貓員外精釀酒館

營業中

休息中

平時遇到啲劣質餐廳都忍咗佢就算，呢家唔得，太差，一定要寫衰佢！首先一嚟到排隊，其實間餐廳好多吉位，但無人接待，只係見啲staff好忙咁行來行去，結果等咗一段時間，終於有人「見」到我哋，安排我哋入座。坐嘅係戶外位，曬到pk，問可否換位，職員話幫我睇睇室內有無位（室內明明好多位），然後就沒然後了，係成個職員消失咗，之後無見過佢，好喇忍埋佢，落單照例等咗一輪先有人理，食物味道一般，而且拎嚟嘅餐具好污糟，仲有好多水漬，衰過茶餐廳。我哋只係order 兩個主菜一杯啤酒，食完pizza，另一個主菜仲未到，問一問原來漏單無整😑，嗌兩個菜都可以漏一樣，失敗！總評：嚟到go park千祈唔好食,大把選擇，無謂受氣

今天來到go park, 見到呢間專賣pizza的貓員外，便即管一試。兩人叫了個川味pizza及一客豬肋骨，前者味道特別，pizza底幾煙軔;但後者就只得賣相，食落豬肋骨無味兼乾淨淨，應該是overcook了。至於service，就真喺極待改善了。我們當天三點多入座，坐在户外，正值西斜時份，邊食邊曬邊流汗，見後面陰涼處有張吉枱，因找不到waitress，便先自行轉枱，後見waitress出現，便告訴她我們轉了枱。怎知她黑了面，叫我們返回原枱，說什麼張枱要拍其他枱給客人的，又話我們這樣做會亂單。Ok，咁我們返回原枱，然後問她可否開旁邊的太陽傘給我們，但佢話唔得，因為把傘不是他們的，然後就走開了。我們再曬了一陣，見那張枱根本沒有客，便很不高興地詢問那waitress客從何來，她說枱客没入座，說你們可轉枱了。用膳本來是一件叫人愉快的事情，但吃到那麼辛苦，那麼受氣......美事都變成不快事。今時今日這種服務態度，貓員外真的要好好反省了。

打卡西沙go park 傍晚選了這家環境很chill的西餐小酒館 店員都是外國人 但是粵語說得很好🤯🍕手工披薩採用傳統石窖烤爐，意大利餅底，現點現做。邊緣微焦，口感松脆，芝士香濃，值得一試～🥩羊排肉質鮮嫩，但旁邊的小青椒慎吃！有些不辣有些巨辣哈哈哈🍺精釀啤酒可以自己打，種類很豐富，選了葡萄味還不錯，很清新爽口💰性價比也還可以，週一至五午餐時段提供個人披薩+飲品，只要90多～最近special menu還有咖喱飯 看著也很好吃

今日（1/3）中午一行6個大人打算入餐用膳，問職員有無位，職員話無要喺出面等，咁我地按佢地指示喺門外排隊。期間我地見到戶外有張檯就嚟走，我地唸住等啦。等咗大約20分鐘張檯客人走咗，唸住職員安排我地就坐，點知比人隨意就坐霸咗。我地向職員反映，點知佢屈我地無排隊，唔知我地等位，事實上最少有兩位職員問過我地幾多位，仲叫我地出面等。交涉期間外籍店員態度十分惡劣，個下真係著咗。係有位本地店員嘗試息事寧人，話會安排番檯俾我地，但我地決定轉場。希望呢間餐廳負責人對相關員工做好員工培訓。

週日第一次去了西沙Go Park發現了這家內地著名連鎖西餐廳主打精釀手工啤酒(✪ω✪)超多款式 由適合女生的果香味到小麥啤酒也有 還有無酒精的氣泡水可選擇超大屏幕看球賽 還有桌球枱和飛鏢機！▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃┄▸◂☞ 港式叉雞薄餅 $168一個8塊 分量適合3-4人吃 性價比極高！這個味道超特別 很有香港特式手工薄底 發酵麵包般軟熟又帶點煙韌( ^３^ )底層鋪滿芝士 上面有烤雞和叉燒☞ 酒搭子椒鹽鴨架 $78配手工啤一流！椒鹽入味 不過鴨肉偏乾身 單吃不喝酒可能會有點乾癟☞ 炭烤椒鹽豬舌 $68這個比鴨架更推薦！豬舌爽口不會乾身比起椒鹽味 吃起來更像麻辣味 但是不辣的～

🍕芝士蕃茄薄餅🍕即叫即整 正宗人手製作嘅意大利pizza🤫原來呢度嘅pizza唔係放入焗爐 而係放入傳統窯爐整，好特別，大家要俾啲時間耐性去等。 烤出來有少少燶邊，脆得來又帶點軟淋淋，芝士做到拉絲效果，蕃茄汁又唔會過酸。🍖醬燒豬肋排🐖BBQ 醬醃得好入味，燒完啲肉質仲係好淋🙊🦑酥炸魷魚🦑新解炸出黎，熱辣辣，送啤酒🍻一流仲有多款手工啤酒🍻揀🤫🤫真係要幾次先試得晒

我哋今次嚟到西沙Go Park 嚟到已經俾一個大大嘅貓鬚吸引住🤣門口好多人排隊，就即管入去試吓🤣餐廳有分室內&室外座位，座位舒適☺️門口一入到已經見到一排自助式啤酒機，客人可以自行scan QR code 付款，然後自己斟啤酒，相信自己斟嘅點都係好飲啲🤣除咗自助式啤酒機，仲有超過10款口味嘅手工啤酒，清爽、果味、酒花、烘焙等等，總有一款適合自己餐廳左面仲有一張桌球枱🎱、飛鏢🎯、大屏幕，有得玩又有得飲有得食🤣👍🏻我哋order 咗🍕芝士蕃茄薄餅 $138🥓炭燒豬頸肉 $68🌭香腸拼盤 $88🥔咖喱脆薯格 $58🦑酥炸魷魚 $68Pizza 勁濃芝士香味😋正宗意大利pizza，邊有小小燶，圓卜卜 😋性價比高，全人手用心製作，所以需時有少少長，但都值得去食😋👧🏻勁鍾意食pizza 脆卜卜條邊🤣炭燒豬頸肉好大份👍🏻物超所值配上少少青檸汁，提升豬頸肉嘅層次😋香腸拼盤香香辣辣好惹味，不過就唔太適合小朋友食咖喱脆薯格完全唔辣，👧🏻不斷encore🤣酥炸魷魚外層勁鬆脆，配上醬汁真係好正😋連小朋友都啱食員工好有禮貌，👧🏻唔小心跌咗支叉落地下，我問員工拎過，員工拎支差俾我嘅時候同我講 ‘sorry to k

貓員外精釀酒館｜正宗拿坡里薄餅，香港少見的意式風味！最近發現了一間隱藏版的薄餅寶藏——「貓員外精釀酒館」，這裡的薄餅絕對顛覆你對香港薄餅店的印象！不是平時食到嘅厚批或美式薄批，而是正宗意大利拿坡里薄餅，餅底薄脆帶煙韌，邊緣微微焦香，咬下去滿滿麥香，完全係意大利風味嘅還原！ 正宗拿坡里薄餅，香港少見嘅手工風味貓員外的薄餅堅持手拍餅底，廚師話係使用意大利00號麵粉低溫發酵，再以高溫炭火烤製，餅底外脆內軟，邊緣蓬鬆帶有「豹紋斑點」，這正是拿坡里薄餅的標誌性特徵！菜單上的薄餅款式創意十足，將中式食材融入意式薄餅，碰撞出獨特風味： 北京烤鴨薄餅 這款薄餅絕對是中西合璧的代表！炭烤鴨肉的脂香搭配甜麵醬與莫札瑞拉起司，鹹甜交織，餅底薄脆帶煙韌，每一口都充滿層次感。 麻辣川椒臘腸薄餅 嗜辣者必試！四川麻辣臘腸的辛香與黑橄欖的鹹香交織，辣椒油浸潤餅底，辣得過癮卻不嗆喉，尾韻還帶一絲孜然香氣，絕對是重口味愛好者的最愛。 黑松露野菌薄餅 松露控絕對不能錯過！新鮮野菌與濃郁黑松露醬鋪滿餅面，撒上帕瑪森芝士刨片，每一口都是奢華的森林系香氣，餅底麥香與松露交融，風味平衡得恰到好處。

馬鞍山一向比人美食沙漠既印象小編今次就帶大家黎到馬鞍山新地標GO PARK ，同大家介紹一間餐酒館 一貓員外精釀酒館 @richkatcraftbrewinghk🌟醬燒豬肋排 $84肋排搭配美式BBQ醬，非常惹味🤤👍🏻🌟黑松露雜菌薄餅 $145Pizza系即嗌即整，純手工製作，雖然製作需時，但義式手工Pizza底非常香脆，餡料亦比得非常足🤤👍🏻🌟貓員外酒花氣泡水 $18飲得淡淡花香味搭配氣泡水，口感偏清爽🌟小二金色混濁艾爾 $38飲得出花香味，口感偏醇厚📍貓員外精釀酒館地址：海映路9號西沙GO PARK G樓G15號舖

朋友介紹了一間新開的酒館，位於馬鞍山西沙Go Park的貓員外 ❤️餐廳提供的意大利Pizza 絕對令人驚喜 🍕 😍 Pizza 是正宗的手工製法，完全不是一般快餐店可以相比！每一塊 Pizza 都是即叫即整，用新鮮的食材和正宗的意大利拿坡里製法精心製作而成 🤤環境舒適，適合與朋友聚會或家庭聚餐！服務人員親切友善，不過離開前需要自行收拾枱面 🙌🏻 整體而言用餐體驗還算滿意，可能餐廳仍是試業階段，運行稍微有一點點混亂，不過新開張有混亂情況很正常，可以給多一次機會❣️

最近發現咗一間新開嘅精釀酒館，叫「貓員外」，位於馬鞍山西沙GO PARK，環境真係好chill，好適合約埋三五知己嚟放鬆吓！🍻首先，要講吓佢哋嘅意大利Pizza真係不得了🍕 唔係坊間嗰啲Pizza 店可以比❗️佢哋Pizza用嘅係正宗拿坡裡製法，餅底現整現做，所以製作需時，但絕對值得等😋 佢哋嘅運作模式似快餐，要自己收拾檯面，但係為咗咁好食嘅Pizza，完全唔係問題👍餐廳依家仲係試業階段，整體感覺都幾好。如果你係Pizza控，又或者想試吓新嘢，真係要嚟試吓！😍

今次嚟到西沙Go Park呢個新開嘅商場食嘢餐廳以酒吧式經營 一入到去已經feel到濃厚嘅酒吧氣氛～除咗有一個大mon睇波之外，仲有桌球同埋飛鏢，娛樂味十足🎯🌟辣肉腸洋蔥薄餅老闆重點推介我地食pizza，🍕用左意大利餅底 好薄而且十分鬆軟💯🌟牛油雞翼牛油雞翼雖然賣相看似有點dry，但食落去好重牛油味隨碟奉上秘製嘅辣汁，但個人認為唔點仲好味🫣🌟酥炸魷魚魷魚圈值得推介，外層炸到十分鬆脆，外脆內軟，配埋沙律醬🙊🌟炭燒豬頸肉豬頸肉好大份，估唔到有咁多嚿，加少少青檸汁，感覺好Fresh好開胃👅👅雖然上菜時間耐咗啲，但侍應解釋因為食物全人手製造，即叫即做，而且食物質素高，所以我哋都覺得值得體諒🙂‍↕️臨走前見到老闆，閒談咗幾句 老闆真係好Nice，而且侍應嘅服務態度好好，成餐飯都食得好舒服，下次一定會再食!!!!🫶🏼🫶🏼📍馬鞍山海映路9號西沙GO PARK G樓G15號舖

地方大 新年嚴重人手不足 安排差 等野食等成個鐘都唔黎 甜番薯條 即炸但凍同軟但pizza 是ok ，係即整但真係等太耐 不會再去同事態度都好差話一般pizza 都係等1個鐘一般薯條都係腍

貓員外-馬鞍山馬鞍山終於又有酒吧啦!好多款精釀鮮打啤酒，在香港不易找的。第一杯猶豫哪杯時，可以飲「花魁」，清新的花香味，應該唔會錯的。佔地二三千呎，備有室外座位可帶寵物，又有美式桌球、英超、飛鏢機、簡直是完美!員工好有禮貌，主動問你想吃什麼類型的飲食，收碟等。又會換個凍杯飲啤酒，十分專業!如果有空過來，要來飲杯啤酒，千萬不要錯過呀!

星期日黎感受下新年前氣氛3點幾黎到見外邊有位好似幾chill但d檯櫈好污糟 好油又無人清潔 地下又多食物渣其實有幾個外籍staff(中東？）行黎行去 鋪面又唔多客 唔明點解唔清理下不過d staff講廣東話好叻既～食物份量都算大份試左個香港限定既叉燒pizza 無驚喜 只係芝士面頭加左幾粒叉燒下次唔會再食 亦唔推介同場有$9x/12款酒飲如果飲酒既朋友可以試下現場都有一張桌球俾人玩始終覺得間鋪無乜安排 入到去完全唔知做乜咩都自己黎咁