越瀧棧

營業中

休息中

同樣又係外出工作，今日仲要加班，只好今日外賣呢間越南餐廳返去食，店面簡單光猛，四圍都有越南風格嘅畫叫個二人餐返去食，估唔到份量咁多一啲都唔失禮首先前菜有香茅炸雞翼同埋越南春捲，非常脆口，特別越南春捲外賣攞到返去都唔錯，加少少酸辣汁依然係正另外呢個咖哩雞，勁大碗，好香嘅椰漿味，最啱就係點法包同埋薄餅，雞件都好滑，加埋青椒，分量超大仲有玩馬拉盞炒菜，以為細細份，點知塞爆曬成個飯盒，味道香濃啱啱好食完仲有甜品送，滿足曬所有願望，為工作打打氣

好耐冇食過越南野，今日就買左外賣做晚餐🤤✨香茅豬頸肉撈檬既豬頸肉份量好多，係起碼十片以上！仲有少少燶邊，食落又唔會乾身，仲有肉汁，撈埋檬粉一齊食真係好夾，檬粉上面仲有青瓜絲、紅蘿蔔絲，撈埋一齊食好清爽✨火車頭湯河呢個用料十足，入面有手打牛丸、牛柏葉、牛展、牛腩、生牛肉。因為係外賣，店家幫你將生牛肉鋪上河粉分成一碗，湯同埋其他配料就分做另一碗湯，咁樣生牛肉就唔會俾啲熱湯浸到熟晒！ 另外，呢個湯底係每飲一啖都係充滿著香葉味道，好濃味！✨軟殼蟹紙米卷，每一舊都包著滿滿嘅軟殼蟹，絕對無呃稱！入面仲包著粉絲同埋紅蘿蔔絲，飽足感十足，而且有生菜包著，就算係炸左嘅軟殼蟹都唔會覺得油膩！✨柚子扎肉沙律，呢個係今一餐最最最值得推薦嘅一個！佢嘅用料係好似簡單，但重點係佢嘅沙律汁，類似撈檬用個嘅醋汁，起初我都以為同撈檬個汁會係一樣，但估唔到，係唔同！呢一個汁係好味到我地用黎撈返個檬粉食！因為佢入面係有碎檸檬葉，加埋佢個甜酸度，絕對今餐嘅重點！柚子都好甜，撈埋一齊食真係好好味！👍🏻

因為聯和墟有太多好嘢食，為咗可以經多次，食多次，今次又去咗北區，帶大胃之母睇吓坪輋嘅壁畫村，打完卡就嚟呢頭食返個飯以往大胃都係嗌開生牛湯河，不過大胃之母唔係好食得牛，於是嗌咗個豬頸肉湯河呢碗豬頸肉唔太肥膩，煎到外皮脆脆地，湯河唔會好油淋淋，河粉大塊啲，食落係另一番滋味原本想嗌海南雞嘅，買晒喎，唔緊要啦，越式咖喱一樣過到癮，好有椰汁味，中和返嗰一點辣味，牛腩炆得好腍，薯仔都係唔會硬，唔係好食薯仔嘅大胃都食清光杯梳打堅用薄荷葉沖出嚟，而唔係用糖漿，感覺清新自然好多荔枝冰含有大量大大粒荔枝肉，既解渴且滿足呢段日子喺北區食餐飯，唔知點解會特別寫意

疫情之下呢想食餐好啲嘅都難，不過呢今次就去到一個好容易泊車嘅地方買越南野返家食，位於粉嶺聯和墟嘅一個街尾嘅位置，所以泊車都方便嘅。嗌外賣出菜出得好快，點餐大概用咗7分鐘到就已經攞得走啦。今次叫咗四樣嘢，有越式酸辣鳳爪，我覺得月越嘅鳳爪呢好食過泰式，因為好呢d. 偏甜嘅酸汁，冇泰式果隻咁辣同咁酸，味道穩守中庸之道，依然都係呢仲好爽口，滲出香料嘅清香。仲咗火車頭，材料好豐富呀！兩個人食都夠，有牛腩，牛柏葉，牛丸，仲有整到好冧嘅牛展呀，老人家都啱食！當然仲有主角生牛肉，分開上夠曬細心，而且呢個湯係超好味嘅牛骨湯，唔係飲落口渴果d 味精湯，唯獨係揸車返去耐左d, 唔太夠熱，所以下次叫外賣都係避免叫生牛肉。雞絲米紙卷都做得好地道，好fresh, 香葉好清新爽口，成包酸汁落哂去好惹味。 最後仲有份香茅豬扒撈檬，個豬扒肉質好厚，外面煎到好香，裡面好鮮嫩多汁，仲有好多配菜，啱曬go green嘅人士啦！

️呢幾日天氣突然熱到爆炸🥵熱辣辣最好就係食越南凍檬啦🤪凍冰冰ge撈檬加埋酸味味魚露汁即刻有返哂胃口喇😛街坊小店無靚靚打卡裝修食物方面亦無任何gimmick包裝食嘅真係最原始嘅味道當然仲係最實惠嘅價錢😏✨香茅雞扒撈檬✨ $52 （包飲品凍飲+$2)首先真係大件夾抵食🤣雞扒同檬都比平時食嘅多香茅煎雞扒都幾入味表皮煎得燶燶地幾香口👍🏻抵讚嘅青瓜絲同蘿蔔絲比好多🥕🥒每啖檬粉都可以夾到d絲一齊食好清爽😌呢度嘅檬粉汁味道偏酸我手殘唔覺意落重手左🙂🙂🙂(想喊)✨越式春卷✨ $22/3條 🌯呢個比想像中好食喎😋炸得超級香脆餡料都好豐富影之前已忍不住食左一條😂😂

今日係無飯主婦日，揀間好耐無食既越式餐廳外賣回家慢慢吃🙂新鮮菠蘿海鮮炒飯$88估唔到盒炒飯份量咁多，而且非常足料，有青口、魷魚等海鮮，加入菠蘿及提子乾食落酸酸甜甜， 連埋豬肉鬆一齊食嘅話鹹鹹地更添層次黃咖喱雞肉配法包$60最令我驚喜嘅係價錢，睇餐牌寫$108但係實質係$60咋喎，即時覺得超抵😂 仲要包飲品（檸檬茶超好飲，茶底帶有微微花香味而且不苦澀）雞件食落軟嫩，薯仔煮到好腍好岩我口味，有青椒、洋蔥做配菜，仲有四件法包可以點咖喱汁食香茅雞扒湯河 $48雞扒超大塊， 佔隻碗嘅面積超過一半，拎到返屋企仲係熱辣辣!

午餐時間唔駛等位，原本安排了坐冷氣風口位好凍，點餐後，要求調位即安排其他坐位，服務員有禮貌。生牛河味道唔錯試過好多店舖嘅全熟，河粉都滑，香茅豬扒飯的豬扒唔太鹹好味。春卷味道ok

買外賣🥡已經成為我哋嘅日常生活，但連續吃了十日燒味飯，🧸口都were 晒.....必定要來點新意！ 今晚去咗 越瀧棧 買外賣，來個越南之夜！🪅🎐🍛青咖喱牛腩煲～ 🐂牛腩煲有分紅/ 青咖喱，青咖喱會辣D.....果然夠勁👹，啱晒我呢個辣妹！咖喱煲夠辣又有🥥椰香，牛腩炆得淋淋的；配料有心思，有豆角、青椒🫑同青色蕃茄仔，香、辣、爽齊晒！我一邊簸法包🥖一邊撈飯食🍚，雙重享受！ 香茅豬排🐷～豬排挆得好鬆化，加上香芧葱蒜，配飯頂呱呱👍🏼！又一味佐酒美食～🍖越式醬烤骨，越南菜的🧄香料配料真係好講究㗎，🔥烤肉少少焦很是惹味.....今餐真係要啤一啤🍻！

同朋友入黎粉嶺見到越菜就想試下...軟殼蟹必試...真係好好味，一試難忘....另外個咖哩都好好食...越菜都做到咁出色...會再同朋友黎食...多d人食可以叫多d唔同菜試下

有一日做嘢做到好夜 堂食又差唔多閂門我就決定買外賣屋企食啦 今次選擇食越南菜叫咗一個二人套餐加多一杯嘢飲套餐包左兩款小食 有雞翼同埋有蝦餅雞翼正常水準 蝦餅反而有驚喜佢係自家製 食得出有蝦滑同埋蝦粒 啖啖肉主食叫咗兩碗生牛肉湯河佢其實有好多選擇 有豬扒雞翼生熟牛肉等等仲可以加錢轉食撈檬呢碗生牛肉湯河 都有六，七塊牛肉 都幾有牛味 選料唔錯 我湯幾好飲 冇乜味精 飲多幾啖都冇口渴 😛套餐仲包甜品 今次係富足蛋糖水我覺得甜左少少😂😂埋單$250 合理價錢 下次會再食😙

有朋友住喺粉嶺個頭，呢日就去探吓佢，所以美食博士今次走入粉嶺食好西，喺聯和墟搵到間食越式美食🇻🇳。👉香茅豬扒撈檬 $52👉海南雞飯 (油飯) $60👉越式春卷三條 $22🥤凍檸檬茶 $2☕️熱香濃奶茶 $0兩個餐嘅份量都幾多而且好抵食，啲豬扒大大塊，不過我對海南雞飯有啲失望，我會想佢多幾隻醬汁，但啲雞食落口都幾滑，春卷細細條但都幾好食。環境似茶餐廳嘅格局得來又幾寬敞，仲好光猛，地點來講就唔近地鐵站，不過呢頭都幾多嘢食。📍越瀧棧越南菜館 - 粉嶺聯和墟富貴樓地舖

上次食過呢度個香茅雞翼，非常之好味😋所以又去食😬，亦都想睇吓佢可唔可以保持水準😉～今次帶埋男朋友過嚟，一齊叫外賣🥡，返屋企，睇住Netflix，chill chill地咁食🤤果然冇失望，「香茅雞翼」外脆內嫩，味道保持水準，抵讚👍👍，值得推介呀！好耐冇食咖哩，叫咗「咖喱牛腩飯］試吓，😍有驚喜👍👍咖哩香濃，牛腩炆得好腍😋又有薯仔🥔洋蔥🧅🫑🥒送飯一流😋味道又好，份量又足夠😋👍，放心，男士都夠飽。小食叫咗「越南蝦餅🍤」外面炸得香脆，內裡蝦好彈牙，口感好正😋，兩個人食，有咁多塊，好幸福😍。抵食，有質數．下次一定要再嚟堂食🥰

今日去開粉嶺探朋友佢話想食越式嘢朋友又仲擔心緊疫情就決定買越南野上去佢屋企食喺OpenRice見到呢度都幾多好評就決定揀呢度我本身想叫海南雞飯但賣晒睇嚟好好食 下次有機會再嗌所以就叫咗個蝦頭膏海鮮炒飯因為不嬲都幾鍾意蝦膏味佢就揀咗個越式豬肉炒河本身想嗌檬粉但係賣晒睇嚟呢度都幾好生意咁多嘢都賣晒再嗌多咗個軟殼蟹米紙卷share食總共四大嚿軟殼蟹超大隻 亦有好多配料例如花生生菜如果粉味太重會覺得米紙卷個味有啲寡但今次軟殻蟹撐爆成個米紙卷令味道提升左好多🤤🤤不過有種香草定調味料比較濃味我就唔太鍾意😢海鮮炒飯入面有啲魷魚 蜆仔都有微微嘅蝦膏味不過就冇想像中咁濃味份量好大份一個人好難食得曬😂至於豬肉炒河朋友就話比較淡豬肉可以腍啲😂😂我仲嗌多咗杯珍多冰珍多冰椰汁味濃就算用咗啲冰都仲飲到椰汁味不過下面嘅斑蘭粒粒就唔太食得到味道🤓

今日嚟到粉嶺行山，行山之前食左野先。聯和墟揾野食，方便泊車！越瀧棧越南帽子風格裝修！越式春卷 $22外皮好脆口，入面好飽滿。有粉絲同木耳唔奇。有芋頭代替豬肉？少見，好實在！香茅豬扒加牛肉撈檬 $52+6蔥油、蘿蔔絲、青瓜絲、蒜片、花生。兩豬肉好滿足食肉獸，哈哈！豬扒重香同軟，反而牛硬口d，不過ok既！香茅豬頸肉撈檬 $58豬頸肉肥油十足，撈檬香口多左！蔥油多d更加好，撈汁夠酸開胃！凍咖啡 +$2可改越南滴流咖啡加$35。普通咖啡都唔錯，補到精神！熱菜蜜西洋菜蜜甜甜，秋冬飲滋潤。

上一次過嚟見到門外面裝修都唔錯喎 今諗下次過嚟試吓佢啦 ！點知就好快又過嚟粉嶺啦去到好彩時間仲早 所以唔使排隊 因為上次經過都好多人係到排緊隊 職員服務態度唔錯 細心安排我哋入坐😄我哋分別叫左🍱1.豬頸肉撈檬味道都幾清爽 佢會俾一大樽醬汁我哋 建議唔好一次過落晒 一邊食一邊落咁樣 調好岩自己嘅口味呢個豬頸肉真係好好食 份量分量都唔少，價錢適中份量都好多2.海南雞飯$60嘅海南雞飯 性價比高，開頭以為$60份量應該好少，但上枱之後發覺分量一個成年人已經夠飽，海南雞飯個醬汁同個雞真係好配搭,飯方面可以選擇白飯滑油飯 另外仲送一碟蠔油菜心 呢個真心推薦👍3.越南小食拼盤（細）我哋叫咗個細嘅，建議兩個人去食叫細已經夠啦，包括香茅雞翼、蝦球、春卷、粉皮 味道都唔錯 有兩個醬汁提供4.鮮椰青/龍眼冰椰青價錢$35 個椰青都算大 鮮甜 龍眼冰就不過不失 都唔錯既