87
27
9
港鐵灣仔站 A3 出口, 步行約3分鐘 繼續閱讀
電話號碼
25289131
開飯介紹
新派越式快餐店,保留會安小食店裝修風格,招牌菜為五花腩粘米粉法包及香蒜牛油炸雞翼。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
AlipayHK 支付寶 現金 八達通
其他資料
Wi-Fi
酒精飲品
當面支付
以上資料只供參考, 請與餐廳確認詳情
食評 (154)
等級4 2022-07-11
203 瀏覽
呢間越南嘢個名改得好貼切,” 越男 ”,佢係我暫時食過一間最少款式嘅越南餐廳,款式少代表精,精在最出名嘅係法包,特色菜當然唔少得有香茅豬扒,香茅豬頸肉,生牛肉湯粉等,鋪面面積雖小,但一應俱全,所有座位收銀廚房集於一身,檣邊更加有一幅好大嘅壁畫,仲要全人手手繪,令到餐廳更加有特色,我哋嗌咗一份香茅豬頸肉撈檬同埋一份脆燒腩肉法包😍😍香茅豬頸肉撈檬嘅份量啱啱好,佢會有好多醬料俾你,可以跟你自己鍾意嘅份量加減,檬粉條條分明,撈起上嚟先唔會痴,至於豬頸肉佢有少少肥,令到肉質唔會好老,咬落都幾有口感😆🐷脆燒腩法包:佢總共有四種唔同嘅法包,其中呢個燒腩肉應該係香港限定版,首先佢嘅法包真係好正宗,大份之餘外脆內軟,餡多到漏出黎,腩肉足足有五大舊 ,超厚肉,皮脆有咬口,裏面加入洋蔥絲同蘿蔔絲,另外有種特別嘅醬料,其實都唔係好食得出係咩嚟,類似蝦醬咁,但又唔錯喎,其實如果晏晝食個法包飲杯嘢已經夠飽,事關真係好豐富多餡料,佢其中一款係素食,真係啱晒大家口味😋😋小食方面我哋嗌咗🦐鮮蝦札肉米紙卷同埋🦐香燒蒜蓉牛油虎蝦,因為係跟餐嘅關係所以有兩件米紙卷,散嗌嘅話就有4件,每一件嘅米紙卷都有一隻鮮蝦,味道唔錯,都係新鮮蝦嚟,皮又夠晒薄👍🏻👍🏻,而佢嘅蒜蓉虎蝦總共有三隻,都係開邊燒,肉質彈牙,好有蝦味,蒜蓉又唔會蓋過鮮蝦味,雖然唔係好大隻,但$50就可以食到咁好既質素,值得推介😍😍嘢飲方面跟餐送,我哋嗌咗一杯橙汁同椰青水,味道都OK,唔會好細杯😆😆 繼續閱讀
(以上食評乃用戶個人意見 , 並不代表OpenRice之觀點。)
等級3 2022-07-05
187 瀏覽
Food: 💛💛💛💛🤍Décor: 💛💛💛🤍🤍Service:💛💛💛💛🤍Price Value: 💛💛💛💛🤍Price Range:💰 $80-150Favourite: 💖 Lemongrass pork chop bánh mì ------------------------------- Hard to find Vietnamese cuisine in this area. This is a very homey, small shop but food is good quality relative to its reasonable price-Cutest little spot with amazing food- Fluffy bread and the veggies stuffing was great - Fast and authentic Vietnamese food - Value for money - set lunch menu for HKD80 only - Friendly staffs- Convenient ------------------------------ 繼續閱讀
(以上食評乃用戶個人意見 , 並不代表OpenRice之觀點。)
Cóm Bánh Mì 越·男 👨🏽‍🌾@combanhmi望到招牌中嘅斗笠👨🏽‍🌾,充滿風情嘅大紅燈籠🏮,一串串嘅乾辣椒蒜頭🌶🧄,加埋關於越南當地文化遺產嘅手繪牆🖍,就知道係越南餐廳🇻🇳霓虹燈嘅招牌,加上食字玩諧音嘅餐廳名,非常港式🚨 原來餐廳已經係灣仔有6年嘅時間,唔怪得知已經咁融入本地🇭🇰坐低一陣之後先見到「Order Here」嘅牌,原來係以自助形式去落單🧮 店員應該就係越南人,見佢地係用非廣東話非英文溝通,但用廣東話落單佢地都聽得明無問題🗣Combo Set🌯香茅豬扒法包🌱|椰青水🥥Bánh Mì 越南文就係麵包嘅意思,顧名思義就係主打越式法包🇻🇳 食法包成日都怕會太韌又太硬,咬到嘴都軟,仲會刮損埋上顎🥲 但唔洗擔心,呢個法包外皮脆香內裏鬆軟🥖(唔知係自家製定係來貨架呢🙊)紮實嘅麵包對半切開之後,搽左豬肝醬同沙律醬,夾入肉質滑嫩又好濃香茅味嘅豬扒,加多片扎肉,配埋大量酸味味嘅醃紅白蘿蔔絲🥕、爽脆嘅青瓜片🥒、紫洋蔥🧅、香葉🍃、芫荽等等嘅香菜,餡料非常澎湃🌊 口感豐富,配色亦都色彩繽紛🎨天氣悶熱,再飲埋杯椰青水就透心涼🌴 以消費咁高嘅灣仔嚟講,算係幾抵食🤓 不過後尾發覺原來Combo Set - 主菜同飲品,同散叫一樣價錢,而$20 一細杯椰青水好似唔太抵🙈 所以下次可能嚟淨係叫一個主菜就性價比最高了🤪 繼續閱讀
(以上食評乃用戶個人意見 , 並不代表OpenRice之觀點。)
等級3 2022-06-19
188 瀏覽
自己一個行三聯書店,見悶悶哋就不如自己一個人食晚餐, 呢幾日個天都好熱好翳焗, 又唔想食車仔麵, 行到大王東街就發現呢間舖頭啲燈光好得意, 探頭入去一望原來係越南店。主菜80蚊連飲品性價比都高,有撈檬河粉發包, 飲品除咗有汽水亦都有椰青水店內的格局都好有風味,而且好有特色, 我坐咗一陣先發現原來係自己行去cashier點食物, 店員溝通唔係以廣東話為主,但係他們都講得掂同聽得明嘅會安生牛肉湯河湯嘅牛肉味好濃厚肉好滑, 牛肉好大塊牆上亦都寫住越男兩個字,好懷念越南🥰枱旁的材料架,都有好多材料, 最鍾意佢啲檸檬大大嚿,落去個牛河度檸檬令到個湯更加出色😆椰青水: 飲完椰青水個心真係好透涼,但係一出到街又係再熱過啦🥲好多汗 繼續閱讀
(以上食評乃用戶個人意見 , 並不代表OpenRice之觀點。)
這次來到灣仔的越·男😊😊😊,試了一下脆燒腩湯河和會安生牛肉湯河,燒腩肉皮脆肉滑,同平常吃開的燒腩相比,簡直是無與倫比,好少可以食到咁脆既燒肉。不過價錢方面,因為是在港島區,自然就會比較貴一點了哈哈XD,不過唔緊要,最緊要好食,咁就咩都補得翻啦😃。 繼續閱讀
(以上食評乃用戶個人意見 , 並不代表OpenRice之觀點。)