豪門小菜火鍋

營業中

休息中

新年大家都會食糕，但通常都係方間整好多而等你去買，早兩日試完佢盆菜咁正，決定試埋佢既糕、糕、糕😁分別係 #馬蹄糕$168 、 #蘿蔔糕$168 、#山西棗皇糕$188 ，佢比起其他優勝之處，就係即日製造，每日新鮮出爐、無防腐劑、冇添加劑、亦都冇人造色素，所以必須要提早兩日前預訂，全部糕點都係2斤裝，仲有精美盒子同埋保溫袋大方得體👍🏻仲有 #黑糖椰汁年糕 及 #芋頭糕 選擇，全部都係$168 ， 非常超值💗💗💗

新年前先嚟無晚市，你叫人點出去食好D食團年飯哦🥺，好彩香港人都叻叻，轉數快即刻變通，連盆菜都同以往不同，好似呢間豪門咁，我之前只去打邊爐🍲，原來佢有出盆菜，仲要超級無敵抵食，足料勁豐富😍盆菜係即日製造，每樣配料都會處理咗味道先，鮑魚唔係罐頭鮑嚟架，真係原隻扣鮑魚嚟架🤩原粒大大粒乾瑤柱炆得好淋香煎大蝦🦐、鮑汁花膠、紅燒鵝掌、鮑汁花菇樣樣都超大隻橫財就手、金蠔就必有啦😆醃料都不能忽視😍爽脆豬皮、魷魚、枝竹、芋頭、貢丸、蓮藕、蘿蔔、西蘭花🥦吸哂湯汁，啖啖都非常滿足家人個個都超滿意，最緊要既係，6-8人份量都係$988 ，包4支原汁鮑湯😃以往要6-8人必定過千，仲要無咁豐富好食🤭💥絕對冇任何味精，因為完全無口渴💯豪門足料盆菜🍲💜4-6人 $788💛6-8人 $988💚8-10人 $1188💙10-12人 $1388豪門盆菜仲可以+波士頓龍蝦$250/隻 🦞澳洲龍蝦$350/隻 🦞另外想加餸😋，佢會有埋套餐，直頭唔駛落街買餸添🤣香港九龍新界都送貨，非常方便🥳

啲員工自己勁大聲傾計，仲嘈過啲客。真係所有食客都淨係聽到佢地傾計🤨嗌野食又落錯枱？全場得兩枱都可以錯🙂見佢有羊腩煲就試下啦，啲肉又鞋口又un* 仲要嘩，大煲到呢😊另外唔知係咪老闆定員工啲小朋友，係咁走嚟走去無帶口罩又拉枱拉櫈，想食餐安落茶飯都唔得。另外見人話佢地係黃店？兩部電視都播TVB係幾黃喎 曲）完全明白點解成個九龍城餐廳可以得佢直入無客食入完去明白曬👋👋一定無下次中伏呀！！！！！！！！

隱世真材實料小店🦐極香口椒鹽蝦🦪大大隻桶蠔！-九龍城，除左泰菜、老店、打邊爐、糖水，仲有呢種高質海鮮小炒小店，最緊要仲有屯馬線。-🦐椒鹽焗生蝦 ($128)1️⃣原隻生蝦開邊，滾油煎炸，外殼香脆，椒鹽爆香惹味，大蝦厚肉爽彈，鮮甜新鮮。2️⃣呢個價錢，數唔哂咁多隻蝦，真係極抵食。🦪薑蔥桶蠔 ($168)成隻碗咁大嘅肥美桶蠔，蠔味濃郁，撲上生粉煎香，薑蔥爆香，加入紹酒，香口而鮮味十足。🥘奇味雞煲 ($138 半隻)煲仔熱辣辣噴住煙上，事先爆香，極有鑊氣，醬汁微辣濃郁，送飯一流。🧄蒜蓉粉絲蒸扇貝 ($120 4隻)原隻新鮮扇貝極鮮甜，拌以惹味金蒜，配埋粉絲索汁，田中食一打都可以。🥬醬炒娃娃菜 ($78)令人驚喜嘅娃娃菜，用上濃香豆瓣醬炒，極有鑊氣，娃娃菜夠香甜軟身。👍🏻8.5/10-豪門小菜火鍋🗺九龍城衙前塱道22號地下

好朋友聚會，就係繼續飲繼續食，無他，因為酒逢知己千杯少，今晚第三枝紅酒🍷😂😂😂😂開心🥳⋯⋯就係咁簡單🙌🙌——————————原來呢間食肆個老闆係好有善心，會派發飯盒比老人家食，真係善有善報👍見到老闆同D食客好似朋友咁，就知佢個人幾咁客氣，幾咁好客的熱情款待👍——————————-🟫豪門小炒王：材料又夠多、有蝦乾、腰果、菜莆…….等等材料配搭、韭菜的爽脆、足料的好味道😊—————————-🟨黃金炸魚皮：炸魚皮炸得非常鬆脆又鬆化，吃落香口、足料的鹹蛋黃做成黃金的口味，令炸魚皮吃出另一番滋味————————⬛️燒羊架：羊架燒得香，又夠軟熟，吃落不會肥膩😊————————🟩酥炸牛坑腩：外皮的酥炸脆卜卜，裏面的牛坑腩夠軟熟，吃落有驚喜也想不到外皮的脆而且夠薄，裏面的牛坑腩非常軟熟，而且亦都很有牛的味道😋————————🟪蒜蓉炒荷蘭豆：荷蘭豆炒得夠爽脆，不會過火、清甜又嫩，蒜蓉味炒更加香更加甜😋—————————-🟥千島汁油炸鬼：一個好有特色嘅油炸鬼、油炸鬼炸得甘香鬆脆，咬落去入邊仲有彈牙嘅墨魚🦑滑，又彈牙又好味道、千島醬炸出來的油炸鬼更配合了特色…的味道⋯⋯—————————-🟧普檸雞：雞的做法非

今日同屋企去左九龍城搵野食，經過一間睇落不錯食炒餸食飯既鋪頭， 加上又唔想成日食泰菜，於是入去睇吓，見到餐牌都覺得食物既價錢合理，亦有早餐同下午茶供應，幾時想食都得！咁就係度開餐啦😘見餐牌仲有唔同既食物好似潮洲打冷、雞煲、海鮮、小炒等等，真係唔使驚唔知食咩好丫🤣-百里香牛仔骨非常惹味好適合加埋飯一齊食-水煮魚好大鍋可以供3-4人吃，而且非常足料有豆卜、芽菜、木薯粉，價錢很值。-鮮淮山炒西芹而鮮淮山唔會炒到好老好粉既感覺，非常好味！-川味砂礓豬手川味的汁和豬手好夾，非常適合做涼菜👍呢度真係好岩一家人或同朋友一齊聚在一起相聚嘅地方啊👍

今天約了朋友往「美食之城」九龍城飯聚，朋友挑了一間叫豪門的小店，說是有星級酒店大廚坐鎭。到埗後，我們先點了一個鹵水鵝片作頭盤，鵝肉厚實甘香，不俗。跟著再點了三個小菜，一個生炒排骨，最考大廚工夫，上桌時但見鑊氣猶在，排骨酸甜度適中，合格；再來一個蔥蒜雞煲，煲蓋打開，馬上香氣逼人，令人食指大動，水準之作；最後是啫通菜梗，個人認為烹煮時間稍過了頭，沒有了通菜梗那種勁頭，算是有點美中不足，但整體來說，已是一頓很美味的晚餐。

近排成日去九龍城搵食, 除左泰菜之外其實九龍城都有好多小菜館同火鍋店, 上次見到依間豪門小菜火鍋新開張好熱鬧, 今次特登走過黎試下!環境乾淨企理, 裝修有種舊式菜館既味道, 原來餐廳有兩層, 不過今晚我地就坐左係樓下~ 可能因為新開張, 店員放低餐牌時有主動介紹下佢地既招牌菜, 同埋依度既海鮮一定係即日清貨, 保証新鮮!三層脆豆腐 $78招牌菜式, 店員話依道菜係自家製豆漿打成豆腐型態, 當然要試一試。豆腐外層係炸過, 而入邊口感勁嫩滑, 食落除左有豆香仲有D蛋香味, 最上層仲有D菜碎, 多層口感又好味! 仲有菜芯同菇類伴碟, 最緊要係第一次試用豆漿打成既豆腐, 好特別!福建馳名貓仔粥 $88見佢有蠔仔粥同貓仔粥, 蠔仔粥就成日食, 貓仔粥就第一次, 都係抱住試下既心態食, 呀估唔到又幾好食, 原來入面都有蠔仔, 但除左蠔仔仲有好多其他配料, 雞肉魷魚等等總之就乜都有D, 而且仲食得到蠔仔鮮味, 個粥甜甜地,  加上芫茜既香氣, 不錯!川味手撕雞 $78原本以為係小食, 點知黎既時候好大碟, 因為見佢既手撕雞有得另外叫半隻/一隻, 以為佢比錯左半隻我地, 就同店員講, 點知店員話冇錯,

對九龍城的印象，仲停留喺泰國菜，基本上想食泰國菜首選都一定會嚟九龍城，但原來呢邊都有好多中菜餐廳，見想食嗰間泰國菜冇開，就試吓呢間中菜，除咗有好多小菜之外仲有得打邊爐。裝修企理，類似酒樓形式。《XO醬炒花枝片》$128花枝片都幾爽口，唔會好炒得好韌，而且份量都算好多，西蘭花亦都係好爽脆，不過略嫌XO味道唔夠出，可以在濃味少少。《金針雲耳蒸雞》$88以往喺其他餐廳食同類嘅菜式，金針同雲耳都係俾得好少，但估唔到呢度雲耳嘅量好多，而且大大塊好滿足！蒸雞好入味，雞肉又夠滑，一啲都唔鞋，整體真的不錯。《椒鹽鮮魷》$88炸得脆口，粉唔厚比較薄，面頭有大量炸蒜吊味，食落更加惹味！《千島汁蝦球》$88蝦球非常厚肉，食落亦好爽口，配埋千島汁真係好正！ 總括嚟講，小菜選擇多，價錢又好親民，好啱一家大細聚餐。

今天和友人來到了位於九龍城的豪門小茶吃地道小菜。餐廳專做街坊生意，有地道的香港味。我們點了老闆推介的老火燉湯-花旗參鮑魚燉雞湯、豉椒炒蜆、芥辣安格斯牛柳粒和福建馳名炒油麵。燉湯十分足料，有整隻鮑魚仔，花旗參味濃郁飲得出經過長時間燉制，十分滋補。豉椒炒蜆十分惹味，蜆非常新鮮，肉質飽滿鮮甜，而且清洗乾淨粒粒無砂，抵贊。芥辣牛柳粒鑊氣十足，芥辣味非常香，加上大量的洋蔥可以中和牛柳粒的肥膩感。福建炒油麵用料豐富，以鮮魷、豬潤、蠔仔、肉片等拌炒油麵。老闆推薦加少許胡椒粉調味，帶出配料的鮮味。油麵軟硬度適中，不會太過稔身，而且大大碟非常抵食。

去親九龍城大家一定會諗起食泰菜，今次朋友話帶我食新開小菜，我都覺得奇，食小菜洗唔洗去到九龍城呀！不過喜歡去新餐廳的我緊係去啦！來到豪門小菜，我地叫左以下幾款小菜:千島汁蝦球 ～ 大大隻蝦球沾滿哂千島汁，蝦球又彈又爽口，正到追住食。蒜蓉粉絲蒸扇貝 ~ 新鮮扇貝只需要簡單的蒜蓉粉絲去蒸，已經好好味，而且時間火喉岩岩好扇貝剛熟，粉絲吸哂鮮味。燒汁野菌安格斯牛柳粒 ~ 朋友超喜歡食牛柳粒，所以必點，野菌和牛柳粒都吸收哂燒汁甜甜地幾好味。XO醬西蘭花炒鮮魷 ~ 鑊氣小炒，鮮魷切得超靚， 每件鮮魷都有XO醬沾到，好惹味，西蘭花煮得剛熟，是我最喜歡的口感。呢到海鮮好新鮮，老板每日親自去買，賣完就冇 架，而呢到仲有得book房，佢樓上可以安排到18人食， 亦可以買海鮮來加工，老板仲話佢可以煮私房菜，諗到想食咩早d 打電話比佢通知佢就得，唔錯唔錯。

收工同一班朋友去豪門食飯非常推介特別係黃金蝦 同一口豆腐 豪門卷黃金蝦 非常脆 皮薄一口豆腐 入口即融 而且唔會太多油炸唔會厚粉 而且好抵食！好推介～ 下次仲想試下其他菜式終於搵到一個新地方同朋友聚一聚

家住九龍城，知道除了出名的泰國菜之外，還有更多選擇，今晚便來到了一間新開的火鍋小菜館。鹹魚蒸肉餅$88，由於即點即製，需時15分鐘以上，鹹魚是梅香鹹魚，混合了美味的肉餅，味道層次感更佳。鮮果生炒咕嚕肉$88，咕嚕肉是即炸的，脆漿不會太厚，配合酸酸甜甜的醬汁及色彩繽紛的洋蔥、青椒及菠蘿，好看又好吃。是日燉湯$48，花旗參鮑魚燉雞，這個燉湯，用上十小時以上熬製，鮑魚吸收了湯的味道，更加鮮甜。就連雞骨都入口溶化，真是真材實料的燉湯。由於花旗參的味道沉在碗底，建議先行攪勻，才喝到花旗參的甘甜香味。蝦醬炒通菜$78，蝦醬的香氣四溢，鑊氣十足，非常配合通菜的味道。青島啤酒$24，冰凍美味的啤酒，配合廣東小菜，是最佳選擇。

嚟到九龍城食嘢，今次食小菜豪門小菜火鍋館👍🏻材料新鮮，值得推介，好好味，好有特色。三層豆腐，自創三層豆腐，豆香味濃。人生之苦，甜酸咕嚕苦瓜，好醒胃。豪門卷，脆蝦餃卷，彈牙美味。炒蟶子米粉底，鮮甜爽口，米粉吸收曬啲精華，好正呀

豪門小菜火鍋新開小炒館.呢間位於九龍城既新開小炒店，鋪頭唔算大，可能係新開所以環境同裝潢都幾好，燈光夠光猛，枱與枱之間嘅距離都唔算太近😉.食物方面，我地一行3人叫左4樣小菜「椒鹽鮮魷$88；招牌小炒王$88；黑椒牛仔骨$108；福建炒油麵$88」. 小菜普遍質素都值得一讚，特別係椒鹽鮮魷(炸粉唔會太厚,睇相都見到炸得好食,另外魷魚咬落唔會滑潺潺,夠香口重點價錢唔貴😆) ; 福建炒油麵(隔離枱好多叔叔都叫黎食,又真係幾得意,其實即係雜錦炒油麵, 有蝦;蠔仔;菇;叉燒,火腿... 炒得夠入味又惹味😋😋).食小菜唔想坐大排檔，又想嘆冷氣，都不妨係一個好選擇😗.。📌地址：九龍城衙前塱道22號地下💰價錢：$100-$150👅推薦指數：👍🏻👍🏻👍🏻👍🏻（5星為最高）———————————————————