豐鍋日式涮涮鍋 (已結業)

天氣凍凍地，今晚決定食火鍋，揀了位於石門的豐鍋日式涮涮鍋，晚市牛肉+黑豚肉放題，成人價錢由$188至$438不等，二人均點了$228米國Prime 特選牛肉，黑豚肉放題套餐，選了美肌豆乳鍋和日式豚骨鍋，全部食物和飲品都係任食任飲，超抵食！特選牛肉和黑豚肉都好優質，又腍又有肉味，鍋底幾足料，侍應生不時主動幫忙加湯，非常親切有禮，肉類方面，仲有雞肉，嫩滑中帶鮮味。肉類質素固然突出，蔬菜方面也不遑多讓，有娃娃菜、菠菜、冬菇、栗米、雲耳、冰菜、羽衣甘藍、冬菇、萵筍、日本南瓜，全部都非常新鮮，除此之外，還有即食麵、烏冬、午餐肉、爽彈白魚蛋、芝士小籠包、傳統炸魚腐、芝士腸、濃湯貢丸一些比較飽肚的食物，食量再大也必定能滿載而歸，個人比較喜歡充滿豆味的豆腐和鮮甜的大崎蟹柳。飲品方面，有多款啤酒、汽水和茶，仲有糖水，WOVENPICK雪糕任食，兩百多元真係值回票價。餐廳雖然開業不久，但生意非常好，環境乾淨整潔，員工服務不錯，而且價錢合理，值得推薦！

雖然最近因肺炎疫情影響大家出街意慾~但係我覺得反而會比以前更衛生,因為個個都唔出外食。haha~咁就冇咁多人密集，而且餐廳員工亦全部戴晒口罩，唔怕整污糟食物豐鍋亦好注重衛生，入店前要求客人先量體温而且會提供酒精消毒搓手液比客人先搓搓雙手再入店進食總於主角來啦火鍋必備的牛肉同埋至愛的雪糕movenpick~全部都係任飲任食~而且價錢仲好抵。加埋一都係200 左右良心價而且店外仲貼左海報，埋單時會附近口罩太有愛啦

肺炎肆虐，大家都人心惶惶，日日留家工作很悶，今天終於按捺不住約了幾位好友食晚飯相聚。最後我們決定試豐鍋日式涮涮鍋。店舖非常衛生，進入店前要量度體溫，所有員工也戴上口罩。而在每個自取食物的位置也貼上標語提醒顧客在取食物時避免說話/ 戴上口罩，以防飛沫接觸到食物。這消除了大家對打邊爐的擔心。我們選了228元的米國Prime特選牛肉，黑豚肉放題，當中的牛和豚肉都是任添。我選了醬油湯底，朋友選了蕃茄，美肌豆乳湯底。牛和豚肉也很薄，肥瘦分明，放入鍋不久便熟透。自取食物方面分了蔬菜類，丸類和甜品類。蔬菜類有不同的菜和菇，雞脾菇金菇等等。比其他打邊爐店鋪有較多蔬菜的選擇。丸類最好吃是芝士蟹棒，非常多芝士。甜品方面非常驚喜，有movenpick 雪糕，不過只有兩隻味：士多啤梨和雲尼拿味。整體來說，這次邊爐性價比高，湯底唔多味精，食完唔口渴，值得推薦。

今日發現左屋企附近開左間新既火鍋放題店 一於同屋企人去試下！呢間火鍋店一開始會比我地揀火鍋既湯底我地分別揀昆布湯底同埋濃厚豚骨鍋 昆布湯底清新鮮甜 配埋鮮肉會好夾 濃厚豚骨鍋非常濃郁 可以令到鮮肉吸收曬湯底既鮮味而肉類方面我地揀左米國嚴選牛肉黑豚肉套餐 米國嚴選牛肉一塊塊好大片既牛肉色澤鮮紅 溶雪效果做得唔錯 唔會見到有d碎冰 牛肉既雪花紋理好靚 食落牛味好重 而且入口即溶 十分推介！黑豚肉 肉嫩肥美油脂甘香 而且肉汁豐富 入口每一片豚肉肉質嫩滑 完全唔會覺得乾身 而配菜方面就可以選擇出面既自助配料區 例如有芝心丸、芥末沙津球、羽衣金藍等 特別推介羽衣金藍 起平時好少見到有得食 色澤翠綠 口感好爽脆好特別 另外芝心丸 一入口會有滿滿既芝士湧出 仲要係炙燒過甜品方面有move n pick雪糕 同埋飲品係任飲 仲有好多韓國飲品 例如粒粒梨汁同忌廉溝鮮奶

近排疫情嚴重，真係少左好多人想出街食飯，怕比人傳染。而且新聞又炒作食火鍋會染病，搞到火鍋店更加無人去。不過朋友好想食火鍋，又好好心機搵到有間日式涮涮鍋係一人一鍋嘅，好似感染風險較低，咪就佢一次。呢間鋪頭都幾多防止染病措施，又要量體溫又有好多提示叫大家拎食物時唔好講野，免得噴到飛沫。講番野食，叫左個$228嘅牛肉餐，牛肉真係好嫩，油脂分布平均。配菜又多款色，又要一般日式火鍋店無嘅出前一丁可以食。除左位置唔太方便同檯細左少少之外，無咩好彈！

Lee幾日甘凍，就好想打邊爐。上星期去石門藥房掃貨，順便食下野！見豐鍋既牛涮鍋係一人一鍋，幾乾淨！入店前仲會量體溫同要用搓手液添。湯底有好幾款：美肌豆乳鍋野菌番茄湯北海道昆布鍋豐味醬油鍋豐鍋麻辣鍋日式豚骨湯我簡左美肌豆乳鍋，有豆香味，又唔會濃。米國Prime特選牛肉，新鮮色澤紅潤，有牛肉味唔會韌。而黑豚肉肥瘦均勻2款仲可以無限追加，同店員order就可以，好岩食肉人仕，好抵食。自助區都勁多選擇，最緊要乾淨。菜類係勁多，有羽衣甘藍、冰菜、萵荀、南瓜、節瓜、蓮藕，番茄、冬菇、金菇、秀珍菇、杏鮑菇、本菇，連芽菜都有。仲有青口、雞件、濃湯頁丸、芝士小籠包、黑糯糕、芝士腸，蟹柳等等。雪櫃飲品任飲，雪糕係movenpick任食的。平時一至五中午係冇涮涮鍋家，得午市套餐。

今次我地揀左228嘅米國Prime特選牛肉黑豚肉放題套餐😋湯底方面: 👦🏻就揀左麻辣鍋，👩🏼就揀左豬骨鍋。麻辣就唔係好辣，👦🏻都覺得唔辣，食得辣嘅可以岀去攞辣椒。豬骨就開頭比較清，之後愈煲愈岀味。配料方面: 牛涮涮黎講都算多👍🏻蔬菜來講比較特別嘅有冰菜同萵荀。兩樣都好清新同爽脆💯基本嘅丸類都會有，但種類唔太多。仲有岀前一丁同烏冬。肉類方面: 豬肉唔會鞋，無冰鮮味。牛肉口感較稔，易咬，肉味濃👍🏻甜品方面: 有回本必備嘅movenpick，有雲呢拿朱古力同士多啤梨味。🔸由於最近疫情比較嚴重，亦都一罩難求。埋單後，店鋪都會送番一人一個口罩，希望為社會岀分力👍🏻

今晚放工後入咗黎石門睇下有咩食，條街都冇乜人，見到有間任食涮涮鍋，入面得五枱左右客人，又唔使等位，就入去試下。呢度提供兩個套餐，的地二人揀咗個$228，入座前再揀埋個湯底就可以入去了～我地就揀咗豆乳鍋同昆布鍋 豆乳鍋配有雜菇同大葱，豆味濃郁，鮮味十足 昆布鍋相對地味道較清，但都有一股昆布既香甜牛同豬可無限添食，叫侍應拎就可以了。牛同豬都唔會話好肥，牛肉肥瘦適中，唔會太油膩，肉質亦鮮嫩 豚肉唔會好鞋，薄切可以唔使灼咁耐，保留豬肉既鮮味 呢個價錢真係唔錯。除咗牛同豬之外，其他配菜可以出面自己夾，放題黎講唔算太多選擇，但勝在性價比高，貴精不貴多，蔬菜類有羽衣甘藍、冰菜、萵荀、菠菜、粟米、蕃茄等；另一邊可以夾菇菌、午餐肉、芝士腸、鮮雞肉、芝士丸、芝士腸、貢丸等；麵食就有手打烏冬同原個出前一丁⋯ 烏冬係稻庭烏冬好彈牙、鮮雞肉肉質都嫩滑、其他配料亦好新鮮飲品就係雪櫃拎，有解茶、竹庶茅根、雪梨蜂蜜、啤酒、芒果汁⋯有好多選擇最後仲可以拎M字雪糕，但真係太飽食唔落了～

來沙田石門Shabu Shabu的話依間最正。牛肉豚肉都有質素可以無限添而且好快到，米國Prime特選牛肉好有牛味。另外仲有埋羽衣甘藍、冰菜和萵筍，三種菜都係我最愛！羽衣甘藍烚耐點都係咁爽口！冰菜同樣爽口清清地但烚一陣好以免淋晒！其實剩食以上五樣野已經好滿足。環境乾淨舒適，一人一鍋可以跟住自己節奏食最好不過，揀了美人豆乳鍋和濃厚豚骨鍋，湯底濃郁好夠味，火鍋配料和平時差唔多。飲品都係任飲，除可樂七喜道地茶外，仲有樂天芒果汁、鮮蘆薈樂、石榴汁清清地幾好飲，忌廉溝鮮奶都好飲不過飲完好飽肚。雪糕係Movenpick 正呀。

石門新開火鍋店石門越來越多新餐廳，今日食咗呢間火鍋放題，係以日式風格為主。出邊有多款配料有菜、腸、丸類、南瓜、雲耳、粟米等。好多選擇！餐廳幾大，但係座位就相對地比較狹窄。一入去就會揀湯底，然後揀你想要嘅肉，呢度嘅肉豬、牛、雞都係任食，肉質唔錯。呢度仲有好多唔同嘅飲品任飲，而且雪糕仲係Movenpick ，味道都算多。呢個價錢來講肉嘅質素同食物質素都相當唔錯。仲要呢區都比較少呢一類型嘅任食邊爐，所以幾好！

自從豐鍋日式火鍋營業開始，已經第三次來呢度食靚火鍋，講到明靚火鍋，當然係坐得舒適，材料及食物都靚先稱得上。我鍾意來豐鍋其中一個原因係一人一鍋，特別係最近大環境都特別緊張安全同衛生，想安全打邊爐，真係最好自己一鍋。我選了美人豆腐鍋，這個冬天可以滋潤肌膚，朋友就選了豐鍋麻辣鍋，我們選了頂級安格斯牛肉黑豚肉放題套餐，可以任食任fill真係超正，而且這裡的牛肉黑豚肉都超新鮮，肉質鮮嫩，我真係好鍾意食這家火鍋，朋友也吃得讚不絕口。除了肉類，這裡還有很多新鮮蔬菜，跟外面火鍋店相比，我覺得這裡的蔬菜真的特別乾淨新鮮，很喜歡這裡的萵筍及冰菜，冰菜真的不是到處都有。吃完火鍋，還有甜品呢。這裡還有糖水和雪糕，這次的糖水是薑汁小湯圓，對女手好哦還可以暖胃，而雪糕是貴價雪糕，食多兩個都抵啊，這次我同朋友吃到超級飽肚同滿足，抱著大肚子回家呢。

日式食物食得多，但shabu shabu就比較少食，趁住香港呢次比較冬天的冬天，一於試吓，絕對唔怕食到成身汗。呢間舖好近地鐵石門站，C出口一出左手邊就係，超大的『豐』字，近視，老花都唔會睇唔到，正常人更加唔使講。入到來，舒適乾淨企理的環境實在唔錯，枱好似細咗D，但都够用。一人一鍋喺呢個時候顯得特别重要，够晒衛生，防止疾病的傳染。而吃完埋單仲有口罩送，够晒貼心，超抵讚。今次揀咗米國Prime特選牛肉，黑豚肉放題食，一上枱就送上一人一份牛肉，黑豚肉，跟住就有好多日式食品，例如白靈菇，金針菇，芽菜，油揚，白靈菇配埋我要嘅美顏豆乳鍋，好正。當然唔止咁少嘢食喇，件有鳴門卷，蟹柳，芝士腸，芋頭，貢丸，文魚旦，配埋豚骨鍋亦好夾，烏冬好高質，Q彈，唔覺意煮耐咗亦唔會發漲，值得推介。而Movenpick雪糕任食亦係一大亮點

老公去完石門考牌，考完牌點都要同老公慶祝下。老公話要打邊爐，我地見到豐鍋日式涮涮鍋好抵食，逢一至星期四晚上7:00前結賬或晚上9:30入座每位減$30 。我地點了米國Prime特選牛肉黑豚肉放題套餐，每位$228湯底選了北海道昆布鍋同濃厚豬骨鍋米國Prime特選牛肉和豚肉，牛肉大大塊，厚薄適中，肉質軟腍不會柴口，而黑豚肉都切到好薄，滾一陣就食得自助配料區，丸、菜、菇類、芝士腸、午餐肉，烏冬等等除左自助配料區竟然有candy Bar，糖水同埋我至愛既MOVENPICK 朱古力雪糕。飲品區除左茶、檸檬茶、汽水、竟然有黑啤

好耐無打過邊爐 呢排又有肺炎一齊烚下烚下好似好高危咁 上網搵到呢間涮涮鍋係一人一鍋 夠哂放心 一入去之前仲幫個客人量體溫食得安心 呢度有幾款放題 我地揀左$228 特選牛肉黑豚肉 可以任食牛肉黑豚肉 湯底都有好多款 我地揀左一個美肌豆乳鍋 另一個麻辣鍋周圍睇下有咩配料先 都有十幾二十款飲品總類都好多 有勁多平時唔常見嘅飲品都有 連啤酒都有得任飲呀特選牛肉唔會太肥 望落都好新鮮 食落好有牛味 黑豚肉亦都薄切 唔洗煮好耐就食得 我地食左6碟牛菜方面 有貴價羽衣甘藍 仲有個好得意冰菜 呢2種都係少D用嚟打邊爐嘅菜食到差唔多飽就留肚食雪糕 係任食movenpick呀 仲有3隻味添 一個人食3杯真係好基本原來仲有個candy corner 不過太飽食唔落啦呢度收碟速度都好快 仲有任食牛同movenpick就回到本 最尾埋單個時竟然仲比左1人1 個口罩呀 真係好surprise 好貼心呀

豐鍋～讓我瘋了的鍋😈石門的豐鍋🥘有兩間，呢間是日式涮涮鍋.....適合我呢D喪食一族🦹🏻‍♂！🥊先介紹遊戲規則：食客先選鍋底及肉肉的級別（一人一底制），然後開始計時90分鐘🕛，其間你可以怒飲怒食，豬、牛肉要向侍應發出添食要求，其他可在自助區自取！🎢go go go🙊就係咁，我經歷了瘋狂的90分鐘！ 我選了麻辣鍋底🥘＋米國Prime 特選牛🐮+黑豚肉🐷的$228組合！ 開始時我懶懶閒🦦,因為對涮涮鍋沒什期待，諗住都係D填飽肚嘅食材！ 肉肉來了， 質素good👍,肉質同脂肪紋理都靚仔！ 🌪於是出自助區行一轉，嘩嘩嘩......咁多嘢食，仲有啲好嘢添！ 菜👉🏼萵荀、羽衣甘藍🥬同冰菜！冰菜必食， D菜雪❄到冰冰的，♨入口脆、菜味濃！仲有高質🍢魚腐、貢丸、芝心小籠包同青口 🦪！仲發現Movenpick 🍨可任吃😳 、啤酒🍻汽水🥤選擇好多....！待應加肉迅速🏃🏽,未食過咁大方的涮涮鍋！🥇賽後檢討：2人共吃了10碟肉, 🤰🏿10月懷胎地離開....贏了🎰