超級自助壽司店

營業中

休息中

淘大隔離有間平民日本料理屹立多年，住附近嘅都應該一定有食過；最輝煌時期，曾經有數間舖位。主打價錢親民用料新鮮，穩打穩扎做街坊生意。其中他們的下午茶特別抵食：壽司定食、刺生飯定食、牛肉飯定食⋯各有喜出望外之處。他們都係的午餐也非常吸引，圖中是 師傅發板刺身飯，價錢都係$100多啲，師傅仲會幫你炸埋牡丹蝦頭，脆卜卜，好好味另外佢哋都有凍櫃，有外賣盒裝前菜、壽司、刺身、刺身飯、冷麵、蕎麥麵、生蠔等多款凍食，好讓客人帶回家享用。整體都算可以保持水準

我今晚想食日本野，係屋企附近揀左間日本餐廳試下。1. 壽司拼盤：有三文魚、北寄貝、帆立貝帶子和蟹籽。味道一般。雖然新鮮的魚肉質量不錯，但是味道並沒有給我留下深刻的印象。蟹籽的添加帶來了一些豐富的口感，但整體來說，這道壽司拼盤並沒有給我帶來驚艷的體驗。2. 餃子拼烏冬：餃子的外皮煎得酥脆，內餡口感不錯。烏冬湯熱騰騰，味道標準。整體而言，這道菜品給人一種普通的感覺。3. 軟殼蟹手卷：軟殼蟹唔脆，紫菜唔脆。我覺得軟殼蟹應該有脆脆的口感，但這裡的軟殼蟹卻沒有達到這個標準。紫菜也沒有保持它本應有的酥脆質感。雖然味道還可以，但整體上這道菜品讓我感到有些失望。4. 燒雞泡魚乾：好吃5. 芒果蟹籽沙律：只是普通水準。餐廳給我一種以鄰里為主的街坊風格。雖然部分菜品表現一般，但也有一些好吃的選擇。如果您對於一般水準的日本料理感興趣，這家餐廳可能是一個不錯的選擇。但如果您追求更高水準的日本美食體驗，您可能需要尋找其他餐廳。

今次行過間小店，心諗咁多人排隊係咪真有咩好嘢食？頭先食完，手都未洗就忍唔住要同大家分享啲感受。第一啖入口，生魚片夠晒滑， 而家想起都仲咀嚼緊嗰股鮮味。飯團真係層次分明，飯粒粒分明，最正係配上啲微微醬香，真係咁滋味啊！再講到燒物啦，件烤魚皮酥得嚟肉質保持多汁，外皮輕輕一碰就散開，似開花包。甜品方面，豆腐花嘅滑嫩，加埋淡淡蜜糖嘅甜啖啖沁入心脾。真係嚟到都見到好平民，每樣野都係咁有誠意，吃貨我都要喊出嚟，肚滿滿嘅滿足感。如果你鍾意食得真材實料嘅港式小菜，絕對唔會失望。啲工作人員服務態度親切，環境雖然簡單，但食物一流呀。句句都係肺腑之言，呢間我有時間一定會再嚟食幾轉！👍🍣😋

住九龍東嘅朋友一定識呢間超級壽司，直頭係伴隨九十後嘅成長。Lunch time最啱就係叫定食，個人最喜歡餃子湯拉，餃子炸得好脆，唔洗點餃子汁都已經夠晒味，獨有嘅湯底同特別嘅麵質好夾，食完會想飲晒啲湯。另一款推介嘅係鰻魚飯，$100有找，但份量係比平時多出1/3，絕對夠晒飽肚，鰻魚都好大條，好抵食。堂食嘅話仲可以嗌手握壽司，即嗌即整。特別推薦大家食鵝肝手卷，鵝肝油滲落壽司飯，配上少許沙律醬，非常夾。另外，中華沙律軍艦嘅中華沙律比平時食到嘅係唔一樣，舖滿軍艦。喺呢間超級壽司係絕對唔洗點wasabi! 早一年仲可以品評到勁好食嘅金菇肥牛同埋牛舌烏冬，但晚餐menu兒家轉咗，冇咗呢2個菜式。晚餐推介食蠔同埋海膽！蠔有好多款，好鮮甜，仲有好多套餐揀。另外，仲可以揀串燒，慢慢燒住咁同朋友飲酒傾計，好開心！

🍣 今天，我們來到位於九龍灣的一家超級自助壽司店！一進來見到午市的產品，就叫了他們的主打菜品魚生，是次叫了角切魚生飯，這確實是個驚喜發現。 🐟首先，讓我們談談食物。魚生的新鮮程度令人印象深刻，每一口都散發出海洋的風味。最令人驚喜的是，它的份量十分慷慨，這確保了每一碗都有足夠的食材，讓你品味到每種食材的獨特風味。價格方面，這家自助壽司店絕對物超所值。你可以品嚐到高質素的食材，這絕對是一個適合預算有限的美食愛好者的好去處。 💰（糧尾佳品）雖然餐廳的空間較為窄小，但它有一個十分特別的佈局。一旁擺滿了即賣的海鮮產品，從新鮮的海鮮到珍稀的食材應有盡有。這種設計為用餐體驗增添了一分獨特之處，你可以在用餐後購買新鮮的海鮮帶回家。總之，這次的用餐體驗給我留下了深刻的印象。如果你喜歡美味的壽司，魚生，新鮮的食材，且不想花費太多錢，這家超級自助壽司店絕對值得一試。記得要來逛逛一旁的海鮮產品部分，你會驚訝於他們提供的多樣選擇。

整體黎講都算滿意生蠔$78一隻，幾大隻同新鮮🥰 海膽手卷好鮮好甜燒牛手卷感覺一般，無咩特別燒三文魚炒烏冬，有小小油，不過都大致ok店內可以自行買已pack既既壽司盤入店食。 平過堂食叫小小，不過無咁新鮮，都可以接受😜

奉勸大家唔好再去 我同個friend去食感覺都唔太新鮮 個阿姐推薦我哋石恒貝 $98兩隻食完斷估應該係賣唔出 因為食落去唔係好好食嘅感覺 好似死咗咁樣我食到入醫院 兩個鐘一到昏迷 當中有抽搐抽筋情況 除咗食咗呢間嘢我就冇再食其他而今次嘅經驗搞到我差啲死 舖頭亦都冇話負責啲乜嘢我個男仔friend有同我嗌一模一樣嘅嘢，佢冇乜嘢但係我係身體敏感少少嘅體質 所以可能食完反應大啲 但係大家都唔想食完唔舒服㗎 所以寧願斬腳趾避沙蟲唔好食算啦 食返啲大小小嘅鋪頭可能會好啲 起碼佢食物嘅turn over快啲 嘢食都會新鮮啲

今日突然間好想食壽司就專登搭車出去幫襯 買咗一盒八爪魚$75 得6小片😓😓 😓因為不嬲有幫襯開 越做越差😓😓😓 以後唔會再幫襯 出門口行多兩步 爭鮮又多款式 價錢又抵食

本身都相安無事，之後後加叫左四件蝦二食就搞到成餐飯都冇晒心情。間鋪既蝦二食即係一件壽司加一個炸蝦頭, 本身上咗枱之後問佢點解得4件壽司，佢話啲蝦頭分開上炸緊，見有枱有叫都有蝦頭比,之後前後追左四次等左半個鐘以上, 樓面有用心追, 廚房點都無出蝦頭 好了, 最後幾經辛苦終於等到不過只有一隻唔係四隻, 但唔知係邊執出來, 炸蝦頭都可以凍到冷盤一樣.唔係話一定要有, 但無都可以講聲, 唔係咁hae人無交代, 覺得有d過份, 小事可以睇得出餐廳對人尊唔尊重 野食都一般普普通通 唔會再去食一間唔尊重食客,當客人水魚既餐廳.

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥📍超級自助壽司店平民價錢性價比高，蕎麥麵🍜份量好足，麵質爽口，加杯蜂蜜綠茶先50蚊～三文魚刺身新鮮大塊，食落好滿足炸天婦羅啲粉唔會好厚，又脆又香口～呢個價錢黎講算好抵食🤭

呢間其實都食咗唔少次因為佢有一個範圍，可以自己揀蠔🦪同海鮮🐟覺得幾好而佢午市都會有提供lunch set多種選擇今次就喺出邊啲櫃度，揀咗令和怪物蠔🦪同活內紫貝另外仲揀咗最右邊嗰盒圓形鹽水海膽隻蠔勁大隻好正至於個海膽好鮮甜比平時喺出邊食嘅真係爭好遠而活內紫貝就加咗刺身拼盤咁樣上之前有試過揀啲鯛魚啊，嗰啲都好正而佢嘅茶甜甜地都幾好整體嚟講好值得encore每次嚟都係揀唔同嘅海鮮去試比喺出邊做多啲選擇囉

同老公今日諗住試下呢個係牛頭角已經好多年既壽司店，諗住佢都開左咁耐應該唔錯啦。大約8點左右入座，其實入座無耐已經落左單，叫左一個$228既set，散叫左少量壽司咁，過左半個鐘都未有就追啦，個阿姐話:好快有喇，等多陣!!等左又等，又過半個鐘，終於到左個set同散叫壽司，散叫壽司仲要有兩樣嘢未嚟，又再追啦，阿姐同我地講軟殼蟹手卷同埋牛油果軟殼蟹卷要等多10幾分鐘，我個刻真係忍唔住同佢講我要取消，我唔食，唔洗再上。重點係，等咗成個鐘嘅壽司係一啲都唔好食，飯散既，刺身普通野，我食連鎖店好過，食到一到氣！唔會再去食！

送咗杯凍茶六十幾蚊你講算係幾抵食因為飯量都好多全部食曬都係飽到不得了可能我黑仔啦唔小心食到一片魚鱗又唔知類似清魚有啲蝦有三文魚裏面好似類似清遠嗰種魚最好食返上亦有少量嘅芝麻嘅香口唔錯好耐以前買佢有優惠係好抵食㗎有啲折扣唔知以後會唔會openrice重新合作再搞優惠呢

老實講呢間野啲野食唔難食 亦都幫襯左好多年 但係就越做越差🙂食開舊幾水嘅三文魚籽飯 一向好正常 價錢同個分量都成正比例就算加左價差唔多兩舊水一個飯都照幫襯 最緊要食得開心價錢唔係問題每次收工特登搭車去九龍灣買完再搭車返屋企點知個分量縮水縮到我幾啖已經食完 連個壽司飯都縮埋水 食完係完全唔飽好似無食過野落肚 唔好咁離譜呀大佬！個餐牌寫［三文魚籽飯（跟紫菜飯）］ 但係就成日都比漏包紫菜嘅 其實樓面同事都有責任對清楚無執漏先比客人啦！加左價但係就縮哂水 同佢地whatsapp講返希望留意一下（所謂嘅寫字樓）睇完仲隻字不回一啲誠意都無🤷🏻‍♀️ 唔係附近半夜無其他壽司鋪焗住食你地真心唔想再幫襯 啲態度又唔係十分之很好（除左個老細）

晚飯冇時間食，宵夜特登想叫個凍烏冬，順便買咪其他野食生蠔串燒同刺生成700蚊，等左我45分鐘，火都黎，啦啦林攞反屋企食，發覺漏左個凍烏冬，打去同佢講，佢話係呀漏左呀，下次黎比反你，冇下次，下次希望妳執左佢