越南Fûhn

這天本打算光顧街市商場內的茶餐廳，怎知才十二時許它已其門如市，唯有改變目標，哪竟然有新發現！這裏從前是粥麵店，疫情期間變了越南粉麵，我當然是點越南粉麵之王、食肉獸最愛，“火車頭”！牛食材豐富，款式清晰可見，有牛丸、牛柏葉、鮮牛肉、牛腩 ... 先呷口湯，無得彈，清、香、甜，牛味濃 ...生牛肉嫩，牛丸彈牙，牛腩爽滑酥嫩，只牛柏葉有點失色，普通，部份牛柏葉“嗱”得太厲害，瀉了。整體好味，原汁原味，配料如蔥、芫荽得宜，可增香不少，如牛柏葉能多加留意，完美。…查看更多

網上都有看到是連鎖，因為在公司附近，下班就去試試，結果點了幾樣全部都好難食，雞排飯，算是全場最佳了，也都只是正常水平，豬腳飯怪怪的，還有點苦，飲料，牛油果奶昔完全都沒有牛油果味道，黃金薯條也只是中規中矩！…查看更多

夜晚OT好想食海南雞飯 特登openrice 見到呢間有海南雞飯食先揀佢 滿心歡喜入去落單落單個時明明都聽到伙記落岩 拎走個陣都問多聲double confirm 係海南雞飯先走點知。。。。。。。。。。。。。。。。。。。。一打開 係得2隻雞翼加肉碎飯咋！！！ 邊係海南雞呀！！！唔單止，凍奶茶變埋凍檸茶！根本成個餐俾錯我！勁嬲！！！仲要俾貴左$$明明餐廳當時完全唔多人，咁都可以搞錯！即刻打番鋪頭問 佢叫我落番去換 走左啦 仲點番去換呀！！！絕對無下次！ 再睇番其他人comment，原來成日俾錯外賣單！都唔講野食好唔好味，俾岩野係基本掛！P.s 希望食到我個海南雞飯既人開心啦！我真係好想食海南雞飯呀！：（…查看更多

星期六同阿媽去咗啟業邨探親戚，然後順便喺嗰頭食嘢。我印象中以前嘅啟業邨好舊式，但今次去到見到街市翻新咗，外圍仲開咗唔少餐廳。舅母帶咗我哋食🇻🇳越南嘢－「越南Fûhn」。餐廳係街坊店，裝修簡約，但亦不乏設計，例如有大大幅牆畫！整體算係光猛乾淨😉。我哋兩點去到已經開始有做下午茶，平啲之餘，仲有唔少小食項目選擇👍。我哋一行三人各自嗌咗個餐，再加一份小食。越式生牛湯檬($38)，湯檬冇因為變咗下午茶餐而份量減少，🐮生牛肉有四五塊大大片，湯底夠嘢所以浸得熟。湯檬仲有唔少配料，包括生芽菜、生洋蔥同大量蔥(唔記得走咗去)。呢度嘅湯底同平日食開嘅唔同，因為藥材味比較重啲，但就絕無令人口乾嘅味精。越式雞絲湯粉($32)，🐔雞絲份量超多，我媽話每啖都食到。佢呢碗湯底比較清淡，無牛湯咁濃。湯粉一般可以揀河粉、金邊粉以及檬粉，雞絲呢碗亦係要咗檬粉，粉量好多，飽。越式小食拼盤配鹹蛋黃薯條($45)，依份拼盤好吸引兼且豐富，包兩隻雞翼🍗、兩條春卷同三塊扎肉。雞翼幾入味又夠熟，春卷亦炸得脆而不膩。扎肉得三薄片就略嫌少咗啲。不過重中之中係鹹蛋黃薯條🍟，呢個超好食，因為粗幼適中，外脆內淋，而且每一條都帶有鹹蛋黃嘅味道，無欺場😋。自家製蝦餅($58)，呢度出品嘅蝦餅係我食過最真材實料。因為一大塊斬開一件件之後，你會見到入邊全部都係蝦肉🦐🦐🦐，並唔係蝦膠，直頭冇溝粉咁濟。因此食落口感超彈牙爽口，點埋泰式辣醬食冇得輸。依個蝦餅必食推介！青檸梳打(+$12)，我同阿媽都加咗特飲，🍋青檸梳打超大杯的。本身以為呢度會有珍多冰，點知冇🤔。總括嚟講，依間越南餐廳嘅出品都算大件夾抵食，其中小食最能吸引我🤤。食完之後我明白點解最多街坊幫襯佢！後尾上網先知原來呢間餐廳喺銅鑼灣有鋪，第日可以約朋友食哦。…查看更多

叫左5次外賣 5次都唔岩 叫湯河就比檬粉 叫走洋蔥 又冇走到 湯又比得少 5次都各有不同 希望店主留意下啦 本身都幾好食 但細節野做唔好 失望左5次都仲叫 就係煮得幾好味 希望下次唔好再失望…查看更多

同老公去踢波 諗住踢完波求其搵間 食下啦 估唔到幾好彩撞著間好味嘅 叫咗個火車頭， 雖然細碗啲 但係價錢又比出面平啲 而且味道一啲都唔輸蝕 尤其是個湯底 簡直係成碗嘢嘅靈魂 仲有嗰個扎肉海濱 陪蝦片簡直冇得輸好好味呀， 反而係個黃金雞翼真係麻麻地…查看更多

今晚去九龍灣運動場踢波，趁未夠鐘先醫個五臟廟先，一家三口行去附近啟業邨搵嘢食，呢度有條小食街，有幾間唔同種類嘅食店，太座揀咗呢間越南粉!地方幾乾淨，職員好禮貌，未食先加分!“金邊火車頭”，相比起其他地方，呢度份量唔算大，兩個大人加一粒塞豆窿食剛剛好，不過湯底超好味，配料有生牛肉、牛丸、牛柏葉同牛腩，好味到太座都讚不絕口，少見!“鹹蛋黃雞翼”，外面佈滿鹹蛋黃，內裡肉汁爆棚，啱哂我呢個雞翼控!“扎肉濱海”，呢個真係我食過咁多越南小食以來最好味嘅一個，蝦片夠脆，配料新鮮，點上魚露，扎肉變成陪襯一樣!“蝦醬炒通菜”，始終唔當造，通菜冇夏天食咁靚，但炒得唔錯!“鹹檸七”重點係個鹹檸，呢度有水準，鹹酸適中，合格!以屋邨食店嚟講可以咁旺場，除咗價錢抵食，質素都要好，香港人真係好識食!…查看更多

德福、淘大就成日去，趁今日冇乜野做就同男朋友行遠啲，去啓業邨搵野食😊 見到有我鐘意的越南野～座位都好闊落舒服，就決定試下呢間！前菜黎返碟泰式鳳爪，賣相同味道都十分正。酸酸地，非常開胃～主食方面有越南排骨飯！個飯好香軟，而且夠大碟。排骨配上椰菜、西生菜、洋蔥同埋紅黃綠椒，和特別的調味帶出越南風味，口感層次豐富，十分推介👍🏻食越南嘢又點少得火車頭。我地叫左個金邊粉底的火車頭，裏面有生牛肉、牛腩、牛丸和牛柏葉。牛肉新鮮，湯底都好入味。另外我地仲叫左幾款小食。春卷炸到好香脆，堅係好滋味，而雞翼都好香口，皮脆肉嫩，相當juicy 😋最值得推介的絕對係蝦餅！呢到蝦餅係標誌手打嘅，一試就真係覺得同之前食嗰啲蝦餅好唔同。好多其他店都有好厚的炸粉和好少蝦肉，但呢到啲蝦肉真係多到好驚訝。層次分明，咬感彈牙，好好味。飲品就叫左熱檸茶和凍奶茶～整體真係認真抵食！老闆都好好人，態度服務好好～係好有人情味的小店❤️…查看更多

今日係啟業邨附近做完野有d肚餓就去左入面嘅街市睇下有咩又平又正嘅快餐🤗! 新式街市有好多食店林立, 小妹見E間越南餐廳幾多人食於是就入去試下! 入面環境唔算十分大, 但幾乾淨企理! 餐廳除左提供多款全日套餐亦有小食同越式飲品比你選擇😋!白桃沙冰🍑🍹白桃沙冰好大杯, 桃味好濃帶有微微乳酪味道, 酸酸甜甜, 開胃又解渴!越式拼盤撈檬拼盤有4款餸, 包括越南春卷, 雞翼, 扎肉片同手打蝦餅, 雞翼炸得幾香口, 外層脆卜卜, 肉嫩多汁, 春卷夠脆饀多, 手打蝦餅咬落去粒粒蝦肉, 口感爽彈蝦味濃!蝦醬炒通菜蝦醬味好香, 食落味道岩岩好, 唔會太咸, 份量幾多!…查看更多

今日返返九龍食飯 順便買餸第一次黎呢邊新街市呢間餐廳選擇同種類都好多 唔係淨係越式仲有咖哩之類 價錢都唔貴下午茶時段價錢都幾平仲有其他小食呀飯呀但下午茶咁抵就梗係試呢個越式肥牛炒公仔麵其實係突然想食炒公仔麵 鍋氣都有嘅而且肥牛都幾多下 味道一般叫左個小食拼盤 因為垃圾最好食！隻黃金薯條即刻炸起 好香口 咸蛋醬唔算好油膩雞翼 春卷呢d都正常 唔係好油幾好食同埋見到會個蝦餅好吸引！都幾大份 舊舊都大粒 同埋真材實料 啖啖蝦肉呢個推薦~飲品就係滴滴咖啡同白桃soda白桃soda夠哂氣 甜左小小咖啡就淡左d 但都ok 呢間係屋邨入面嘅餐廳 價錢合理之餘味道都幾好~…查看更多

走進啟業邨熟食區，午市時間看到這家人頭湧湧，所以我們過去看看，原來是吃越南美食🤤。店舖裝修簡約，坐位坐得挻舒服。💥素菜米紙卷 HKD$32，先吃點素菜來阻隔一下油份是個不錯的選擇，看到滿滿的材料😍。食物味道雖然簡單，但加入米紙令到口感更豐富🤤，配合酸酸辣辣的醬汁來吃味道更佳😋。💥蒜蓉牛油雞翼 HKD$36，這個是吃越南美食必點的食物之一。上菜時聞到陣陣的蒜香，咬起上來口感嫰滑，很快就吃清光了。💥是日套餐 HKD$57，當日的是香辣肉碎煎蛋飯，肉碎帶微微的辣味很惹味🤤。配合太陽蛋來拌飯吃挻不錯，很喜歡這個配搭。💥香茅雞扒河粉 HKD$45，雞扒是分開另上以保持口感，上菜時聞到很香的味道😚。外皮帶點脆，雞肉煙韌挻好，配合河粉吃吃到很飽耶🤤。散點主食可以用優惠價加購飲品，這次用HKD$15加購了越南滴漏咖啡。看著咖啡慢慢滴漏出來感覺很棒🤤，咖啡味道挻香濃💕。…查看更多

超親民嘅Fuhn Express，因為喺附近考試，所以嚟到呢度食埋Lunch先。店員姐姐都好好人啊😝金邊火車頭 (生牛肉, 牛腩, 牛丸及牛柏葉) $68個碗夠哂大！上枱時牛肉都仲喺粉粉哋色，影相耐咗就熟了。牛腩肥肉多啲啲，牛丸幾多，夠哂彈牙🖐🏻自家製蝦餅 $58蝦肉超足料！切開之後見到仲見到蝦肉粒粒，唔喺攪到食唔到蝦味個隻。配搭甜酸醬一齊食，值得作為開胃前菜，可以encore😛蒜蓉牛油雞翼 $36外層好脆卜卜，咬落去肉汁吱出嚟，4隻份量剛剛好👍🏻👍🏻素菜米紙卷 $32米紙卷有6小卷，個卷夠哂大，配料同蔬菜都幾足🤭…查看更多

係香港大大話話都生活左廿幾年 今日係我第一次踏足啟業村 對我黎講都有一定新鮮感 正直中午少不免要覓食 村嘅餐廳都幾集中 圍繞到街市旁邊今日想食越菜一於入去睇下有無 點知又真係比我揾到 晏晝咁大太陽入到餐廳點都叫杯野飲解下熱再諗食咩野飲我叫左個菠蘿沙冰 真係透心涼 而且菠蘿味好重 睇黎都幾足料 比左我對呢間餐廳一個好大嘅信心 所以一於叫多啲首先食越南野點少得嘅就梗係火車頭啦 火車頭乜料都有啲 可以滿足我呢啲乜都想試下嘅人 佢地嘅牛腩炆得夠哂淋 食落一絲絲 配埋佢地嘅牛丸令到個火車頭生色不少 而且作為火車頭嘅靈魂生牛肉 又大塊又滑睇過我嘅食評都知 我最鍾意就係叫小食 小食好食真係會令成餐飯加好多分今次我叫左兩個小食分別係炸春卷同炸蝦餅先講春卷炸得相當乾身 食落唔會成口油 如果一碗可以多幾舊就好之後就係我今日想同大家大力推薦嘅蝦餅平日嘅蝦餅都係以蝦滑去打 而佢地嘅蝦餅竟然係鮮蝦食落個口感當堂升左幾個層次 已而岩岩上枱熱辣辣 一上枱就比我食哂…查看更多

今日去咗九龍灣到行街 行完之後拎住一袋二袋戰利品滿載而歸返屋企之際 突然個肚打鼓 所以就周圍去搜尋美食 唔經唔覺行到啟業邨附近 見到呢間越南餐廳雖然裝修唔係好靚但係食物睇落有番咁上下質素 一於決定入去試下首先叫咗一個牛腩飯 呢個牛腩飯唔係用清湯腩 但係肉質亦都好細嫩可口 同埋啲汁好好撈飯之後又叫咗一個生牛肉湯河 呢個係越南其中一個特色嘅食物 生牛肉淥一陣間啱啱好五成熟 牛肉冇筋但係牛肉味非常啲重 同我喺越南入食到嘅差唔多質素 非常之正宗之後就叫咗一個炸物拼盤 有炸雞翼等等 同出面其他越南連鎖店食到嘅差唔多最後就叫咗一個咖啡沙冰 咖啡嘅香味融入喺冰入面 而且唔太甜 我個人覺得比好多台式飲品更加好飲…查看更多

在家附近的舊屋邨街市翻新，引入不少抵食食肆。是日赫然發現有名越南菜fuhn的分店，加上express字眼似乎走親民路線。餐廳座位不多，環境光猛企理，兩口子點了一桌食品。雞絲湯金邊粉足料，湯底清澈喝下雞味十足，雞肉不過老，簡單卻見誠意。春卷撈檬表面香脆，豬肉饀料味道不俗。加上沙律菜和甜酸醬汁十分開胃。蝦醬通菜火候剛好，保持嫩綠不油膩，味濃不過鹹，功夫可見一斑。蝦餅充滿蝦肉，非常彈牙，蝦味突出，表面香脆，果然是招牌菜。咖啡沙冰充滿驚喜，香醇微甜，底部的涼粉粒甘香，不輸咖啡店的咖啡特飲。想不到屋邨食肆出品極有誠意，價值又較相宜，值得推薦。…查看更多