譽居

營業中

休息中

通常夜食飯都會去呢度開餐，皆因有宵夜時段 (但今晚仲係新春期間，暫停)，但入座率都仍然偏高!呢度有小菜/粥品/炒粉麵供應，歡喜食粥食飯都有得選擇!薑蔥牛肉麵 - 牛肉無梳打粉味，腍中帶少少嚼口，而麵條無梘水味，入口幾爽身，加埋蔥絲一齊食，整體味道幾好味!艇仔粥 - 份量唔細碗，材料豐富: 有魚片、魚肚、魷魚、肉絲、花生等，多種口感，令呢碗粥食起黎無咁單調!  而粥底本身幾綿滑，味道恰當!  食晒成碗都唔會太口渴!呢度另收茶錢，食完野都可以慢慢飲多杯茶先走!

极差！叫了咕嚕肉，肉係涼的，以為煮好沒及時上菜，諗住食D配菜算數，等食完配菜，再食到一塊肉直情凍的，侍應態度极差，竟話食咗成個鐘才叫換，又話肉係熟的……最後唔想同佢理論，更加唔敢再食，即刻返屋企食粒整腸丸穩陣。9折96文走人！店老板，你D咁樣態度、食物質素，好快玩完。補充，我一人食，上菜後，前後食咗10分鐘唔到，唔係成個鐘。

由開業就幫襯的這間食店，昨天發生一件極不愉快的事，實不吐不快，覺得它經營手法極不老實，決定以後不幫襯。事原上年十二月尾，張member card入唔到數，換了張新咭，但舊咭還有16元的credit,佢話約两星期後office會update回新咭。三星期後去幫襯，叫收銀檢查新咭那16元的credit,她己態度惡劣地話:「唔喺比咗你咩？」好彩我有拍下舊咭，唔到佢唔認賬。結果佢揾咗個高级啲嘅，打了個電話，話通知了老闆，會盡快處理。昨日，再幫襯(已過了五個多星期)，結果還未credit 到。當然，再與經理理論。不過，她又以推卻態度:「辦事處唔搞，我都無辦法。」跟本她就不想理，我亦相信office都無處理，好一傅「我唔比，你咬我食」的態度。我話去消委會投訴，佢重話「隨便」。我再話實會在openrice投訴佢地嘅經營態度，佢還未驚過，重話「我哋經常都比啲客鬧，未驚過(咁嘅態度，難怪比人鬧！)。你可以打爛埋啲碗碟添(我至無佢咁低B)」結果，要提高聲浪鬧到成間小店都知，佢至悉事凌人，計番16元(其實我都唔想為咗個十元八塊，搞到咁)。不過，我奉勸若果做member就千期未壞咭。其實不止我投訴這班伙計(由

不是第一次幫襯，食過好幾次，早午晚，都冇咁差，今次差到要比負評同 blacklist 。 今日去食早餐，叫咗個腸粉，食果陣，凍嘅! 暖都算la..仲要係凍! 叫個侍應來話佢知d腸粉係凍，佢話即拉喎，冇可能凍，佢 拎係手話個碟底係暖，就放返低係枱就算，係咁架啦， d態度勁差！佢換都費事， 冇佢咁好氣，算，冇下次! 之後黎左炸兩，又係咁，唔熱。 個皮蛋瘦肉粥都退步左，之前皮蛋係有香味，而家唔係果回事。 d侍應一日到黑係到企埋一邊傾傾傾，大聲到乜咁，唔係咁比你傾，但你地傾到d野食凍晒先比客，真係好唔得。 埋單同收銀講佢地d 野食係凍，叫佢同廚房講下，佢又話即拉喎蒸出來。 我同佢講，你同事話係咁架la... 咁而家碟野係拎到客到凍晒，一係就傳菜有問題，攤左係到太耐先拎出來。 一係就廚房冇整熱啫

平日，在將軍澳Popcorn 商場想吃一餐家常便飯，不作它想便會去這一間，價錢合理，份量適中，服務尚可。今晚我們叫了兩道菜，魚雲和蒸雞。等了二十分鐘，備上時一看賣相有點失望，魚雲擺放雜亂零碎，份量明顯少，煮法有點粗技，味道頗鹹。 蒸雞亦有類似斬碎情況。不知道是今次偶然失手，還是某些原因將份量減少，若是後者就有點失望。 平常便飯稍有令人失望也可原諒，希望下次再次光顧會重拾我們對此店的信心，不然又多一間店要在我們名單刪除。晞月藍 HestonBlue

一家去食個晚飯，場內都唔算full, 但點餐舉手好耐都無人理。終於點到，上白飯都要三催四請。嗌咗個瑤柱豆腐，其他餸到哂等多陣，豆腐都未到，諗住催下啦，佢地話豆腐係要耐啲，好，咁等啦。等到食哂其他餸，白飯同茶都凍哂，我地唯有催多次。點知佢地問一問廚房，先知原來無哂豆腐。個阿姐離遠向我地嗌左聲“無哂豆腐喎” hea我地，問返佢做乜唔早講，佢直程拎開塊面，理都費事理。其他野份量又細又唔熱，不過谷氣都谷到飽。

放假先黎打風，掛左三號風球～所冇周圍去，黎左「譽居」食lunch，有粥飯麵選擇。中式裝置，平日冇咩人，坐位好闊落，可以慢慢嘆茶侍應主動叫我地等多五分鐘，就可以叫下午茶，而我地想食燒味飯所以冇等到叫左雙拼，鹹蛋肉丸粥+錢配油炸鬼粥好綿、食完唔會好口喝，應該唔多味精～鹹蛋分量岩岩好，肉丸有驚喜，有彈牙，似係醃過帶點咸味油炸鬼就好失望，唔脆，有油’益‘味似係放左好耐...建議唔好㨂油炸鬼叉燒燒鵝飯叉燒好夠味，肥瘦適中。而燒鵝甘岩俾左鵝脾，好嫩滑，有肉汁。比起鄰近既茶餐廳好味

不嬲都係常客，不嬲都覺得服務唔好不過野食味道搭救，好想透過lee個平台令佢改善下，可惜冇用，次次叫外賣都搞到潑婦咁，其實收銀既傲慢態度已經令人好激氣，仲要見d員工係度傾計玩電話都冇人處理我個外賣，咩料，我以後都唔會再幫襯

好彩popcorn有呢間野，我真係當左佢係飯堂！因為popcorn間間都排晒隊，貴又唔係特別好食！呢間野D燒味飯好唔錯，叉燒特別好食，唔太肥但唔「鞋」啱啱好！加埋茶位都係50零蚊就食到，係呢區算係經濟得黎好唔錯嘅選擇！

同樣是賣粥粉飯麵，不論係店舖裝潢格局，定係食物賣相，譽居比一般茶記或連鎖粥店都來得精緻同乾淨，價位亦係50-60蚊左右，所以同事們都很常來此食午餐。今日跟大隊黎食左個港式炸醬麵。霎眼看，甜辣紅潤的汁料淋在麵條上很是吸引。 麵條夠爽身ok彈牙無鹼水味，但醬汁不甜只有微辣，而且份量太少。坦白說我食完，個肚仲係有空虛感，返公司無耐仲要去買下午茶食。 奉勸大家如果食量唔係細，一定要揀炒粉麵食，千期唔好揀炸醬麵，唔係一定唔夠飽！p.s. 其實座位都d好迫好埋，隔離枱阿叔食完麵都可以伸長手攞我地枱既牙簽，個一刻我同同事都O晒咀

因為食物品質唔差，加上地理位置方便，其實我成日幫襯佢，不論早午晚宵夜，但真係一次比一次失望，d店員唔憂做咁，尤其戈兩個收銀，d態度真係.....講返食物質素，今日叫左皮蛋瘦加炸両set，皮蛋瘦d料少得可憐，味道係唔差，炸兩份量剛剛好，油炸鬼戈part夠脆，腸粉皮有蝦米蔥花，十分惹味但唔該，改下d服務質素啦！

上星期考完試返到將軍澳已經好晏，商場d餐廳已經收得七七八八，唯一譽居開到好夜，所以就入左去食個宵夜。10點幾都仲有幾多人流架！宵夜時間會平小小，我叫左碗雲吞麵加碟陳皮牛肉腸👍🏻每台都有一壺茶比我地，而上菜速度正常，雲呑大小適中($36)，皮又夠薄，唯一嘅係我唔中意佢d麵質偏硬😭但份量係足夠嘅！到碟腸粉($26)，佢豉油係另上，加分位👍🏻但唔夠熱，皮太厚，肉嘅份量相對上小左d😰下次就應該唔會再嗌了！

忙碌了一整天之後，晚上還要到同事家中完成工作，趕工完畢；雖已吃過晚飯，兩個人的肚子又突然咕咕作響，就到了他家附近吃個麵小人才打道回府。店子好像茶樓般奉上一壺茶，惟水不太夠熱，茶不夠濃。柱侯牛筋腩麵是袖珍版本，見到已覺得不會夠。牛筋腩沒甚麼柱侯味，倒是腍的，至少沒有咬不開的情況出現。湯底頗油，麵則介乎軟至極軟之間。以為牛筋腩麵已叫做少？詎料炸醬麵更勝一籌！炸醬肉絲撈的醬料不多，所以較乾，肉絲欠缺肉香，附上的清湯亦是無味的。兩碗麵都是三兩口已可完成。作為消夜還可，若然是正餐的話一定不夠。回家後小人要再吃餅乾！

在將軍澳坑口站附近居住，所以平日放工後都會去海悅豪園某小館吃，但都不忘間中駕車去Popcorn幫襯此館。 此館俱備粥粉麵，亦有多款小菜選擇，在Popcorn算是性價比高的食巿。今晚本想叫小菜，坐下看見隔離枱叫了牛腩麵，於是改變初衷叫了牛腩麵、水鮫麵和一碟炸兩。 今晚牛腩水準依然，但湯底過鹹。水鮫麵和炸兩都是品質滿意，份量剛好。 奇怪的是，我曾在杏花邨試過分店，但質素差了大截，好像是兩間店來自不同集團，不過最後都結業了。 若集團能夠以 Popcorn 此店的質素開枝散葉，必定到處受歡迎。

農曆新年不停食、食、食！所以今天的早餐食清淡一點，決定去譽居！由於仍然是假期，九時左右都有很多位置！新年時候，裝修設計也花了心思！簡單一碗白粥，也很綿，很好味！🦐腸的🦐又大粒又彈牙👍蒽花蝦米炸両腸，內𥚃油條保持外脆內軟👍