貴記荳品 (已結業)

由中學到而家，十幾年，隔一排就會去貴記食下野。有時做做下野，就會諗起，呀，好耐冇去過貴記食野啦播。對貴記o既鍾情，可以話係黎自學生時代o既情意結，仲有o個份親切感。成日記得老板娘好大聲咁喊叫, 豆漿一杯!。好似十幾年都冇變過。呢份情，係舊鋪所獨有o既。去貴記食野，開頭都係諗住食個十零蚊，想食個半飽。不過，最後通常都會食左二十蚊以上。通常就食鍋貼啦，次次諗住只係食一隻咁多，但係結果都係忍唔住口食夠兩隻。豆漿一定要啦。豬紅加蘿蔔，d蘿蔔又大又爽口，加埋酸醬，夠晒惹味呀。另外亦都會叫牛腩面或者擔擔面。擔擔面會要求多辣，多菜甫。鍾意牛腩面d腩汁夠清，夠鮮味，不過有時d面唔係咁入味，又怕d牛腩韌，比較少食，所以多數食擔擔面。仲有，生煎包，夠晒大個，入面團肉亦都好大; 蔥油餅，香脆，唔肥膩，又係另一喜愛。近日又去食過黎，發覺d鍋貼改良左。d皮簿左。問老細，佢就好輕描淡寫咁講，簿左，米仲好食。咁又的碓係，一咬落去，d汁即刻流晒出黎，以前d皮，就相對太乾啦。以後去親，又要食多幾隻啦。我係個對飲食冇要求o既人。平係咁食，貴亦都係咁食，不過宗旨係要物有所值。總係認為，何必為左一餐飯，而去花幾百蚊呢(當然特

我返完學,本來之後要再殺去夜校,順便去土瓜灣個頭拎野,更順便食埋個彈牙麵。之前為左食傳說中既老字號麵,不借睇地圖睇成幾十分鐘!!!原來...貴記係阿媽返工附近,所以可以叫阿媽得閒行過幫我買,但我知道拎到返屋企食又係另一回事啦~其實本人好like食牛根,但呢度得牛腩麵,又驚肥喎,所以就叫左個蘿蔔麵算。蘿蔔熱辣辣,有5大大舊,味道清甜得來帶少少咸,正合我清淡口味,唔係想像中強烈「老」水勁咸味。湯底係清湯,有少少味精。主角---麵!!!!完全掂!好耐都無食過咁咁咁咁彈牙既靚麵~粗幼岩岩好!唔好睇個碗好似好細,d麵有成一碗半飯既分量,食完d湯餘下4分之1(我只係飲左一啖湯),即係4分之3都係麵!勁!!!!平!!!!我入去之前同自己講如果大碗得滯就唔可以食晒,但係都係抵受唔住,清晒~本身想食埋個紅豆包(最最最like紅豆同埋包,要中國蒸包喎~饅頭就最好!),但太飽啦~豆漿又無試,睇怕下次都要再來~最後為左呢餐,搞到返夜晚遲到!不過係值嫁!!!

擔擔麵好彈牙,配菜好味,encore多碗,豆漿ok,$3勁抵,但鍋貼唔好,太大隻同好油,菜肉包麻麻,食食下見到小強係牆上爬,>.<,下次去只會食擔擔麵

每當一個人食午飯時總是有點頭痛, 有陣時在街上遊蕩半個多小時還是拿不定主意來, 最後還是想食一個貴記窩貼.中午時店內客人不小, 先來了一個窩貼, 皮厚餡料多汁討好; 柱候牛腩有點清湯牛腩的感覺, 牛腩不算腍但肉味不錯; 意猶未盡再點一個魚蛋豬紅麵, 麵條比較粗身, 麵質偏適中, 魚蛋偏腍肉味清香, 豬紅香滑可口. 另外飲了兩杯凍豆漿, 豆味香甜. 肚子填得滿滿的~

20041212 7.30pm約o左個朋友食飯吹水, 我suggest o黎呢度因為夠平勁抵食.亂叫一通, 2人吃- * 鹵水豬皮+鹵水豆腐($6雙拼,單拼$4) - 唔推介鹵水o野, 唔多得* 鹵水蘿白+魚蛋($6雙拼,單拼$4) - 唔推介鹵水o野, 唔多得* 花卷($3@) x 1 - OK* 鍋貼($3@) x 2 - 得! 爆汁* 牛肉煎飽($3@) x 2 - 好油o下* 淨菜肉雲吞($10) x 1 - OK* 凍豆漿($3@) x 2* 熱豆漿($3@) x 2其實quality 就OK 啦, 但係呢個平得咁過份o既價錢都無咩要求啦. 仲要鬼死咁大件wor樣樣都.

掂在佢夠街坊，夠地道，夠抵食。今日要去太座的比面派對，成個下晝只需出現個半鐘，不過就要全程stand-by。同個一起去的朋友下晝在附近搵食，諗起呢度未食過，又咁多人話好，就來試下。兩點幾，人一點也不少，好在有人離座，我們才可進佔比較舒適的卡位。說是豆品，但又以麵為主，價錢真的是便宜：鍋貼、牛肉包、豆沙包等3蚊。麵類是10蚊，多些料的如牛腩麵只13蚊。平得有點脫離現實，真的如專食cheap兄所言是有點「名不副實」！兩個人，叫左牛腩麵及擔擔麵，兩隻鍋貼，一隻牛肉包，兩杯豆漿。先來鍋貼及牛肉包，件頭好大隻，敢說是在香港地也未見過咁大隻鍋貼。熱辣辣，皮厚，餡相對不多，但三蚊一只，可以理解。而從另一個角度看，是又平又飽肚，抵食！牛肉包也是大大隻，也是皮厚餡少，但如果一位女士的話，吃下兩件鍋貼加一隻牛肉包，應該夠飽，十蚊有找，都米話唔平！兩碗麵雖然是十蚊及十三蚊，但份量也一點不少。牛腩麵除了麵底，也有不少牛腩，食來食去也有。麵底唔差，又係夠晒份量，我那位朋友還吃剩幾舊牛腩在碗底；我的擔擔麵是厚麻醬，加入菜譜及蔥，味道都可以，起碼十蚊一碗，又係唔可以要求太多，算交足功課。原本也想叫個蔥油餅或豆沙包什

星期六晚上8:35進店，人不多，在座的都是年輕人，未見長者。要了擔擔麵+豆醬豆醬：好、、好香豆味，但絕不會過甜。擔擔麵：麵彈牙，口感一流，配料有充菜、蔥花和花生醬，同時混入了濃冽的豆香。稍咸但一點都不辣，加了那豆辦醬才對胃口。這店口碑好，連我在內15分鐘內有三檯新客，但店員都樂於詳細推介他們的出品。其中一檯竟是耀目的美少女，我真怕她厚厚的白臉粉掉進麵中^m^結帳時忍不住要了件蔥油餅，邊走邊吃。從老板口中得知，所有麵(上海麵)和飽點，都是自制的，怪不得可以保持水準！

重陽節到訪，可惜"休息一天"....星期日再去。下午兩點幾，有十多人，但幾乎全部都係公公婆婆，只有兩個年青人。一坐低，亞嬸就大叫：你地要唔要豆漿呀?不愧為老店，溝通方式好"街坊"。豆漿($3)一般細杯，只有微微甜，無豆渣，不錯。男朋友試左擔擔麵($10)，我怕辣，但係佢話好味，堅持要我試一口，我試左一口沾有花生醬既麵，好香花生味。我未有決定食咩，見到餐牌上既"陽春麵"，問亞姐係咩東東，佢話係"齋"麵，亞姐可能誤會左我意思，過左一陣，亞姐比左碗"齋"麵我，好都唔好意思話唔要，於是食啦。不過都幾好味，d湯甜甜地，d麵幾好"趙"，好味。仲有食左鍋貼($3隻)及鹵水豬皮蘿蔔($6 兩樣)，鍋貼皮比較厚，但豬肉好多汁‧鹵水豬皮蘿蔔就麻麻地，唔好味。

星期六晚，在彩虹吃完粥，便乘搭5號車到天星過海。途經土瓜灣時，記起昨晚MM和cheap哥仔提起的貴記。便決定一試。8:45pm到步，祇見師父們已在洗煲，店內只有一台客，但其它竟放滿了，一盆一盆生飽點。當我進行scaning時，長者問我要不要油餅，便外賣一件，便邊邊食，向老好清香進發。Sorry! 入正題啦:餅：香、薄、鬆化^m^，又不會油淋淋。這便是廚藝！絕不是又厚又韌又油的貨式>m<。題外話1：既然食不到貴記麵食，便去老好清香尋夢-土筍凍。結果又失望一次，師父說剛賣完，我再問何時有供應，他便給我名片一張，好讓我來之前先打電話confirm.為何我稱呼那人兄做師父？因為我亦是師父，但因行業不同，他的指甲是白邊而我的是黑邊^m^!

好多人都說貴記最貴的麵是13蚊,其實不是囉,不過在餐牌上是沒有出現的就是"蓉" 雲吞麵了16蚊其實是可以亂併的不過最MATCH 的都是"蓉"因為超正的菜肉雲吞滲入超正的麵醬完全是CROSSOVER了兩樣貴記最正的食品下次大家一定要試,我都是有一次去有人叫我才知有的,之後我就喜歡了,不過是有點貴不過一碗麵,可以達成兩個願望都是正的,除了"蓉"外,我喜歡食"大餅"滲在麵的湯之後食原因都是大餅吸了麵醬的味

上次無食到雲吞,今次叫個試,好味又大隻,d皮都好薄下喎,不過一碗好似得4粒到,如果多d就好啦bf叫左碟淨牛肚,都好好味,不過$10得一碟仔又係唔夠喉,唯有叫碗擔擔面,嘩,即時飽晒....仲有冰凍既豆漿,牛肉煎飽同鍋貼...埋單都係$42 咋

見到咁多版友話好.今日特登去試一個人叫我在最鐘意的担担麵.我可以話試過不十幾廿間唔同的担担麵.用料來說它不是多.只有榨菜粒同花生醬.但d榨菜粒真係好爽口好正.湯唔算辣.麵好滑.十元算係好超水準之作啦.葱油大餅.好鬆化好香脆.新鮮炸起.少少甜味調配得恰到好處.三元又係超水準之作.其實都己經好夠.但最後都叫多一隻鍋貼.皮比較厚左少少.肉就唔係好肥都幾好.三元一隻又夠大隻.都算抵食.下次一定會再試.

我唔老的﹗;)但自小在土瓜灣長大，所以對土記的餐廳都幾清楚。我諗這個web差不多list了所有土記的餐廳，但...好像少了一間我的喜愛。鴻福海鮮火鍋- 在青山道近海心公園的。這是一間dirty到不得了的碳燒火煱，無間道2亦在那裏取了影。但論食物的質素.... 真係好好味... 牛肉、魚滑、燒"線"圈..... 我帶去的朋友全部都話好好味.. 但大部份都會講... 行來行去的生"芝"猫好難頂...你們知這間火鍋嗎？是否不在web 的database 內？註：野食唔算太平的，約150-200 蚊一位

除了荳漿冰凍外，貴記的擔擔面也是很好吃的，裝修是舊了點，阿姐的樣子也好寸，不過價值平，說真的，去過多次也沒見過任何小蟲蟲出現。

話說筆者在此食館亦幫趁了約有30年,其實我反而懷念當年的蠔油魷魚及陽春麵蠔油魷魚: 已經很多年沒有出售,我早幾個月前跟老闆娘閒聊時,曾問起此小食,據她說因為浸泡魷魚須時,而她又不想像坊間一樣,用皂水浸泡,所以沒弄.陽春麵: 一條很奇怪的問題是嗎? 其實當年的陽春麵是由一位老人家所弄的,而每一次都是即叫即弄(先由麵餅下鍋),麵條是很幼細的,而不是今天所吃的粗麵條,該位老師傅會將麵弄得非常整齊(像梳一樣),排在碗中,我每次都欣賞一輪才肯下筷,只可惜今天已沒有了.論價錢,這裡可以說無敵論清潔,這麼多年來,小強從未見過(我指在碗中,但小強不時在牆邊散步)論食品,味道有點濃,可能是舊區關係,老人家喜歡咸一點的食物,而豆腐經常散晒.......論環境: 唔好問,平野中仲有冷氣仲想點講真, 咁多年,老闆娘d兒女憑此舖的收入,可以出國留學,都好犀利.