走肉‧朋友 (已結業)

新野總要搵人試，小妹一家三口，今日終於黎會一會。大人小人週末午市劃一收$78，我地兩大一細合共付$234。安排入店後，須先付款，後入座，同埋只收現金。待應在客人一坐下，會交待餐廳的餐具在餐後須自行收拾。食物方面，選擇不多，味道亦一般。如果真係要介紹，個人建議大家可以試下店內的煎饟豆三寶、口水雞、蒸粟米和紫薯雪糕，其他就真係冇乜特別。用餐時間為75分鐘，我地食左45分鐘就走，仲要走時都覺得冇乜野落過肚,減肥去真係一流。Btw,唔計食物，我個人覺得餐廳員工是很親切的，見有客影相，會主動前來幫忙合照，同埋會主動幫推BB車的客人，呢點值得加分。

喺門外排隊等入去食晏期間，聽到唔少路過的上班族OM話「呢度食齋架」，OL會講「入去睇吓有咩食」或者「揾日嚟試吓」。想知有咩食？我哋幾個出去自助餐區迫完一輪，帶咗唔同的食物組合返嚟。自助吧枱就喺舖頭中央，唔算大，放咗沙律（地中海沙律、已混醬的薯仔及蘋果沙律等）、熱食（煎釀三寶、釀豆卜、梅菜豆腐、豆卜燴冬瓜、甜酸素肉等）、黃薑飯、白飯、炒意粉、冷盤（皮蛋豆腐、卷物及口水素雞等）、炸物（春卷及番薯等）、湯、豆腐花同免雪「雪糕」。另有綠茶、檸檬水任飲。午巿高峰期，全場爆滿。行到埋枱已見煎釀三寶同釀豆卜沽清，等咗約10 至15 分鐘後，釀豆卜重新登場，煎釀三寶就始終無緣相見，改由炒青豆頂上。食客雖多，但大家都斯文揾食，有秩序地輪住攞食物，冇爭先恐後。口水素雞係全場最濃味的食物，超容易討好每個人的味蕾。如果覺得食物味淡，可以去調味架自行混醬配搭。免雪「雪糕筒」賣相靚，聰明如你齋睇顏色已可認出所用食材。食太多雪糕會好飽肚，淺嚐為妙。留意番，食客入門口後要「先付款，後開餐」，午巿每位68 蚊冇加一，用餐時限一個鐘，大人細路同價。外賣就58 蚊，店方會提供餐盒畀你，咁你就行埋枱攞食物帶走。餐具要自己行去

作為一個食肉獸，但老豆是食素的，久唔久都會同老豆去食下素，係網上見到這間vegge buffet, 新開試業價所以帶埋爸媽試下，位置係hsbc大角咀總部對面，好多ol , 舖頭唔大，擺位都幾窄下，不過都ok接受到，食物種類唔好同正常酒店buffet比，始終係小餐廳仔，家庭式經營但感受到用心，我唔係食開齋，所以冇咩資格講味道，但老豆就食得好滋味，見佢攞完又攞的食物包括：蕃薯天婦羅，豆腐類，意粉同埋口水雞，我就主攻意粉

阿媽食素，所以一有新素菜餐廳開張都要第一時間帶佢去品嚐，滿足下老人家啦。中午無得book位，所以一早就要同佢出門。事關佢好緊張，話早去先有得食喎。12點開始，我地12點10分去到，仲未有太多人，可以慢慢睇野食。周圍環境唔錯，有好多壁畫，感覺舒服。呢到係比左錢先入去食呀。枱面貼左張紙，提醒大家每人自取一套餐具，食完要自己收拾。食完就係放呢到，餐具分類好晒，看圖放岩位就得啦。至於攞餐具就唔太方便。佢放係食物下面既盆子里，遲來既人要同拿食物既人迫位置，仲要比d人身體遮住晒，睇唔到d餐具放係邊。講食物啦，沙律種類都算多，最愛係涼拌秋葵同紫薯雪糕筒感覺冰涼，清脆爽囗，開胃又健康。一d都唔凍既雪糕係紫薯薯容加蘋果粒粒黎呀，紫薯味濃，加埋爽口既蘋果粒，放係迷你雪糕筒上，好新奇，好得意，滿足左食雪糕既慾望。呢個係脆脆墨西哥蔬菜卷，齊睇賣相已經好得啦，菠菜做卷皮，包著好多種蔬菜及沙律醬。好清新既味道，食多兩件都唔覺漏。冷盤之一，真係好似食雞肉咁，仲要d肉包唔鞋，只係略為唔夠辣姐。平時食任食我係唔會食抄飯既，今次例外。聽到隔離枱話個黃薑抄飯好食，即管試下。真係好味，入口啖啖椰香，唔辣，抄得夠乾身，正。呢度

貪新鮮過海來大角咀試走肉·朋友（事關港島的無肉食經常太full, 所以寧願轉來大角咀這邊試），$78來說，水準很高。前菜是西式，小吃及主食主要是中式，款式算多，飲品有綠茶等，湯是老黃瓜煲赤小豆，而且能照顧不是吃全素的朋友的口胃。除了香甜的蒸蕃薯粟米段外，有蕃茄炒蛋，炒豆角，湯煮娃娃菜，甜酸素肉，泰式酸辣煮菜，釀豆腐，煎釀3寶，豆卜燴冬瓜，欖菜蒸豆腐，炒翠玉瓜，腐竹鮮菇炒瓜。小吃有口水素雞，皮蛋豆腐，涼拌秋葵。炸物有炸豆腐/青椒/蕃薯，炸得不油膩，吃多了也沒太大罪惡感，是推介小吃。茄汁炒意粉，黃薑炒飯都是必食。中式糖水有豆腐花，雪耳木瓜糖水，西式亦有濃朱古力蛋糕。難得亦是animal friendly: 但只限訓練有素的導盲犬。但這為殘障人士打破限制，超讚。總括都是推介值得去吃，總會選到合適菜式，吃得滿足離去。其實亦很容易去到，奧運站c4出口，匯豐中心第2期扶手電梯到地下，出門後向10點鐘方向看，過2條小小馬路，向左走30秒內到達。

喺大角咀舊區裡面最近開左間自助餐形式既新派素食小店...叫《走肉•朋友》。供應時間由上午11:30至下午15:00！任飲任食、每位收費都只係$78。不過限時一粒鐘！琴日大慨13:00去到，門口已經排咗八、九個人龍！幸好職員做完登記之後，等咗15分鐘左右就有檯！入到去要先付款、隨後再安排座位！小店以環保、自助形式做主題；所以食完之後，亦都係以自助形式放回餐具碗碟！小店裡面地方吾太大，所以感覺係有啲逼夾！除咗裡面靠牆位置設有一張長疏化檯，亦設有一般四座位、同 high chair table！中間位置放食物！頭盤方面，有地中海沙律、蘋果沙律、粟米沙律、雜菜沙律同南瓜沙律。熱湯有老黃瓜煲粟米紅蘿蔔，味道好清甜。素菜有口水雞、釀豆腐、炸蕃薯、炸茄子、炒翠玉瓜、苦瓜炒蛋、西班牙蔬菜卷、冬菇冬瓜煮粉絲、炒菜心、涼拌秋葵、皮蛋豆腐、焗薯、栗米、薑汁炒飯、五穀飯、同意粉等等.....甜品方面，有南北杏雪耳木瓜糖水👍、豆腐花、朱古力 brownie😋 同 (自家製)紫薯雪糕杯。飲品就有涼茶同綠茶無限量供應！$78..冇其他收費，咁多野食...真係抵到爛！不過問過小店職員...佢哋暫時唔接受電話訂位！只做