貊炙

營業中

休息中

灣仔呢間韓式燒肉環境唔錯，卡位闊落舒服。我地點左前菜、燒肉等。醬油盛盒包括大蝦、帶子、八爪魚刺身，每款刺身都極為鮮甜，配上特製醬油，提升咗海鮮嘅鮮味。鹽磚和牛西冷，肉質嫩滑，煎至啱啱好，保留咗肉汁，再將牛放上大大塊鹽磚上，令牛肉帶有淡淡嘅鹽香。燒肉黑毛豬盛盒有五花肉、豬皮、豬腸等，各部位都煎得香脆，配上燒肉醬，味道濃郁。泡菜煎餅有驚喜，煎得外脆內軟，泡菜嘅酸辣味道十足，當中仲有八爪魚粒，好有口感。

最近同朋友去咗灣仔呢間餐廳享受咗個滿足滿意嘅韓式燒肉試咗牛 同 豬嘅肉質都好有水準✨醬油盛盒八爪魚．帆立貝．鮮蝦充滿醬油味道．好入味係必點嘅前菜✨鹽磚和牛西冷西冷燒至五成熟度嘅口感最Juicy再放上鹽磚上．唔需要加上額外調味肉味濃郁．油脂分佈均勻✨黑毛豬盛盒加入豬大腸．豬皮．豬五花等同時享受不同部位嘅口感✨泡菜煎餅厚薄適中．煎至金黃香脆加入泡菜更惹味環境舒適．抽風系統完善以後同朋友聚會．可以再Encore

店名「貊炙」很特別，是韓語古代燒烤肉類食物方法的意思；「貊炙」走中高檔路線，自設熟成櫃，供應優質熟成肉及韓牛。裝潢方面，以酒紅色作主調，木系桌椅，圖形鐵板燒烤爐。服務員替我們燒烤，經驗豐富，烤至恰到好處，沒有過火唔怕熱氣，亦唔會唔夠熟，我們可以安心輕鬆慢慢享受！餐前小食及醬料傳統的免費餐前小食，除了芽菜之外另外四款可以無限添加；我最喜歡忌廉醬汁調味的蓮藕。醬油盛盒 $185醬油是鹹、甜、辣之混合，味道出色；海鮮包括生蝦、帶子及墨魚，尚有非常辛口的生蒜及辣椒。海鮮浸醃至完全透徹，夾起已可見醬汁已透進肉內，口感潤澤，我覺得帶子最好食，肉厚嫩滑。鹽磚和牛西冷 $888必點項目，和牛西冷油脂豐富，烤至半熟，外焦內粉嫩，鬆軟味香。慶州黑毛豬盛盒配生菜 $270一次可嚐五花腩、豬梅肉、豬腸及豬皮。五花腩及豬梅肉香軟味濃，平時少吃到的豬腸、柔靭最特色，而最後才燒的豬皮，原來是黏黏稠稠膠質豐富，怪不得不少韓劇主角常常吃。海鮮煎蔥餅 $168 煎得香脆，粒粒海鮮有魷魚及蝦等，口感唔錯味道好。青瓜青檸梳打 $42西柚乳酸梳打 $50清新可口，要求少冰做得到。蜜糖雪糕 $52大大塊蜜糖，成功降温清熱氣，黃金

💡醬油盛合 $185韓國嘅醬油系列一向出色，今次叫咗呢個盛合試試，有大蝦、帶子同八爪魚。醬油係甜甜地嘅底，仲落咗韓國青陽辣椒、紅綠辣椒同蒜增加少少辣味。蝦好新鮮，品質好好，咬落好綿少少黏口，醬油有提鮮嘅作用。帶子好大舊，啖啖肉。八爪魚唔會咬唔郁，越咬越出味！💡鹽磚和牛西冷牛扒 $888和牛啲雪花好靚，仲有晶瑩剔透嘅鹽磚一齊上。放心，有專人會嚟幫你燒，有冇人同我一樣，好怕成為Meat Killer，燒壞一舊靚肉。店員燒到5成熟，就放上鹽磚。和牛口感一流，軟腍油香，吸收埋少少鹽香。💡慶州黑毛豬盛合配生菜 $270呢個盛合包豬梅肉、豬五花、豬皮同豬腸，店員將豬梅肉同豬五花燒得好好，唔知點解自己燒會燒到成口油，但呢個入口又啱啱好。用生菜包住，層次更豐富！豬皮喺香港可能少人識，但其實韓國人燒肉必叫，外皮微焦，食落黏口又香。豬腸醃得入味，咬落彈牙！💡海鮮煎蔥餅 $168食肉之餘都叫返個澱粉嘅平衡下，呢個外脆內軟，夾住唔少海鮮。💡青瓜青檸梳打 $42 & 西柚乳酸梳打 $50食肉當然配返杯清新嘅飲品，兩杯都酸甜，梳打底有啲氣又唔會悶。＊前菜： 紅色碟可以refill的～

今日同男朋友慶祝周年紀念 揀咗間想食好耐嘅餐廳係食高級韓式燒肉 位於灣仔嘅貊炙 MAEK JEOK餐廳裝修非常典雅 燈光昏暗 加上悠悠嘅音樂令人非常放鬆 卡位好舒服而且私隱度十足首先叫左個醬油盛盒 用韓式醬油做法將刺身給嘅食材腌漬 有兩隻巨型醬油蝦 八爪魚同埋帶子 全部都好新鮮 同是吸收咗醬油令鮮味更加提升黑毛豬盛盒 有醬油味嘅濟州豬梅扒同埋濟州五花腩 醬油味甜甜地豬肉一啲豬臊味都冇店員好細心為我哋燒烤 可以配埋特色泡菜、蒜片、生菜一齊食 好似至真韓國濟州一樣今日嘅重頭戲 鹽磚和牛西冷 非常巨型嘅A5和牛西冷扒 油花超級靚分布好平均 西冷扒上面加咗香草一齊燒 之後放喺來自喜馬拉雅山嘅岩鹽板上 令牛扒吸收岩鹽嘅味道 五星級嘅食材只需簡單調味就可以食到真味 牛扒都可以做到入口即溶嘅效果泡菜煎餅 外脆內軟勁正蜂蜜雪糕 牛奶味濃郁配上香甜嘅蜂蜜

環境舒服，食物品種都好多。✨最特別係呢度有鹽磚系列，一大舊鹽磚放係面前，晶瑩剔透嘅粉紅色好靚🤩呢度會有職員幫手燒埋，排靚靚😍，想要幾成熟同職員講就可以。▫️醬油盛合韓式醬汁醃製，新鮮既海鮮，蝦同帶子都好大份。如果唔食生野仲可以燒熟黎食😃▪️鹽磚和牛西冷牛扒雪花❄️紋好靚，燒完既牛岩岩好放哂係舊鹽磚上，牛肉吸左鹽份，食落口既肉質超嫩滑，牛汁一直係口腔迴盪😋😋▫️慶州黑毛豬盛合配生菜入面有豬梅肉+五花腩+豬皮+豬腸，▪️海鮮泡菜煎餅個餅邊煎到好脆同好香口👍🏻趁熱食，點醬再好食好多。▫️西柚益力多+青檸青瓜2杯都好清新，甜度岩岩好，青檸青瓜仲好特別既配搭。

貊炙(讀音：默脊)是一間韓式扒房，環境設計典雅，配上幽幽的燈光，打造高級舒適的氛圍。另外服務也十分貼心，如果怕自己不能掌握好烤炙的熟成，全程可請職員代勞。🔅鹽磚和牛西冷牛扒這一道令人印象深刻，西冷牛扒油花均勻，烤好後會將牛扒安放在預備好的岩鹽磚上，單邊拈上一層岩鹽味道就剛剛好了。🔅醬油盛合海鮮刺身的拼盤，包含大蝦、帶子、八爪魚片，全部都很鮮味。🔅慶州黑毛豬盛合配生菜 (豬梅肉、豬五花、豬皮、豬腸)原味無醃製的豬梅肉和豬五花，肉質細嫩，另附上生菜、紫蘇、蒜和青椒，可以自行製作生菜包，非常美味！豬皮同豬腸醃得很好，豬皮骨膠原滿滿，香味濃郁；豬腸，就連我那怕吃內臟的朋友都覺得好食。🔅海鮮煎蔥餅意料之外地好吃，蘸上特製醬汁，份外香口。🔆Honey Ice Cream大大杯蜜糖雲呢拿雪糕，哈~ 真的有一塊蜜糖，完全滿足了第二個胃！🍹青瓜青檸梳打🍹西柚乳酸梳打

好耐無食韓燒，搵到間高質韓燒有和牛韓牛食，又有專人幫手燒，令人心郁郁訂位過嚟試。餐廳比較有高級餐廳嘅氣氛，但係唔使擔心枱面都有射燈射住。佢哋新出咗一個鹽磚系列，今晚主菜就係佢。佢哋有Flat Iron、Dry-Aged Rib eye，今次直接改頂食和牛西冷厚切。另外仲叫咗啲嘢，一個醬油盛合、一份慶州黑毛豬五花肉配生菜、一個韓式泡菜煎餅，仲叫咗兩杯嘢飲。仲有成盒裏面有醬油八爪魚、兩隻帶子、兩隻大蝦。都整得幾好，好味有少少辣，又唔會過鹹。跟住其他嘢都到，職員先幫我哋燒嗰塊西冷和牛扒，再放喺鹽磚上高rest陣，再剪細塊俾我哋慢慢食。和牛油香十足，唔需要再點醬就已經好好食。跟住就食五花肉，都係佢哋幫我哋燒好，裁剪成一塊塊，我用生菜包埋大醬一齊食，又或者佢哋枱面面嘅柚子豉油同埋洋蔥豉油，一樣咁特別。最後食埋個泡菜煎餅，就飽晒啦。食完熱氣嘢想食雪糕就叫咗杯蜂蜜雪糕，估唔到有幾好食喎，喺雲呢拿雪糕上高再加上蜂蜜嘅甜味，驅散晒頭先嘅熱氣。

貊炙．最愛鹽磚和牛西冷和朋友慶生，選一家高質新店原來高格調的韓燒，在灣仔都有一家就在新鴻基中心一樓——貊炙這裡氣氛很好座位夠寬敞，好適合食飯傾心事是日walkin都有位，果然！愛吃的女生，運氣不會差！這裡5款前菜各有風味大豆牙香辣惹味、蘿蔔夠辣、泡菜香甜、菠菜麻油香、海帶夠滋味青瓜青檸梳打：清爽夠激，想甜D可以加糖水，更好飲西柚乳酸梳打：朋友中意乳酸，酸酸甜甜的，開胃-醬油盛盒有兩隻大大隻的醬油蝦同醬油帶子、八爪魚片！先說蝦肉非常彈牙，醃的入味，而且好多膏，帶子非常鮮甜，八爪魚片夠晒爽口鮮甜中帶海洋的不羈氣息好味！豐盛！-慶州黑毛豬盛盒配生菜豬梅肉：香軟可口，原味最能吃到優質的肉香，肉質細緻可口豬五花：原味，有自信，有水準，多汁彈牙豬皮：香軟QQ，配黃豆粉，勁香豬腸：入味非常，入口爽脆彈牙-鹽磚和牛西冷一睇就知靚和牛專人烤出，半熟的粉嫩吸引燒好後先放上鹽磚上讓牛牛感受大自然的鹹香經過180秒的洗禮鹽份穿透了牛牛融成一體放入口，感受其中的美味！油香鮮美，每一口都是牛肉的鮮汁配上油香可口中帶滾滾的牛香味好香，好油，好食！只要吃得快，卡路里就追不上！菇菇成為了很乖的配角多汁，香口，解膩-海鮮

呢間高級韓燒餐廳喺會展站附近😍地方方便但平時比較少黎到呢邊成間餐廳都好有feel 個vibe 係超premium 既韓燒醬油盛合 $188醬油蝦帶子同埋八爪魚，用咗醬油脷醃製鹹鹹地好開胃鹽磚和牛西冷牛扒$888一塊超靚嘅嘅西冷牛扒配埋鹽磚😍仲有專人幫你燒睇落去嘅花紋已經好靚食落去嘅肥瘦夠晒平均入口即溶嘅口感真係食得出係一塊好高級嘅肉🐮仲可以有幾款食法配埋生菜+泡菜一齊食嘅話油膩感會減半😍慶州黑毛豬盛合配生菜 $270豬梅肉|豬五花|豬皮|豬腸好豐富嘅黑毛豬盛合豬梅肉嘅肉質都有非常靚既花紋用大火燒香佢個皮之後再用慢火慢慢將啲肉燒熟做到外脆內軟加埋生菜包真係好正🤤海鮮煎蔥餅 $168呢度嘅海鮮煎餅做到外脆內軟海鮮嘅份量好多亦都唔會好多嘅油膩感煎餅值得一試柚子檸檬梳打 $50青瓜青檸梳打 $42兩款飲品都揀咗偏向清新嘅味道柚子梳打同埋青檸都好開胃Honey Ice Cream $50好耐都冇食過蜂蜜雪糕仲要有埋honey crumb!!!呢個甜品勁有驚喜如果雪糕係牛奶雪糕就會更加正啦🤤

呢間餐廳之前都食過😝主打正宗韓燒🍴今次就特別叫咗佢哋鹽磚系列，將燒完嘅肉類再放上鹽磚，等一陣間再食令到味道更加豐富😋醬油盛盒（八爪魚，帶子蝦刺身）刺身新鮮滑溜，配上特製醬油，味道清新，特別係八爪魚，口感爽脆，帶子同蝦都係鮮甜多汁，真係開胃之選😆🩶鹽磚和牛西冷鹽磚烤製嘅和牛西冷，肉質嫩滑，油香四溢，鹽磚令肉味更加突出，入口即化，真係一流，值得一試🥰黑毛豬盛盒黑毛豬肉嫩多汁，豬味濃郁😆🙌🏻搭配簡單調味，完全帶出肉嘅鮮味，食完仲想再叫多一份😙泡菜煎餅呢個煎餅外脆內軟，泡菜嘅辣味同酸味平衡得啱啱好😎係一個好好嘅小食選擇～

今日同朋友慶祝佢搵到新工，所以黎灣仔呢間高級韓式餐廳食韓燒！之前聽朋友講話呢間餐廳環境好靚氣氛好好～ 食物又高質，所以就㨂左呢間～ 既然係慶祝，所以就食好啲，我地叫左個鹽磚和牛西冷牛扒🥩！！ 呢個鹽磚系列真係第一次食，幾特別～塊鹽磚都幾靚，晶瑩剔透～ 燒完將成塊扒擺係上面，就會有鹽味～ 聽店員講呢塊鹽磚係喜馬拉雅山既鹽！ 好似好高級😂 講左咁耐塊磚，係時候講個主食！ 呢個和牛西冷好正！ 脂肪油花好均勻，好靚，而且店員會問你洗唔洗幫手燒～ 呢塊扒咁珍貴，咁當然係交俾專業既人黎燒啦～ 果然燒到岩岩好！ 肉質好腍，好香牛味，而且有入口溶化既感覺！ 朋友都食得好開心！ 另外我地叫左醬油盛盒～同黑毛豬盛盒！再加個海鮮煎蔥餅同兩杯野飲！ 醬油盛盒入面有兩隻醬油蝦同醬油帶子！ 因為朋友好鐘意食韓式醬油系列！ 所以叫左呢個，佢話個味道醃得好正啲蝦好甜！ 黑毛豬盛盒好抵食～ 有豬腸！ 醃豬皮、五花肉同豬梅頭肉！ 醃豬腸燒到好焦香好好味，五花肉同梅肉都好高質，唔會有豬羶味～ 海鮮煎蔥餅煎到超香脆，我最鐘意就係食邊位位置！ 因為更加酥脆😋🥰最後食埋個蜂蜜雪糕！ 真係有一小磚蜂蜜係入面！ 好清甜！雪糕都好

搵到間環境舒適嘅高質韓燒同朋友慶祝生日，職員態度非常友善，全程幫手燒肉唔使自己操勞，食完仲冇成身油煙味👍🏻前菜有五款，泡菜好好食，味道香濃又唔會太鹹，食完亦可以refill。醬油盛盒有大蝦、帶子同八爪魚，估唔到大蝦有咁多膏，好鮮甜！鹽磚和牛西冷扒超大塊，我哋揀左半成熟，燒好嘅和牛放喺鹽磚上，等3分鐘就食得，和牛油脂均勻，牛味香濃，帶有少少鹹味，如果想鹹啲可以放耐啲喺鹽磚上。慶洲黑毛豬盛盒有豬梅肉同豬腩肉，另配有生菜、紫蘇葉、生蒜同青椒。黑毛豬豬味濃郁，配以唔同醬汁（柚子醬油，洋蔥豉油同芝麻鹽）同各款配料包生菜一流。海鮮煎餅份量比想像中大，趁熱食夠哂香脆。同朋友每人叫咗杯嘢飲，青瓜青檸梳打同西柚乳酸梳打，飲落唔會太甜，酸酸地好開胃。食完韓燒點少得甜品，蜜糖牛奶軟雪糕好香滑，重奶味，超大杯，食完夠晒飽。

呢一餐我真係期待咗好耐，因為朋友同我講佢嘅牛真係好好味！叫我一定要試吓😎所以趁男朋友放假就即刻book定位嚟食😙食完真係覺得冇介紹錯啊🤤✨醬油盛盒 首先係呢個醬油盛盒，真係正宗嘅韓式風味！個醬油好香，而且唔係太鹹！蝦肉彈牙，而且好多膏，帶子鮮甜，八爪魚片爽口，每一樣都新鮮美味，真係好食到停唔到口！ ✨鹽磚和牛西冷 呢個鹽磚和牛西冷就係高級享受啦！個牛西冷煎到外脆內軟，肉汁豐富，配埋個玫瑰鹽磚，真係香氣四溢，每一啖都充滿驚喜！ ✨黑毛豬盛盒 呢個黑毛豬盛盒都唔輸蝕！有豬梅肉同豬五花🐷 豬肉唔肥唔瘦，肉質細緻，而且唔會太乾，配埋個醬汁，真係好惹味！ ✨泡菜煎餅 呢個泡菜煎餅就好開胃啦！個煎餅香脆，泡菜酸辣，兩者嘅味道完美結合，好好味啊🤤✨青瓜青檬梳打 飲完咁多嘢食，梗係要飲啲解膩嘅嘢啦！呢杯青瓜青檬梳打就啱晒！青瓜嘅清香加上青檬嘅酸甜，真係好清新，而且可以解膩，真係一飲就精神晒！ ✨柚子乳酸 呢杯柚子乳酸就係驚喜之選啦！個柚子味好濃郁，而且乳酸嘅味道又唔會太酸，兩者嘅味道完美融合，真係好香甜好解膩！ ✨蜂蜜雪糕食飽飽之後食一個甜蜜蜜嘅蜂蜜雪糕，加埋蜂巢一齊食，係一個完美嘅結束🥰總括嚟講，呢