越南Fûhn (已結業)

今日去咗九龍灣到行街 行完之後拎住一袋二袋戰利品滿載而歸返屋企之際 突然個肚打鼓 所以就周圍去搜尋美食 唔經唔覺行到啟業邨附近 見到呢間越南餐廳雖然裝修唔係好靚但係食物睇落有番咁上下質素 一於決定入去試下首先叫咗一個牛腩飯 呢個牛腩飯唔係用清湯腩 但係肉質亦都好細嫩可口 同埋啲汁好好撈飯之後又叫咗一個生牛肉湯河 呢個係越南其中一個特色嘅食物 生牛肉淥一陣間啱啱好五成熟 牛肉冇筋但係牛肉味非常啲重 同我喺越南入食到嘅差唔多質素 非常之正宗之後就叫咗一個炸物拼盤 有炸雞翼等等 同出面其他越南連鎖店食到嘅差唔多最後就叫咗一個咖啡沙冰 咖啡嘅香味融入喺冰入面 而且唔太甜 我個人覺得比好多台式飲品更加好飲