貴記荳品 (已結業)

一句講晒... 超抵....d noodles 真係好好食雖然豆漿較淡, 饅頭亦唔係極品.但係, 以咁o既價錢.... 有咁o既質素, 已經係勁正.平平地想食餐... lee 度絕對係首選

一分錢一分貨, 價錢真係好平! 咁既價有咁既貨真係好好啦!擔擔麵- ok蘿蔔/豬紅- 都幾好菜肉雲吞- 正最正都係天氣凍時食個熱辣辣的大飽, 真係好正!!!!

今日仲係放假見咁多時間專登搭車黎搵朋友仔食飯兩個人叫左擔擔麵,淨牛腩,蘿白拼豬紅,冷熱豆漿各一擔擔麵～叫左多醬少辣,點知仍然幾辣,麻醬味濃,加埋菜圃味道幾特別!(但個人口味黎講鍾意加榨菜同冬菇粒多d!)麵條唔夠彈牙,但以10蚊一碗黎計係超值淨牛腩～同潮州粉麵檔o個d差唔多味,炆得好淋但較碎,ok!蘿白拼豬紅～蘿白鮮甜無渣,豬紅都算滑,但兩樣味道都較清,唔太重鹵水味冷熱豆漿～豆味香濃又唔太甜,熱豆漿暖暖地入口o岩o岩好,冷豆漿好清涼,夏天飲仲正,杯熱豆漿飲完個底仲見到薄薄既腐皮添!不過阿叔好搞笑朋友仔問佢後面係咪有洗手間時佢竟然聽到我地要鍋貼食完碗擔擔麵都飽晒結果所有小食都只係食得一兩啖由朋友仔清碟

做左差不多十年土瓜灣人咁耐,就食左貴記咁耐.三皮就可買到杯香濃豆漿,菜肉包,窩貼,一律三皮.陽春麵就十皮.唔使廿皮,食到你飽.再一次証明,土瓜灣物價,係同外界脫勾.

陪媽子行街前經過這裡便試試很久沒吃的包點及麵食。麵及鍋貼都大大件，媽子話豬紅及豆腐好入味。我地一碗麵、兩件鍋貼、一碟豬紅豆腐，食完好飽，仲好平添呀！下次得閒會再黎幫襯。仲記得上次食的担担麵，要多花生醬同埋少辣，一大碗一個人食晒好飽，都只係十一蚊(外賣加一蚊)。

經過又試下先, 買饅頭1個同埋煎牛肉包. 嘩...個饅頭真係熱騰騰又好味...唔太甜. 正正...煎包俾左家人食都話正正.

成日放學黎呢度食野,d野真係大大件,真係好好味..蔥油餅、牛肉包、豬肉包、鍋貼、豆漿全部都係3, 平到笑~好味好味!d員工差唔多個個都係伯伯嬸嬸, 好有家族生意feel, 佢地好好人架..p.s.豆漿外賣雖然要$6, 但絕對飲得過, 皆因佢唔係用紙杯, 係用人地載麵用既外賣碗!勁大碗, 捧著飲, 飲好耐都未飲完, 好滿足~!!

我成日去食，通常都係叫豬紅豬皮麵之類，佢D飽點都好多人叫，我諗味道應該唔錯。價錢真係好平，D麵又大碗。但始終係老店環境就麻麻。要彈既就一定要講下個太子爺，無論煮麵做乜都勁慢，所以成日比老板娘鬧。

入到去唔好叫太多野, 因為可能會食唔哂!擔擔麵好特別, 少少辣, d麵好滑, 而個醬就好正, 出面一定冇。菜肉雲吞超大粒, 蘿蔔好鮮甜, 豆腐就好普通(佢個鋪頭名仲叫荳品)。豬皮幾滑, 但有d有好多豬毛!!!d飽係員工用手拿, 埋係入面。感覺好污糟, d杯碗唔知有冇洗乾淨, 去呢間鋪頭好似番左去幾十年前咁! (價錢都係)如果upgrade下, d野賣貴幾倍都得!

間shop 我細細個就去, 以前小去, 真係覺得d service 唔多得; 如果去多o左, d staff 認得你又唔同, 而家去見到事頭婆都會同佢打招呼(雖則好多人話佢惡, 但係佢對d老人家又真係好).講返d 食野, 最正係擔擔面, 叫佢多醬就最好味, 大餅要睇時間, 最好係新鮮整好至叫, 凍o左會冇咁正; 牛肚牛月南好入味, 但係d 雲吞個皮太thin, 好易爛, 要小心食.豆漿都好好味, 唔太甜, 夠新鮮.最緊要係平, 一個tea, 一件餅加豆漿, 都係6元; 如果多個面都係二十左右, 真係好抵

佢D服務態度唔係咁好食物雖然平平地,但態度可以好D仲好今日去到佢D湯差D淋到我隻腳仲冇say sorry tim又話我左住佢＼∩／

我最中意食鍋貼同牛肉飽，每個都係$3蚊咋！！由細食到大，老闆又好人，真係正！

食左好多年了入到去似老街方必食魚旦豆腐蘿蔔豬紅煎包亦好好味價錢平~ 雖然環境麻麻但人情味都夠唒~

因為响屋企附近,好細個嗰陣老竇阿媽成日同我唻食嘢(下午茶),大個咗同埋搬咗之後,已經無乜再去食.今日重臨舊地,同朋友點咗好多嘢食.我哋叫咗:一碗雲吞麵($13)--4大隻雲吞,真係好巨型,好味,我鍾意佢哋d麵,唔係梘水麵,粗幼適中,有口感.六隻鍋貼($3x6)--我一人獨食4大隻就知有幾好食.豬肉餡好鮮甜,味道比起我至愛(上海飽餃店)淡d,但都好好食,好抵食.(飽到我頂住個肚)一碟豬紅豬皮($6)--我朋友好鍾意食,我只食咗2舊豬紅,所以無評語.兩杯凍豆漿($3x2)--甜,無渣.我哋食嘢時係下午點幾兩點鐘,都幾多人.真係好,希望佢哋一直做落去,等我哋繼續有又平又好味0既嘢食.

因為呢度好多食友讚呢間舖頭，所以專登去試~我地叫左豬紅+豆腐，兩杯豆漿~但係講真豬紅+豆腐就真係好普通咋~豆漿都係~可能其他野會好d啦~呢度既環境就唔係太好~不過就好懷舊feel~