越瀧棧

營業中

休息中

好味牛河喺YouTube見到人食越南菜食得咁滋味，搵下有冇咩越南菜好味，就揀咗呢間喺聯和墟外邊 地方好易搵牛河價錢合理，都幾抵食叫咗個生牛肉湯河，48蚊，味道確實有啲驚喜湯嘅口味可口得嚟又唔會過濃，相當合我個人口味最尾仲成碗湯入埋添份量嚟講都係合理，食哂成碗啱啱好夠飽嘅感覺畀嘅牛肉份量都算多，牛肉質感偏唸，味道比預期更好味，好有牛味河粉都唔會浸到淋哂，帶到牛肉湯嘅鮮甜，美味可口總括嚟講CP值足夠高，可以嚟呢度過下越南菜癮！

吃貨日常❤️ 呢排去粉嶺探表姐個BB，所以多咗去粉嶺原來粉嶺附近都真係好多嘢食選擇😍😍我本人好喜歡東南亞美食今次嚟到呢到試下食越南菜🇻🇳🍽🥢外賣買咗返上去表姐屋企食💖越式拼盤（細）$80拼盤入面分別有四款唔同嘅食物包括有雞翼、粉包、春卷同埋蝦餅🍤➡️拼盤入面嘅雞翼同我額外叫嘅蒜蓉牛油雞中翼係唔同嘅煮法，食嘅時候雞翼仲係熱辣辣，而且完全冇炸到黑晒嘅外表，好明顯係即炸嘅‼️好用心💕➡️ 越式蒸粉包係常見嘅越南菜，餡料好豐富，晶瑩剔透嘅粉皮包裹各式材料，味道清爽不膩😋😋粉皮完全唔會黐實晒同埋裂開👍👍👍➡️ 越式春卷嘅皮採用的是用米粉做的越南米紙，皮特別薄；而且我食到有魚露嘅味道，加到餡料入面就會有一種特有的香氣，令人食完一啖勁想食第二啖😁😁➡️ 呢個越式鮮蝦餅用應該用左香茅，加埋莞茜，令到d蝦味好出😍🍤💖 軟殼蟹紙米卷 $58軟殼蟹絕對係我嘅至愛之一❤️透光輕薄嘅米紙包住咸香酥脆嘅軟殼蟹，配上青瓜等其他配料，絕對是一個可口又滋味嘅配搭小食🤩🤩🤩💖蒜蓉牛油雞中翼（6隻） $52每次食親越南菜，都一定會叫蒜蓉牛油雞翼‼️🤩👍雞翼脆卜卜，每隻都脹卜卜😍😍一打開個外賣盒🥡已經散發住牛油同蒜香。雖然邪惡，但都係忍

今日入到粉嶺聯和墟，知道附近有不少美食，所以就即開openrice，發現呢間好評好多既越菜小店，試試佢！晚市都算抵食，有不少套餐選擇，選了個二人套餐，有二款小食、咖哩主食配薄餅、炒菜和糖水，另外加了一份蒜蓉包，兩個人十分夠食。小食雞翼十分入味、炸得香口，香茅味重，好好食😋。春卷夠脆，配上小店準備既泰式酸汁，很開胃！主食選了黃咖喱雞配薄餅，黃咖喱配料十足，薯仔入味又夠淋、洋蔥夠香又甜、三色椒亦夠清爽，互相配合得唔錯。重點係，黃咖哩夠甜又香濃，適合一家大小一齊食，食得舒服，配白飯、薄餅都很不錯。越南泰國菜點小得馬拉盞通菜，鍋氣足夠、味道香濃，加上炸蒜十分香口🤤🤤。最後，套餐跟上糖水一碗，腐竹雞蛋糖水，十分清甜，剛剛中和返以上香濃食物既感覺，為呢餐劃上完美句號。

今日突然唔想煮飯， 咁就去買外賣回家吃啦！ 叫外賣都要食得有要求，忽然又想食越南嘢， 記得朋友介紹過《越瀧棧越南菜館 》味道唔錯，一於去試吓啦！《鮮蝦紙米卷 $58》，味道好fresh ，夏天食一流， 份量都唔少， 有4 條， 可以切成6 小件， 味道清， 加上蝦，甘筍及生菜等材料， 味道豐富，非常好食！ 《鮮菠蘿海鮮炒飯 $88》，材料十分豐富，有蝦、 魷魚、鮮菠蘿同青囗等等， 再加大量肉鬆鋪面， 好豐富呀！ 菠蘿炒飯炒得好乾身， 見到一粒粒米， 粒粒分明， 味道仲啱啱好，十分推介！ 我最愛《香茅豬扒撈檬 $48》，配上自製檸檬汁，味道酸酸甜甜， 特別開胃！ 豬扒煎得又香又惹味， 仲好嫩滑， 配上沙律菜一齊食， 味道變得特別清新， 有驚喜。總結： 食物質素好，價錢合理！

因為懶既關係, 所以就去叫外賣。食越南野, 冇咁悶。叫左一份熟牛肉湯河同一個香茅豬頸肉飯。再加越式春卷同酸辣無骨鳳爪。熟牛肉湯河佢湯係另外裝, 所以唔洗擔心D河粉淋晒。牛肉應該係牛腩, 容易咬口。個湯夠味, 配河粉食非常唔錯。香茅豬頸肉飯好足料, 加埋D蔥油一齊食, 好滿足。D豬頸肉好多塊同埋都做得幾香口。春卷&泰式鳳爪春卷就一般好似油左dd, 但個泰式鳳爪有驚喜, 酸酸地好開胃。而佢既蘿蔔絲點埋D醋後, 比其地好食, 最後成盒都食晒。另外, 佢既飯麵都有跟飲品, 整體來講性價比幾高。

適逢週末可以出去食飯，又想食越南菜，就揀左呢間越南餐廳食個下午茶。呢間餐廳既裝修主非常簡潔，加入少量越南既裝飾品，入到去非常舒服😌！而且係呢個防疫期間每張枱都有膠布帘隔住，令你食得放心又安心！由於係下午茶，所以嗌左小小野黎食。❣️生牛肉湯河（$48）食得越南野點會少得越南最出名既pho，野食一黎到都幾大份，牛肉最少有成四五塊，雖然只係48蚊，但份量完全足夠。生牛肉味道夠濃，好有牛味，而且一啲都唔難咬，另外湯底有小小甜香味，襯返個河粉都幾夾！❣️酸辣無骨鳳爪（午餐優惠小食$24）酸辣鳳爪味道比較辣，食得辣既朋友可以試下，而且有埋酸味蘿蔔拌碟，酸辣得黎又幾開胃！❣️香茅雞中翼三隻（午餐優惠小食$26）雞翼用香茅醃好再拎去炸，聞落去好香，好重香茅味，而啲雞肉好滑，而且好入味，用嚟做小食一流！❣️越南滴溜咖啡（$30）咖啡首先用滴溜壺滴曬啲咖啡落隻杯到，而杯裏會先加入煉奶，之後攪拌均勻再倒入啲冰到，呢個飲法真係第一次試，佢令到成個咖啡唔會死甜同埋好易入口，平時唔中意飲咖啡既人可以試下呢種方法，應該會易入口啲！總括呢間野PC值都值得大家去試下！

呢間餐廳內在環境都幾舒服，希望疫情快啲完，可以安心坐低堂食喇！今次就買外賣~啲餐都幾低，如果啲item啱食，都真係非叫不可！由於有單點都好吸引，所以我決定單點！多款調味料，又企理又乾淨！生菜包～一般既店舖只有炒豬肉碎同香料，而呢度竟然加上蝦米，將鮮味提升了不少，生菜都好新鮮乾淨，係脆口嘅！一啖咬落去，多種層次口感。軟殼蟹米紙卷～依然香脆嘅軟殼蟹被包在內，米紙沾上自家調製嘅汁料，真心yummy!! 黃咖哩豬肉餐（可配白飯/薄餅/蒜蓉包）～黃咖哩汁帶有椰香，微辣，豬肉片係烤過嘅！非常香口！蒜蓉包～一啲都唔覺得油膩，卜卜脆兼蒜蓉味濃厚。出色小店，一定會再光顧👍🏻

本身住粉嶺，最近多咗去聯和墟食嘢開咗新嘅商場，人流都旺左每次一經過呢一間越南餐廳門口都好想入去試吓店舖門面光鮮入到去發現好多越南特色擺設有好多越南🇻🇳嘅尖尖帽對於好耐冇得去旅行嘅我，真係好掛住唯有去食越南美食一解想去旅行嘅心情疫情關係都係買外賣返屋企同屋企人食吧晚餐選擇就以下呢幾款生酮、低碳飲食同埋注意健康嘅朋友都可以食架😍❣️烤牛肉青木瓜絲沙律$68泰式嘅車木瓜絲沙律就比較少用牛肉呢度係越式，真係要試一試啊！牛肉烤得啱啱好，夠香 而且有少少脆邊度好口感啱啱好青木瓜絲亦都出色爽脆代表佢夠新鮮❣️香葉肉碎生菜包$78香葉肉碎好香，入面唔會有肥豬肉食落更加健康仲有啲豆角，咬落脆口更加有口感❣️青咖喱雞件煲 跟法包$98雞件處理得好好，嫩滑成個味道好夾青咖喱少少辣個汁好味😋強烈建議追加六件法式蒜蓉包，都係$32 烤牛肉青木瓜絲沙律$68香葉肉碎生菜包$78青咖喱雞件煲跟法包$98本身住粉嶺，最近多咗去聯和墟食嘢開咗新嘅商場，人流都旺左每次一經過呢一間越南餐廳門口都好想入去試吓店舖門面光鮮入到去發現好多越南特色擺設有好多越南🇻🇳嘅尖尖帽對於好耐冇得去旅行嘅我，真係好掛住唯有去食越南美食一解想去旅行嘅

聯和墟不嬲都多好嘢食，今晚我就專程去聯和墟食朋友推介既越南野。原來朋友仔已經食過呢間餐廳幾次，佢最愛以下幾款！香葉肉碎生菜包（$78）未食已經聞到香茅同羅勒嘅味道，加埋蝦米仔同豆角粒一齊炒，口感味道同樣豐富！香口且肥瘦適中既肉碎配上新鮮既生菜，讚！一定會忍唔住包完一舊接一舊咁食～❕鍾意酸味既朋友，仲可以落埋呢道菜配上既醬汁，味道會被再次提升架～香茅雞中翼湯檬粉（$46）一般餐廳嘅湯粉都係得兩隻雞翼，但呢度係四隻！淨係份量已經贏左！雞翼仲要外皮香脆，加上入面啱啱熟，所以雞肉嫩滑。難怪朋友話一定要叫！湯底夠味，滲入每條檬粉。而最驚喜係食食下發現有兩舊白蘿蔔，好入味，仲要冇渣！❕除咗檬粉外，湯粉仲可以選擇河粉同埋金邊粉。烤牛肉青木瓜絲沙律（$68）沙律用上新鮮青木瓜絲同車厘茄，配上香料，酸酸甜甜辣辣，非常開胃。❕如果會食鳳爪嘅你哋，朋友極力推介越式酸辣無骨鳳爪，可以喺沙律嘅選項入面搵到。鮮椰青（$30）鮮椰青好清甜，食完辣野飲返啖，即刻舒服晒～😎❕仲有其他越式特飲提供，例如：越南滴漏咖啡、三色冰、珍多冰等等。食完呢餐，我覺得我會同我朋友一樣再返轉頭。😆

有一段時間冇食越南野，今日唔駛減肥，可以任食，即刻去聯和墟越瀧棧買lunch 返屋企食。Lunch 沒有套餐，只有單點，價錢合理，份量夠多。每次去食越南野都會必食撈檬，今次點了香茅豬頸肉撈檬，香茅豬扒飯，越式春卷。香茅豬頸肉撈檬配料夠多，有青瓜絲、紅蘿蔔絲，花生碎，食撈檬一定係食佢既魚露酸甜汁，酸酸地非常開胃，而且佢既豬頸肉都有好多塊，唔會太韌，爽口彈牙，帶點香茅味，檬粉唔會太碎，份量多香茅豬扒飯香茅豬肉都4-5塊，豬肉軟腍，唔會太乾，豬扒醃得相當入味，好香香茅味，飯既份量都超多。越式春卷炸到脆卜卜，拎到返屋企都未淋晒，口感鬆脆，配搭埋酸辣汁好開胃，食完3件唔太夠喉。

越南野中有一味我一定要食嘅嘢就係撈檬佢個汁真係冇得輸每一次食我都好鍾意因為佢個汁好開胃酸酸地平時食得豬頸肉多今日想食雞翼就叫個雞翼嘅撈檬然後朋友話想食豬扒飯咁一人一個外賣就返屋企食加多份越式春卷兩個人食啱啱好👍👍越式春卷唔知點解成日比我感覺比起中式嘅健康朋友話冇理由唔飲埋佢嘅特飲呀嘛所以佢就叫咗青檸梳打 我就叫咗珍多冰返到去打開見到佢個豬扒好似幾吸引平時我係唔中意食豬扒但反而今次呢個豬扒令我滿意因為平時我唔鍾意咬豬扒但佢今次嘅豬扒好林 正買外賣嘅時候店員仲要好仔細咁話我哋聽呢間野一定要再去食

ＷＦＨ期間，藉著工作日到附近餐廳找吃的，當然希望快吃快走，想不到見到這家越南菜館人那麼多！午市套餐＄５０有主菜跟飲品，不錯海南雞飯＄５８，份量也大，一整個飯盒的油飯；跟大半飯盒的雞件，嫰滑得很；還有半份菜心，油亮油綠，少量醃蘿蔔，兩個女生都夠吃了！豬排撈檬＄４８，兩大塊連骨豬排，軟稔又半肥瘦；加上大量蘿蔔絲跟檬粉，配上酸辣汁，夏天吃超解暑！＄２２　菜心非常大份，十幾條菜心完全沒有渣，非常清甜，如加些蠔油更佳＄１８的青瓜真的有一整條，加了大量的酸醋，非常開胃！

疫情下都係嗌外賣返屋企食比較安全～中午經過呢間越南餐廳就嗌個外賣返去試下🌞可惜海南雞飯賣嗮😳睇黎好受街坊歡迎唯有嗌其他外賣嗌佐越式春捲3條，嗌佐兩個餐香茅雞扒撈檬同香茅豬頸肉湯河😍野飲有青檸檬七喜同椰汁綠豆冰😚香茅雞趴撈檬😍雞扒皮脆肉嫩😳好香😳入面有蘿蔔絲、辣椒、青蔥口感豐富，分量大👍越式春卷炸得好香脆拎到返去唔會lum佐，皮薄料多😍襯個汁酸酸地好開胃，個春卷口感有好多層次，有外層嘅菜、內層白蘿蔔絲既軟甜、同埋紅蘿蔔絲嘅爽脆😍唔錯香茅豬頸肉湯河佢地好細心有分湯👍豬頸肉焦香，（一打開忍唔住偷食d先😂）煎得岩岩好，唔會好油😋口感爽彈。湯底濃郁食完唔口乾，河粉唔會係好易斷嗰種😳野飲方面🍹青檸檬七喜消暑一流飲完即刻覺得好爽！椰汁綠豆冰啲綠豆冇綠豆皮，飲嘅時候好舒服唔會feel到杯嘢飲有渣，綠豆有淡淡甜味，唔會搶咗椰汁嘅味好balance😎路過想嗌外賣返屋企食可以試下呢間啦😍

星期六唔洗返工 去粉嶺聯和墟走走睇下有咩好野食😋 行左陣 天氣炎熱 好想坐低飲杯野 見到間越南式裝修既餐廳😍 好適合今日既天氣😂😂 所以就同朋友仔入去坐低抖抖 食個下午茶😋 餐牌上都有set 跟飲品 仲可以轉越式特飲🍹 最岩行到身水身汗既我地我地叫左生牛肉湯河、豬頸肉湯河、仲叫左2個小食越式春卷同酸辣無骨鳳爪、龍眼冰、珍多冰解解渴🤩 河粉係越南既特色 雖然而家無得去旅行 食越菜頂住檔先🤣 湯河個湯底好清甜好好味！ 有陣陣蘿蔔香味😌 河粉又好吸味 索晒d湯汁～ 生牛肉撞落湯到岩岩粉紅色😍唔會好韌咬唔開 岩岩好👍🏻 仲有2大塊白蘿蔔加埋牛肉既肉汁 令到我忍唔住係咁飲個湯底🙈 朋友既豬頸肉都非常爽嫩👍🏻 大家湯底相同 但我都係比較喜歡撞牛肉既湯底多d😋😋 另外 春卷即叫即炸 外脆內軟🤩 無骨鳳爪好彈牙 仲有紅蘿蔔白蘿蔔醃到酸酸辣辣咁勁開胃！ 龍眼冰、珍多冰絕對係越式飲品代表👍🏻 非常解渴！ 甜度適中 平時我好怕d飲品會甜到我飲唔到🙈 而龍眼冰微甜 好香龍眼味～ 仲有幾粒元肉😋😋 珍多冰有綠色既啫喱同椰奶 無論視覺定味覺都好正👍🏻

今天同同事去粉嶺聯和墟工作，午餐推遲到成了3點食。見附近有間越瀧棧越南菜館，裝修不俗而且價錢大眾化便入去一試。我哋叫咗河粉，撈檬，雞翼同去骨鳳爪，再加2杯餐飲，都唔駛170元，抵食。香茅雞中翼3隻：煎得十分脆，肉質juicy，香茅味完全滲晒入去啲雞翼裏面，不錯。香茅牛肉湯河：個湯底好清甜，兩嚿蘿蔔好大，好清甜，不太淋， 芽菜好好味，牛肉質地唔韌而且味道控制得好好，唔會太鹹搶哂D香茅嘅香味，芽菜配埋湯底好正。香茅豬頸肉撈濛：來到色彩好繽紛，䝎頸肉好好味，配埋紅蘿白絲，青瓜絲，再配合其他配料，好味同好夾。酸辣無骨鳳爪：味道很不錯！不太酸，好開胃，鳯爪多過蘿蔔，而且真的好味道。兩杯餐飲叫左凍咖啡同青檬七喜，咖啡甜度適中，青檬七喜非常消暑，好飲。