走過十萬八千里找到你

營業中

休息中

走過十萬八千里找到你 (旺角)旺角彌敦道575號Ladder Dundas10樓放工食飯想打卡靚，就一定要來看看、坐坐，俾個餐廳名吸引到，其實裝修就好似個名咁浪漫，走過萬水千山，搵到一間好餐廳同一個對的人一樣幸福。平日嘅晚餐時段都人山人海，就知萬綠叢中一點紅嘅乾花佈置幾吸引。點咗兩個餐，有餐湯同餐包送上，餐湯係蘑菇湯，非常濃郁，蘑菇蓉口感綿密，好飲。餐包暖暖地，外脆內軟，點湯係係鹹甜得宜。日式鰻魚意粉 🍝西日Fusion菜，串燒上嘅鰻魚都好方便，仲有食燒烤串嘅感覺，蒲燒鰻魚醬汁甜甜，配上扁意粉夾埋食口感一流。明太子岩鹽燒棒貓耳朵明太子唔算太鹹，鹽燒蟹棒幾入味，好少地方有得食貓耳朵，厚身腍滑嘅質感，又有少少彈牙，其實都幾有嚼勁，我就覺得呢款好啱食啦。冰黑芝麻濃香黑芝麻，聞到濃厚嘅黑芝麻味道，證明自家打磨，入口細滑，仲有黑芝麻好健康，又好飲。冰玫瑰抹茶外型賣相就足夠靚啦，最鍾意有玫瑰🌹碎花喺上面，浪漫💕飲落抹茶同玫瑰又好夾啵，賞心悅目圓滿呢一餐就靠佢啦。

今日要去旺角拎續約禮品，順便約埋朋友係附近食。近油麻地嘅樓上cafe走過十萬八千里找到你，係主打多國菜嘅cafe，一入就門口就見到天花板掛住琳瑯滿目嘅乾花，有時可以沉醉於花花世界都係幸福嘅事！今日嘅餐湯係健康椰菜花湯，跟餐嘅餐包超香軟，有驚喜！明太子岩鹽燒蟹棒貓耳朵（$138）鎮店名物之一，入口奶油味好香濃，明太子加上蟹籽蟹棒，多重口感又鮮味十足，個人好鍾意貓耳朵粉煙韌有咬口嘅質感！安格斯牛肩胛一口牛溫泉蛋茶漬意大利飯（$198）呢個係餐廳其中一款fusion菜，將日式嘅茶漬飯元素加入意大利飯，採用口感會比較硬身的意大利飯就唔會太快被熱茶泡腍，一口牛方便女士優雅地食用。手工黑芝麻（$56）濃厚到好似食緊即磨養生芝麻糊，帶有奶香，口感順滑，芝麻糊都可以拉花嘅感覺真係好特別！紅寶石巧克力草莓牛奶（$68）IG able哪打卡特飲，香甜嘅草莓牛奶上面鋪咗cream加玫瑰花瓣，仲有淡淡的朱古力味，原來都幾好飲！

🥢安格斯牛肩胛一口牛溫泉蛋茶漬意大利飯 $198呢個茶漬飯都幾特別重點係夠熱, 一口牛外香脆肉質鮮嫩, 有驚喜!! 不過溫泉蛋解議另外食, 唔好攪埋漬飯度食會好啲*包埋餐湯, 餐包 同$55以下既野飲😋: 🌟🌟🌟🌟 /5🥢明太子岩鹽燒蟹棒貓耳朵 $138聽講貓耳朵好出名, 粉煮得好煙韌, 配上Creamy既明太子醬汁好惹味😋: 🌟🌟 🌟 🌟🌟 /5🍹草莓醬梳打 +$13 (Set)個草莓醬好多果肉, 配搭梳打好清爽岩哂熱辣辣既天氣😋: 🌟🌟🌟🌟 /5🍹菠蘿柚子梳打甜味來至於柚子蜜, 所以甜度適中幾香菠蘿汁味, 唔會係假味👍🏻😋: 🌟🌟🌟🌟🌟 /5

聞名呢間餐廳以乾花做主題，都好浪漫有情調，食物都好食，難得👍🏼環境先令你輕鬆自在。餐湯同包都唔錯喎！😄【軟殻蟹黑松露意粉】口感質量 9/10新鮮度 8/10味道 👅配料配搭8/10賣相擺盤 9/10份量 包足感 10/10整體⭐️8/10同性價比超高的，抵讚！⭐️⭐️⭐️💪🏼💪🏼💪🏼👍🏼👍🏼👍🏼🤭🤭🤭【大蝦海鮮蕃茄意粉】口感質量 8/10新鮮度 8/10味道 👅配料配搭8/10賣相擺盤 8/10份量 包足感 8/10整體⭐️ 8/10成件事係中規中矩！⭐️⭐️💪🏼💪🏼💪🏼👍🏼🤭🤭最後餐飲：打卡必叫，味道不錯🤭🤭🤭🤭總括來說：質量及價錢都可以，值得來一試🥹🥹🙌🏻🙌🏻👍🏼👍🏼

酥炸軟殼蟹黑松露忌廉汁扁意粉 ➰ $138一上枱見到原隻炸軟殼蟹真係炸得好靚，而且d蟹腳炸得好脆，好似d零食咁脆口，而蟹身外脆內軟，好好味。黑松露忌廉汁亦好多黑松露粒，好creamy.每條意粉都充滿黑松露忌廉汁。色香味俱全！餐包口感好煙韌，好實在。餐湯係蘑菇粟米湯，有顆粒感，好濃厚。〰️〰️〰️〰️〰️〰️〰️〰️〰️〰️〰️〰️〰️〰️〰️〰️日式壽喜燒牛肉溫泉蛋茶漬意大利飯 ➰ $148呢個茶漬飯的確特別，日式壽喜燒配意大利飯意外地夾，唔係睇返個名都唔知係食緊意大利飯。飯唔會硬，好有咬口。茶漬同壽喜燒汁融合得好好，變左好香既湯汁。牛肉亦好滑量也多。〰️〰️〰️〰️〰️〰️〰️〰️〰️〰️〰️〰️〰️〰️〰️〰️🍵熱鮮奶抹茶 ➰ $56心型拉花非常之靚，餐廳用宇治小山園抹茶調配，極香濃抹茶味，好似飲緊成樽抹茶粉。〰️〰️〰️〰️〰️〰️〰️〰️〰️〰️〰️〰️〰️〰️〰️〰️🍓紅寶石巧克力草苺鮮奶 ➰ $68草莓醬好靚咁圍住個杯邊，有草莓果肉。好多粒粒碎朱古力沉喺底，好似寶物一樣。好睇又好飲！〰️〰️〰️〰️〰️〰️〰️〰️〰️〰️〰️〰️〰️〰️〰️〰️

一間以乾花為主題既 cafe  打卡一流 佢係黃色小店,都見幾少人介紹。 野食都比較普通冇話太突出，但佢可以加CBD落野飲度，最近都見有唔少 cafe 都係一個新嘗試。分別試過佢既午餐同晚餐時段，都較少人幫襯，一班人可以去傾下閒計 約會下 幫女朋友打下卡 都幾岩港女打卡架。食物方面 偏貴,但係服務唔錯 ，我覺得唯一要注意下就係擺設比較多塵，希望店員可以改善下店內環境 加強清潔 大家可以去支持下，成棟大廈都有唔少選擇。 去過兩次就會發現唔同時間去既話入面既裝飾都會有唔同既展示效果晚上去既話燈光會較暗，比較突出既話當然係佢掛左喺上面既月球啦，我係臨走先發現到其他位置有壁畫。而下午去你會可以清楚啲見到佢有幾個地方都有壁畫，我就兩次都坐唔到打卡位，大家想打卡既話可能就要早少少去啦~ 

頭頂上一片花海，牆上的畫都畫得好靚，裝修好有心思，女仔來到一定鐘意。明太子岩鹽燒蟹棒貓耳朵意粉形狀真係同貓的耳仔一樣。條蟹棒都幾長，啖啖肉。最好味當然係個明太子汁，鹹香又creamy！而忌廉與明太子的比例也拿捏得好，醬汁不會過淡或過濃。北海道帆立貝海膽醬意粉一見到係海膽醬，即刻心心眼，每條意粉沾滿海膽醬，濃濃海鮮味！帆立貝好大粒。仲有少少海鮮粒，如：魷魚，喜歡海鮮的朋友可以點這個！紅寶石巧克力少女心爆發！最突出嘅係士多啤梨味，佢加入巧克力，但我覺得似奶昔的感覺。放滿花瓣，非常浪漫。白桃梳打朋友好鍾意白桃，所以佢好喜歡呢杯飲料，好飲過汽水！

一上到嚟lift門打開門，就見到一片乾花，如果係中午時份嚟，更加打卡able😍🌟餐湯＋餐包 (+$45)🌟餐湯係紅菜頭湯，好少有機會飲紅菜頭湯，淨係知營養價值好高，顏色紅艷，味道易入口，少許草青味🤗🌟日本三文魚子海鮮龍蝦汁意大利飯 $178🌟海鮮有青口、海蝦同蟹棒，意大利飯份量剛好兩個女仔，意粉連埋蟹籽一齊食，口感更佳😆🌟日式鰻魚意粉 $148🌟鰻魚有兩串，串燒形式咁串起，岩岩好一人一串😝🌟手工黑芝麻Latte $56🌟呢杯手工黑芝麻私心極力推介，好香口滑溜，完全係無顆粒狀，飲到底仲有好濃既芝麻😋🌟鮮奶抺茶 $56🌟鮮奶抹茶🍵味道都好出色，抺茶味好香濃，同鮮奶好夾😜除咗味道之外，拉花都好靚，靚到唔捨得飲😅

...又係一間遠近馳名嘅打卡cafe😌食物質素如何？環境又如何呢😹😹😹？等我帶大家睇下😌😌..環境呢… 大家其實可以成日都見到一堆乾花好靚靚咁。但其實真實去到嘅時候，就唔係真係咁好睇嘅🤫🤫只能說大家嘅攝影技術太好了😌😏..加上呢排勁熱，我果日去到已經大汗疊細汗，真係咩胃口都無晒。佢地仲要無咩冷氣🫠🫠🫠加上，枱與枱之間其實好逼，一啲都唔好坐….所以其實我去到係有啲失望嘅…...環境就麻麻，食物點樣呢😌我地叫左個慢煮安格斯牛板腱、法式蟹肉蝦膏汁扁意粉、朱古力香蕉窩夫。先講牛😛 肉質唔錯、7成熟，味道中上。唯一要挑剔嘅係，份量太少，真係唔會食得飽～..蟹肉意粉就大碟好多喇～醬汁Creamy 仲食到有少少咸蛋黃個感覺😆仲好多好多好多蟹肉👍👍👍👍..窩夫就…真係好普通🤡🤡🤡好似我自拍唔記得開filter咁😺哈哈 講完！..

電梯打開簡直就好似去左另外一個世界咁，裝修都頗有心思。天花佈滿好多乾花，窗邊都有好多乾草，而牆上都手繪左好多壁畫。餐廳面積唔算大，檯凳都唔算大，如果叫太多食物可能會比較逼。而且檯與檯之間比較擠逼，隔離檯講野聽得清清楚楚。打卡地方都算多，好多花花草草又有背景，但餐廳燈光就比較暗。夜晚menu有二人套餐、四人套餐，都可以單點跟餐。日本三文魚子海鮮龍蝦汁意大利飯海鮮品種有青口、蝦、蟹柳同埋三文魚子。蝦同青口應該係冰鮮既，食唔出鮮味。三文魚子好腥。龍蝦汁就食唔出，但蝦殼味就好濃烈。個飯既質感尚可以，有義大利米果種煙煙韌韌既口感。明太子岩鹽蟹棒貓耳朵擺盤都幾靚，有藏紅花同埋三文魚子鋪係兩條蟹柳上面。。明太子白汁味道好濃烈，雖然係岩鹽但係都唔鹹，個味都啱啱好。貓耳朵既質感好厚同埋好韌，咬落去好似食緊一塊麵粉咁。總括而言，餐廳名字好浪漫，吸引唔少人慕名來打卡，而裝修都好適合影相。但性價比唔高，食物味道因人而異。😙😙

一直對呢間餐廳都久仰大名💛原因係佢個名長得嚟又有啲尷尬😂同埋佢哋個主題係乾花💐成間餐廳都圍繞住乾花連飲品上嘅時候都會有一紮小乾花😂呢度嘅《鮮奶焙茶》&《手工黑芝麻》都好唔錯！焙茶味好濃烈再加上飲到淡淡嘅鮮奶味會比較有層次🥰手工黑芝麻都一樣，黑芝麻味好香濃🖤我哋食嘅lunch set，所以會配埋餐湯同餐包相對個意粉就比較失色😮‍💨上菜嗰時連香味都唔太聞到…蟹肉味唔太突出，龍蝦汁更加淡口🤏呢款意粉不推薦不推薦😿😿雖然個意粉麻麻哋，但係佢哋呢個明太子黃金醬焗鑊仔薯條🍟就好唔錯☺️店方話個明太子黃金醬係自家製的味道都真係調得幾好～ 食到有蛋黃醬同甜甜哋好似honey mustard嘅味道😬《慢煮美國安格斯頂級牛板腱》係限定菜式黎的～店方用慢煮技術烹調牛板腱～ 可以令到肉汁更加鎖住係肉內 同埋肉質都可以保持嫩另外個抹茶紅豆窩夫都非常普通🥲🥲

旺角不嬲都多cafe, 係IG都成日見到呢間🤪 今日終於試咗🙈!!.明太子岩鹽燒蟹棒貓耳朵👂🏻 $138成日係IG就見人食得多, 但我就未食過😢 今次終於可以一試🤣 個texture係比較煙韌嘅😛 幾得意🤣 有好多三文魚子, 多到食極都仲有😂 蟹棒好有蟹味👍🏻 overall 份量都唔少🤪.法式蟹肉蝦膏汁扁意粉 $148勁多蟹肉🤣 仲有唔多海鮮係底, 魷魚圈, 蜆肉etc~ 都幾驚喜🙈 扁意粉質感不錯~.紅寶石巧克力草莓鮮奶 (跟餐)超靚!! 原來紅寶石就係玫瑰花🌹🤣 聞落去好香玫瑰味🤪 初頭未攪勻嘅話, 都幾甜, 好重朱古力味, 攪勻後甜度啱啱好😚 仲要有好多士多啤梨果肉🍓係底😚.抹茶鮮奶🍵 (跟餐)都係一杯好常叫嘅cafe飲品, 但呢杯抹茶味比其他更濃, 如果係茶控應該會好開心🤣唔係嘅話, 話可能會略嫌苦咗小小🤪.餐湯 (連包)個餐湯unexpected地都幾好飲👍🏻 係南瓜湯🤤 餐包係有啲麥係入面, 夠軟身, 好食!!!.P.S. 啲乾花應該係新嘅🙆🏻‍♀️ 好靚好IG-able!!🥰

著名打卡餐廳，經營多年仍大受歡迎！步入餐廳，整片乾花海映入眼簾，加上昏黃的燈光，營造浪漫氣氛🥰 餐廳每個位都適合拍照，牆身有夢幻壁畫，配搭發光月亮吊燈，十分唯美💕座位寬敞舒適，適合二人約會及朋友聚會🥂 食物方面融合了日本、台灣、意大利、法國菜，選擇多元化 款式創新，擺盤十分精緻有心思，食物價錢偏中至高，質素不錯，份量正常☺️晚市二人消費：$541 🫧連加一費用🫧溫馨提示：餐廳座位少，人流多，請提前預約🙆🏻‍♀️💖═ ═ ═ ═ ═ ═ ═ ═💖💖💖食評💖💖💖 𝑨𝒑𝒑𝒆𝒕𝒊𝒛𝒆𝒓 🥣餐湯 椰菜花湯 • 餐包 (+$45/位)✨ 椰菜花湯清甜開胃，好健康😚 餐包暖烘烘，好鬆軟𝑴𝒂𝒊𝒏 𝑪𝒐𝒖𝒓𝒔𝒆 🥩安格斯牛肩胛一口牛溫泉蛋茶漬意大利飯 ($198)✨一口牛份量多，牛肉鮮甜有嚼勁，有驚喜！茶漬飯味道清甜，飯粒軟硬適中，混合流心蛋味道更濃郁🤤 鋪滿木魚絲及海苔絲作調味，整體味道很不錯👍🏻🍝北海道帆立貝海膽醬扁意粉 ($178)✨海膽醬味道十分香濃，扁意粉口感煙韌 掛滿醬汁，啖啖滋味🤤 大大粒帆立貝十分香口，意粉內混有蜆肉及魷魚，好足料！鋪滿木魚絲及海苔絲作調味，整體味道很不錯👍🏻𝑫𝒓𝒊𝒏𝒌𝒔🍫紅

上到10樓電梯打開門好似去左世外桃源咁。天花板同窗邊都佈滿不同顏色種類既乾花，有如置身於花海般。牆身上都有各種手繪壁畫，同餐廳個名一樣咁浪漫。餐廳既面積不算好大，但打卡點好多。整體感覺好chill好休閒，好適合坐係度嘆咖啡傾計。日本三文魚子海鮮龍蝦汁意大利飯意大利飯加左洋蔥一齊煮，海鮮有蝦、青口、蟹柳、三文魚子，份量十分足夠！明太子岩鹽蟹棒貓耳朵蟹棒好大條，仲有兩條咁多添。貓耳朵質地好有口感，煙煙韌韌。明太子汁都相當多，唔會好dry既感覺。甘筍湯每日既湯都唔同，而今日既甘筍湯完全溶入湯中，好突出，加埋鬆軟既麵包食真係唔錯。白桃梳打飲之前攪拌下，有白桃味之余，甜到入心。紅寶石巧克力打卡之選！上面鋪左d玫瑰乾花，香氣撲鼻。又見到一層層既草莓係玻璃杯上。

之前係社交媒體見到朋友去呢間食飯POST靚相自己都心思思想去潮聖下於是約埋朋友仔黎一場飯局個名好靚好特別，開頭以為係浪漫既意思點知原來真正既意思係D食材經過十萬八千里終於到我口裡 首先入內覺得成間餐廳都掛滿乾花好夢幻不過環境偏暗，地方都偏細而且冷氣唔夠涼，越坐越熱(可能我地坐正lift口位) 晚餐加$45可以轉套餐包湯、餐包同$55以下飲品Over $55補差價 當日餐湯係甘荀湯配餐包個湯幾好飲，但個餐包有點硬食左1/4已經唔想食 卡邦尼意粉意粉味道偏重口味卡邦尼D汁好濃好杰 烏魚子櫻花蝦意粉完全食唔到烏魚子只係得櫻花蝦同蒜片可能烏魚子已經溶曬係個汁度不過成碟都偏咸 飲品方面，凍飲都較細杯玫瑰抹茶既抺茶偏濃飲落有DD苦澀玫瑰味唔突出最靚係杯紅寶石朱古力鮮奶，用黎打卡影相都呃到like 總括︰雖然環境優美，但食物同飲品質素唔太好價錢又唔算平，人均消費都要$170左右試過一次唔會再ENCORN...