超級自助壽司店

營業中

休息中

近呢幾個月少左去九龍灣，好耐冇食呢間餐廳了。想平平地食日本野，又唔想等位，呢間餐廳係唔錯o既選擇，事關餐廳係隔離仲有多一個舖係內街，果邊冇咁多人，且座位冇正舖咁迫。我黎親多數係點汁燒豚肉飯配蜂蜜綠茶，我貪佢豚肉啖啖肉，但豚肉就肥左少少，豚肉份量算多，夠晒下飯，但燒汁就少左啲，落豉油味道就唔夾。朋友就食角切碎花蟹籽魚生飯配蜂蜜綠茶，魚生似切頭切尾部分，睇落魚生顏色就唔夠新鮮。朋友話份量好少，味道一般，食完唔夠飽。 蜂蜜綠茶走左冰，仲有少許凍凍地，甜左少少。唔飲蜂蜜綠茶只有熱綠茶茶包，蜂蜜綠茶係冇選擇下o既唯一選擇。雖然味道係麻麻地，勝在夠抵食，星期日食晏時間係九龍灣都難揾位，所以都冇乜所謂了，且唔駛加一。