超級自助壽司店

營業中

休息中

超級壽司一向都係我嘅食堂💓比附近那些大集團 我更愛吃這𥚃的🍣如果唔想諗食咩 就嗌二人餐($398) 😏🔺大蝦蟹籽沙律 簡單嘅開胃前菜😛🔺刺身盛 有好多款式又厚切 睇得岀非常新鮮其中最愛象拔蚌 爽口❗️甜蝦 鮮甜❗️🔺壽司盛: 真鯛 三文魚腩 葱油甘魚 馬刀貝壽司飯細細舊 酸味適中👍🏻大愛葱油甘魚軍艦 未試過葱配油甘魚蓉原來相當配合☺️🔺芝士黃金焗蠔 作為一名蠔控 無論點烹調都係甘喜愛的🤭這個醬汁真的巧巧吃 再加上芝士 邪惡也～🔺海老拼蕃薯天婦羅脆粉好薄 海老好新鮮 蕃薯都幾甜沾上蘿蔔蓉就唔怕熱氣嚕🤨🔺泡菜豚肉炒烏冬烏冬超彈口 豚肉份量好多🙈泡菜就甘食好酸 夾住烏冬食就啱啱好了👍🏻💓呢到有個自助雪櫃可以自己揀食咩 外賣又得💓又有當日新鮮海鮮推介 即叫即開❗️🍽 超級自助壽司店🔎 牛頭角牛頭角道33號宏光樓8號地下

只講飯就知求其！本地白飯你整？醋味零！似白飯平只係普通野咪平囉！其他埋單咪知囉！其實依間壽司鋪贏開得夜只係！誤導好多野；文字上與食物都不對的。大家明啦！35分！三文魚係冇味食落去堅淡而冇味！比錢不是問題而係你比嘅料吾掂！香港食三文魚已經係邚講質素！但依間鋪三文魚堅可以反屋企訓重要阿姐吾該你吾好變左售貨員咁坐低就話：依條魚靚好食試下不如依。我外賣咋！

食日本刺身日本熟鍋，在九龍灣這一帶，超級是一個好選擇。雖然沒有裝潢嘅門面，但係新鮮第一而且一直服務街坊幾十年，有口碑。如果突然間想食日本新鮮空運到的靚食材，係東九龍不妨來這小店。雖然近年來已經擴充左多一間舖，不過食飯時候都係大排長龍。我通常就當佢係深宵食堂就2017埋嚟囉自己帶咗一個三好湯煲熱燙燙，湯底又香又滑真係成個煲飲晒，另外亦都不得不提，老闆主張不時不食！所以好多時候都會引入原隻新鮮海膽，可遇不可求，雖然價錢比較貴不過食落真係比一板板的雪藏海膽鮮味甜美得多。今次我呢兩隻未算最佳，最甜美的就會見到除咗黃色海膽肉之外仲有一啲白色嘅膏，甜得很。生蠔方面，基本上都有五至十種俾你揀，而我就係最鍾情Majestic-法國瑪皇蠔，有好多人都唔會他是法國，查實牠是生長在愛爾蘭西北部Donegal Bay，先在愛爾蘭養殖，最後三個月才移到法國，每1平方米係養10-15隻，而且集合不同品種的蠔一起飼養，所以味道富有海水味及甜味，我個人覺得層次好豐富。最後就有師傅拍板介紹咗一隻大？貝啊...唔好意思忘記了。不過如果有興趣嘅朋友拎住張相問老細，佢哋一定可以話返俾你聽係咩！係鮮到不得了，口感一流。

超級壽司和食堂⠀香港人的心態香港人在消費方面的想法很有趣大家明明都不捨得用錢卻會經常消費明明在選擇日常必需品時也要在價錢和品質之間左思右想卻能在一念之間選好了奢侈品⠀明明就是知道用多餘的錢買回來的東西 就是一件奢侈品心中早已列舉了千百萬個理由勸諫自己卻仍選擇堅持買! 買買!⠀無它人就是想要享受一時間的快樂 與代價決定好快樂過 享受過就不要自怨自艾去為自己的選擇負責吧⠀見到女朋友成日買啲唇膏返嚟呀叔都想食下啲奢侈品落肚既然女朋友用晒啲錢食唇膏呀叔就要搵啲平價美食醫肚了⠀一間係九龍灣嘅屋村壽司店每次呀叔同女朋友係附近睇完戲之後都會去食個午餐一碗魚生飯 一碟冷麵 幾片刺身幾十蚊嘅價錢 已經係價廉物美的一餐點解仲要去食劣劣嘅連鎖外帶壽司店⠀魚生飯上嘅主角-刺身種類都算多味道鮮甜而唔腥 肉質亦唔梅係比較之下 依間食落口味道明顯比一般放題食到嘅好好多魚生飯黏黏地 唔會太散/太濕 冷麵唔係一餅野咁分唔開份量足夠 岩岩好 雖然唔會同到貴價嘅店鋪相比但係依一個價錢 咁嘅質素 已經非常高質⠀角切魚生冷麵配壽司2件 - $46極上魚生飯 - $62活玄海魚生飯 - $72厚切三文魚+刺食兩款 - $38⠀P

首先茶餐廳侍應服務仲好過佢哋啲態度，一坐落去一杯水都冇，碟又無乜都無，得對筷子同張紙。我由夜晚9:00入去食，等左三個字先黎得三串野，明明吾多人，我淨系知後面有枱大枱，有位侍應話佢地系VIP黎架嘛，幾好招呼，又問佢地要吾要食牛肉，又點又剩，人地三個字不停黎野食，我就得個啲易熟到爆嘅野食黎，最好笑系14蚊一串翠肉瓜得個兩舊仔，9:30先黎我嗌個啲壽司。之後本身隔離有個客，佢起身走個時同個侍應講佢已經等左九個字，等一個丼飯，我個下都呆左，個侍應一句吾好意思都冇，只話師傅整梗。我真系寧願去食爭鮮、元氣，都好過黎等到我餓死。NEVER EVER AGAIN. 我吾會推薦比朋友食，同埋會阻止佢地黎呢度食。你地甘中意只掛住熟客，不如只系掛個牌系出面話只招待VIP啦。。垃圾

初三食個early dinner，嚟到九龍灣諗起食壽司。呢間餐廳唔好睇佢好似外賣店，其實佢堂食有好多款式組合。 廚師發板，刺身拼盤，散叫壽司，天婦羅，鍋物都有。今次叫咗日本血鯛刺身拼盤($258)有日本血鯛，活赤貝，大甜蝦，鮮帶子，希靈魚，三文魚腩。血鯛有個專用汁，少少酸配黎食突出魚鮮味。仲有帶子同活赤貝真係超鮮甜，吖。平時少食三文魚，但佢呢個三文魚腩真係好肥美食刺身點少得sake，叫左最普通既純米酒，一小樽都只係$58。另外仲叫咗日本嘅師傅發板壽司盛($148)，有10件，唔係普通貨色。左口魚都唔係平時一packpack既，係新鮮既。件件都厚切，呢個價錢喺出面真係食唔到呢個質素，每種魚都食得出獨特既魚鮮同質感。除左menu，仲可以去冷柜睇吓是日海鮮、生蠔

其實呢度都有平民化既刺身丼，串燒揀亦有豪華刺身同生蠔係平民d既地方叫平有平食貴有貴食lae度門面係普通d普通到你唔會特別留意到去入去食不過原來呢度開左好耐ga laanyway係個姐姐盛意拳拳推介下買左條魚開黎食講完都唔知咩名，3舊幾水，貴唔貴就見人見智不過係好食既，唔會有雪藏味連我e d 唔係食家都食得出係新鮮既所以如果有興趣豪擦既不妨一試好過去連鎖店a

近淘大商場附近的 壽司店] 食過幾次的LUNCH 真係唔錯。星期日和朋友打完羽毛球後, 就齊齊去食LUNCH ! 地點好方便, 乘港鐵係九龍灣站B出口, 過晒天橋後, 過條馬路就見到 ! 大約5分鐘便到。壽司店]店子小小, 但賣的食物種類好多, 佢地的晚餐聽朋友講係好大份量, 好滿足, 仲未有機會食, 希望下次食到。除左壽司, 清酒及生蠔都係空運到港。價錢唔算貴 ! 我見過有些剛開左的美國生蠔, 一PACK 6隻 都係 $60。抵喎 ! 當然即開會貴一點。由於店子小小, 所以地方坐得較迫, 所以也有心理準備, 最後和朋友點了 :汁燒三文魚腩骨炒烏冬 配蜂蜜綠茶 $45大蔥吞拿魚魚生飯 配蜂蜜綠茶 $50汁燒三文魚腩骨炒烏冬汁燒三文魚腩骨炒烏冬之前也食過, 只係第一次要炒烏冬, 炒烏冬太濕, 唔似炒。汁燒三文魚腩骨依然好味, 今次有兩大片, 醬汁味道好夾。大蔥吞拿魚魚生飯朋友點選, 有少少根, 但整體味道唔錯 蜂蜜綠茶味道不太甜, 綠茶味唔算好重, 可以一試。

食左一個刺身飯 同十件壽司比想像中好食三文魚腩尤其出色全部刺身壽司都係即叫即做個感覺完全係啱啱切出來的感覺壽司點了石班、石恒鯛、吞拿魚、油甘魚腩及三文魚 （可惜呢啲冇影相）壽司飯有握得實 就算調轉舊壽司魚生向下咁點豉油， 舊魚生都唔會甩出來（我見日本人係咁點壽司），單係呢一方面 就好過爭鮮好多啦所以貴過爭鮮係好合理（同埋有好多款的魚（刺身）之前都未試過，所以感覺好新奇😂）石班壽司好有驚奇我會再去食過（雖然係16蚊一件）並且試多幾款壽司☺️

淘大的壽司店有好幾間，但比起那些連鎖店，我偏偏較鍾情這間街坊小店。雖然環境一般，有時地方唔夠乾淨，而且座位迫迫地坐得唔夠舒服，但勝在食物質素幾好，價錢亦不算貴。海鮮廣島蠔湯烏冬好足料，最喜歡佢個湯底非常濃郁入味，配烏冬一流。三文魚、帆立貝、火炙三文魚壽司都算幾新鮮同大大舊，食完會想再叫。三文魚刺身會隨碎冰上，不過略嫌啲魚太凍，蓋過哂啲魚味，食落口得個凍字。加送的魷魚刺身(?)都幾好味。間店其實仲做埋外賣，買盒三文魚刺身返去食係抵過堂食既。

以前成日經開呢頭，都會經過呢間壽司鋪，但從來都未入去食過，前排夜麻麻經開九龍灣，想搵嘢食，夜晚10點幾仲見到佢開，就膽粗粗入去試吓.入到去比我嘅感覺就係好平民嘅飯堂，但有一個雪櫃放住壽司，刺身，同其他新鮮食材，有生蠔，貝殼類，有魚蟹。坐低之後就叫咗幾款生蠔，生蠔好新鮮，仲識郁夜晚10點幾仲有好多街坊去買壽司攞走食，因為價錢唔貴，好平民所以自從果次去完之後，差唔多每個星期都會去一次，鋪頭老闆已經認得我地仲同我地講佢哋每日都會空運返啲食材返嚟，所以每日都好新鮮琴日我地又去食，叫咗好多野海膽好新鮮，好鮮甜我哋叫咗五款生蠔，全部都仲識郁，老闆話佢哋唔會俾啲唔新鮮客人食多春魚好大條，好脆我哋仲叫咗刺身，有紐西蘭龍蝦，八角魚，等等仲叫咗一隻蟹，啲蟹膏好清甜，蟹肉都好甜我哋會再返去食

夜晚晚，口痕 想食少少野。經過呢間小店有壽司買。仲可以坐低堂食添。就即埸試一試，叫啲即整既壽司喇！我見價錢不會好貴！相比一般連鎖壽司店，價錢平一點。當然有啲壽司說明日本直送 或者 種類較少見的壽司，就不便宜了。我就叫了一些普通既壽司吃喇！😂😂三文魚壽司，都幾靚同幾大塊！飯不會太大舊，同太凍。幾好。食落都幾鮮味。甜蝦壽司就麻麻了。無咩味道同比較細條。蟹棒壽司也普普通通咁，無咩特別。再叫了海膽壽司，都唔錯，紫菜脆的！👍海水味都幾重，都幾新鮮！仲叫左呢個刺身拼盤！哇，都幾靚喎！ 😍😍刺身都幾新鮮，幾好味！尤其個帶子同三文魚腩，都幾鮮甜！👍🍴整體都唔錯。但服務態度就有待改善下了。有個女人態度好差，黑哂口面咁。😖😖

呢間野好多人黎食，主要都係做街坊生意。所以價錢都唔會話好貴。當然也有貴價野食。見有好多刺身種類都話日本直送，所以價錢會貴d,同好多款既種類出面都好少食到！ 都幾特別！我就叫左板海膽食！佢有分兩隻。我揀左韓國。侇會附上埋d紫菜同白飯俾你包住食！多個食法！😃😃都唔錯。海膽個海水味都幾重。幾鮮！仲叫左個海鮮湯烏冬！！個湯底好味，應該係豬骨湯底，令到烏冬好入味！佢啲海鮮都幾多！又有蠔又有帶子，又有蝦青口。都幾扺食！！另外再叫左三文魚刺身！都好肥美，好新鮮！！😍再叫左d壽司食，個d就反而普普通通啦。但價錢唔貴，呢個質素都已經好好了！🙄 下次可以再試其他野，我見都有好多野食 😄

淘大一帶食肆繁多，價位集中於低至中價之間。男朋友常說這兒性價比非常高，今夜終有緣一試。店鋪面績不大，踏進門的右側是一個大雪柜，放著形形式式的壽司及海產，加上有點歲月痕跡的木枱，跟日本的漁市場有點類似。來到「漁市場」，當然要親自挑選海鮮作刺身。首入眼簾的是一尾喜知次，標著＄６８０／條，但見到其魚肚已浸出啡色血水，還是作罷；改選了半尾＄２９０的鸚鯉（青衣魚），再挑了只＄９９野生小龍蝦，另加＄９８製作刺身船。等了廿分鐘刺身主角來了，一字記之曰：「豐」！鸚鯉魚味濃但不算爽身，跟醋很配。龍蝦仔非常鮮甜爽口，超值！三文魚腩很肥尾，但吃上２－３片已膩。原個赤貝亦爽甜得很，加上甜蝦、帆立貝、劍魚腩等，真的很划算！至於壽司因為米飯不是正宗日本米，質數和爭鮮相若，可以不吃。串燒火侯控制亦不甚了了，也可撇徐。最後來了個鯛魚野菜鍋，湯頭明顯用了大量魚骨，絕對是吃畢大量生冷食物後的暖胃必選。

門面簡樸，不具吸引力。不過店內的自助壽司外賣選擇蠻多的。雖然店名叫自助壽司，還是有堂食服務 --- 除壽司身外，還有拉麵，炒飯，天婦羅等小食的。這家店還蠻會用盡空間，雖坐席不太多，但還有一點擠逼感。 店內人來人往，所以有點水泄不通，也覺得有點嘈，如果是想朋友靜靜的聊聊天，這家店應該不算好選擇。這次友人請客，點了很多刺身和壽司。 說真的，還蠻有驚喜的！刺身和蠔都是新鮮運到，即選即開即食。刺身味道鮮甜，而且師父刀功不錯，魚生片厚度適中。刺身拼盤裝飾也看出花了不少心機的。整體感覺也不會比連鎖店板X和元X遜色的。生蠔選擇也蠻多-- 日本岩蠔，巴西蠔，法國蠔等⋯ 個人最愛日本岩蠔，又大隻又肥美，再配上幾滴檸檬汁，鮮味更出！堂食壽司和手卷都可即叫即做，所以壽司飯還是暖暖的，飯身也不會過硬，確保是新鮮的。魚生片也很大片，材料蠻足的嘛！這家店其實蠻受附近街坊歡迎的，其實新鮮的日本料理本來就沒有親民價， 但壽司和刺身拼盤等價位還是稍為比連鎖店的便宜一點，新鮮程度也絕不比連鎖店的差。當然，進食環境就不如連鎖店舒服，但卻就多了一份地道感。整體評分 （最高10分）環境： 6 衛生： 6.5 味道： 8.5賣相