越．男

營業中

休息中

2021年7月23日 星期五今日因為工作關係，所以一個人返到灣仔食晚飯，行過見到呢間餐廳，突然之間好想食越南野，所以冇諗太多就入咗去餐廳裝修得幾有越南風格，位置唔算太多，不過枱與枱之間有足夠嘅距離或者有透明膠板分隔開餐廳以先付費後用餐嘅方式進行，所以一去到就要點餐俾錢先，主要有三個套餐選擇，款式唔算太多，但都好足夠最後我挑選咗晚市套餐，有一個主菜加飲品，另外我再加$20追加一個小食所以總數剛好$100，灣仔黎講都算正常俾左錢之後大約5分鐘左右，所有野食就差唔多嚟齊晒，送餐速度好快，呢一杯係椰青水，顏色幾清晰，飲落去幾清甜，夠晒冰凍小食有香蒜牛油雞翼，雖然只有兩隻，不過都幾大隻，炸得好香，充滿炸蒜同牛油嘅香味，裡面既雞肉都幾嫩滑最後有主菜會安生牛肉湯河，感覺份量一般，都足夠一個成年人食，生牛肉可以自行控制生熟程度，我就算浸到熟晒都唔會太韌，湯底幾濃郁，有牛肉味最後餐廳仲提供左青檸、香茅同蒜片，可以自行加到湯河到，整體感覺都可以接受，如果河粉既份量再多啲嘅話會更加好

鋪頭雖然細細間，但環境裝修好有越南feel，全日都有套餐set 可以自己揀主菜+小食+野飲，都只係$80咋，性價比好高!!❤️香茅豬扒法包 豬扒好香好大塊，入面d 越式沙津好好味，仲有幾片扎肉係入面，真係好中意食呢個越南法包呀🧡牛油雞翼 脆卜卜好香牛油味，炸到岩岩好熟多少少，冇血水又夠滑💛香茅青檸水 未飲已經聞到好大陣香茅味，收銀姨姨仲好好咁幫我加熱水，仲問要唔要加d 檸檬添，真係好nice呀！！充滿越南風情之餘，仲好warm, 絕對會返去再食😇

好懷念越南法包，滿滿醃蘿蔔絲同洋蔥絲，配上好入味豬扒，用上又脆又熱既法包包住，真係令人一試難忘，所以今次就黎到灣仔大王東街，入去一間越南小店，一尋當時味道🤤單點就$60，有撈檬、法包、湯河同飯類，加錢會有小食同飲品，食物種類唔算多，小店都是主打幾款推薦既食物👍🏻每檯都放左不同越式醬汁同醬料，想做到越南街邊小吃的風味，想要幾辣都可以加😋香茅豬扒法包 $60等左近5分鐘就有得食，法包size都幾大個，攞上手已經feel到好脆，餡料都幾豐富，有滿滿蘿蔔絲同洋蔥絲，多到包都蓋唔哂🤣豬扒唔係原整一塊，切好一條條方便咬黎食，不過豬扒厚身一點會更好，口感更佳，仲有扎肉、九層塔同火雞肝醬，味道調製得唔錯，幾清新同埋食完成個包油膩感唔重

星期五中午約咗朋友嚟灣仔食飯 灣仔中午時段真係好多人 而且天氣好熱好在越·男呢間餐廳近地鐵站 行幾分鐘就到啦 餐廳位置唔多除咗有幾張四人枱之外 旁邊有一個吧枱 大概坐到六至八人但係其實好迫坐得唔舒服 大部份人應該會做外賣或者快食 講返嘢食方面佢主要有做越式法包 撈檬 牛肉河 飯如果叫set就跟一個小食同飲品亦都可以單點🇻🇳香茅豬扒法包🇻🇳海南雞撈檬🇻🇳香茅豬扒撈檬🇻🇳越式春卷 （跟餐小食）首先唔講味道 賣相普通 有啲適合做外賣多啲 而且非常淡 ⋯ 雖然枱面上面有魚露任添但係味道始終唔夠 唯一比較好嘅就係嗰個越式法包包係暖身嘅而且材料份量都算ok 建議如果嚟呢度食 可以試吓個越式法包其他嘢就麻麻哋啦

近期天氣太熱，小編都係鍾意咗食越南野或者泰國菜，今次就黎到一間越南菜，而間舖頭屬於自助形式，入到舖頭可以選擇座位，然後去收銀嗰度叫嘢食順便俾埋錢，今次試咗脆燒腩法包，另外叫咗個牛肉湯河，再加左一個小食就係牛油雞翼個脆燒腩法包真係好正，而且好足料又唔會好乾身，睇到好多燒腩肉排住喺度，而且個腩肉個皮好脆，食完之後真係好滿足牛肉湯河都係屬於正常嘅，另外牛油雞翼真係好油，一咬全部都係油流晒出嚟😂😂😂😂整體來講，店舖裝飾都幾特別，好似返咗去越南裏面，法包真係好正！😉

經過灣仔有點肚餓，好耐冇食越南🇻🇳嘢，行行下見到餐牌📋💲8️⃣0️⃣午市套餐，被價錢同店面裝修吸引咗入去，感覺好有越南🇻🇳風情———————————————————————————🥢香茅豬扒法包🐽🥖💬法包好脆，餸料很多，香茅豬扒、扎肉、洋蔥🧅、蘿蔔絲等，加些少辣醬🌶夠晒好味😋.🥢海南雞湯河🐔🍜💬加入辣粉、魚露，令湯底更濃郁，去骨海南雞肉都幾多，一碗湯河算是幾滋味😋.🥢香蒜牛油雞翼、越式春卷💬跟餐每款都有兩件，感覺到熱度應該係既炸，兩款都係幾不錯，醃料味道豐富，配上檸檬🍋特飲解下渴最不錯☺️

我於25/6（五）下午一點四十五分左右到達餐廳，餐廳不算十分多人，我坐在門口附近，要先到counter落單，之後等了約10分鐘左右，食物及飲品已到。我叫了一個set lunch（$80）包括有main dish，小吃，飲品。main dish：越式素菜法國包：法包挺脆的，內有芫荽，洋蔥🧅，紅蘿蔔🥕，椰菜絲及豆腐干，挺好吃的👍🏻小吃：越式春卷2條飲品：椰靑水當時餐廳只有一個外籍待應，而桌上只有筷子🥢，我想要刀及叉子，待應於是幫我拿法包入去廚房切開一半🤣

今次黎咗「越男」食lunch鋪頭位置有限，同埋係需要係櫃位買完野食再自己搵位自己坐的 單嗌主食60蚊，加野飲就70蚊主食+小食+野飲就80蚊今次食咗會安生牛肉湯河份量感覺有啲細，不過好食的個粉有少少黏，同埋唔會一夾就散牛肉則非常腍，入口可以話係即化咁同行友人食咗海南雞飯+米紙卷，附上圖片供大家參考聽佢講都係嫌個份量有啲少，完。

今日天氣比較熱，想食d比較開胃野食。突然諗起上次有朋友介紹話越男的法包幾好味，所以就去左試食。講起越南餐廳，通常都係食生牛肉湯河、蝦餅、檬粉、紮肉、蒜蓉包等等，比較少有法包提供，更何況係燒豬腩法包，咁當然值得試一試啦!首先法包都算鬆軟，麵包夠熱同夠脆。燒腩份量充足，皮都算脆，都算唔錯!由於燒腩仔都算油膩，食多幾舊好容易有油膩感，所以法包內的菜同蘿蔔絲漬物剛剛好能中和這種感覺，令你開胃又易入口。裝橫方面幾有越南特色，座位間距都算適中，整體整潔乾淨，可以再來。

本身plan咗上年5月去越南架可惜……😑😑😑唯有食住越南菜頂住先🥲Lunch hour1點30嚟到呢間餐廳入坐安排真係麻麻😅😅😅明明先到無得坐先但等外賣果啲人又可以入去坐咗都幾亂架🥲🥲🥲無計啦，收銀、樓面都同一個人佢好似仲要兼少少整嘢食添體諒下啦😖🙏🙏🙏🙏平時食越南菜都係湯河撈麵咁今日試下第2啲嘢先一個lunch set 80蚊有小食、飲品、主菜👍灣仔區呢個價絕對ok👍但所有嘢order咗超過30分鐘都未到🤨俾杯嘢飲下都好啦如果打工仔lunch hour得一粒鐘建議你唔好呢個時間嚟呢度食啦海南雞飯係一個無論去邊都會想食嘅菜式份量唔算好多但都飽肚油飯係最抵讚😌😌😌雖然唔係好深色但食落去真係夠味得嚟又唔油膩仲有一陣淡淡嘅椰子味添啲雞都幾滑可惜食到最尾開始覺得咸素菜越式麵包都唔錯入面仲有豆腐乾架😋熱辣辣嘅天氣底下夠曬清新啦☺不過本人就唔多好荽茜所以夾鬼走曬而啲醬料分布得亦唔太平均去到中間先有沙律醬😅搞到我要點啲用嚟食麵嘅酸辣汁先夠味囉木瓜沙律無泰式嘅咁重魚露味亦無落勁多勁多花生可以更focus咁品嚐返青木瓜個味道😃😃😃😃春卷好味😋😋😋入面有粉絲同少少芋泥外層超脆又夠熱度好鐘意個脆網皮喺個口化

大熱天時最岩食啲清淡啲既野，越男菜就啱哂你❣️越·男位於灣仔越南菜餐廳🍴餐廳佈滿壁畫裝飾🎨灣仔區黎講都幾抵食✨人均80就試到主食+小菜+飲品🤭⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🔺香茅豬扒法包(💰60)𝕽𝖆𝖙𝖎𝖓𝖌: 3.8/5法包軟硬度適中，一咬落去食到蔬菜絲、香茅豬扒同法包😍食落啖啖肉🤭份量都唔少呢～🔺海南雞扎肉撈檬(💰60)𝕽𝖆𝖙𝖎𝖓𝖌: 3.5/5撈檬口感幾Q彈同平時既唔係好似🙈配埋魚露調味唔錯👍海南雞已經去哂骨夠哂嫩滑，但扎肉份量少左啲😶🔺香蒜牛油雞翼(+💰20)𝕽𝖆𝖙𝖎𝖓𝖌: 3/5主食+$20就可以轉套餐連小食同飲品🍴雞翼炸得香脆但就油左少少🤏不過都算啖啖肉🥰

小店嘅裝修好有越南風味 平日晚上嘅八點幾嚟到 都坐滿左一半人以上🤣 見佢個combo set $80包左主食 小食同飲品 好似幾抵 就決定入去試下🤓▪️香茅豬扒札肉撈檬 檬粉唔夠乾爽 加上魚露冇咩辣椒 令成個主食唔夠惹味教為失色 啲餸亦都唔算好多🥲▫️越式春卷 春卷外皮炸到卜卜脆 唔會太油膩 餡料豐富主要有蘿蔔粉絲同豬肉🤤▪️熱香茅青檸水 新鮮嘅青擰 再加上淡淡嘅香茅香味 酸酸地幾開胃😋😋必食指數：6/10🌇餐廳環境：7.5/10⚓️服務態度：6/10

位於灣仔大王東街嘅小店，店內空間唔大，坐座唔多，係快餐店格局。每次都必叫combo set，主菜+小食+飲品先至$80真係好抵。而且combo set係全日供應。一向都好鍾意食Pho, 香港都有好多好味嘅選擇，而呢間個Pho都做得相當唔錯。會安生牛肉湯河賣相好好，芫茜蔥同香草都畀得慷慨。香草同芫茜蔥都係越南牛肉河嘅精髓所在，將香草浸落熱牛骨湯，香味慢慢融入湯底。牛骨湯清澈透明，牛肉呈粉紅色而且厚薄度剛好，就算浸耐咗熱湯咬落都唔會韌，牛肉味濃。河粉爽滑唔易斷，份量唔算少。枱上面有提供青檸同辣椒，可以根據自己口味落落湯底。香茅豬扒法包賣相好靚，夾住好多芫茜，啱晒我呢啲好鍾意食芫茜嘅人法包輕輕烘過，外脆內軟唔會乾，香茅豬扒夠腍味道好。夾埋酸蘿蔔絲好好味。小食方面次次都揀香蒜牛油雞翼同炸春卷。呢度個香蒜牛油雞翼超好味，食落酥脆而且蒜味牛油味夠，加配小食只得兩隻真係唔係好夠喉。生牛肉河同越南法包都好味，幫襯過幾次食物水準穩定。$80套餐好抵食，性價比非常高。

呢間我哋食過好多次店內空間不大，但佈置好有越南feel，最緊要冷氣夠大，唔會焗親客人每次都會order combo set $80今次我叫了生牛肉湯河 + 牛油煎雞翼生牛肉湯河：超吸美味，湯底濃郁，配菜一流，但湯底溫度是一般嘅溫熱，並非熱辣辣個種，所以怕牛肉太生嘅可能要提早request改熟牛肉牛油煎雞翼：超級邪惡 好脆口，流哂口水 但確實勁多油，要隔一隔油會更好另外，我都會推介佢地嘅春卷，皮薄餡靚，內餡好似冇肉，適合素食者就咁完成左是日午餐，好滿足

定了下午一時取餐，提示夠鐘攞得，去到餐廳報號才開始煮，門口乾哂十幾分鐘至有兩個飯，上次都係咁，同職員講，咁樣點得架，客會走佢話"隨便你". 雞皮多過肉，又咁惡死，下次不會再來。