貓員外精釀酒館

營業中

休息中

呢度最大特色一定係佢地既手工啤，佢地既手工啤係香港自家做，有好多唔同款式，一次可以試到幾款味道，真係幾特別食物有小食有主食，好多唔同選擇，送酒一流！最抵係叫主菜/薄餅就會送飲品，仲可以加錢轉手工啤，超正！佢地既pizza都真係幾好食，試佐莎樂美腸pizza，焗得好脆，滿滿芝士味，芝士焗到熔晒拉絲添，超級正！成個pizza餡料好豐富，批底又夠脆，真係好好味，口感豐富，配埋啤酒一流呀另外佢地既玉米卷都整得好好食，又係滿滿既餡料，其他小食好似雞翼/炸魷魚圈果啲都係即叫即整，夠晒新鮮！同埋呢度無加一，真係超抵！

去西沙go park經過呢間叫貓員外嘅精釀酒館，以為同貓有關，點知同貓好似都無咩關係餐廳空間寬敞、座位舒適。有一張桌球檯、電子飛鏢機可以玩，仲有大螢幕可以睇波、啱晒收工搵朋友一齊happy hour啤酒及飲料款式幾多，野食既話推薦手工pizza好多特式pizza可以試，例如：港式叉雞薄餅🍕北京烤鴨pizza,中西合璧🤣另外因為每款全手工即叫即製，而且係放入傳統窯爐烤製，製作需時，所以要耐心等候烤出來不過飲下野吹下水，都唔覺等好耐店員服務都幾好

貓員外精釀酒館 – 馬鞍山隱世手工啤天堂！見到門口大大隻貓貓Logo就知到咗！呢間酒館主打多國菜同自家釀手工啤，晚市勁旺場，建議OpenRice訂位免撲空～🍻 啤酒控必試叫咗個衝浪2.0 ，選用了紐西蘭的Moteuka和Nectoron酒花乾投釀真係飲到茶香同煉奶甜味，口感順滑到似飲緊甜品！朋友嗰杯小二（金色渾濁艾爾）果香爆棚，女仔一定鍾意，可以感受到芒果和熱情果等熱帶水果的風味在唇齒間縈繞🍗 送酒小食超班必點🤣手工辣肉腸薄餅，辣肉腸、洋蔥加芝士呢個組合好好食，新鮮焗起既pizza皮薄帶點煙韌，熱辣辣食到停唔到口～🌿 環境加分位工業風裝修掛滿貓貓壁畫，枱同枱之間唔會太逼，傾偈好舒服。貓員外精釀酒館 (馬鞍山)馬鞍山海映路9號西沙GO PARK G樓G15號舖

🚘放假有時間就過嚟呢邊西沙GO PARK行下🥳經過見到呢間舖頭個名咁得意😎就同朋友喺度食返個晏嘆吓先☺️呢度會有啲好有特色嘅Special Menu😍問吓店員等佢介紹吓啦😋🥪雜菌炒蛋拿波里餅底三文治：呢個素食嘅三文治裏便嘅餡料多到爆曬出嚟👍即叫即做🔥夠晒香口😍🐑貓員外至愛羊扒：呢個一定要試吓✅個羊扒好嫩滑😋側邊仲有啲伴菜❤️唔錯呢🥳🦆北京填鴨薄餅：呢個北京填鴨薄餅夠晒特別👍個醬汁唔錯✅好惹味😋

今日一家人去西沙Go Park玩😀天氣好好陽光普照 係有少少熱🤪玩到攰攰地諗住搵間餐廳食d野休息下見到貓員外精釀酒館門口放左個大餐牌尼間餐廳主要係食pizza同埋小食仲有得送汽水感覺吾錯🤔餐廳地方大 可以推埋bb車入座👍🏻帶小朋友出街最麻煩就係無bb櫈又吾比bb車入😡入座後掃QRcode落單非常方便👍🏻最後我地揀左1個手工pizza 2份小食食物製作需時 不過我地吾趕時間無咩所謂😀Pizza新鮮熱辣香噴噴送到餐枱味道吾錯 小朋友都鍾意食👍🏻小食份量都算多 一家三口仲食剩少少下次尼可以試下其他味道既pizza同埋其他小食😀

啲人成日話馬鞍山係美食沙漠，但貓員外精釀酒館新開咗分店，真係值得去朝聖一下！酒吧區有唔同款式嘅啤酒同飲品，牌子叫做「RICHKAT貓員外」－呢個係優質手工啤酒，仲得過唔少世界獎項添。職員服務態度唔錯，佢哋介紹話薄餅嘅餅底係正宗拿坡里餅底，全部手工製作，仲用傳統意大利窯爐焗，做法同其他餐廳唔同，所以要等耐啲。我哋就點咗餐吧嘅招牌菜：意大利薄餅同啤酒。廚房係半開放式，客人可以睇到員工點樣整意大利薄餅：放好配料嘅薄餅用大鏟送入意大利傳統窯爐入面烤。餅皮外脆內軟，芝士份量啱啱好，整體味道非常唔錯。而且氣氛超好，好西式feel，真係值得推薦👍

🍓 母親節去咗西沙GO PARK嘅貓員外精釀酒館，氣氛真係好正！個場超大，仲可以掟飛鏢㖭，好適合家庭聚會🏠，母親節當日嚟仲有免費送嘅士多啤梨pizza，真係太好味啦！🍕😋😋下面係我哋試咗嘅幾道菜：·士多啤梨Pizza：薄底香脆，上面鋪滿新鮮士多啤梨，甜中帶咸，口感獨特，絕對驚喜！🍓🍕·貓員外手工啤酒：款色好多，緊有一款啱你口味，每款啤酒都有獨特風味，特別係JASMINE WIT，口感清新，配埋食物絕配！🍻🍻·手工香腸拼盤：各式香腸味道濃郁，搭配自家製醬汁，食完回味無窮。·牛油雞翼：外脆內嫩，醬汁香濃，啤酒配埋食真係一流！🌟🎈地址: 香港馬鞍山海映路9號西沙GO PARK G樓G15號舖

🐱貓員外精釀酒館 RICHKAT🐱📍 地址: 香港馬鞍山海映路9號西沙GO PARK G樓G15號舖✅ QR Code 落單 😚
這樣的科技感讓點餐變得超方便！✅ 店員服務態度好 🥳
服務態度非常友善，會熱心推介菜式 🤩，中英文服務都很到位！✅ 室外半露天雅座 🥃
非常適合帶狗狗的朋友們來享用美食！🐶✅ 有得睇波 ⚽️
提供桌球和飛鏢，讓客人可以盡情玩樂 🤩，真是聚會的好地方！✅ Lunch Set
逢星期一至五有超值午餐套餐，一人 pizza set 連飲品約$90，唔洗加一，性價比高得令人驚喜！🥳🤤✅ 牆上掛滿精釀啤酒的裝飾 😍
這樣的環境真適合打卡，讓人拍照留念！📸🩷 必試之選 Go Park 西沙限定版 🩷✨ 榨菜肉丁蘭王蛋薄餅 $185Cha Chaan Teng Breakfast Pizza with spicy pickles pork cubes and a Japanese sunny side up
這道茶餐廳風味的薄餅是全港首創！
榨菜肉丁與半熟流心蛋黃的搭配，儀式感滿分，超適合拍照！😍
意大利拿波里餅底的餅邊香脆，每一口都層次分明，真的好好味！🤤⭐️ 極推介的特色

今日同朋友去開西沙go park睇吓有咩玩, 行經呢間叫貓員外嘅酒館。個名好得意，以為同貓有關，再望望Menu，非常有特色喎。即刻比佢個榨菜五香肉丁蘭王蛋薄餅（個英文仲要水蛇春咁長，好似急口令咁）吸引咗。製作需時，雖然要等吓，但用心製作，等緊嘅時候仲可以打返場Pool或者掟下鏢～ pizza 係意大利餅底個邊有小小燶脹卜卜咁好有咬口。味道超有驚喜，估唔到榨菜放落pizza度可以咁夾，真係全港首創，冇得頂🫡另外雲南滇味薯仔超香辣椒油味，蔥蒜炸過，薯仔軟綿綿，好好食🤤當然要試埋佢哋嘅啤酒。兩款水果味啤都好出，甜甜地非常容易入口。冇酒精嘅可以試埋啤酒花梳打水，飲落都似啤酒㗎🤣逢星期一至五午餐時段仲會提供1人Pizza優惠餐：包1罐飲品，只需要90幾蚊～超抵食呀😝

晚飯時，一行11人係門口等位，途中都有侍應問幾多位，共回覆了3次！等左15分鐘，等到我地排第一位時候，侍應突然回覆老細話唔接8人以上大枱‼️如果唔接大枱，應該帶客人排隊嘅時候，就已經提出。唔係等左15分鐘之後先來講！咁嘅服務態度，唔駛再幫襯！

今日去GO PARK行下，見到呢間貓員外入去試下。門口有大大個餐牌寫早餐供應時間10:00-12:00。 入座時間喺11:40，職員隔左陣放低個QR code俾我地自己落單。 我地即時㩒左兩份早餐，點知個app落唔到。出去問職員，個男職員態度極差，話早餐賣哂喇。 果陣只喺11:45，早餐竟然可以賣哂？ 咁點解要寫早餐供應時間喺10:00-12:00？ 簡直係不知所謂⋯⋯跟住11:50喺個app叫左三樣野 （薄餅、玉米卷和咖喱薯格）。先黎左個咖喱薯格，竟然一啲咖喱味都無，同KFC既炸薯格無分別，但要收你$65。份量少之餘仲要成個碟個底都係油！ 超級不知所謂！！第二樣黎既喺個薄餅，收你$168，啲餡少到一個點，但個餅邊喺焗得唔錯。 之後大概12:20，見個玉米餅半個鐘都未黎，就追下職員。個職員話整緊，五六分鐘到，點知等到12:35，即係足足45分鐘都未黎到，好明顯喺漏左單，同埋職員講大話。 最後一肚氣之下就埋單走人。 總括黎講，呢間野服務態度極差，性價比極低，唔會有下次！！

本人5月1號係貴餐廳order咗 5件炸雞下午茶套餐 坐咗係貴餐廳等候咗20分鐘 於是作出第一次提問 請問其中一位侍應該餐有冇成功落單 因為當我再scan返個QR code 既時候 個order唔見咗 於是問其中一位侍應 侍應幫我check咗話有落到 於是再繼續等 過了10分鐘 再問餐廳職員 炸雞幾時會到 因為有遲來客人既order都已經到咗 但我地嗰個仲未到 於是另一位侍應回答我炸雞原來要等30分 但在order前職員並沒有提及炸雞原來要等30分鐘以上 於是本人便提問 何解不溫馨提示客人炸雞需要等30分鐘以上 但其實當時 我已經等了差不多45分鐘 老闆看見我跟侍應提問時看不過眼，於是便開口說他所有食品也要等30分鐘以上說他的餐廳不是麥當勞 如果我們不喜歡可以給我們取消訂單 因為我們已等了差不多45分鐘 我們說我們可以繼續等 但該自稱為貓員外的老闆聽見我們選擇繼續等的時候突然向我們講粗言穢語叫我們”FXCK OFF and FXCK OFF from his restaurant. This is my restaurant and I don’t welcome you”他說因為我們

星期六行 西沙的 GoPark 偶遇此店 。餐牌出品不多但種類與別不同。 叫了一個义燒與雞的 Pizza, 炸牛油雞翼 及墨西哥夾餅。食品份量及價錢都算合理及不太昂貴。食品的味道及制作則別有洞天，令人喜出望外。唯一缺點是店內沒有免費水及餐紙提供。

4月中同屋企人到西沙店食下午茶，門口無職員安排入座，打算行入去搵職員，職員立即好大反應咁叫我㗎出去排！門口無職員，無客，無指示….亂到九彩！座低落單後接近40分鐘所有食物都未嚟，其後向職員追單，第一個職員直行直過，再問第二個職員聽完就行咗去，終於有第三個職員理我哋…不過係自稱「老闆」仲鬧返我哋！？………等無問題，即制都無問題…但係無人理，態度差先係最大問題！一全家食到一肚氣！向Go Park 客服投訴，客服經理落埋嚟親自了解，更表示幾個月嚟已經接到多個客人投訴貓員外西沙店服務態道有問題，已不止一次發出警告書…….食過港島店，人哋態度非常好，以後唔會再光顧西沙店！

这家餐吧新开了分店：位于沙田区马鞍山新开业的大型综合性项目＂西沙Go Park ＂餐吧环境：分为室内及室外区域，空间宽敞、座位舒适，装饰时尚大方。室内区有一张桌球台、二台电子飞镖机、一幅大型投影幕播放节目，让客人随意享用娱乐设施。室外区位于半露天的商场花园，坐下有休闲的感觉。酒吧区阵列了多款啤酒及饮料，牌子是＂RICHKAT猫员外＂－源自深圳的优质手工啤酒，曾得过多个世界评选奖项。职员的服务态度很不错，尤其是Kevin，为我们介绍薄饼的饼底是正宗的拿坡里饼底，全手工制作，使用传统的意大利窯炉焗制，和其他餐厅的制法不一样，所以制作时间较长。因此，我们点了餐吧的招牌菜：意大利薄饼、以及酱烧猪肋排和啤酒饮料。厨房呈半开放式，让客人可以看到员工如何制作意大利薄饼：放好配料的薄饼用大铲送入意大利传统窯炉中烤制。1）黑松露杂菌薄饼：下单十多分钟即有。12英寸的份量很大，材料很新鲜、火箭菜（芝麻菜）鲜嫩、菇味浓郁鲜美、饼皮外脆而內里软薄、芝士份量适中，整体口感味道很不错。感觉这薄饼和在意大利吃的一样好吃、正宗。2）酱烧猪肋排：肉质鲜美、酱料调味出色好吃。3）二罐飲品：水蜜桃小麦啤酒Peach Whe