走肉蔬食研究所 (已結業)

素食唔一定悶嘅👻不過都無抱住會超高質嘅心態嚟試，始終素食都有佢嘅局限。🔸煲仔暗然銷魂飯 ($85)飯量好多🍚同埋真係即場有埋個爐喺到煲🤣兩隻靚靚太陽蛋加埋素叉燒配甜豉油，其實呢個配搭一定唔會差～係欣賞佢嘅創意，令素食都可以食得好開心🥳美中不足係飯焦底嘅效果唔係幾做到🔸椰香馬來咖喱羊腩配麥香爪跟飯 ($75)塊麥香爪好酥軟幾好味！咖哩欠缺椰香，淨係食到辣🌶羊腩食得出菇味，質地做得真係好似肉😋同場仲有個自助沙律吧可以夾D餐前小食～推薦大家食佢個手拍青瓜🥒😋同埋食完記得自行清理返枱面啊✨

今日同朋友去D2 place試一試呢間素食餐廳～餐牌上有好多選擇，港式、台式、東南亞等等嘅選擇都有～ 我哋試咗台式滷水拼盤拼肉燥飯，以及咖喱羊腩配香抓餅及白飯～個拼盤好有份量，有蛋、豆腐、豆乾同蘿蔔～肉燥飯嘅肉燥仲好香好重菇味，好適合配飯☺️ 滷味亦十分入味，好唔錯👍🏻 朋友嘅咖喱亦十分吸引～ 咖啡調味出色香料味好重～ 蔥抓餅亦好香脆，點咖喱好好食👍🏻另外要講佢哋嘅前菜好清新好好食，個人最鍾意個醃青瓜👍🏻 飲品方面，華田紅豆色都好足料好重華田味～ 係飲完會有啲飽🤣 整體而言都好推介呢間餐廳俾想食素食嘅朋友👍🏻

D2 Place有好多餐廳選擇，行行下見到一直想試的素食，menu上面的選擇都好得意好吸引。入面非常大，有好多張枱，好似課室格局。點餐後會有個beeper，響先出去自取野食。喺等野食期間就可以出去拎任食小食，會有一個三格小盤，可以無限出去添食，有薯仔絲、車厘茄、粟米粒、青瓜絲等等。不過個盤好淺，拎的時候要好小心先筆到落個格到。另外，仲有湯都係任添的，不過當日冇哂都冇職員添湯。雖然明知黯然銷雲飯唔會係叉燒，但賣相都好吸引，有煎雙蛋加麵筋扮的叉燒，加埋豉油，其實都幾香幾好味，不過就唔似叉燒質地。呢個泡菜牛肉意粉幾有驚喜，牛肉雖然唔係真的，但依然有肉碎感覺，但味道就淡左少少，唔夠惹味，不過就炒得好乾身。

之前食過走肉朋友覺得好驚喜完全扭轉左對素菜既諗法一直都想黎荔枝角試埋走肉蔬食研究所今次終於黎到食呢度晚餐可以先簡主菜出面自助吧可以拎沙律同湯我就拎左好多我最鐘意既薯仔沙律講番個主菜先每次食完燒味飯總係覺得好油膩今次食素三寶飯就完全冇呢個問題喇叉燒比較似真叉燒比較起黎雞就比較重豆味冇咁似不過總括黎講都係有驚喜既素菜想試食素菜既朋友都可以試試！

早兩個月食過一次好好味，早兩日再嚟幫襯見到餐牌變晒中餐諗住冇所謂當試吓新嘢啦點知得出三個字。好失望點解西式變中式可以差成咁點解好似去咗第二間餐廳咁以後都唔會再幫襯

💛近排素食開始盛行，其實去支持良心小店都可以搵到素食架😆咁就放心又健康啦XD今次黎到荔枝角D2 Place嘅走肉蔬食研究所，店內空間好大，裝修走校園風，好似返左小學時代🏫(仲有傳統鐘聲😂😂)餐廳以半自助形式運作，除左主食之外，仲可以出去任拎湯水同前菜 (酸辣青瓜、甜酸蘿白、粟米、沙律菜、小蕃茄、酸辣薯粉、薯仔沙律等等)店內仲有小量board game 同漫畫提供，如果唔多人，當cafe咁休閒坐一個下午都唔錯架👍🏻今次我地就叫左 "黯然銷魂飯" 同 "台式滷水拼盤配台式肉燥飯"，當然全部都係素食啦😆😆"黯然銷魂飯"上菜嘅時侯，如果你想要食飯焦，店員仲會細心安排一個煤氣爐同煲仔比你，咁就可以自製飯焦啦😍😍 蛋係半生熟，用黎撈飯一流👍素叉燒味道都幾似真叉燒，不過口感就差左少少~滷水拼盤味道唔錯夠哂入味，有豆乾，蘿白，豆腐，同滷蛋😝而肉燥飯真係幾可亂真，又夠味，真心唔錯，不妨一試👍值得一提嘅係佢任食嘅前菜真係唔馬虎，酸辣青瓜同酸辣薯粉都係爽口彈牙仲好開胃，我地都忍唔住添左幾次🤣🤣推介大家一定要試試😁😁

去睇戲之前過嚟醫醫個肚先，上次食完大角咀走肉朋友覺得幾好味，今次試埋佢呢個走肉蔬食研究所，估唔到兩者原來係差咁遠。叫左藥燉排骨（$138）同無可能系雜扒（$138），首先講講個藥燉排骨，個湯底係類似肉骨茶隻味，但好似落左糖咁偏甜，仲食得出佢啲味精味，可以話係中下水平，粟米仲要係薄切，考刀功啊？而個雜扒就不過不失，但個薯條係淋嘅。呢個價錢我去其他素食店會有更好選擇，或者去番走肉朋友都好過佢，起碼啲炸物唔係淋嘅，食物調味都好好多，希望你地可俾多少少心機整野食，唔好當食客係傻仔，收得貴過素年，但人地仲用心個你地

係荔枝角做文青玩完陶瓷去左呢間起D2 place既素食店餐廳係自助式，先點餐俾錢，搵位，自助拎餐具，水，任食前菜（有酸辣青瓜，甜酸蘿白，粟米，沙律菜，小蕃茄，薯仔沙律等，健康美味👍🏻）之後提示器嚮就去拎餐食完自己將托盤擺返餐車見到個素食鐵板燒2人套餐個名咁勁好吸引咁，就試下點左：鐵板雜扒配雜菜-個樣好懷舊，波浪薯條，仲插住支impossible 旗仔，好趣緻，素肉漢堡同豬扒口感都好似肉，調味很香，配左牛肝菌汁，都幾香唔錯！因為掛住影相，未及淋汁，少左啲效果🤪日式山賊汁雜菌雞絲意粉-睇個樣普普通通，食落出奇地香🤩 扮雞絲舊野都幾似，韌韌地咁既口感，加埋啲炒香左既脆口菇菇同硬度適中既意粉，唔錯的仲有個當日甜品-朱古力布朗尼由於對布朗尼麻麻，個樣又甜椰椰咁已扣分，食落都十分甜...個人喜好唔識欣賞，搞唔掂😂😂第二次食，感覺還可以，有進步空間😅

忽然好想食素，好彩附近就有一間咁舒服嘅素食店💛裝修好似課室咁，幾闊落，仲有個圖書館書櫃😂放咗好多書我揀咗窗邊位坐，枱面仲放咗盞黃色枱燈，再加上好舒服嘅陽光🥰感覺真係好chill.🍝荳乳黑松露雜菌炒意粉（$85）其實唔太食得出豆奶味😂但成個配搭好清新，啲磨菇好好味😋份量都幾足，滿足😋.🍹野莓桔梗冰茶（跟餐＋$15，散嗌＋$20）呢杯真係小伏，我最怕啲莓味似藥水，而佢就exactly 藥水味🤢.總結：環境舒服，食物質素高，會想再嚟（不過唔會再嗌野莓冰茶😂）💚素食Friendly：Menu 有標明有冇含蛋奶、五辛，可以揀走蛋

食到唔知食乜好，今日終於走去試呢間“素食餐館”。本身佢個 menu 都幾多元化，有焗飯又有鐵板燒又有 set 餐，睇黎睇去最終叫左呢個：一口蜜菠蘿豬柳焗意粉+熱檸茶佢出面有個 mini salad bar 同埋自助斟水潷湯區，今日個湯係紅青蘿蔔粟米湯，清清地冇味精都幾好飲。沙律有個拍青瓜辣辣地幾開胃，其他粟米粒、蕃茄、沙律菜 etc 就係啲大路嘢囉。講番呢個餐，面頭塊“豬扒”做得幾似漢堡扒嘅，但係條粟米仔都唔多掂，食落有陣普遍草菇類有嘅“up"味，係底果個意粉份量其實都幾多，個茄汁底酸甜度啱啱好，唔錯。檸檬茶正常嘢唔使講啦。

香港愈來愈多人食素～素菜餐廳愈開愈多～咁啱週末黎荔枝角d2 place行市集，發掘左尼間新派素食餐廳👅餐廳裝潢設計佈置得好似一間課室，正正方方既格局，類似課室桌椅既餐桌同櫈，牆身既大黑板設計，非常有趣！而且餐具亦同食堂用既大餐盤一樣未食已經覺得玩味十足！午餐時間選揀都幾多，而家淨睇餐牌會想像唔到尼間餐廳係食素既泡菜牛肉炒意粉8/10， 牛肉當然唔係牛肉味😂但有肉碎既感覺，同泡菜好夾，味道略淡，份量適中，配一杯熱既蘋果茶消滯解膩啱啱好煎蛋焗肉醬意粉7/10， 煎蛋煎得啱啱好，咬落去蛋汁流心🤗肉醬意粉比起泡菜牛肉意粉就濃味好多，食到後期要飲多幾啖水😅除此之外既都好滿意，食落同真肉醬意都幾似👍🏻餐廳另一個亮點係有個小食自助區，有啲沙律菜、醃青瓜、醃蘿蔔之類既涼菜俾人無限添食

琴晚係D2place 衣間食晚飯，$88一個素叉燒飯好難食，真係比錢買難受。佢嘅叉燒係食落完全一d 都唔似叉燒。雖然我知道佢真係唔係叉燒，但都唔應該係咁嘅味道。如果可以比0分，我會比0分。

好味指數😋😋😋回頭指數⭐️⭐️⭐️開心指數🤗🤗🤗去到D2 place，心目中冇特別想要食咩，行下行下見到呢間素食黃店，就入去試下！入面係用咗學校課室嘅裝飾，幾有特色！基本上係自助形式，自己買，自己攞，亦都有自助前菜、素湯、飯、水、醬料，今次試咗3款無可能系列，我覺得佢嘅前菜係好味過主菜，點解會咁㗎🙈其實覺得可以再返嚟試下其他菜式嘅～😋好味推界😋🍴 自由食驗區我覺得最推介係佢嘅薯粉（我相信係薯粉），酸酸辣辣又煙韌，我出去夾咗三次！跟住佢嘅拍青瓜同埋醃蘿蔔，可能係我自己喜好酸酸辣辣嘅嘢食，好醒胃！另外佢嘅蕃茄仔同菜都好新鮮，仲有幾款醬汁，好味！🍴無可能系焗一口蜜菠蘿豬柳意粉呢個已經係3款入面最好食！豬柳有3舊，其實有D乾身，講真，其實我分唔到impossible豬柳同牛柳係有咩分別嘅，佢講係牛柳都可以嘅～覺得好味嘅係佢個汁好多亦好濃郁，每條意粉都包住汁，佢本身寫個汁係honey white sauce，我唔知點解個汁係橙紅色，我成日以為係蕃茄煮嘅汁，唔太多honey 味，但anyways，個汁係好味嘅！😶尚可選擇😶🍴無可能系窩蛋榨菜蒸牛肉餅煲仔飯呢個係我最想試但又令我好失望嘅，面嗰D飯都仲好少少

小妹有一個好姊妹食齋，所以間中都會同佢去搵一啲特色嘅素食店。這間顏色認證嘅走肉蔬食研究所睇佢嘅Menu已經覺得好吸引所以就去一探究竟。先有茶餐廳系列嘅紅豆冰，係各式各樣嘅紅豆冰，真係堅正！睇咗每樣都覺得好新奇冇人都好想試吓但係無奈胃口有限點兩樣最想食嘅嘢啦，餐前嘅小食同湯係任裝，而且都好好味好開胃，未食午餐嘅小妹睇到餐牌更加肚餓，本來想叫個未來鐵板餐，但睇睇下煲仔飯又好似好好味所以就決定同朋友商量一下食乜好，因為乜都想試下。早黎既晚飯時間都要等下位，等左30分鐘左右入得～但係附近餐廳都係未坐滿嘅如果無耐心等嘅朋友可能已經去咗光顧第二間餐廳🧐等嘅時候又周圍望吓睇吓附近嘅小店手作仔其實時間都過得好快。佢哋嘅服務形式係咁既，先點餐付款然後攞個遙距器到自己位，個遙距器着燈就可以出嚟攞餐啦。出邊仲有不同嘅餐前小吃同埋糖水+檸水可以任添任食。全部小吃都非常開胃好味，食到差啲唔想食正餐（講笑哈哈）話咁快台式滷味拼盤就已經到咗，滷水汁比港式嘅甜，蘿蔔同豆腐好味，其他一般當然係唔夠肉食嘅大腸好味啦，個汁好香可以攞嚟送飯。話咁快煲仔飯就嚟咗，係窩蛋牛肉煲仔飯～個飯好香豉油汁好好味，蛋同素肉伴飯好正，上枱時

以前唔鍾意食齋，覺得素菜一係好多色素、一係好油 😅，而且最重要係唔似同口感麻麻 🌝🌝🌝自從有左新豬肉、未來牛肉之後，發現原來素肉都可以好似真肉呢間我第二次食，本身想 encore "羊腩" 煲，唔知係唔係過左個時令，餐牌冇左呢樣，於是食其他。叫左個金菇肥牛粉絲煲、沙薑雞 同埋腐乳菜估吾到最有驚喜係腐乳菜，啲腐乳好滑，而且唔太鹹，個質感有層次，呢個必食！！！金菇肥牛粉絲煲好惹味 ，牛都做得幾似，幾鍾意佢入面索哂汁嘅菜 (太心急冇影到相)雞就中規中矩，下次會想試下其他燒味 前菜薯粉都好好味，應該係扮緊海蜇 之前都有食鐵板扒餐，都係唔錯嘅選擇