越瀧棧

營業中

休息中

今日忙裡偷閒，想食好野但又唔想出遠門，所以去左屋企附近嘅餐廳有無好野食，有無新驚喜買返屋企食行下行下就發現，有間餐廳好多人排隊買外賣，店內都超多人，所以今餐就揀哩間黎食 講一講個店內環境啊，都係走街坊簡約風，但佈置得別具一格，有用到唔同嘅越式嘅圖同相，幾特別至於野食方面，雖然係外賣，但素質真係出乎意料之外地好同足料，價錢又唔貴，每份主食大概都係4，50蚊左右，實在難能可貴咁我本人貪心叫左個3個小食同一個主食加杯野飲，味道相當有水準香茅雞中翼非常香口惹味，即叫即整，外面香脆得黎仲係好juicy，而且香茅味醃得適中，真係食極唔停口 而越式春卷都無令我失望，脆卜卜，唔太油膩，再配埋個越式酸醬，一啖接一啖就好快食完而最令我印象深刻係個酸辣無骨鳳爪，小小酸，好開胃，重點係鳳爪多過蘿蔔，超高CP值廿幾蚊一份有咁嘅水準真係一絕，早知叫多一份做宵夜啦另外個海南雞飯都係一個唔錯嘅選擇，份量好多，老闆仲份好大方，雞肉俾超多，而且夠嫩，配埋個汁，真係無得輸，外賣都做到咁，堂食應該更好食啲添 野飲就叫左珍多冰，唔算太甜，椰汁味重，值得再試總括而言，哩間餐廳雖然唔係開係熱鬧啲區域，但正因為咁而有咁多人去食先反映

#cassiegofanling-身為一個北區人當然要介紹下北區嘅餐廳。今次介紹下粉嶺聯和墟一間平民越南菜餐廳「越瀧棧」。越南菜一向都唔會太貴，平均一個午餐大約$50左右，包埋飲品。🇻🇳-瘦編就揀左香茅雞翼湯檬，另外加$30要一個大大個嘅鮮甜椰青。湯檬湯底鮮美，檬粉好順滑，好大碗，仲有洋蔥、芽菜同蘿蔔做配菜。香茅雞翼有一陣香茅既清香味，令人胃口大開。😋-另外瘦編屋企人就揀左海南雞飯套餐配埋油菜，海南雞肥瘦適中，嫩滑香口，配埋油飯，好香口，好快清哂全部食物。餐廳空間都幾大，唔會坐得太迫。😎-味道評分▶️🌕🌕🌕🌕🌑 (4)抵食評分▶️🌕🌕🌕🌕🌑 (4)回購評分▶️🌕🌕🌕🌕🌑 (4)-➡️ 越瀧棧越南菜館📍 粉嶺聯和墟聯和路3號富貴樓地舖-

假日咁開心，當然要約吓朋友喇~同朋友經過，見到一間越南餐廳，門口放既MENU都幾吸引，價錢又OK，就決定買個外賣返屋企慢慢嘆~門口仲有2張枱，好啱有寵物既人帶埋主子嚟！仲有少許文青FEEL添！打個卡都仲得呀！3個特色主食，都係$144，抵呀！越式春卷撈檬~越式春卷夠哂香脆，始終係油炸，配上酸酸的汁水，開胃之餘仲可以解油膩，真係絕配呀！香茅雞扒飯&香茅豬扒飯~香煎雞扒/豬扒再加上獨特既汁同薑蓉，不得不承認真係好夾，整體份量都好大，絕對大滿足呀！

大胃又再次去北上，粉嶺行轉山，事後當然要去聯和墟explore吓啦今次去咗越南餐廳，歎個飽肚下午茶，呢間嘅湯河價錢唔貴，但非常大碗而且牛堅有牛味，湯都有肉味豬頸肉肉質彈牙，食唔停口河粉好紮實，唔會散，食得好爽雞翼又好脆口喎，香茅味又夠呢度有正宗嘅越南咖啡可以送吓飯，胃民需要醒神即嗌打開睇吓咩料，就咁睇好足料滴出嚟夠晒濃，醒晒呀三色冰亦邪亦「正」，雖肥膩但好鬼jeng作為行山後慰勞自己嘅一餐，大滿足呀

今日入粉嶺聯和墟找朋拎東西，原來粉嶺地鐵站行去聯和墟比想像中近，臨回家時經過一間越式餐廳，看見門口裝飾都好越式好休閒，是入去，但因為3-4點，落場，唯有叫外賣。本身好想試佢既湯河，但老闆娘建議唔好外賣，返到去食就河粉吸曬湯漲曬。最後叫左豬頸肉撈檬，份量十足， 豬頸肉好彈牙爽口， 另外好多配菜有爽脆青瓜絲、紅蘿蔔🥕絲、蔥碎、炸得好香既花生碎和蒜蓉，倒入撈檬酸汁，口感豐富且開胃。另外叫左香茅牛肉飯，完全見唔到香茅既踪影，但一直聞到超香的香茅味，想不到簿簿的牛肉片香茅味十分濃郁，相信應該醃左不少時間，再配上京蔥炒，好好味。

屋企冇煮飯，所以打算搵間餐廳買外賣返去，返去再加熱。依間餐廳門面幾光鮮，入面有好多越南特色擺設，以為自己去左越南。依家叫外賣，價錢比較平，又可以安全D。叫左香茅豬頸肉金邊粉，豬頸肉係豬肉裡面最好味，佢軟滑爽彈嘅口感，加入醬汁燒就更加惹味焦香，令人難以抗拒。平時金邊粉都係食炒嘅，比較少食湯粉咁食，食落係另一番風味，佢嘅湯底唔會太鹹。叫左海南雞油飯，佢嘅海南雞食落都幾好，肉質唔會太鞋，雞肉味都濃。幾欣賞佢嘅油飯，香茅味嘅飯幾好食，食落有雞汁同椰香味，飯嘅份量都幾多。好鍾意個酸辣無骨鳳爪，混合酸、甜、辣的嘅味，而我覺得愈酸就愈好味，非常開胃。鳳爪食落好爽，好鍾意唔洗損骨。

再次6點後限制堂食，由於媽媽最近返工比較夜，所以去買外賣俾她食，回到家就有野食啦🔸黃咖喱晚市套餐 $60套餐既咖喱有黃或者青選擇😉 青咖喱椰汁味最重，辣度排於紅、黃咖喱之間；而黃咖喱則沒有加辣椒烹調，係適合怕辣之人既～我就簡左黃咖喱，夜晚唔想食太辣既野😂大大碗，d 咖喱好濃烈又唔稀👍🏽有6款肉可以簡叫左雞件，都有好多粒同啲味好出～跟餐就叫左法包，有4件。仲有飲品叫呀，飲杯龍眼冰越式飲品🔸薄餅 $28因咖喱汁🍛梗係叫多樣野點啦😆好滿足盒咖喱大大碗唔洗慳住慳住點💃🏼🔸粉包 $40出於強烈既好奇心😂好想知道越南特色小食「粉包」係點既樣就叫左！睇個樣好似腸粉咁，不過腸粉既皮係較簿，呢個粉包嘅皮比較煙韌😬粉包上有越式扎肉、花生碎、蔥粒和炸蒜片。而粉包入面係木耳、肉碎...🔸 越式酸辣無骨鳯瓜 $56酸辣均勻鳳爪亦都好爽口🤤呢間嘅配菜係酸蘿蔔同酸紅蘿蔔🥕，啱晒媽咪

呢排疫情，就唔出去食啦！ 約左朋友仔，所以就去咗聯和墟一間越南野都嗌左外賣自取。兩個人食叫咗二百零蚊。都合理價錢，幾抵食！😋我哋最主要就叫咗啲餸食啦！自己再加飯！其實喺粉嶺搵越南野都有啲難度，要搵好食嘅更難，不過我覺得呢間幾值得推介，因為佢各個餸啲口味都幾好。😉首先係佢嘅軟殼蟹紫米卷，軟殼蟹呢都幾大舊，好足料，成個紫米卷都包唔晒，一定要加佢個酸酸地嘅汁，同埋佢入邊嘅材料都好新鮮，好爽口，啲青瓜蘿蔔都切得好細，感覺好清新。😋😋之後佢越式醬烤骨，我就唔知正唔正宗，不過佢個汁幾特別，同埋幾好味，佢嘅豬肋骨烤得啱啱好！唔會太乾柴，或者太痴骨！ 味道係一大驚喜！🥳之後佢嘅牛油蒜蓉雞翼，份量都幾多，有六隻，加上外面炸得幾香脆！但係又唔會太熱氣，同埋葉得好入味， 不錯！ 🤩佢所有餸都擺得幾靚，同埋有生菜坐底，感覺一啲都唔馬虎！ 粉嶺友想搵東南亞嘢食，又多個選擇喇！😚😚

性價比高，粉嶺抵食越式午餐👍🏻💕- 《越式拍青瓜》$22 （午餐）好大碟，好爽脆，味道好開胃😋 -《越式春卷》$21（3條）春卷好脆口，加埋個酸味味嘅汁好開胃，正！- 《豬扒湯河》$46 湯河都好大碗，清清地有白蘿蔔，豬扒夠林，唔會太油👍🏻 -《雞翼湯河》$46 超鍾意啲雞翼，外皮好脆，香口，內心放左陣都仲好熱，係新鮮炸起，唔似有啲越式餐廳啲雞翼好林又凍，好味😋👍🏻-《椰汁綠豆冰(走冰)》+$10凍天怕凍，所以走咗冰，但係好高質，耶汁好濃好香👍🏻❤️- 《越南滴漏咖啡》$33 上層係滴漏咖啡，下層隻杯有煉奶，加埋一齊好正，好似啡走咁😍😍😍

上次行過《越瀧棧》已經好想入去食，今次適逢去粉嶺探朋友，肚餓餓就揀咗佢去醫肚仔啦😂✴️香茅豬扒撈檬大大塊豬扒，加上配料十足，賣相夠哂靚仔！香茅豬扒夠香夠入味，咬落又夠軟腍！正👍🏻檬粉條條分明，軟硬適中加上檬粉汁甜酸味恰到好處，好開胃😋✴️越式咖喱雞扒飯咖喱汁椰香味濃，入口椰香味由口腔直衝上鼻內，然後慢慢散發出嚟🤩衝擊我味蕾，真係意想不到呀🤪從來未食過有咁香嘅咖喱汁！雞扒咬落又唔會太油，雞皮煎得又夠香口，唔錯👍🏻✴️咸檸檬七喜杯裏有半個咸檸檬，望落好似平平無奇，篤咗兩三下，飲入口原來已經出哂味，有哂爽🤩✴️香茅雞中翼夾起夠乾身，無乜油黐住啲雞翼！食落夠哂香脆，香茅味夠哂香，真係非食不可😋

今次食越南菜，經過見到門口幾靚又有特色特別門口個幅大掛畫。就入黎食個晏啦～餐廳坐得都闊落既，藍白主題，仲有啲草帽等等既裝飾。一坐低，叫左碗湯麵，店員見到有小朋友一齊用餐～都主動拎左多一隻碗仔俾我，服務都幾周到！睇下餐牌先～價錢都算合理呀！我地叫左一碗扎肉湯河＄46。午市仲有小食優惠，所以我叫埋越式春卷＄21同越式拍青瓜＄22，飲品加10蚊叫左三色冰。野食黎啦～問左店員，除左牛肉類既湯麵之外，其他湯麵都係用雞湯既～呢個札肉湯河既配菜係有蘿蔔呀～芽菜等等。。值得讚下個蘿蔔，好甜同好嫩喎。札肉薄片，河粉都好滑同條條分明，小朋友都話好味，佢食左好多。拍青瓜原來係辣既，比較大條左啲啲囉，個汁先係呢個小食既重點，加埋一齊好鮮甜，仲好脆口。春卷係用米網個隻黎，好鬆化同size長短大細岩岩好，幾易入口又唔會咬到散哂。 三色冰個啲粒粒好幼細，飲一啖已經食到好多種唔同既口味，口感都好好。同佢甜度唔太高，感覺清新。整體黎講，坐得舒適，食物好食！服務都好。聽講晚餐會多菜式選擇，下次應該會再黎試下晚餐。

今日決定買外賣🥡、安全食！因為約咗腌尖🦧大食積撐枱腳，所以買外賣都要睇攻略、花心思👉🏼👈🏼！看見聯和墟的越龍棧多人食，有特色，仲有特價菜......決定一試！🐔海南雞promotion~$88 半隻，所以我今個禮拜海南雞again & again 都要吃！ 鷄幾大隻夠份量；🐥外皮黃油，睇見都想食；雞肥瘦剛好，亦好嫰滑🏄🏻‍♂️；配上醃蘿蔔，🥕酸甜清新，胃口大開！🤤🦧大食積要食飯，選咗 🦐蝦頭膏海鮮炒飯 $68！蝦醬味道濃；配菜豐富，有蝦仔、脆魚乾提升口感；飯身依然乾身煙韌....好味 😋🎡越式拼盤 $80點少得，有鷄翼、粉包、 🫔春卷、蝦餅！ 🦐蝦餅～蝦膠好多蝦，質地超彈👉🏼必食！粉包～粉味好香又滑滑，配上越南特產，扎肉、魚露、碎果仁😸我唔夠食囉！

煮飯膩了有時會買外賣，今日找了間位於粉嶺聯和墟遊樂場旁邊的越瀧棧～餐牌上種類繁多， 炒粉麵的小菜類、越菜、小食、飯、湯粉、撈檬、海鮮類等等挑選了 黃咖喱牛腩 HKD 98 、鮮菠蘿海鮮炒飯 HKD 88 、牛肉炒河 HKD 56 黃咖喱辣度適中，即使怕辣也撐得著，牛腩大件而且易於咀嚼，仲好棯。海鮮飯中有青口，一粒粒菠蘿連同飯一起吃份外好味😋 牛肉炒河中粉相對比較碎但未有影響味道 環境光猛，地方開揚，平日很多學生、街坊，價錢甚為貼地，益街坊🥳服務員態度有善～ 很快又會變我的飯堂了人

柚子扎肉沙律 $72沙律用上新鮮多汁柚子肉，扎肉絲爽口彈牙，花生碎炸乾蔥好香，醬汁用了魚露、青檸、香草，酸酸甜甜，味道非常開胃，充滿東南亞風味。蝦頭膏海鮮炒飯 $68分量多足夠三個人食，炒得乾身唔油膩，飯粒粒分明，海鮮配料多，有魷魚、蝦、蜆肉、蟹柳，三色豆色彩鮮豔，好豐富，加入蝦頭膏更突出海鮮味。黃咖喱牛腩煲 $98牛腩炆得好林，肉量多，薯仔炸過好香，咖喱汁惹味香濃，椰汁味香，帶小小甜味，辣度適中，配法包吸哂咖喱汁。

疫情再次反覆，所以又要叫外賣啦！！估唔到呢間小店咁有心思，做埋聖誕到會， 睇嚟呢個聖誕都唔可以同朋友們堂食了！軟殼蟹米紙卷軟殼蟹炸到卜卜脆 ，加埋酸酸的醬汁，真係非常開胃，由於有多種餡料，口感豐富。 蒜蓉雞翼雞翼皮脆內嫩， 蒜蓉味濃厚， 完全冇油膩嘅感覺。馬拉盞炒雜菜雜菜嘅種類多，份量同樣都多， 有好多櫻花蝦提鮮， 微辣嘅口味，非常惹味，越食越想食! 炒金邊粉酸辣嘅味道一向都係我嘅至愛，金邊粉炒得略為乾身， 加上花生碎增添咬口，yummy!!