越．男

營業中

休息中

呢間舖頭好細，午市都要等一陣位。落單係自助形式，叫咗碗生牛肉湯河，牛肉質素都可以，個湯就甜甜地又唔算特別鮮味。略嫌個湯太甜。價錢都算偏貴，$85生牛肉河，不過包埋嘢飲同可以揀一款小食，小食揀咗米紙卷，感覺比較清新健康嘅選擇，包得唔錯呢個幾好食，跟餐嘅咖啡雖然話係越式咖啡，但係好普通可以叫其他嘢飲。呢個價錢嚟講，灣仔區有其他更好嘅越南菜選擇。

Lunch time一個人想快快脆食個午餐揀咗嚟呢間越南小店，因為店面非常細位置坐得都相當擠迫。手機自助落單俾埋錢，叫咗一份越式香茅豬扒法包配兩隻牛油雞翼小食，連越式咖啡$85。越式法包烘得香脆，香茅豬扒調味鹹咗少少，整體配埋各式配料，幾好食嘅法包。不過之後食完就有啲口渴可能調味重手咗啲。牛油雞翼就一般冇乜特別，冇特別香。

今日番工食晏，試試而間越南野，店舖比較細，但裝修好有心機，lunch time relax 一下好正。1.) 會安生牛肉湯河話說唔小心order左走青，以為只係走蔥😂走哂所有herb 😭不過唔緊要嘅，go with the flow 認真試試佢個湯底。湯底好清，味道幾好，牛肉好嫩，沒有overcook變全熟。成個湯麵好好食。枱面仲有新鮮切左嘅青檸，辣椒比你跟自己喜好再調下味。2.） 越式春卷新鮮炸起，好脆，好好食3.） 熱香茅青檸水清清地走埋甜好健康

越南餐廳位於灣仔地鐵站附近，地點超級方便，餐廳裝潢好越南feel，氣氛超溫馨舒適，落單用QR code，沒有加一服務費。▪️會安生牛肉湯河 生牛肉湯河湯汁超鮮甜，充滿牛骨味道，生牛肉好嫩滑，配上彈牙嘅河粉，以及新鮮嘅九層塔香草，在唧少少青檸汁，每口都係滿滿嘅越南風味！▪️香燒蒜蓉虎蝦仲嗌咗燒虎蝦，大大隻啖啖肉，再加上惹味嘅牛油同蒜蓉調味，同埋炭燒香味，香氣撲鼻，真係停唔住口！價錢仲要好抵，只係$50 / 3隻！

依家餐廳門面偏細但裝修幾靚幾特別不過入邊座位偏窄同小坐得唔係幾舒服姐姐出出入入捧住啲餸都好易碰到睇完個餐牌覺得呢間啲嘢食都幾正宗越南嘢✨生牛河午市套餐$85✨午市套餐包左主菜小食同飲品個生牛河冇乜特別😂同一般出邊其他地方食到嘅生牛河差唔多味道木瓜沙律幾好食不過木瓜有啲生🫠同整體都幾辣下🥹但套餐包埋杯嘢飲而杯嘢飲唔係普通奶茶檸茶係椰青水😍好有椰青味！同事試咗佢地既法式包好大份好正宗！睇落好似好正下次嚟到試下法式包先😋

我係於16/12（一）約下午四點🕓到達餐廳，只有1枱客人，以QR code下單，店員都有比紙本menu我們看。午市套餐有套餐組合，我們各叫了一個。❶主菜•小食•飲品 （$85）海南雞湯河，越式春卷（2件），越式煉奶咖啡❷主菜•飲品 （$75）越式扎肉檬粉，椰青水廚師即刻煮，所以等了大概15分鐘左右，熱辣辣吃的食物就是好吃。煉奶咖啡☕️又可以少甜。材料簡單，但勝在抵食又夠份量，小店的牆上面有不同的畫，好有特色又溫𧅥

無論想食越南飯、麵 定係包都可以滿足到你！鋪頭唔係超大 平日中午時間都幾多人架🤓一份lunch set 大概$75-100 跟埋野飲 或者小食 都算合理 香茅豬頸肉撈檬 跟野飲 ($75)檬粉份量不錯 仲要個汁酸甜均衡但係我就覺得豬頸肉有少少太乾 唔知係咪只係我個碟係咁 下次再比一次機會🥹 整體來講 如果打工仔想食個快飯 係一個不錯的選擇✨📍越．男 (灣仔)地址：灣仔大王東街28號地舖

主打越南河粉同越式法包嘅 越·男 @combanhmi ，餐廳雖然細細但充滿越南風情🇻🇳而且做緊9周年三重賞，逢星期六頭30名到店食客，可享優惠價$1享用 越式豬肉球法包🥖晚市時段嚟幫襯晚都有套餐-主菜同飲品，優惠價加配小食至尊牛寶湯河叫得至尊牛寶湯河，集所有配料於一身😍湯頭清甜，加入青檸同酸汁口味更加清爽，入面有生牛肉，燒牛肉，牛丸，白蘿蔔；牛肉片慢煮更顯粉嫩，口感腍滑，必食👍🏻慢煮牛肉法包黑色竹碳包代替普通法包，口感香脆但外表型格特別；牛肉經慢煮後入口嫩滑，配上洋蔥、蘿蔔絲等，口感豐富👍🏻香蒜牛油雞翼雞翼炸得香脆，濃郁牛油滲入香脆雞翼中，好邪惡滋味！越式春卷香脆惹味嘅春卷沾上酸汁再包生菜一齊食，又係另一美味食法😋越式煉奶咖啡/ 香茅青檸水

係附近做完運動經過見到呢間門面細細但幾有特色既越南餐廳就入去食野填下肚餐廳細細，盡量運用曬所有地方，坐滿人。牆上嘅壁畫好靚😍開放式廚房海南雞飯雞肉都算滑，個飯唔係油飯但撈埋啲葱油食都唔錯👍🏻慢煮燒牛肉竹炭法包麵包外脆內軟，食落同竹炭無關係，燒牛肉唔算好濃味，整體嚟講普通咗少少。反而豬扒法包有驚喜啲，豬扒好食👍🏻

聽聞近排好興食越南法包，我都喺灣仔揀咗間試下，除咗法包仲試咗其他嘢，餐廳菜式本身都幾有特色至尊牛寶湯河有齊蘿蔔、燒牛肉、生牛肉同牛丸，果然係至尊！牛丸好彈牙，又juicy，好高質。兩款牛肉食得出唔同存在感，各有特別之處。而個牛骨湯偏甜，另成碗粉更加有記憶點！慢煮牛肉法包用咗竹炭加入個法包，打卡更特別。本身個包入面嘅材料係勁多料，啲配菜全部都好夾，牛肉好軟熟，夾埋香料好清新香蒜牛油雞翼雞翼外皮好脆，仲包住蒜蓉牛油，好惹味啊越南春卷網狀春卷皮超級酥脆，仲爆曬餡添

早幾日遲咗收工，就喺公司附近搵咗間食越南嘢嘅 越。男～裡面嘅店員好似都係越南人，裝修亦都好有越南風味😙價錢唔貴，質素高，幾正宗！🍃慢煮牛肉法包店員姨姨話係最正宗嘅越南法包方法去做，牛肉軟身，配菜加上特製醬汁，好惹味，令人唔會覺得好膩～🍃至尊牛寶湯河上面有新牛肉，燒牛肉，牛丸，蘿蔔～想講真係好出色‼️牛味非常濃郁，加上湯底係煲咗兩日，真係心機之作🥹🍃香蒜牛油雞翼外層酥脆，裡面嫩滑，好正！🍃鮮蝦扎肉米紙卷呢個加上店入面特製嘅酸辣汁、令人好Refreshing！🍃檸檬特飲 & 🍃香茅青檸水真係唔好睇小啲嘢飲，非常足料，飲落好天然，好舒服🥰

天氣凍凍地，食返碗越南粉暖下胃先🙈呢間餐廳係灣仔做嘢嘅人都會知道，佢哋嘅粉好出色，湯底又濃郁🥰重點係夠哂創意，有全港首創嘅越式豬肉球法包🥖而且如果客人叫Keith,可以係星期一至五（公眾假期除外），任何時段，單一消費滿$200，就可以享半價😳真係超級優惠！入正題！美食黎了😍至尊牛寶湯河: 湯底香濃，湯底熬足兩日兩夜，唔怪得之牛味十足又清甜🫡 碗湯都比我哋飲哂😂另外，主角有齊牛丸，生熟牛肉🤭真係幸福☺️豬肉球法包賣晒啦😭唯有下次再嚟食啦🙈 我哋轉食脆燒腩法包🥖: 一樣咁出色，豬肉肥瘦適中，油脂分泌亦剛好，再配上蘿蔔絲，芫荽，洋蔥等，夾住法包食真係一流😍香蒜牛油雞翼，牛油味超重超香，又脆又juicy!掂🫶🏻越式春卷，酥脆香口，美味😋

餐廳細細，一眼望盡，不過非常有越南風情，牆上還掛滿一些寄買的畫作，都是畫着香港特式景色。開放式廚房，看到越南人廚師。餐牌的食物不算太多，都是一些傳統越南菜，不過還是有一些比較新的，有一款還是他們家首創的，越式豬肉球法包，當然要點。✴️木瓜絲沙律木瓜絲爽脆，還有洋蔥絲及炸蒜，醬汁酸甜爽口，還有一點點辣，令人胃口大開。✴️鮮蝦扎肉米紙卷米紙通透，內裏的鮮蝦／粉絲／紅蘿蔔絲……都一目了然，點上魚露酸汁，非常清新可口。✴️至尊牛寶湯河大大片燒牛肉及生牛肉，鋪滿滿的，還加上牛丸，白蘿蔔。湯底非常清甜，上面大大粒的大蔥，我非常喜歡，好香，牛肉好有牛味，燒牛肉還多了一重炭香，我們連湯都喝掉一大碗。✴️越式肉球法包竹炭法包，黑黑的特別好看，烤得脆脆的，不會硬，裏面附了有4大粒豬肉丸，還有扎肉片，以及吃得出有加了咸香的鵝肝醬，豬肉丸非常軟滑，與法包蠻配的。🍹西柚汁鱔西柚汁，有特有的淡淡酸澀味，我超喜歡。🍵熱香茅青檸水香茅及青檸都是非常清新的，兩者組合起來香味撲鼻，熱飲也更養身。總結，食物挺不錯的，服務也不錯，不過餐廳不大，所以要拼桌，不過也沒辦法，香港好多地方都地方淺窄。

路經此地，見到一家名為「越男」的越南小店，小人帶著一股冒險精神，買了個法包。身為越式法包的忠粉，對於這個法包抱有很大期望。未拆之前，很奇怪明明是用錫紙包住的，紙袋卻滲出不少油份，咩玩法呢？香茅豬扒法包，份量是充足的。咬下很自然的先食到法包，烘得不夠脆，還有必然的定律：碎碎濕濕的跌到一枱皆是，狼藉不堪！香茅豬扒之外，餡料還有扎肉、肝醬、芫荽、紅洋蔥、青瓜片與蘿蔔絲等等。好似好豐富，可惜全部俱是無味道的：豬扒欠香茅味、肝醬及扎肉都也無幫助，唯一最出味的就是那棵芫荽！食後感就是食了個無厘頭的越式法包。

灣仔特別多越南食肆，今次試<越．男 >，裝修好有feel，算係一間快餐店，QR code落單比埋錢，方便快捷，不過試完就覺得一般般，機會留比下一間。🥢會安生牛肉湯河combo $85⭐️⭐️⭐️⭐️(會安生牛肉湯河+香蒜牛油雞翼+檸檬特飲）生牛肉湯河無論牛肉、河粉同湯底都好出色，首先牛肉有3大塊，半生熟，入口軟腍有牛味，河粉幼條滑溜，湯底清甜順口，忍唔住飲咗半碗；牛油雞翼就一般，牛油味唔香濃；檸檬特飲好清新，味道幾特別，唔會太酸亦唔會太甜。🥢香茅豬扒撈檬 $65⭐️豬扒係成碗撈檬嘅靈魂，可惜太薄太細塊太細條，完全食唔到豬扒本身嘅纖維，而且味道又唔突出，係我食過最唔好食嘅豬扒撈檬。🥢越式脆燒腩飯 $75⭐️⭐️⭐️有啲似港式燒腩仔，幾香脆可口，肥瘦適中且分明，加少少錢都值得，至於飯就無落汁，感覺差咁啲味道咁。三人共消費：$225