走肉蔬食研究所 (已結業)

今日同朋友去D2 place試一試呢間素食餐廳～餐牌上有好多選擇，港式、台式、東南亞等等嘅選擇都有～ 我哋試咗台式滷水拼盤拼肉燥飯，以及咖喱羊腩配香抓餅及白飯～個拼盤好有份量，有蛋、豆腐、豆乾同蘿蔔～肉燥飯嘅肉燥仲好香好重菇味，好適合配飯☺️ 滷味亦十分入味，好唔錯👍🏻 朋友嘅咖喱亦十分吸引～ 咖啡調味出色香料味好重～ 蔥抓餅亦好香脆，點咖喱好好食👍🏻另外要講佢哋嘅前菜好清新好好食，個人最鍾意個醃青瓜👍🏻 飲品方面，華田紅豆色都好足料好重華田味～ 係飲完會有啲飽🤣 整體而言都好推介呢間餐廳俾想食素食嘅朋友👍🏻