豐鍋日式涮涮鍋 (已結業)

揀左$328 任食頂級安格斯牛肉同黑豚肉一人一鍋 極之推介蕃茄湯牛肉方面一碟大約有6-7塊 好食👍🏻豚肉冇乜特別 比出面任食火鍋好食少少唔洗寫紙 同waiter講返要幾多碟就ok 黎得好快雞肉要係出面同其他丸、青口同菇 一齊夾 稻庭烏冬絕對唔會令你失望甜品有movenpick 雪糕 雲呢拿同朱古力味芋頭蕃薯糖水 同夾棉花糖 可樂糖等食物質素係冇問題，但無可奈何得90分鐘真係唔多時間食 同埋二人枱都幾迫下 下次再食會試$188/$228 就算

話說石門京瑞一期商場地下依間日式shabu shabu店，見到佢裝修左好耐，呢個禮拜終於開咗喇。今日就趁去石門買嘢，一於就黎試一試佢哋嘅lunch先。價錢來講就係算係同其他日式shabu shabu店差唔多，幾標準。lunch放題有$118同$168兩個價位。同一般日式火鍋店一樣，都係每人揀一個湯底（湯底都有例牌果幾款啦），肉品任食然後再喺出面蔬菜丸類飲品任拎咁。之前行過見到佢哋門口個牌寫住星期五六日公眾假期有lunch放題，係開11點嘅，咁今朝瞓晏咗就諗住早早地11點嚟到就食啦，點知嚟到就見到佢地好似有排都未開，所以唯有行一陣，四圍兜一兜買住野先。之後兜左幾次返嚟，發覺佢都係未開，見到好多本來喺門口等緊嘅人都話又走咗。最後竟然等到12點先開門，足足比佢門口寫嘅時間遲咗一個鐘！我估可能餐廳新開張未咁有效率可以準時開，但建議餐廳可以更正一下，免得客人空等，呢度印象分左就要扣少少喇。12點開門嘅時候大家擾攘左好一輪先安排到入坐，揀左貴Ｄ嘅＄168個prime 牛肉+黑豚肉set，要返最穩陣嘅北海道昆布湯底。不過睇真啲原來lunch放題限時只係得60分鐘，喺香港比較罕有，但我今次一個人黎食應

The ultimate winter comfort food is, of course, hot pot. I went with my dad to this newly opened shabu shabu place as we live in Shatin and this location is convenient. We had an individual pot which was excellent as my dad doesn’t eat beef. We chosen the $228 set and I had the soya soup base (good for skin 💖) Good variety for starter, salad, drinks and dessert and value for money🙂

今日係石門附近收工，又約埋老婆睇下有咩好野食，係openrice見到有間新開既豐鍋日式涮涮鍋，之前食過間豐鍋雞煲好好食，今次決定試埋呢間睇到間舖都幾大幾多位，兩邊有唔同配菜同埋飲品可以攞，飲品既選擇都非常之多呢度係用一人一鍋既方式，每人揀一個自己中意既湯底先，我地揀左一個蕃茄湯同一個麻辣鍋，兩個都唔錯，麻辣鍋入面仲有鴨血👍🏻我地叫左$228餐，Prime特選牛肉同黑豚肉，兩隻肉都好正，油脂分布平均，食肉獸既我地都食左好多碟，refill既速度好快，呢個抵讚當然仲有好多樣配菜，我地最中意係羽衣甘藍同烏冬，呢度有埋油揚代替豆卜，甜品仲有我既最愛movenpick雪糕，有雲喱拿，士多啤梨同朱古力味，我食左4杯回哂本😂

石門最近新開張一家日式刷刷鍋，第一日開張已經勁多人，真係要來試下啦。呢度的火鍋都是每人一鍋，有幾個湯底可以挑選，我選了豐鍋麻辣鍋，朋友選了不辣的北海道昆布鍋，這裡是以半自助形式，可以叫服務員上牛肉及豬肉，而蔬菜，甜品，飲料，醬油都是可以自助的。這裡的肉類都非常新鮮，牛肉夠嫩滑，豬肉也夠嚼勁。所有的蔬菜都非常新鮮乾淨，很喜歡這裡的窩筍及冰菜，餐廳有這個吃真的很少，又有糖水喝，真的超級棒。這裡十分有日本風味，一直播放日本歌曲，食物味道也是日本式為主，下次一定要帶更多的朋友過來聚餐。

見到呢間火鍋店新開，於是就決定試吓。石門最近真係多咗好多唔同嘅新食肆，返工食晏晝又好，或者專登嚟搵食，都一定唔會失望。依到係一人一個鍋底，肉係任食嘅，搵服務員落單就可以。而出邊嘅配料就係可以自己住攞，有好多唔同嘅蔬菜，丸類，麵食。飲品都係任飲，有唔同種類可以選擇。最正係雪糕都係任食而且係Movenpick肉方面我選擇左prime，個人覺得性價比唔錯。肉嘅質量唔錯，肥瘦適中。我自己就揀咗麻辣湯底，因為我覺得辣會比較惹味d。

去開石門 試下新開張嘅日式火鍋放題火車站一出就係 位置方便估唔到平日嘅夜晚去到已經滿晒 六七點已經排晒隊-有二個套餐組合 分別係$228同$288 限時90分鐘貴啲嗰個餐有澳洲和牛 不過我哋要咗平啲嗰個臨近聖誕節 係咁洗錢食好西😌湯底有六種選擇 老套嘅我地叫咗最普通嘅豬骨湯 味道鮮甜唔油膩👍🏻雖然坐滿晒人 但係值得一讚嘅係店員效率好高 坐低一陣就有湯底同牛肉牛肉新鮮 冇雪藏味 雪花均勻 我食咗六七碟🙈配料選擇多 特別係蔬菜 如果你係食齋嘅都有好多選擇 連價錢唔平嘅羽衣甘藍都有👍🏻飲品有十幾款 唔係一般嘅可樂橙汁 而係特別嘅飲品都有 例如冬瓜茶打完邊爐梗係要食返幾杯雪糕降溫 雖然套餐價錢唔貴 但係都有movenpick食 而且有三種口味 雲呢拿朱古力士多啤梨 食多幾杯已經回本唔鍾意食雪糕嘅 呢到竟然有好多軟糖 啱晒小朋友 有成六款選擇

孝順爸爸系列我地黎到豐鍋本家 日式涮涮鍋 位於沙田石門 至於點解會吸引到我入黎試？！因為佢新開 勁多花牌 放門口 撞正grand opening天氣涼涼地 最適合不過 就試一試Order兩個米國prime特選牛肉黑豬肉$228 放題湯底 1. 醬油 2.美人豆乳鍋 每一人鍋 想食咩就隨心喇個人覺得佢同一般涮涮鍋分別在於食物質素 好明顯唔係cheap野先講肉類 牛肉豬肉雞肉米國prime特選牛肉 好有牛味 脂肪分布平均 唔會咬到你牙都攰 啲個質數好正 有驚喜 每食一碟就感覺值回票價 值得一試 醬汁方面 醬油蔥花蒜蓉辣椒 而我當然配芝麻醬丸方面 芝士腸芝士丸淮山卷名門卷牛丸蟹柳粟米仔必食芥末沙律球 小心辣親咀仔 內裹係沙律醬 菜方面 生菜娃娃菜冬菇南瓜豆腐蓮藕木耳居然有冰菜 羽衣甘藍 真係出面比較少見個人喜歡 萵筍 夠新鮮 Movenpick 雲呢拿味 好香仲有糖水蛋糕仔飲品當然係任君選擇 驟眼睇都有15款以上要讚一讚侍應服務態度 整個食飯過程 不斷主動加火鍋湯底 唔會當你透明 個半鐘任食時間足夠二人成為$502

上個月吃完樓上美味豐鍋雞煲，知道樓下日式涮涮鍋開業了，今日又入來吃餐勁先。6點半來到唔算多人，不過7點幾已經坐滿。餐廳基本上都係四人檯，如果兩個人就會係中間間一塊版，感覺私隱度會好d。檯面有兩個爐，每人可以選一個口味的湯底。米果黑豚肉放題套餐$168豬肉較厚身，肥瘦均勻，有咬口，唔錯，我們兩個吃了六碟。食物方面比起一般涮涮鍋質素要高，蔬菜好新鮮，羽衣甘藍全部都係摘剩較細顆葉，好細心。其它選擇都唔少，推介午餐肉同蟹柳，仲有炸芋頭條。吃飽飽仲有紫薯西米露同Movenpick雪糕任食，超級滿足!總結:升價比高，極力推介👍👍👍

石門又有新野食 開左間新既一人一鍋任食日式sabusabu環境企理舒服 除左主打有分級數既牛肉同豚肉外 其他火鍋配料,飲品甜品都係好似食buffet咁自己拎款式都幾多 用料亦靚同新鮮 除左有平日任食火鍋好少見既青口,珍珠荀,腐皮,牛蒡竹輪之外 就連比較貴價既super food羽衣甘藍都不停refill任食最驚訝的是 竟然有得任食Movenpick雪糕不得了 開心死寶寶我地揀左一個美人豆乳鍋同日式醬油濃湯 以我同小胖男友食過幾間日式火鍋既經驗 覺得呢間豐鍋既湯底都幾濃郁 味道唔錯豆乳鍋一拎上黎就已經好香好濃豆味 感覺上健康過平日食到既湯底而醬油湯底就有似日底鍋燒烏冬既湯底 淥肥牛同烏冬食一流不過當然少不了主角既牛同豚肉 我地揀左中間價$228一位既米國Prime特選牛同豚肉 每碟都充滿雪花同好滑可以無限追加 仲黎得好快 呢樣非常抵讚小妹覺得以$228一位既價錢 淨係食牛同雪糕已經回晒本

放工晏左岀街食行過商場門口就有間新開打邊爐一人一鍋，任食黎講唔算太貴我地揀左Prime特選牛肉·黑豚肉拎野食見到MÖVENPICK雪糕都係任食即刻覺得好抵，雪糕濃朱古力味仲有碎朱古力粒我揀左美肌豆乳鍋，朋友係麻辣鍋湯底不太濃味，剛好唔會蓋過淥食物既味道我鍾意食蔬菜，羽衣甘藍，萵筍，冰菜，日本南瓜，新鮮又乾淨竹輪，雪白菇，油豆腐同豆乳鍋味道好配合芝士丸爽口，入面有溶左既芝士好好味麻辣鍋不太辣，煮肉最啱，仲有午餐肉牛和豚肉都唔韌，又唔會太肥最後食埋稻庭烏冬，真係大滿足任飲除左汽水，仲有樽裝茶

今日收工經過見到有新店開張，於是乎同同事膽粗粗入去試下，今次嚟到「豐鍋日式涮涮鍋」米國prime特選牛肉，黑豚肉放題餐牛肉雖然唔喺超厚身，但呢種厚度咬落都好有質感，可以掛到醬汁，啱晒打邊爐食。牛肉雪花幾靚，食落好重牛味，同油香味。重點想講下個黑豚肉，打邊爐好耐無食過有甜味嘅豚肉，平時食開都喺「鞋口」、「無肉味」、「唔知咬緊咩」，反而今次居然食到有肉嘅甜味。出面火鍋配料都喺常見嘅，不過值得一提嘅喺唔喺雪藏好耐嘅疆屍肉，因為睇得出無冷凍到發黑。飲品類都算多，最正喺有雪糕任食。

一到冬天就開始係打邊爐既時候，超級火鍋控又點會錯過試新野既機會。係石門附近反工，最近見有間新既唰唰鍋，當然要去試下，地點十分方便，石門站一出京基廣場入面。間店採用一人一鍋，湯底方面有六種湯底去揀，最後決定用麻辣湯底和美肌豆乳鍋牛肉方面脂肪和牛紋理唔錯，牛味幾香，再叫幾Round質素都維持水準，落order上台速度幾快.豚肉肉味重，唔會因為湯底覆蓋左豚肉嘅味道，肉質非常嫩除肉類外，出面自助拎既野食種類都好多，比較驚喜既係有出面比較少見的冰菜；甜食方面有candy corner，雪糕仲有movenpick，以呢個價錢超值！

其實好多人都知道石門有好多食肆 ，基本上同朋友若果諗唔到食咩都會來石門。今次又同友人們一齊來，原本都煩惱近食咩，因為想食任食日式火鍋但石門好似無呢類型店舖。幸好我們發現這間新開的食店，正正符合我地的要求。一開始去拎「飛仔」時已經見到好多人在等候，再看到店舖出面的餐牌就知道原因，就系選擇性大。由最低的168一個人到400幾一個人的任食選項都有，基本上都已經包埋所選的肉類、火鍋配料、飲品同雪糕，非常有彈性。我地今次選了一個中位的餐228一個人，除其他一般任食火鍋都有的自助蔬菜及火鍋配料等，這個餐是美國牛肉及豚肉。肉的質素很好，牛和豬肉都肥瘦適中，不會老身。除此之外外，自助火鍋配料當中的蔬菜選擇也值得一讚，有羽衣甘藍同冰菜。其實以前都有食過任食火鍋有呢兩種菜，但不常見，較少任食火鍋店有。最後甜品方面有任食雪糕，呢間店有較為系任食火鍋店少見的雪糕 Movenpick ，非常好味。總括來講，如果此店能夠一直保持呢個水準，非常值得再去。

見新開，即刻去試啦，星期五晚餐都多人等位，。食物質素高，價錢合理，但有啲迫，走廊相對其他一人一鍋的舖係窄，張枱都細張過人，小朋友就要小心出入。下次一定會再來!!!!