影片
更多
2018-01-29
1564 瀏覽
今個週末幫朋友買sdcard，專登出去買好有誠意，我覺得平d，咁食埋個飯先走，好多出名嘅野都試過，揀左呢間極多好評嘅食店，雖然唔知咩叫米台目，但因為好多人都話又平又好食，我地即管一試。麵店門面有d窄，藏身鴨寮街入面，過左正午食飯時間，都好多客人。座位數唔係好多，有幾張大枱，有d細枱，有d靠牆位，都坐到廿零人。裝潢簡簡單單，好乾淨，店員姨姨態度好殷勤，靚仔前靚仔後，唔該前唔該後，又會介紹下佢地嘅餐牌，印象良好食品好多款式，主打米台目，聽番店員講係每日新鮮製造，個樣有d似銀針粉，可以好似車仔麵咁自選配料，兩餸35蚊，加餸7蚊。我地點左三款餸，雲吞、墨丸、生菜，湯底方面基本係豬骨，但如果鐘意d特別湯底，例如麻辣、冬蔭公、泡菜、方魚肉碎就加多3蚊，咁我地揀左麻辣中辣，一共45蚊。呢個米台目口感好煙un，麻辣幾香，辣度適中，唔會好誇張，容易入口墨魚係正常水平，唔會好粉，而且都清楚見到墨魚粒。雲吞唔係鮮蝦雲吞，係韭菜豬肉餡，一共三粒，幾好食。成碗野份量超多，女仔朋友話食極都仲有，飽左大半日。鴨記冬粉28蚊，超抵食。鴨肉大約有八片，加上鹹菜、粉絲，份量十足。鴨肉點都會鞋少少，可以接受，唔會太薄身。佢
食品好多款式，主打米台目，聽番店員講係每日新鮮製造，個樣有d似銀針粉，可以好似車仔麵咁自選配料，兩餸35蚊，加餸7蚊。
我地點左三款餸，雲吞、墨丸、生菜，湯底方面基本係豬骨，但如果鐘意d特別湯底，例如麻辣、冬蔭公、泡菜、方魚肉碎就加多3蚊，咁我地揀左麻辣中辣，一共45蚊。
呢個米台目口感好煙un，麻辣幾香，辣度適中，唔會好誇張，容易入口
墨魚係正常水平，唔會好粉，而且都清楚見到墨魚粒。
雲吞唔係鮮蝦雲吞，係韭菜豬肉餡，一共三粒，幾好食。
成碗野份量超多，女仔朋友話食極都仲有，飽左大半日。
鴨記冬粉28蚊，超抵食。鴨肉大約有八片，加上鹹菜、粉絲，份量十足。
鴨肉點都會鞋少少，可以接受，唔會太薄身。佢嘅味道鴨味好香，唔會太鹹，個人認為超讚
冬粉即係粉絲啦，正正常常。如果鹹菜轉做菜莆、冬菜更加配合，抵食到爛。
點左幾個小食開心share
香煎脆皮肉餅22蚊，一碟六件，細細件，輕輕煎到香口，食完一塊又想食多塊
花雕醉香豬雙脆22蚊，花雕酒浸豬耳同豬脷，兩樣都係薄切，變相咬落好爽，花雕酒香濃，凍食又開胃，推介
麻辣牛肉38蚊份量都幾多，牛肉薄片，入口軟熟腍身，有d粉絲墊底，如果食得辣嘅朋友要點中辣以上，幾惹味。
凍檸茶
有好多口味嘅汽水，幾得意。
張貼
