譽居

營業中

休息中

我本身住附近，所以時常有去食。最喜歡她們的义燒，雖然不及外區名店，但比起很多酒樓，已經很好。可是這快成為過去，义燒已經由香軟轉變成咸硬。這個已經反映在人客越來越少的現像上。職員欠決訓練，好C9 feel，可能今年沒有加人工吧，待客態度非常一般... 到差，個個黑口黑面，不論點菜或其他，也是同一面孔的 ~ COOL ~大家千萬要注意，在這家店堂食外賣，他會先收你每個盒一元.. (算，很多店也收):不過到你到櫃台結賬時會再收你 5毫膠袋錢；估佢唔到；最好自備膠袋或者不帶走。感覺是貴，座位迫，卡位好少少(有豬攬肉另計)，最慘食物質素下降，服務態度唔ok。再不改善，人客買少見少，好快要講拜拜。

Love praise house! Congee and noodles for first thing in the morning breakfast is so amazing and delicious. Oldschool Vibe with plenty of variety and Delicious Fresh flavours you can't go wrong. Staff can be a little unfriendly at times but for the most part it's an open spacious bright place for amazing congee first thing in the morning. 1 of my favourite places in all of popcorn Mall.

呢晚想食小菜，行開PopCorn，見未試過呢間餐廳，又見到甘多人排隊，稔住試下，等左10分鐘就有位。細細張2人枱，枱同枱之間放得密，少少迫。叫左個土魷馬蹄蒸肉餅，同埋瑤柱金菇炆伊麵，加多個白飯。土魷馬蹄蒸肉餅：心中暗叫今次大劑了，事關土魷本身都有咸味，而佢竟然仲用勁咸身的豉油汁做底，的而且確，呢個菜係咸左，已經送住白飯黎食，都係好咸，就算有馬蹄都中和唔到d咸味。機攪肉碎無咩咬勁，毫無性格，平平無奇。瑤柱金菇炆伊麵：簡直同我呢個大嬸個樣一樣甘dry，麵有少少鞋口，好重甜豉油味。瑤柱？食時就唔係好覺有囉，食完見隻碗都有幾條細細條絲痴o係度，o拿！真係有瑤柱架！食物就茶記水準，價錢就見人見志啦！不過，未必有下次，食完好口乾，狂飲水都仲係好渴。

今日近近地喺附近食lunch，老公提起呢間好少食，咁就入去食吓。我有d肚饑，叫咗碟燒腩仔飯。碟飯一到，睇落好似好多舊腩仔，其實每舊切得好鬼細，上面面積有如一粒黃豆，食落除咗咸味乜肉味都食唔出，佢刀功真係太好，切得咁細。

位於popcorn的「譽居」已經光顧過兩三次, 味道一般但想食粥的話在將軍澳的選擇真的不太多了。今天老師想食粥清清腸胃, 唯有再到這裡光顧。這裡食物一般, 但勝在地方大, 樓底高而且有一排落地玻璃可引入和暖的陽光。旁邊有梳化椅, 用餐環境舒適。店內裝潢充滿老香港情懷, 牆上掛了一幅又一幅香港四五十年代的黑白照。餐具印上「譽居」, 頗為整潔。午市選擇有粥粉麵飯, 加$有小食/飲品。燒鵝瀨$36瀨粉及燒鵝分開上, 不錯! 燒鵝排列整齊, 份量多, 賣相尚算吸引。先夾住瀨粉, 湯頭清淡如水, 冇味! 小女兒最愛食瀨粉都覺得淡而無味, 只吃了數啖便放棄。燒鵝欠鵝隻的獨特香穌味, 而且肉質偏瘦, 老公懐疑這是鴨肉。肉丸牛肉粥$38先嚐啖粥, 粥夠綿, 而且好有味道! 但不是烹煮出來的鮮味, 而是味精的味道, 因此吃到一半已經口渴。牛肉女嫩滑, 肉丸鬆軟, 味道尚可。

係TKO想搵野食真係有D難度，最後當然係出名既Popcorn 碰運氣。 習慣上，午餐不想食得太豐富同想清淡D, 故最後選擇了譽居食粥同麵.....餐廳內，環境及衛生都幾好，午餐的價錢亦不太貴。最後點了粟米肉粒粥，清菜及水餃冬菇麵。 粟米肉粒粥，粥底夠綿，而又唔會水汪汪，但粥底略嫌過咸，食完一細碗已不斷飲口水。水餃冬菇麵，冬菇好大隻好好咬口，水餃亦是大大粒，內裡的蝦亦非常鮮甜，但好可惜湯底好多味精，非常咸，最後係要隔左湯再搵D茶沖一沖先食到...

因為將軍澳晚上真係搵間餐廳食下飯都好難所以朋友介紹叫我試下哩間說唔錯但我同老公一致認為係難食中的神級我們幫親的消夜時段所以選食物都係選番餐牌的特價食品雲吞麵麵底不爽湯底味精炸醬麵仲怪的汁料係咸咸地腸粉皮厚料分佈好像是蛋塞滿就算糖水明顯配料過多或煮得帶耐有苦味同顏色都明顯地深雖然係宵夜又準備收工但咁的質數難怪好小見午市晚市會有爆滿情況跟住我仲問朋友點解你會說唔錯架???

Everything was prefect for my first visit. my second visit was horrible. The captain/server who took our order & the cashier treated my family like trash. This server provides the worst service I have ever seen. Table of 6, Lunch time around 2pm, My sister ordered the 牛筋腩河for her son. Another server sent us a bowl of雲吞河. We told her that we didn't order it but we ordered 牛筋腩河. We sent it back. this "captain" just brought the wonton soup back to our table, pointed her finger to the noodle soup, s

星期六到將軍澳的天晉探朋友，將軍澳並不是我常到的地方，對這處的環境不太熟悉。所以將車泊好後，就選了在停車場出口不遠處的一間小館進餐。當時差不多已是下午二點半，居然還要等位。但我們又留意不到有特價下午茶餐在這段時間供應，心裡正在盤算這所餐廳是不是有什麼過人之處？幸好排在我們前面的只有兩張抬，所以等了十分鐘左右便能入坐。侍應安排我們坐在一張卡位，坐位都算寬敞。看看餐牌，主要是提供粥粉麵飯等小食。我們兩個人，點了一碟四寶飯和一碗雲吞麵。相信是點燒味飯的關係，上菜時間很快，三幾分鐘已經有得食。飯的碟頭頗細，對於男士來講可能比較 marginal。但論食物質素，算是水準之作。在燒味而言，無論賣相，色澤和味道，水準都在平均線以上。鹹蛋給我的印象亦深刻，一路用筷子取蛋黃的時候，蛋油不斷地流出來。而且蛋白、蛋黃的色澤分明，鹹味和蛋味亦濃郁。這樣高水準的鹹蛋，要在街市去找也不容易，要好好運氣或和賣蛋的好 friend 才有機會買到。沒有機會品嘗雲吞麵，只是喝了一小啖湯，湯底本身清甜，而且帶有濃濃的蝦味，我相信應該不是偷工減料之作。見我朋友吃時的表情，亦相信沒有令她失望。埋單大約八十元，以這樣的水準、滿意

香港飲食大氣侯，很多時已是連鎖式經營這個商場找不上? 下個商場你一定會發現、重點只在於出至不同廚師身上紅紅的掛燈下，裝修佈置帶你走進了中國古老年代吃着的全是粥．粉．麵．飯廣東小品、就是這麼簡單、所以來得分外有比較．．．要來一砂窩蟹粥$35. 用上迷你細花蟹切件而成之砂窩粥粥底細綿，但細花蟹的淡淡鮮甜、卻正正不能融於粥底中，兩者味道分道揚鑣據為一窩蟹粥，我想．．未為合格錦繡炒烏冬$50. 用上火腿、义燒、銀芽、葱段等簡單材料加上老抽作調味，沒有撲鼻而來之香氣、簡淺之功力，越見越強鑊氣不足之餘、相比茶餐廳的炒作更覺味美雲吞湯米$34. 湯麵除了粉麵之配合，主角之出色湯底亦是重要一環，先喝湯才吃麵是個人自小的吃湯麵之風格入口淡薄的湯底已暗地在心中打結，更好吃之雲吞始刻也打下折扣 三道菜式，亦找不到出色位核心投資於裝修上，不如處處嚴緊監察廚房的用心才能留得住一眾有要求之客人，價錢方面在大型商場內總算是合理。

今晚「Kitty 」又同老公去了將軍澳 Popcorn「譽居」食晚飯，今晚是星期六，客人唔太多，唔需要等位，仲有卡位座，正呀！兩口子，order 了4樣嘢，涼拌豬肚絲 $36 很香麻油味，肚絲很爽，配生菜花生，一流！横行膏蟹砂鍋粥 $35賣相吸引，有一隻膏蟹，肉質很新鲜，粥很绵有清甜鲜味，依個價錢超值！名人蝦子撈麵 $20蝦子雖然不多，麵條很爽，不過不失薑葱魚腩煲$55份量唔多，二人食剛好，魚肉外脆，裡面很滑，葱很多好惹味，汁煮得很濃，送飯一流！ 

譽居下午茶比起晚市唔算太多人，如人多座卡位，較舒服！下午茶選擇很多，我點了柱候牛根腩湯河，湯底非常濃，韮王味很香 ，香味噗鼻，牛腩味道層次豐富，牛筋很軟,肥瘦適中，幼河粉很滑！加一，加茶芥$2，埋單$30，物有所值！避免座近收銀處，因餐廳服務員，私話較多，很噪。

今晚出咗去旺角鉅記買手信,返到屋企附近的譽居搵食,原本諗住食自家烏冬,點知要等位,唯有食譽居,點解唔係旺角食,皆因旺角太多人,同時,上個月亦在旺角燒肉孫三郎用團購食,不外如是,可能是因為團購的關係,將貨就價,尤其是那款熱石鍋咖喱汁飯,簡直係難食,見到佢哋撈完之後,簡直反胃,皆因未撈咖喱汁之前,已見到啲飯濕笠笠. 講返譽居,見佢有優惠,就叫咗橫行羔蟹砂鍋粥及名人蝦子撈麵,另外再叫一個燒鵝粒梅菜炒飯 張單返嚟啦!點解我要講呢?因為要自己攞張單出去埋單,不過亦都要加一服務費喎!先嚟名人蝦子撈麵,一見到就知道出事,嘩!細碟到呀!不過收20蚊係咁架啦!仲有,蝦子無味,麵當然無味啦!而且亦太乾身,非常差,大家千萬不要點這個呀!跟住輪到燒鵝粒梅菜炒飯,啲飯都算乾身,味道算OK,但始終沒有炒飯的香味,不知是否這個組合(燒鵝+梅菜)並不適合炒飯呢?這個都算OK,不過食一次就夠,下次我唔會再叫!最後,就係橫行羔蟹砂鍋粥,啲粥煮得好綿,亦唔會太稀,亦唔會太,啱啱好,而且好熱,VERY GOOD,亦有薑味,不過啲薑味重得滯,食唔到有蟹味,可能因為啲蟹唔新鮮,用薑摭

偶然之下去到POPCORN的「譽居」午飯，還真是第一次來到這裹，突然想起以前有間吃粥麵的餐廳「隨園」，當然兩間並沒有任何關係。他們主打的是粥麵，第一次來就點多一點吧。首先來一個皮蛋瘦肉粥，套餐可加錢要炒麵（可惜已售罄），最後加了個凍奶茶。皮蛋瘦肉粥用料十足，瘦肉鹹度適中，粥煮得夠綿，唯一皮蛋不是溏心，但已經不錯，吃得出味精不多還用小量薑條調味。凍奶茶跟平時茶記差不多，但因感到裝潢有點似酒樓而感到有一點奇怪，又西又中，但我BUY。之後來個蟹粥，只售三十五元！而且份量足夠二人享用。雖然蟹不算大，但粥總算有蟹的甜味和鮮味，以這個價錢，性價比算高。再來就是蝦子撈麵，雖然每條麵都充滿蝦子，但味道卻較為失色，很平平無奇味道淡淡的，明顯蝦子質量不名，可是賣廿元真的不能要求更多。最後炸兩，炸得不夠脆，也是較失色的部份。 其實粥的水準甚高，唯一可惜是要收茶芥，也真的令整件事變得不化算，應該令到不少人卻步。

服務態度差，包括經理及其他職員。餐廳空調風大，不肯調較亦不肯調位。多次投訴亦充耳不聞。要求寫意見書，拒絕提供。何解仍有人光顧？姓＂竹＂經理處事態度馬虎，莫視客人要求，亦拒絕回應。最後付款才發現卡片附有email何解如此大的一間餐廳，經理連一張卡片也不敢交於客人？