軟橋米苔目餐廳 (已搬遷) 新店位置

經開深水埗, 可以試一試這間專吃米苔目的小店。坐下來看餐牌時, 老闆娘招呼周到, 她會走過來簡單介紹一下食物, 並會建議客人嘗試他們自己製造的米苔目。米苔目是他們自己新鮮製造的, 沒有添加防腐劑. 比普通麵類更健康。老闆娘亦說這些米苔目在香港其他地方是沒有機會吃到的喔～我們每人點了一碗麵。配菜方面, 我選擇了豬潤、生菜、木耳和冬菇。另外, 湯底方面, 我選擇了蕃茄湯底 。麵類方面, 我點了米粉, 我朋友則點了米苔目, 我們點了兩款麵, 打算一起分享。這碗麵的分量比我想像中還要多, 米粉的分量好像吃極也吃不完。豬潤挺厚身, 咬落幾爽口彈牙。米苔目是碎碎的, 所以要用匙羹來吃 。米苔目的質感挺得意, 少少彈牙 。

去過台灣不少次數的我，原來從來沒吃過米苔目工作關係在深水埗有一個舖位，所以在附近覓食的指數上升最近在鴨寮街發現了這間頗為隱蔽的位置咦咦，今次試米苔目，下次想試一下板條，好像也沒有吃過一進來就有一個女侍應熱情招待及介紹本來介紹豬潤的，但我今天不太想吃豬潤沒叫說話時有點感覺粗聲粗氣不過大家不用怕，我觀察了一會知道她並不是有惡意本想喝右上角的愛玉，不過夏日...今天冷到...每次到室外都以為進了冰箱所以還是叫右手邊的熱飲我要了7號很足了，看得見的檸檬，完全沒澀味！很好喝原來雜誌也有介紹過背面有著各式各樣的小吃近鏡看一下3個人可以多選小吃呢..我很餓醋蕃茄是我選的，因為經幾何時我在一家店吃過類似的，好味非常這家的醋跟蕃茄的配搭也控制得很好沒有太酸，又很開胃蓮藕是朋友選的，叫了小辣本想以為我會因此而吃不了意料之外，很野味的辣，我吃了很多藕吃出很新鮮的爽又有藕絲這個算是比較貴的小菜，沒記錯大概38因為是一片片的鴨，小辣，肉嫩豬耳豬舌隻拼，這類小吃平常我在街巿也會叫香香的，我覺得再辣會更香口朋友激讚他的冬陰公湯底我試了一口，味覺很沖擊中辣，很到味！很泰式...豬骨湯我頭幾口覺得有點太淡但吃著吃著..

今個週末幫朋友買sdcard，專登出去買好有誠意，我覺得平d，咁食埋個飯先走，好多出名嘅野都試過，揀左呢間極多好評嘅食店，雖然唔知咩叫米台目，但因為好多人都話又平又好食，我地即管一試。麵店門面有d窄，藏身鴨寮街入面，過左正午食飯時間，都好多客人。座位數唔係好多，有幾張大枱，有d細枱，有d靠牆位，都坐到廿零人。裝潢簡簡單單，好乾淨，店員姨姨態度好殷勤，靚仔前靚仔後，唔該前唔該後，又會介紹下佢地嘅餐牌，印象良好食品好多款式，主打米台目，聽番店員講係每日新鮮製造，個樣有d似銀針粉，可以好似車仔麵咁自選配料，兩餸35蚊，加餸7蚊。我地點左三款餸，雲吞、墨丸、生菜，湯底方面基本係豬骨，但如果鐘意d特別湯底，例如麻辣、冬蔭公、泡菜、方魚肉碎就加多3蚊，咁我地揀左麻辣中辣，一共45蚊。呢個米台目口感好煙un，麻辣幾香，辣度適中，唔會好誇張，容易入口墨魚係正常水平，唔會好粉，而且都清楚見到墨魚粒。雲吞唔係鮮蝦雲吞，係韭菜豬肉餡，一共三粒，幾好食。成碗野份量超多，女仔朋友話食極都仲有，飽左大半日。鴨記冬粉28蚊，超抵食。鴨肉大約有八片，加上鹹菜、粉絲，份量十足。鴨肉點都會鞋少少，可以接受，唔會太薄身。佢

深水埗覓食嘅其中一個好重要元素就係人情味！雖然呢間餐廳成間茶記咁，但入到嚟就有人招呼你，又介紹食物，令你真係覺得有種溫暖嘅感覺！食野其實有時都只係食溫暖。呢到係譚仔咁嘅價錢，但分量比譚仔大，選擇都畀譚仔多。真係好有驚喜！去餐廳其實我幾鍾意坐呢啲自修室位。一個人食野都唔會覺得尷尬，又可以慢慢食，玩下電話。咁當然佢唔係淨係得呢啲自修室位，亦都有圓枱位。其實佢出名鴨肉鴨血，但我係唔食鴨血嘅！豬紅都唔食，所以就叫左個鴨肉豬潤。鴨肉切得幾薄片，食到肉嘅香，而且肉質都幾實淨！豬潤就正！好大同埋好厚，唔係嗰種會有鞋颯颯感覺嘅豬膶，似係黃沙豬潤啲friend！ 仲有我想講佢好鍾意食冬粉㗎！冬粉同粉絲有啲唔同，冇咁煙靭無咁粗，雖然都似嗰種質地，但呢度係冬粉真係會令人掛住，出面唔係咁容易食得到。叫咗個豬脷+豬耳。佢用花雕酒去浸住，好香好香！黎到嘅時候就好香嘅酒味！食個時係一浸浸酒味傳入我的鼻！而且豬耳同埋豬脷都係好脆嘅嘢，好配合呢個煮法！好味我鍾意呢個好少喺出面可以食到豬脷見凍凍地叫咗個蜂蜜飲品潤下喉，不過呢個同我想像中有少少唔同，個人覺得甜咗啲。一路食嘢都一路聽到店員同食客傾計，好似識咗好耐嘅朋友，呢啲

第二次黎呢到，除左覺得食物好味，招牌呀姐都加左唔少分！點解叫招牌呀姐？我見每個客入黎佢都如數家珍咁介紹哂佢D招牌菜同飲品俾大家，務求令大家覺得賓至如歸。真心覺得呀姐好口才， 經佢講一講你真係會未食都想像到啲食物有幾好味無誇張。上一次黎試咗呢度個冬粉好好食！今次就終於試左呢到個招牌菜米苔目。 有啲似銀針粉啲friend。但感覺冇咁多油！姐姐介紹嘅時候都有講，日日鮮製，冇用咁多油去搓！ 雖然冇銀針粉咁彈，但係都係煙煙韌韌嘅，好有飽肚嘅感覺！ 今次叫咗個冬陰功湯底，中辣，有啲似譚仔嘅小辣。 酸酸辣辣好好味！ 叫左豬腩肉同埋雲吞做餸！ 我鍾意佢啲腩肉片肥瘦適中厚薄適中！ 雲吞係自己包嘅！ 其實個人覺得有啲似水餃，我鍾意雲吞皮薄啲！如果佢可以再薄啲就好喇！ 我都幾滿意呢碗粉！其實淨係食碗粉都應該會飽㗎啦！不過冇理由黎到呢度淨係食飯，唔試下啲小食㗎！上次試咗個豬雙脆同埋醋茄覺得幾好食，今次試下新嘢！ 先係叫咗呢個蓮藕，佢個辣汁真係好正！唔算辣，但會食得好開胃！芝蔴個份量好多！蔥既分量又唔會過份！係一個perfect嘅份量！呢個蓮藕真係不得了！切得薄之餘，佢真係好脆！食落口“塑塑聲”個感覺真係好好！

今日到深水埗探一個朋友，佢極度介紹左我去一間鴨寮街隱蔽的小店，所以就去一去試吓行過真係要特別留意門口，周圍都是賣電器的鋪頭，GAP住一間食台灣野的小店！好在我夠早，食食吓坐滿晒人啦！入到去嘅感覺完全係好似去咗台灣食嘢一樣店員推介我食佢哋最出名嘅米苔目，我從來都未食過完全唔知係乜嘢梗係要試一試鴨肉鮮冬菇米苔目，豬骨湯底食得出湯底真係偶出嚟，豬骨味好香濃鴨肉肉質好嫩，冬菇勁大粒好多汁但係最好味嘅的確係佢哋個粉同我地食嘅銀針粉個樣子好相似，但係咬落去更加煙韌彈牙，米味好重，聽師傅講佢哋自己做㗎，真係有心，現在真係好少這些店舖！這個真係大家必試我仲叫咗個秘製豬大腸，煮得好琳好入味另外一個值得一讚嘅就係竟然有愛玉飲，真係極少餐廳有得飲, 仲有多款口味、我今次飲嘅事百香果，酸酸甜甜！朋友真係冇介紹錯！仲要＄80埋單食得超飽！

星期六中午黎試新野老闆好有心問我地係咪第一次黎然後介紹店員亦好有禮貌~~先試老公既豬骨湯底好清甜但老公話唔夠味佢食得超濃味個少好似銀針粉一樣咁~幾有趣我就係酸辣湯底味道就正正常常味道有少少單調但唔係就咁加辣油就算既湯底~腩肉唔錯幾好食！薄同埋有味~鴨肉都香~豬潤就爭少少，中間冇咩味道一碗35蚊，價錢都ok~

軟橋米苔目，有趣的店名吸引了我駐步停看，原來米苔目是一種台式粉，外型像狗仔粉、銀針粉，但口感則比較彈牙。未曾食過米苔目，這晚就試試吧！米苔目（$35）用上豬骨湯底，可自選2餸，這兒特別的地方是另外有8款特色湯底可加錢選擇，看身邊許多食客都選了酸辣湯底，應該有一定保證呢，不過我第一次來，先試原味。豬骨湯底味道清甜，肉香濃郁，飲得岀不加味精，有住家的感覺。配料選擇和一般車仔麵店，雖欠個人特色，但選擇還算多樣。至於主角米苔目，小店強調日日新鮮手打，難怪口感彈牙之餘又富米香，吸收豬骨湯底後鮮甜無比，大大碗的米苔目我連湯都喝到一口不剩！小食方面也有許多特色選擇。這碟Q彈豆腐($23)口感獨特，有點像魚腐，但外皮則比較Q彈，撒上七味粉，更添惹味。小店岀品水準甚高，全因小店的用心，難怪當晚座無虛席，大家等了半小時多也毫無怨言！難得的是老闆娘依然謙卑有禮，臨走時對每位顧客要久等致歉。就是這種以客為上的態度才會令小店生意如此興隆吧！

這天在長沙灣那邊工作，午饍時間就走到食物出名平靚正的深水埗去覓食。「軟橋米苔目餐廳」接近西九龍中心，好像是專門吃台灣菜。店面：裡面裝飾不錯：一走進去店員便很熱情地招待，原來米苔目在台灣非常流行，跟肉燥飯不相伯仲。米苔目是近似銀針粉和瀨粉的混合版，最特別是這店全人手製造，全港獨有。現在人手做的最有價值，有機會絕對要試一試。餐單印刷精簡，令人一目了然：湯米苔目系列 $35包兩款食材，轉湯底或再加食材要額外加錢。我選了鴨肉和海帶。清湯湯底清甜，就這樣喝也很止渴。鴨肉肉質鮮嫩，有咬口，還有鴨肉獨特的香味。海帶爽口又彈牙，感覺沒太多味精，非常健康。蒜蓉白肉 $38要了小辣。白肉很薄，醃得很入味。吃後齒頰留香。飲品方面令人很驚喜，竟然有來自日本的特色可樂 - 櫻花可樂、綠茶可樂等。我選了綠茶可樂 $19：很止渴，甜度適中。綠茶的味道不算濃，又沒有可樂的味道，但有可樂的口感。埋單$92，沒有加一服務費，性價比算是不低。餐廳氣氛、食物和服務員質素都很高，有機會還要再來！

陪朋友睇完皮革用品，行到鴨寮街見到依間台灣既小店，梗係試下啦～入到黎，見到d價錢好街坊，而且好多野都想試，所以唔小心叫左好多野我聽到服務個位姨姨向客人介紹佢地既米苔目係人手製造；而且我見到佢地店內都有介紹米苔目係一種似銀針粉同狗仔粉既粉。所以我地點左個「豬肉木耳米苔目」米苔目全人手造外貌有d似狗仔粉同銀針粉，但又無咁硬木耳好爽滑，估唔到咁爽豬肉一d都唔肥，但又有豬肉既香，好爽，煮得岩岩好「鴨記冬粉」冬菜味濃，冬粉超彈，而且吸收左冬菜既味鴨肉一d都唔鞋，加上調味很香，好入味「綜合丸湯」湯底有胡椒，岩晒依家咁凍既天氣，可以驅寒墨魚丸、貢丸、魚蛋各2粒，而且粒粒彈牙。墨魚丸勁多墨魚肉「蟹肉碗仔翅」有蟹肉都係19蚊木耳好爽口，每咬一口都'索索'聲。仲要有鴨肉,東菇，加埋胡椒粉同醋， very good「秘製豬大腸」一上枱已經好香滷水味豬腸又多肥膏，又乾淨，少少辣，好惹味，我至愛朋友鐘意食 「手拍青瓜」，超大碟，又入味，加左芝麻，多一份香味話明台灣小店，點可以少左仙草同愛玉～我同朋友叫左「百香果仙草冰」同「芭樂愛玉冰」依度食野真係經濟又好食

收工同朋友行左一陣深水步, 行行下見到一間食台式野既粉麵餐廳, 見到''軟橋米'' 好似好特別,就決定入去一試!!!''軟橋米'' 原來係軟橋既米苔目, 用粘米粉搓成既麵食, 係全人手整, 每次都起碼搓30分鐘以上, 得來不易的~~~!餐單上好似車仔麵咁, 有湯底簡外,仲可以有成20幾種唔同既配菜簡, 所以我就簡左雞肉生菜米苔目, 由佢配既豬骨湯轉左做酸辣湯底(加3蚊轉)有大,中,小辣,我唔食得辣就簡左小辣,呢個辣我係接受到架~~~米苔目既外表同狗仔粉, 銀針粉好似, 食落口感就彈牙得多!!幾特別又好食~~~朋友就點左台灣客家粄條,,將粄切成條狀加以烹煮，故稱粄條.....食落口感較滑柔, 都可以一試~~!另外我地仲叫左蟹肉碗仔翅, 呢個幾好味, 茨汁都做得好好,本身已經加左麻油,好足料 口感極佳!!!老闆仲自創小食Q彈豆腐, 好入味又彈牙~~~除左食物質素好之外, 服務態咨都一流, 唔該前多謝後,  下次一定會再來幫襯丫!!!

餐牌有湯米苔目同湯米粉，一個餸hkd 28, 兩個餸hkd 35，每加一個餸hkd 7。湯底就系豬骨湯，另加3蚊可轉其他湯，我哋試咗小麻辣。秘制豬大腸味道一d都唔秘制，同普通鹵水味無分別，份量比較少，仲好多肥糕！

今日同老公係深水埗行街搵食，睇到好多人介紹呢間餐廳，但到左食飯時間8點都唔見有食客，心諗「死啦！會唔會係伏架？」，但一場嚟到點都試下啦！一入黎就有位女侍應姐姐好有禮貌咁招呼我哋，好詳細咁介紹佢哋嘅米苔粉條係人手造，無添味精，天然健康，因為我同老公都係素食者，佢非常有耐性講返邊種湯底岩我地，邊啲小食我哋可以揀，好耐無遇過有小店嘅員工咁有禮貌！我ordered豆漿，其實係大和豆漿，個樽蓋因為好實，姐姐就即刻話「如果你開唔到，都可以叫我幫你架！」嘩！呢啲服務真係買少見少，仲要唔係貴價餐廳，只係一間小小店，賣幾十蚊一碗粉，真係好appreciate姐姐嘅服務態度！令人窩心！希望呢啲小店唔好比人大肆宣傳，搞到鋪租大幅上漲，同時希望店主繼續努力！煮出好味嘅米苔目粉！

過來鴨寮街買電話卡，買完有點肚子餓，就找上之前食過台灣米苔目，再一嘗其他美食。今次我點了鮮茄湯底，餸菜要了雲吞, 鮑片,豆卜,鮮冬菇。店員下單時細心問我雲吞餡是韭菜豬肉是否可以接受，可能是拍有些人是不食韭菜的。朋友點了海帶韭菜雞肉墨魚丸冬陰功湯底。初時以為這個冬陰功不是冬陰功湯,因為他不是橙色的,但原來他的冬陰功湯是很辣的,但我還是喜歡我自己的番茄湯。正正正!米苔目配上蕃茄湯，十分開胃。天氣凍凍地,我們加8蚊轉蜂蜜紅深紅棗茶和蜂蜜生薑茶。朋友因為冬陰功太辣啦,所以要臨時轉為冰底, 店員十分有禮貌地幫忙轉換。之俊我地還叫個藥膳雞腳補下身,店員小心翼翼把滿滿的湯碗送上我們面前, 濃濃的藥材味飄進我們的鼻子,雞腳充滿了黨蔘紅棗杞子味道,但是不會煮到爛透,有咬口, 完全補充我們骨膠原的需要,在寒冷的冬天,我們充滿熱量。公雞碗的大小，不多不少。今次的驚喜是藥膳雞腳和番茄湯底, 下次再來的時候,再點其他小食來試試。滿分為10分(1分最低，10分最高)食物：9環境：8衛生：8服務：8.5價錢: 9舒適度：8總分：8.5歡迎互相交流

一向都愛粉麵多過食飯，而粉麵中最愛銀針粉，因為食得慢都唔會吸乾啲湯，而且一羹羹容易品嚐湯既味道，不過有銀針粉既餐廳唔多，而我卻發現深水埗有一間自製米苔目，亦都係唯一一間，形狀同銀針粉相似卻比較幼細，專誠到餐廳一試!老闆娘首先會問要唔要介紹呀？我選擇自己慢慢睇，途中唔會有黑面，直至你選擇好老闆娘會盡快完成手頭上工作幫你落單因為唔知啱唔啱口味，所以同老公先叫兩碗湯粉，我揀咗鴨肉豬腩肉豬骨湯米苔目（$35），豬腩肉同鴨肉份量多，白灼保留原味，豬骨湯清甜無味精，米苔目用米漿製成口感較軟糯老公揀咗牛肉鮑片麻辣湯冬粉（$38）牛肉太薄而且冇味道，麻辣湯底亦普通，冬粉即係粉絲夠軟滑，整體不過不失（漏影相）中途多咗幾枱熟客，坐我地對面位女士叫咗藥膳雞腳（$22），原本都考慮要唔要，於是人叫我又要，有圓肉同紅棗所以湯底唔會太苦，雞腳炆得入味又唔會雞皮難晒，食完嘴唇被骨膠原粘住香煎脆皮肉餅（$22）即叫即煎，現成腐皮札肉切片再煎，人工調味勝在煎得香脆