豐作 (已結業)

ㄧ向討厭排隊等位,亦不喜歡太擠迫嘈吵的食肆,所以特別喜愛樓上小店或私房菜,可以慢慢享受食物的美味。正好朋友介紹這間位於火炭工厦的私房菜,當然要ㄧ試。雖然隱藏於火炭工業區,但小巴直達工厦門囗,地點都算容易揾。訂坐時大廚已whatsapp菜單比我們確認,所以省卻到場先點菜的煩惱,亦可事先揀選自己喜愛的菜式👍法國生蠔 - 自己對生蠔ㄧ向不太熱愛,但呢個係朋友指定頭盤,就奉陪ㄧ試。驚喜係口感非常肥美,沒有我最怕的腥味,果然跟自助餐任食生蠔係天地之比😝美國Prime肉眼扒 - 即場製作前大廚細心地問要幾成熟👍。Prime肉眼扒肉質軟嫩, 肉淡豐厚又沒有筋,食得出係高品質牛扒。西班牙iberico黑豚 - 黑豚肉汁雖不及肉眼扒,但厚身得來很肉質鬆軟,没有豬排的厚實感。手作蕃茄意粉 - 呢個亦係朋友極力推介菜式,起初有點奇怪蕃茄意粉有咩咁特別...食落就知驚喜之處,有新鮮蕃茄味之餘又帶creamy, ㄧ問之下原來係大廚秘製醬汁😋雖然地點吾係旺區,但食物質素有驚喜, 性價比夠高,值得再訪👍

朋友話火炭有好食私房菜，不過好似幾遠，趁放假一於去試吓。星期六打去訂位，店主馬上what's app 個menu俾我，話confirm後就以作實的menu做當日的菜式俾我哋食，唔啱食嘅菜式仲可以改添，都幾貼心喎。餐廳size一點也不大，得三張枱，合晒私房菜的要求，有足夠的空間感。北海道刺身帶子 --- 非常鮮甜，肉身粘口，夠晒新鮮，正呀忌廉蘑菇湯 --- 用蘑菇打碎混合忌廉而成，每口湯都有陣陣蘑菇香味，仲好creamy又滑，唔錯。美國Prime西冷 --- 開頭menu話2人share1⃣️件牛扒，心諗夠唔夠食嫁。點知，原來件牛扒成吋厚，仲好大件添，店家話接近1磅重。我哋order 7成熟，肉質依然嫩滑。雖然店家只作鹽同黑椒作調味， 但已帶出濃郁的牛肉香味，大蜆意粉 --- 用新鮮大蜆煮成，輕微辣，意粉軟硬適中。可能食完件牛扒已經飽左八成，所以並不覺味道好特別。甜品，Tiramisu --- 味道不太甜，cream夠滑，如果多一點咖啡香味會更吸引。總結，食物質素高，環境舒適，但地點有點交通不便，較適合駕車人士前去。

豐作從華樂搬去國際工業中心，交通更方便了，從沙田火車站乘60K小巴，在國際門口下車，幾乎一步都不用多走，最適合我這種懶人。環境當然更不用說，比以前寬闊了，整體仍以簡約歐洲風格為主，色調清新柔和，來嘆午餐及晚餐都是不錯的選擇。今天特意來吃一個豐盛的晚餐，我不大食，品嘗了Kenny推介的法國生蠔、美國Prime肉眼扒，甜品是自家製奶凍。生蠔非常新鮮，即開即食，一碰裙邊仍會蠕動。入口清爽，海水味濃郁，混合生蠔獨有的甜味，留在口腔久久不散。主菜是肉眼扒。一上桌已見牛扒比男仕手掌還大，足有一吋厚，煎至7成熟，外層甘香微脆，內層鮮嫩肉汁豐富。煎時已聞到牛扒濃香，賣相更是令人食指大動，味道更不用說了，愛牛之人絕不後悔。吃完牛扒已經飽得差不多了，但女人胃裏永遠有空間留給甜品。咖啡味奶凍非常幼滑，甜度剛好，一點不膩，作為這餐的收尾，是為大滿足。

好幾年前去過豐作，最近收到佢哋promotion 通知搬咗，舊食客光臨仲有折，咁一於再試過。地點依舊在火炭，店舖裝修較之前靚，坐位也闊落咗，但燈光略嫌太光。頭盤法國生蠔，新鮮又肥美，仲充滿海水味，令我有如置身於海洋一樣。牡丹蝦刺身，較外面日本餐廳的大隻，味道非常鮮甜，個蝦頭仲留來煮意粉。美國Prime西冷，成吋厚的西冷夠晒有口感，肉質仲好嫩滑，大廚只加鹽同黑胡椒已經帶出濃濃的肉味。蝦頭白汁意粉，大廚用蝦頭煎香放入卡邦尼意粉內，意粉滲出陣陣蝦膏香味，都幾特別。

其實我係第一次黎火炭食飯！依間餐廳同平時食嘅好唔同！首先預約左，餐廳會整一份菜單WhatsApp 比你，因為無固定餐牌，可能個個都有啲唔同，我同朋友今次揀左$350一位嘅菜單！包括有前菜、湯、主菜同甜品第一道菜：生蠔好新鮮！蠔味濃，仲有海水嘅味道第二道菜：田園沙律，生菜同蕃茄都好新鮮，dressing 有啲酸酸甜甜幾開胃！第三道菜：蘑菇忌廉湯好濃郁嘅忌廉味，蘑菇攪碎同湯融合左一齊，我覺得如果唔攪咁碎仲正，有啲咬口第四道菜：香煎三文魚外層煎到金黃，肉質細嫩！口感不錯第五道菜：白酒煮青口估唔到份量都幾多！甜品：tiramisu 口感細滑，味道濃郁唔覺得膩想要多件啊🙈