越瀧棧

營業中

休息中

在粉嶺这边，叫左猪颈肉捞檬，海南鸡饭，小食拼盘，饮料叫左椰青和龙眼冰，个猪颈肉捞檬的猪颈肉好食😋，整体比较清爽，不过个汁最后食下食下有点甜，建议少落多次，唔好一次落太多汁，小食拼盘的春卷好食，脆脆地，鸡翅都比较特别，椰青还有个调羹用来挖下椰肉，唔错

又想食越南菜啦，今次就外賣自取番屋企食。呢到既涉粉可以雙拼，就可以試多D，所以叫左個香茅雞翼拼香茅豬肉湯河。呢到既湯係分上，唔驚拎到番屋企D河粉索曬水，雞翼大大隻有3件，煎得好香脆，香茅味好出 ! 香茅豬肉係薄片，係已調好味的豬肉，湯入面仲有D洋蔥，白蘿蔔等等，好足料，如果白蘿蔔再淋D就好! 之後叫左個香辣肉碎炒飯，番到去一開好驚訝，好大份 ! 呢個價錢黎講好抵，而且飯係炒到粒粒分明，唔算好辣，唔太食到辣的朋友都可以一試。小食就叫左個雞絲紙米卷，份量都幾多，入面有好多配料，生菜，紅蘿蔔絲，一啖食好滿足，佢仲配埋甜甜酸酸的醬汁，好開胃。野飲叫左椰汁冰同珍多冰，椰汁味好濃郁，偏甜。呢到性價比幾高，可以encore。

平日很少會到粉嶺山區的我,因為工作關係經過,連續兩晚都在附近解決晚餐。應該有3-4個月沒有吃越南菜了吧? 好吧,這次就將機會獻給這家越式菜館,性價比不錯呢~~豬肉炒河  62元越式炒河最妙的地方就是有花生碎混入其中,令炒河額外有咬口的感覺,炒得夠乾身,豬肉片好多,正呀喂!香葉辣肉碎炒飯  60元不算太辣,可以接受的辣肉碎,令我吃驚的反而是超大份量的炒飯,原來越式炒飯都好食,長知識了~馬拉盞炒通菜   58元炒通菜最怕就是多油,幸好這碟還不算過分,為油膩的一餐獻上美好的祝福~黃咖哩牛腩配法包4件  60元牛腩有4-5塊,每塊都淋到入口即融,黃咖哩配上4片麵包其實好飽,60元還可以要求更多嗎?粉嶺聯和墟確實是臥虎藏龍的好地方,下次有緣再會~

粉嶺越南野Lunch time 好多人都食佢見佢都要排下隊吾想係入面食太多人所以叫左外賣返上車食屋企人好少食越南野佢哋都係食啲大路野佢哋啲野食都大份 所以三個人食兩個餐都得🙈香茅雞翼湯檬$484隻雞翼都唔算少 仲要都香脆 色澤均勻 靚靚仔仔甘豬頸肉撈檬$58多多餸 個汁食到尾太多所以有啲啲酸🙈🙈三色冰$32 跟餐$10珍多冰 $30 跟餐$10青檸梳打 $30 跟餐$10野飲好多都係跟餐加$10甘都幾抵😀😀😀😀

粉嶺實在太多餐廳，今日Lunch時間經過又想食碗越南粉，走入去食個牛肉河先。生牛肉湯河：大大件生牛肉份量一d都唔小，白蘿蔔係底吸晒d湯汁又淋又入味👍🏻👍🏻👍🏻香茅雞翼撈檬：雞翼炸得超脆口好濃香茅味仲有4隻大大隻配埋花生青瓜真係好開胃，我個人覺得可以一試。越式春卷3條：炸得脆脆的，細細條一啖可以食晒，小食一流👍🏻👍🏻👍🏻鹹檸檬七喜：午餐只要加$10就可以叫飲品，鹹檸檬🍋真係我嘅至愛。

今日約左住喺粉嶺嘅朋友食飯，去左一間叫「越瀧棧」嘅越南餐廳。一去到已經被門面吸引啦～是關餐廳出面有戶外座位，重有d擺設，好有越南風，感覺悠閒～🥰同朋友各嗌左一個餐：一個湯河同埋一個撈檬。香茅豬頸肉拼香茅雞翼湯河(雙拼加$6)欣賞佢將香茅雞翼分開上，唔會比湯浸到腍曬～雞翼皮脆肉嫩，加上香茅好香口。豬頸肉切得好薄身，唔會好肥，邊位燒成微焦。湯河入面有超甜又無渣嘅白蘿蔔。河粉好滑。越式春卷撈檬春卷好鬆脆，入口脆卜卜，唔油膩。撈檬上枱時連埋成樽醋。倒d落去d檬粉度，撈埋青瓜絲、蘿蔔絲、花生等配菜，食落口感豐富，酸酸地好醒胃呀！😋跟餐嗌左熱檸茶同熱阿華田。酸辣無骨鳳爪大大隻，無骨，食落好爽脆，酸酸辣辣，係一款好開胃嘅小食。醃紅同白蘿蔔酸酸地，好開胃，好爽口。上面有芝麻同香葉，入口好香。提提大家，餐廳4-6pm係落場時間，不會開放。要食好野就要趕及4點前到或者6點後先黎啦。

經過一間小食店，又咁啱係lunch時間，就睇下有冇嘢啱食啦！大大個餐牌喺門口，一目瞭然，食物種類都算多，而且價錢合理，就選擇咗呢度喇。$140已經有兩個主食、一個小食加一杯特色嘢飲。越南春捲撈檬～ 越南春捲係越南菜式必食嘅一個item ，非常之香脆，加埋酸酸辣辣嘅特製醬汁去檬粉真係一絕！香茅豬扒湯河～ 食湯粉麵，個湯底重要嘅比重，我認為有50％，呢個湯底絕對冇令我失望， 豬扒係薄身嘅～有口感之餘，亦都十分入味！！ 香茅雞中翼～ 雞翼外脆內嫩，可以突出到香茅味 絕對可推薦！！珍多冰～ 香濃嘅椰汁味， 配埋綠色嘅粉條， 非常有咬口，正！

放lunch黎到越瀧棧用餐，lunch hour超旺場😂😂😂喺聯和墟呢間餐廳算幾企理，枱與枱之間幾闊落，亦有唔少越式風味既裝飾。叫咗兩個set lunch，黃咖喱牛腩比一般黃咖喱偏辣，但椰香好足，牛腩又夠淋夠入味，唔錯唔錯。另一個叫咗肉碎煎蛋飯，煎蛋有燶邊得黎切開又有流心效果👍🏻👍🏻白飯淋咗豉油汁，加埋香辣肉碎超惹味，口味清淡啲既可以叫佢走埋豉油。另外加咗$18要多個小食香茅雞翼，雞翼脆皮，雞肉亦keep到juicy~飲品方便一杯係熱菜蜜，正常水準；另一杯係珍多冰，呢杯有啲特別，佢啲綠色啫喱係螺絲粉咁既形狀，口感冇平時食嗰啲咁滑，但都幾得意既。

聽講聯和墟好多好嘢食，今日就同屋企人去咗食間越南野，價錢大眾化而且質素唔錯！🔅海南雞檬粉d雞幾滑，同埋佢點雞個汁酸酸甜甜幾好味，配個清湯嘅檬粉就啱晒，唔會太重口味又健康！同埋佢好多菜！評分:4.342/5🔅越南春卷呢個幾有驚喜！佢炸到金黃色好靚，加上佢外面好脆，入面有綿綿芋頭蓉。評分:4.415/5🔅雞絲河粉雞湯配好滑既河粉。雞絲份量多，湯底幾濃。評分：4.284/5整體黎講，食物水準唔錯而且價錢唔貴！

放新年假，完全唔想煮，當然要懶下，超想食越南菜，所以落樓下買外賣返屋企食。餐牌有湯河、撈檬、飯、越式咖哩飯、海南雞飯、午市優惠小食，午市套餐奉送港式熱飲，價錢親民。外賣拎到返屋企仲係熱辣辣。香茅雞翼湯河（$48）湯和河粉分開上，唔會浸到淋晒，香茅雞翼大隻，而且入味，炸得剛剛好，湯底加了大量洋蔥，好鮮甜，味道濃郁，河粉份量足夠，河粉夠滑溜，而且唔會一夾就散晒，保持到堂食水準。越式春卷撈檬（$52）越式春卷有4條，炸到脆卜卜，返到屋企都未淋，撈檬超級足料，有大量青瓜絲、紅蘿蔔絲、蔥油、炸蒜，口感爽脆豐富，再加上撈檬醬汁，味道清新醒胃肉碎煎蛋飯（$50）肉碎和飯份量夠多，如果肉碎再辣一點會更惹味，再加上一隻燶邊蛋，把流心蛋黃戳穿撈黎食，非常美味，送飯一流龍眼冰（+$10）&檸檬茶（+$2）&三色冰（+$10）

香茅雞翼撈濛 $52 跟餐飲😋😋😋😋😋一碗有4隻雞翼，即叫即炸，所以要等一陣，但絕對係值得嘅，因為真係好脆好好味。撈濛嘅汁自己落，記得唔好落太多，否則食到尾會好酸咖哩牛腩飯 $56 跟餐飲😋😋😋😋超多舊牛腩！而且炆到好淋，好入味。扣咗一分係因為本身其實想食海南雞飯，但太晏佢賣哂😣酸辣鳳爪 $28😋😋😋除咗鳳爪，仲有一大堆酸蘿蔔，酸蘿蔔幾爽幾好味，但反而鳳爪略酸，同埋唔夠辣因為見人多，所以叫咗外賣返屋企慢慢嘆

好耐冇食越南菜，係粉嶺見到一間越南餐廳，- 越瀧棧越南菜館，所以今日外賣試吓香茅雞翼撈檬$52 連一杯野飲，性價比高有4件香茅雞翼，午餐份量都幾多，雞翼外皮好香脆，內裡好Juicy ，味道啱啱好,真係好味😋仲有好多青瓜同紅蘿蔔絲，食落好清爽～正～👍見到餐牌上面，有越南滴滴咖啡 ，好想飲吖，所以加錢去試吓，嘩 ！一打開已經聞到好香濃嘅咖啡，飲落好香滑，正宗越南風味👍真係好好味😋另外仍都要左份香茅豬扒飯$48 連一杯野飲，午市套餐，抵👍香茅豬扒醃得入味，切件上食落又好方便，而且飯份量十足～抵食～ 👍味道正宗。

好耐無食過越南野，禮拜六下午茶就來到粉嶺越櫳棧食呢度最出名的生牛肉粉。因為限聚令緣故，今次特登過來打包買埋返屋企同屋企人食，我們當然不會忘記點這裡出名的生牛肉湯河，這裡的生牛肉粉份外好吃，因為外賣關係，湯同牛肉及麵是分開裝，湯還是熱騰騰的，倒到生牛肉和河粉，很快半生熟，味道也保持相當水準，好好吃喔。另外點了香茅牛肉河，豬頸肉河，這兩份的湯底不一樣，會比較濃郁，牛肉和豬頸肉口感都好好吃，特別豬頸肉好爽很好吃。仲有豬扒飯，豬排的味道也是做得十分正宗。小食要多三隻香茅雞中翼，雞翅香脆，另外每個餐都有跟野飲，或者加小小錢轉特飲，整體來講性價比高同味道好味，完全合符鍾意食越南野又鍾意便靚正既市民。

之前一向都比較少去粉嶺，今次朋友特登約入由粉嶺行山到大埔，所以都係粉嶺醫下肚。佢呢度啲咖喱比較好食，所以我都叫咗個咖喱牛腩飯，配埋蒜蓉包。佢啲咖喱唔算太難，而且亦都比較甜，所以食落去嘅時候係香多過辣。牛腩亦都幾好，筋肉分明，食落去嘅時候一啲都唔會太軔。我哋另外亦都叫咗個香茅豬扒湯河，個湯比較清甜，唔會話有好重味精，豬扒新鮮炸起，肉汁豐富。河粉份量亦都幾大，午餐來講嘅話性價比算幾好。我哋亦都叫咗杯凍檸茶、薄荷葉青檸梳打，整體體驗都幾好。

聯和墟有唔少小店，性價比高。呢間位於聯和路3號，係足球場對面，位置易搵易認。餐廳內望落乾淨企理。同一般越南餐廳差唔多，都係食湯河，撈檬，香茅/咖哩飯。 佢最好就係好多都可以+$6 食雙拼，選擇即刻多左好多。 桌上有唔少越南特式醬料 平時好似少見。 生牛肉+越式春卷湯河生牛肉切得夠薄，浸落湯一陣就熟，食落夠滑易咬口。個春卷點上甜酸汁，好開胃，而且夠脆口，推薦 個湯底偏甜，河粉都ok.香茅豬扒+雞扒撈檬肉係幾足料，食落香脆又甜甜地，連埋撈檬酸酸地好好食。越式滴漏咖啡一開始見到咁多煉奶仲怕會太甜，但佢嘅咖啡係偏苦，溝埋一齊中和晒就岩岩好。