 外脆內軟, 有落心機整.芝士蘑姑漢堡, 好多芝士好香濃, 蘑姑炒香同芝士好夾.呢塊漢堡肉冇甘硬, 多肉汁D. 呢個包配料比較少, 不過分量很足夠. 味道都好平衡.

今日下午有空, 隨友人介紹到荃灣享受relax午餐。 餐廳位置有些隱蔽, 在一個頗殘舊的商場內, 餐廳裝修簡單, 望落較似快餐店, 我們到達時是中午一點半, 但餐廳內客人不多, 可以立即有位, 地方來說都算整潔。 友人推介all day breakfast, 另再叫一個 spaghetti carbonara和兩杯milkshake, 意粉較多油, 但味道不錯, 感覺上用較多蛋黃做carbonara。 奶昔好好味, 我飲了花生奶昔, 好特別, 不過由於我很喜歡花生醬的味道, 所以不能作客觀標準, 但奶味很濃, 很好飲。 最好味的是breakfast, 做得好用心, 蛋好香滑, 磨菇都好好味, 又有兩條不同味道的香腸和法包多士, 令我十分滿足。兩個人吃一百六十多元, 不算太貴。 友人說這裡出名漢堡, 下次來一定要試。 眼見負責餐廳的是幾個年輕人, 可以做得這樣用心, 值得讚賞和鼓勵。

上網搜尋 all day breakfast，見到依間店係某周刊有介紹，所以就黎試試。環境舒適！我跟友人各點了一份特式早餐。等左10分鐘就有野食。炒菇好入味好正！！個煙肉又多汁，仲有蒜蓉包好脆卜卜。只係地方比較入，要搵一陣。

這個年頭，想要找一個CAFE，自己一個人靜靜的吃一頓飯，看一下書，當一下偽文青，確實有點困難。不是有時間限制，就是人太多太嘈雜，讓人想要快點吃完趕快回家比較好。沒想到在荃灣這個有點殘舊的商場裡面，居然藏著這一間小店。要找到這間店有小困難，幸好我熟悉荃灣多年，才輕易找得到（哈哈）。位於商場底層的這一間轉角見，座位沒有太多，比較適合一個人或兩個人聚餐，我特別喜歡它設有對窗外的高座，讓我可以靜靜的吃一頓飯。如果人比較多的話可以選擇外面的位置，比較空曠而且座位比較寬闊。菜式的選擇沒有很多，有熱食也有漢堡，甜品和飲品，可是如果想要一個人簡單的吃一個晚餐，我卻覺得這裡是很好的選擇。芝士蘑菇牛肉漢堡對我來說份量是很足夠，漢堡咬下去會有驚喜，溶了一半的芝士加上甜甜的蘑菇，加上清新的生菜和厚實的牛肉，真的有一種辛苦工作了一星期然後放任一下的感覺。漢堡包的口感很脆，配搭著內裡的這些配料，不同的口感湧進味蕾卻不會排斥，令人感覺非常滿足。加十多塊就可以配搭薯條跟飲品，對女生來說是很足夠的，而且薯條外面炸得很脆裡面卻還是有點像薯蓉的口感，我自己很喜歡。吃過第一次，幾天後我又忍不住來了，可是這一天只是想找個地方坐

見過朋友在 fb post 過相，好似幾正咁就約友人平日放工去食，誰知.....凍檸茶是跟意粉餐，友人說没有茶味和甜味，柚子蜜是散左$20/位，相信人人都知柚子蜜只是加水，但都是沒有味，唯有叫侍應加柚子蜜可能人手不夠，等左30-40分鐘有第一道菜上枱，而樓面都只有一位女侍應，發現薯條是凍，不過沙嗲雞堡都算食蝦多士，好油呀，没想像中好食鱈魚意粉，一開始都覺得還算是好食，但當食到底有一灘油係碟底，有點得人驚

今日放工後約了朋友下午茶, 選取了大家的中間點... 荃灣!早前於開飯見此店新開且評價不錯, 便決意試試 此店主打是漢堡,, 款式類別真的很多最後於雞肉類中選了沙嗲雞堡 ($42)及牛肉類中的芝士蘑菇漢堡 ($50)各加了 $12轉為Combo, 包了薯條及汽水另再加差轉特飲, 選了蜜糖雲尼拿洋甘菊花茶還點了份小食脆蝦多士花茶外型真的懾眼, 很趣緻的茶壺 可惜只用茶包沖製, 與心中所想不同沒有用上鮮製的乾花泡茶雖已用twinings, 但亦令人大失所望 接著是蝦多士的來臨蝦肉爽口彈牙, 多士香脆油份不會過多, 是不錯的選擇漢堡相繼送上,, 巨型漢堡配有粗薯條, 賣相吸引先試試薯條, 粗粗的薯條炸得香脆可惜感覺不了溫度, 可能放置了一段時間漢堡請店主一分為二, 放便進食亦可以同時品嚐到兩種滋味雞堡用上了雞脾肉, 嫩滑啖啖肉沙嗲醬香香微辣, 夠多夠濃配上新鮮生菜, 整體清新又新穎芝士蘑菇堡材料豐富: 芝士, 蘑菇, 蕃茄, 生菜厚厚的漢堡扒十分JUICY, 一點也不乾張大口吃下整個漢堡,, 滋味滿滿此價錢能嘗到有質素的巨型漢堡套餐, 果真超值!!!店主親切又能配合顧客要求,很有小店特

有時候在下會吃個漢堡包當一個正餐吃的，而且在下對於漢堡包，可是喜愛的。一份大大個的漢堡包，足以裹腹的。在荃灣區，除了連鎖店外，尚有一間不起眼的漢堡包店，正好讓在下走過來昌寧大廈地下，品嚐一下。這間漢堡包店店名是轉角。見。雖然店子不大，但書卻又是一間即點即製的漢堡包店，故此還需等候片刻。在下只有拿著沒有餐飲的餐牌，點來一個漢堡包，但點只漢堡那麼簡單呢？還有全日早餐和沙律呢！部份漢堡包可以加銀兩轉變成一個套，有的卻不可以，在下所點的便不可以了。可是店員卻又讓在下加銀兩便可有一個套餐呢！沙奓雞堡（四十二個大洋）一般來說，雞堡是以雞扒為主的，但這雞堡卻用上了沙爹汁，令在下有種誠意的感覺，其他店子可能也可能沒有呢！當中雞堡除了沙釻外，還有生菜和蕃茄，而雞肉卻用上了雞脾肉呢！入口時有著香濃的沙爹的味道加上爽脆的生菜和酸甜的新鮮蕃茄，令口感十分豐富雞脾肉也得嫰滑吧／在下加了二十五大洋，便可以有薯條和熱咖啡。薯條中等身材，不算大幼也不算很粗，薯條外表炸得脆口而內裡卻又軟腍，加上茄汁，滋味無窮。熱咖啡沒有一層薄薄的泡沫，只是一杯黑咖啡，加上淡奶和適量的糖，便可嚐到一杯香濃而业香的咖啡。店子只有兩位店員，