貴記荳品 (已結業)

蔥油餅、豆漿同麵都係心水之選，記得學琴那段時間，我都是要豆漿+ 蔥油餅，只是一份報紙的價錢，己吃得飽飽，煞是高興。

在七零年代已經開始幫櫬,想唔認老都唔得o當時只賣一元一碗炸豆腐麵,每朝早吃一碗飽飽的才返工,又快又好,又經濟,又好味,好過自己煮o你說去那裡找?只是相隔多年,其他食物的價錢已記不清楚,未能相告o

咁我諗我老過你啦! 佢地以前豆漿,包點也是買$2.5的.咁唔知有無人老過我呢?

由細食到大... 由細細個豆漿已經係買3蚊，到似家都仲係3蚊由細細個已經覺得好好咪，到似家一d都冇變由細細個已經只有這些野食，到似家都係一樣那些野食亦因為咁... 所以質素十幾年都冇變過。我個人認為... 未試過的快d去試下... 因為老闆都很老了... 這類食店，老闆不在的時候就很難繼續了...它們的豆漿... 我想信係全港最好的﹗

又平又好食正呀！

蔥油餅，牛肉包是我的推介！真係好好食o架，大大件又香口，不過一定有少少油啦！有機會下次試o下佢D蒸包先！

外賣一碗麵($11)，我企係門口睇住佢整，先整麵，d麵係唔粗唔幼既上海麵，然後加一匙更辣椒油，加一匙更開希左既花生醬，加一匙更炸菜，少許蔥，再加湯就完成，又平又好食!!!!p.s.我去到個陣有個男子買哂佢地現成既牛肉飽及鍋貼，我都係第一次見佢個黑鐵鍋無哂野!

同男友叫左以下食品，食到我地都食唔晒，不過真係好抵，本來仲想叫個菜肉雲吞$10，不過真係食唔到，唯有放棄啦!包括2杯豆漿$6~好好味蔥油餅$3~普通左d鮮肉鍋貼$3~好多肉汁煎牛肉飽$3~都唔錯鹵水豆腐$4~豆腐果然係好滑豬皮面$10~d面幾煙"un"擔擔面$10~雖然唔辣，不過個湯底都好惹味喎

六「蚊」咋!其實是今天有job要出去紅磡，於是趁機到試試「貴記豆品」的食品。一進門，看到蔥油餅煎起，便點了熱豆漿及一塊蔥油餅。豆漿甜味剛好，蔥油餅很大件，比一塊「必x客」的大批size還要大呢！由於剛煎好，塊餅外脆內軟，咬時還發出「蓆蓆」聲，如果多點芝麻多點蔥，就更滋味了。豆漿豆味重，喝到見杯底時，舌頭感到一點沙沙的豆渣，彷彿要告訴我豆漿是自家製的….雖然只是點了兩樣東西，但吃到一半已很飽了。貴記的食品可大約分為四類：包點、小食、麵食及豆漿。見到不少顧客都點麵食，於是好奇之下，喵喵有什麼特別—哇~~~好大碗呀，而最貴的也只是13個大洋!!聽聞其他包點如菜肉包、花卷等也很美味，但肚皮已裝不下了。今日的午餐好好味呀!!!!!

同男友兩個人去食dinner, 各自叫左一個擔擔麵($10@), 個麵係上海麵, 味道不俗, 仲好香添!另外叫左一個蔥油餅($3@)同一個牛肉煎飽($3@)(好似生煎包咁), 不過佢地上時已經凍哂, 我諗若果熱食會正好多. 最後一人一杯凍豆漿($3@). 埋單合共$32, 好抵食!不過地方就真係污糟左少少. btw, 若果大家想食包點既話一定要早d去, 我地8pm去到, 已經有唔少包點賣清.

成日嚮土瓜灣出沒o既小妹，竟然都係第一次o黎幫襯。呢度舖仔細細，招呼o既都係上o左年紀o既嬸嬸婆婆，但估唔到好多人，2點都仲座滿晒人。不過呢度o既價錢真係超平！豆漿$3一杯；各式飽點如鍋貼、蔥油餅$3一件；陽春麵$8一碗，最貴o既細蓉都係$13一碗，真係平到o丫～一個人o黎食，叫o左碗$10擔擔麵，$3一隻鮮肉鍋貼，$3一杯凍豆漿，埋單$16。擔擔麵D麵係粗身上海麵而非食開o既幼麵，但都幾煙韌；湯底就麻麻，唔多似擔擔麵咁～雖然有唔少炸菜同花生醬，但完全唔辣～不過以呢個價錢已經唔錯。鮮肉鍋貼好大隻，皮好厚，但裡面都幾多汁。凍豆漿有豆味，$3一杯實在超值！若果閣下唔介意環境污糟同「up dup」，呢度實在係一個好經濟o既選擇！

叫左一碗擔擔麵,幾好食,同我平時食開既唔同,佢地冇落花生粒,唔知點解呢??唔通咁先係正宗???蔥油餅,正啦,唔油,好大塊仲有D芝麻係上面!!一碟牛腩,都幾入味架,$10都好抵食,之後加多2柸豆漿,食到我同朋友好飽,都係$29...抵都爛呀!!!

父母兒時於土瓜灣扎根.成日都拍住拖黎撐檯腳. 到我長大成人後. 他們也會帶我黎貴記"話當年". 咁多年來. 貴記以家族式經營. 樣樣野都係$3..最喜歡的是融融豆香的豆漿. 豬紅+豬皮兩溝. 包類大大個. 包你飽!老闆好好人.佢地成家人都好似餅印一樣!

今日早餐買左鍋貼& 花卷食，共$6蚊個鍋貼皮超厚但肉餡多汁個底微微焦熱辣辣所以好好味道! 花卷一般ok啦!豆漿以前飲過略為淡、無豆味即飲$3 外買$6

由細食到大,以前最愛一邊等車一邊飲豆漿,好懷念!此店必食--蔥油餅:大塊不油膩