豐作 (已結業)

好幾年前去過豐作，最近收到佢哋promotion 通知搬咗，舊食客光臨仲有折，咁一於再試過。地點依舊在火炭，店舖裝修較之前靚，坐位也闊落咗，但燈光略嫌太光。頭盤法國生蠔，新鮮又肥美，仲充滿海水味，令我有如置身於海洋一樣。牡丹蝦刺身，較外面日本餐廳的大隻，味道非常鮮甜，個蝦頭仲留來煮意粉。美國Prime西冷，成吋厚的西冷夠晒有口感，肉質仲好嫩滑，大廚只加鹽同黑胡椒已經帶出濃濃的肉味。蝦頭白汁意粉，大廚用蝦頭煎香放入卡邦尼意粉內，意粉滲出陣陣蝦膏香味，都幾特別。