越瀧棧

營業中

休息中

今日食越南菜，叫左個香茅豬排飯，豬排好足料，件件都好大塊，香茅味都好足夠。另外，叫左個越式豬肉炒河，番到屋企，一打開見到個份量都嚇親，好大份!! 入面有蛋絲，豬肉片，椰菜絲等等。仲有d花生碎係上面，食落口感再好啲！好香口。之後我地仲叫左香茅豬肉紙米卷，大舊到一啖都咬唔曬，入面好足料，個source酸酸甜甜，食落好開胃。外賣自取都幾方便，而且好快出到餐，價錢同區黎講算係好抵食，見佢仲有推幾人套餐個d，下次試下先！

今日姐姐放假，同老公繼續做無飯家庭，我留屋企湊仔，老公落街買外賣，今日介紹大家我係粉嶺其中一個飯堂「越瀧棧」。🐥海南雞飯海南雞油香足又啖啖肉，而且雞肉超滑，但今日好可惜油飯已經售罄，白飯就健康d當減肥啦唯有，唯一心願係海南雞可以再斬件細件d就完美喇。🍛黃咖喱牛腩飯配薄餅牛腩煮得夠淋口入味，黃咖喱唔算好辣，調味適中，而且帶有椰香，特別想講薯仔係炸過嫁，超好味；套餐有得選擇飯、薄餅同法包，我就揀左薄餅，有牛油香味，同辣辣地嘅咖哩Perfect match。🍜火車頭湯粉火南頭湯粉勁大碗，兩個人share都夠食，牛丸彈牙，生牛肉夠淋，牛展有口感，牛柏葉爽口；湯底肉味濃而且很多配料吊味，大大碗勁抵食😛🥤三色冰天氣咁熱最岩飲杯冰涼飲品，好鍾意珍多冰椰香加三層品同既口感，每次黎都必叫。🧋龍眼冰相比下，龍眼冰就冇咁特別但都一樣清涼解渴。今日雖然冇叫到，但另一樣我成日叫既係撈檬，岩哂嚴嚴夏日食，推介！

又係潮聖的時候，去到粉嶺聯和墟，呢間越南野必食，今次買外賣返去先🤓海南雞飯$60好滑喎！好小可食到禁滑嘅海南雞，又大舊，份量又多😍仲量洗加錢有得擇要油飯添😍呢個海南雞飯會配埋酸蘿蔔同油菜👍🏻必食！越式咖喱牛腩飯$54之食過香茅豬扒夠晒正，今次要試咖喱先，好椰香，而且份量好多，牛腩起碼有6,7舊，配菜薯仔，黃椒，洋蔥，令到成個咖喱好豐富牛腩夠淋，又入味！推介👍🏻總括而言好鐘意呢間鋪頭，好耐無見過待應會笑喇，開心啲啦香港人🤗service 好，見我抱住bb 仲邀請我座低慢慢點外賣！越瀧棧越南菜館 (粉嶺)粉嶺聯和墟聯和路3號富貴樓地舖

泰越風味並駕齊驅之瀧鮮菠蘿海鮮炒飯  88元原來還會有人用鮮菠蘿炒飯? 我以為都是用罐頭菠蘿。海鮮有青口和魷魚,表層鋪滿一大堆肉鬆,飯量驚人超多(起碼有4碗),每口新鮮菠蘿有水果汁非常好食,又何須要用菠蘿蓋盛放呢?香葉肉碎生菜包  78元洗得乾乾淨淨的生菜,與一大盒泰式香葉肉碎,辣味略為缺乏,但香葉味混入到肉碎之中,是一道正宗美味的香葉肉碎生菜包~青咖哩牛腩飯 配三色冰  70元黃咖哩與青咖哩各有所好,不過當然要配牛腩!再加配10元就有的三色冰,沒想到半杯都是三色配料,為吃完青咖哩滿頭大汗的我解辣!越瀧棧越南菜館 粉嶺聯和墟聯和路3號富貴樓地舖#越瀧棧 #粉嶺 #聯和墟 #越南菜 #泰國菜 #thaifood #vietnamesefood #hongkong #hk #fanling #香港 #香葉肉碎生菜包 #青咖哩 #黃咖哩 #三色冰 #牛腩飯 #菠蘿海鮮炒飯 #並駕齊驅 #瀧 #美食 #好味 #外賣 #takeaway #外送 #抵食 #cheaper #便宜

午餐時間又到了，炎炎夏日為求係屋企方便嘆冷氣，就叫工人落樓幫我們一家三口買外賣。住係粉嶺民居，周圍都係樓，好在有間越南🇻🇳餐廳，可以方便我們醫肚。訂了外賣兩碗生牛肉河，一碗雞扒河，一份香茅豬排飯，仲有小食香茅雞中翼同酸辣無骨鳳，拎完外面十分鐘到就翻到屋企食得。幾唔錯既係湯同埋面分開裝，咁就唔會索水，生牛肉放落湯度仲夠熱，好快就半生熟至全熟狀態，酸辣無骨鳳爪超級開胃，香茅雞中翼更是香脆可口。套餐仲可以配埋野飲，佢既鴛鴦做得很正宗，相信堂食會更好味，大家下次可以來試下。

我地黎到粉嶺買外賣返屋企食，見到呢間越南野就開始流哂口水，一於就呢間啦。我叫左一海南雞飯晚餐，竟然只係60蚊，仲要係送埋好新鮮甜味既菜，大大盒勁好味。 佢仲可以選擇埋油飯或者白飯。睇相都見到d雞真係啖啖肉。另外叫多個主食，豬頸肉撈檬58蚊好大份既豬排肉，啖啖肉，再配搭酸酸甜甜既撈檬，真係好好味。越式酸辣無骨鳳爪 58蚊成盒都係鳳爪，調味恰到好處，屋企人食得好開心。6隻燒雞翅 58蚊一燒起即刻食，甜甜香香好開胃。

〰️肉碎煎蛋飯 $50肉碎份量幾多，加埋豆角粒豐富左個口感！仲有雞蛋！感覺健康有均衡營養食落仲有九層塔嘅香味～依個煎蛋飯無加辣椒，怕食辣嘅朋友仔都可以食到！〰️香茅豬頸肉河粉 $54河粉唔會一夾就散，湯底好清甜，應該係由白蘿蔔等等嘅材料熬出嚟！話明係香茅豬頸肉，豬頸肉當然都有香茅味🤤外皮仲煎到脆脆地，多左一份焦香味～〰️越式春卷 $22我最愛嘅網紋春卷😍入面嘅餡係係芋頭蓉，食落好香滑再配上店員提供嘅酸汁，令人食指更加大動〰️酸辣無骨鳳爪 $28平時食嘅鳳爪都係見主要用辣椒同醋去做出酸同辣但依度鳳爪嘅酸係用醃製嘅紅、白蘿蔔去帶出帶點清新之餘，感覺幾新奇！😋〰️荔枝冰 $10〰️薄荷葉青檸梳打 $10〰️〰️📍 越瀧棧越南菜館 (粉嶺)粉嶺聯和墟聯和路3號富貴樓地舖

#cassiegofanling-聯和墟真係越嚟越多嘢食，之前食過「越瀧棧」嘅lunch set，都幾抵食。今次試吓佢哋嘅外賣自取二人套餐。-主菜係黃咖哩牛腩煲，好正，香而不辣，啱哂我依啲食唔到辣嘅朋友。薯仔同牛腩都吸滿哂濃濃嘅咖哩汁味，滋味無窮！另外仲有每次去泰國餐廳都一定會叫嘅馬拉盞炒通菜，通菜好新鮮好爽脆。小食包括有雞翼、春卷、薄餅同法包，法包同薄餅點黃咖喱汁食，勁正！-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 越瀧棧越南菜館 (粉嶺)📍 粉嶺聯和墟聯和路3號富貴樓地舖-

👍🏻蒜蓉牛油雞翼六隻份量，雞翼相當大隻，面頭灑上大量蒜粒，就算外賣翻叮都依舊好味，脆身，炸到連牛油味都滲入到去雞肉入邊！整碟菜式帶有清新的香茅味。👍🏻蝦頭膏海鮮炒飯就算放喺外賣盒都超級香，蝦膏味好濃郁！而且炒嘅海鮮並不廉價:有蝦、八爪魚、蜆肉、蟹柳、每粒米飯都炒到一粒粒，軟硬適中！👍🏻蒜蓉炒時菜炒得超有鑊氣！海量蒜蓉，而且通菜份量都超多！所以每一條菜都帶有蒜香味。不過就略嫌真係油咗少少~

粉嶺有個壁畫村 難得放假行下順便呢頭食下野見入面好似都幾多人 唔錯咁😋室內裝修都好有格調 餐飲轉 都只係加10蚊就可以有特色飲品青檸七喜 最岩消暑解渴 酸酸甜甜 好開胃荔枝冰 呢個好特別 仲有幾粒荔枝肉可以食😚所有餐都好平 不過呢度只係營業到四點唔做晚市架🤣海南雞飯餐 包左碟油菜 好豐富健康醬汁好特別 唔似一般泰式餐廳由蒜泥辣椒等調配而成海南雞 口感結實 厚切 絕對唔會hea做比你可惜差咁個湯😛呢個香茅豬扒湯河非常出色我最愛個湯 入面係由白蘿蔔 芽菜 香蔥 洋蔥 等混合 香濃 驟眼望落 好似無乜分別 但試過你就知香茅豬扒都好入味 份量都幾多 淡淡油香我都非常推介！

粉嶺聯和墟一帶有好多餐廳，今日嚟到《越瀧棧》餐廳去品嚐正宗越南菜，餐廳裝潢充滿越南風情，啱晒打咭📸!食越南菜一定要叫越式湯粉！呢碗香茅牛肉湯河🍜，湯底肉味濃又甜，材料有厚切牛肉片、芽菜、金不換、香茅、蔥油、乾蔥絲，乾蔥絲開鑊爆香令到湯底嘅香味更濃郁，豐富感層次提升，的確有水準😋!最難忘喺海南雞飯，傳統又正宗嘅雞油飯，以雞油、薑和乾蔥香味混為一體，飯粒粒分明而且乾身又唔油膩，💗感受到廚師真喺好用心去煮。海南雞揀選咗肥美肉厚嘅雞脾🍗，雞皮同肉之間有金黃晶瑩嘅脂肪甘香回味👍🏻，配上酸度適中嘅紅白蘿蔔，清爽酸甜好新鮮😍!越南曾經喺法國嘅殖民地，所以叫蒜蓉法包，味道煙韌有口感，套餐加$10可以配越南特飲🍹，好抵飲👍🏻!越瀧棧 📌粉嶺聯和墟聯和路3號富貴樓地舖

天氣熱辣辣下晝都唔係幾想食飯，見好耐冇食過越南粉，瞓醒就同屋企人出去聯和墟呢間越瀧淺食晏！我叫左雞絲湯濛粉 $48 + 越南滴漏咖啡☕️ $35好大碗超足料😍 個湯底飲起來有鮮甜味🙌雞絲的份量亦不少還十分細嫩😋配料伴有兩舊清甜大蘿蔔洋蔥🧅檬粉口感爽滑🤗我比較鍾意落埋越南嘅酸醋汁🤩夏天食真係好清爽🤤越南滴漏咖啡☕️係我嘅最愛❤️每次去到越南都非飲不可🥰嚟到越南餐廳梗係要叫番杯提神👍香茅豬扒湯濛粉 $48 + 凍檸水 +2蚊超香既香茅豬扒🙈 醃得好入味🤩又唔會好乾好柴口😋配埋濛粉食唔錯 ☺️

星期五晚唔想出街排隊等位食飯，於是就簡左買外賣返屋企食。蝦頭油海鮮炒飯，個份量大到真係兩個人都食唔曬，炒飯做到粒粒分明，有鑊氣又足料👍🏻！牛肉湯河粉，就咁睇好似無咩特別咁，原來碗牛肉湯好濃味，蘿白吸收曬d湯汁，好入味！因為耐無食蔬菜，叫左碟炒時菜，菜芯即叫即炒，好夠鑊氣同埋拎到返屋企都仲夠曬熱，有好香既蒜蓉香！越式炸春卷，最好追加埋生菜包住食，就無咁熱氣，點少少越式甜酸醋，食落好脆同香口，味道有多種層次，係好正既越式小食。外賣份量奇多，性價比高！食唔曬都無所謂，因為可以留返第二日再食😆！

今日順便買埋外賣俾嫲嫲食，就叫下越南野比俾佢地食叫咗個生菜包，生菜包有驚喜，佢肉嘅份量都幾多，足足有一盒，70幾蚊來講係真係抵食，而且生菜佢比足兩袋咁多，眼見生菜都好乾淨扎肉紙米卷，因為未食過所以叫，佢都幾特別，入面有啲一片片嘅扎肉，個外型有啲似切條嘅午餐肉，但我比較鍾意加埋佢啲酸辣汁食，咁樣會好食好多豬肉賓海，呢個都係未聽過都未食過，估唔到佢有幾特別，佢個濱海其實係好似個網嘅粉。但佢個粉就本身冇乜味，加埋豬肉係超級好食，佢啲豬肉就咁食同埋加埋都係勁香味，但佢啲豬肉嘅份量就同嗰啲賓海係啱啱好，相對於來講就好似份量比起其他嘢冇咁多因為我係外賣嘅關係，佢所有嘅嘢都會加一蚊外賣盒錢，我哋叫咗三樣嘢加一杯嘢飲就有4蚊外賣盒錢

由於而家仲有堂食到10點嘅限制，今日同女朋友行粉嶺個頭，夜左少少就直接叫個外賣返屋企食慢慢嘆。呢間餐廳嘅外賣發覺非常唔錯，忍唔住寫個食評。我地兩個人叫左個二人set，B set，$238加盒錢先嚟小食，有雞翼春卷，兩樣煎炸野外賣拎到返屋企都無林，雞翼煎到個皮好靚脆脆地.地，好香口！春卷點埋個酸辣汁，非常好味開胃。到主菜，我地叫左個黃咖哩牛腩，分量好夠，大大兜。打開已經聞到好香咖哩味，個咖哩汁撈飯，點薄餅真係一流！仲有，入面非常足料，牛腩薯仔（走左油！好味！）洋蔥都好多舊，最後我地兩個食唔曬，決定留返雪入雪櫃，聽日再食XD個set有個菜，我地要左馬拉盞通菜，分量又係滿滿一盒，個馬拉盞汁好出色！（仲有好多菜葉，女朋友最鍾意，留曬比佢食）最後有個腐竹雞蛋糖水，唔講以為係糖水鋪買，唔會太甜，清清甜甜中和返啱啱食嘅野，我地直程嫌一碗唔夠。總結，CP值高，二百幾蚊有咁多野食，樣樣都好出色，好過平時食開嘅泰式/越南餐廳。之後都會再幫襯！