貴記荳品 (已結業)

因為呢度睇到介紹呢間舖頭食平靚正,所以我同我朋友今日就特登走去試,我叫四隻鍋貼,一碗擔擔面,一碗擔擔面加豬紅,再叫三杯豆漿埋單都係四十四蚊咋!真係好抵食呀! 果隻鍋貼仲大到嚇親我呀!唔信你睇!真係好大隻架!而且咬落去肉汁仲必晒出!果兩碗面又好食又夠飽,我覺得值得一試

我都係睇到呢道o甘多好既評分﹐所以決定去呢到試一試﹗雖然位置唔算太方便﹐但都算容易搵喇﹗無論係裝修﹐格局﹐店員..都會令你知道呢間係一間開左好耐既鋪頭喇﹗雖然D員工講野大大聲聲o甘﹐但反而覺得好親切wor﹗可能係鋪頭既環境喇~~~你總唔會係呢D老店想搵到5星級酒店既待遇吧﹗我地叫左菜肉雲吞﹐鍋貼﹐牛肉飽﹐蔥油餅同荳漿﹗D野真係好大碟~~價錢都好平﹗佢D餡料全部都殗得好有味﹐相信係D野食好味既原因吧﹗我覺得﹐將來一定會繼續去食佢呢到D好野﹗

29/05/2005 14:00星期日的中午，坐無虛席，印象中未見過咁多幫趁。店子雖簡陋，但出品有質素之餘仲誠意可加。邊度睇得出佢有誠意？好簡單，睇個價錢咪一清二楚囉......$10一碗擔擔麵，$13一碗菜肉雲吞麵，$6一碟雙拼小食，$3一杯荳漿，還有很多飽點......擔擔麵以菜甫麻醬為主，可惜無指明之下上左碗唔辣，減左少少擔擔麵原有之風味。麵質普通但麻醬非常香，配合爽口菜甫粒一流。菜菜雲吞大大隻，皮略厚但餡料新鮮，豬紅豬皮都屬普通之作。黎呢度食麵，除了填肚外，還可以感受一下懷舊的氣氛，從待者的年紀及裝修環境，推算這店最少也有三十年之歷史。

見到咁多好評,又經過呢頭,咁咪去試下囉蔥油餅果然好大塊,欣賞佢唔係油淋淋,又多芝麻,但唔欣賞佢太少蔥,令到成個餅唔似蔥油餅,似煎麵包而已豆漿又真係好有豆味wo,又滑,又甜度適中,so good~

無意中見到"300大最多好評排名"竟然有呢間老字號,冇寫過食評的我都要"參與"下! 你地話嗰個伯伯多數都係整飽..窩貼..那邊,婆婆(伯伯個老婆)就送豆漿..收錢等等,仲有個仔喺樓面,家族生意! 食物真係十年如一...咁好味,價錢都冇加太多,雖然地方唔係太乾淨,但係係街坊生意,唔好太高要求啦.. 希望"貴記"可以繼續保存落去,因為呢d咁有舊式味道的小店已經買少見少嗱!

係就係好食, 而且又平,婆婆又好人不過...地方污穢左D

第一次梗係食招牌菜啦　我叫左擔擔麵　蔥油餅　荳漿擔擔麵　＄１０碗重想點　敢實力係真係有既　好鬼大碗呀　食到我呀　麵我覺得有ｄ林　個人較喜歡爽口ｄ既　最正都係個湯　真係好鬼好味　我飲晒　ｈａｈａ　好奇怪　吾知點解我食到ｄ花生槳味/\/\蔥油餅　＄５一塊pizze 你食過味　都吾知點做　敢鬼平敢大塊　點都抵啦　不過右真係幾香既荳漿　＄３杯　真係吾知ｌｅｅ間野點經營．．走果陣叫敢多人食窩貼　我都吾理有幾飽啦　死都整番隻３個大洋－．－　ｄ皮都吾係薄　好有粉團fell　舊肉都吾錯　幾有肉汁　今次真係平靚正　笑

呢度d 野食真係好平,多數都係幾蚊碟,叫到成檯野都係幾十蚊,另外食物味道同質素都幾好,我最鍾意蔥油餅,大大塊又新鮮炸起又香都係6蚊咋!

HK$3 個蔥油餅，一個就飽，不可不試。擔擔面非常特别，非試不可。家庭式管理，媽常鬧仔，但個仔似30多歲了，非常精彩。

細個由爸爸帶來吃，由細食到大。大個仔就自己試下去，一試再試。食物便宜，好吃和大份，不再重覆強調。想說的是請留意湯底，麵食湯底很重蘿蔔味，很鮮甜。當然吃陽春麵和麵便難以察覺。

２８／１同男友仔專登黎試下，之前去左附近既信興隆食砵仔糕（正），因為唔知有咩車去，ｓｏ打左去問，聽電話個亞伯伯好ｎｉｃｅ，差唔多將所有可以去既途徑話哂俾我男友知，呢份長氣真係好搞笑，見我男友傾左咁耐，重以為係同ｄ　ｆｒｉｅｎｄ講電話ｔｉｍ^-^　好喇，講下ｄ野食先，２個人食左＄３５，食到好飽～有菜肉雲吞１碗（４大粒）＄１０;担担麵（小辣，但一ｄ都唔辣，ｄ菜甫好好食，下次要佢\多加菜甫）＄１０;窩貼＄３（好熱好多汁，男友話好食）＋花卷＄３（好好食，煙煙韌韌咁）;豆漿１杯＄３（好濃豆味，唔會太甜）;豆腐蘿蔔$6($6雙拼,單拼$4,蘿蔔好清甜,又腍又冇渣,but豆腐就<br />”老”左ｄ喇）我一定一定會再去，下次要食豆沙包，饅頭．．．各位都試下ａｒ，包你食過番陳味呀^-^<br />重有，個伯伯好ｎｉｃｅ，收＄時問我地ｈｏｗ　ｍｕｃｈ，我地話＄３５，佢\就收咁多，好信我地唔會呃佢\，呢份信任既感覺，試問有幾多間鋪可以感受倒ａｒ，係咪？？

兩個人中午食左$62, 終於成日只食左呢一餐, 飽到傻左. 食左:蓉擔(大辣), $16牛腩麵, $13 窩貼x4, $12牛肉包x2, $6大餅, $3豆漿x4, $12食到成張檯滿晒, 好正!

最正係d 飽點~食左十幾年都係0甘正ar~口感煙韌~ 推介:花卷^^

「十七....喂！再黎廿五......快d 收錢啦肥仔.....邊個叫豆漿窩貼.... 」請將以上對話提高聲量至最大最高，你就可以同我一樣感受那種香港情懷，帶你想起七、八十年代香港的那份拼搏精神，就是「樓下閂水喉呀...」的時代。因為早兩日去唔到食家小聚，所以今天中午，接完太座放工就行左過去呢度食當補番數。嘩！有冇睇錯呀，仲有三蚊杯豆漿？三蚊隻鍋貼？十蚊碗麵？係，我冇錯，可能是這裡跟咁多年來香港的通漲絕了緣，又或者老闆咁多年來都懶去拿起塊玻璃換餐牌......哈，對於我來講就好似發現新大陸一樣！叫左:擔擔麵—由花生菜譜製成的醬料算幾足，味道尚可，麵不算是十分彈牙，那當然還有更多其他食店可要有更好，但相信找不到是十蚊碗吧，以這樣的價錢來看，又覺得物超所值喎！菜肉雲吞麵—一共四隻雲吞，大大隻，皮薄餡料足，而湯就略為清淡了一點。窩貼—皮唔算太厚，可接受，裡頭的餡亦不算少，大大隻，收三皮，仲想點？豆腐魚蛋—沒有什麼等別，一般車仔檔咁上下，純粹用黎填飽個肚亦無妨。當然還有熱豆漿，豆味香濃，磨得滑溜。在這裡，沒有華麗的裝潢、沒有涼涼的冷氣、更沒有高級的服務態度，有的，就是那種真正的香港情懷，真正的

貴記出名大件夾抵食,擔擔麵0既醬好麻好夠味,菜肉雲吞都幾大粒0架,講到最入味,一定非蘿白,又腍又冇渣.仲要超平,加埋豆漿都唔洗廿蚊.