譽居

營業中

休息中

呢間譽居之前巳食過數次，不過成日唔記得寫食評，今次黎食影埋相，萬事俱備。之前黎親都係食點心同燒味飯為主，點心水準相當不俗，燒爉飯亦都保持住水準，今次既鮮蝦腸腸粉唔薄皮又夠滑，入面既鮮蝦又夠彈牙新鮮，配上甜豉油真係食唔停口，至於個叉鵝飯，雖然今次食既部位唔係靚位，但依然都係覺得好好食，叉燒易入口唔韌，燒鵝又夠香，$53個雙併飯好食又抵過大家樂啦！最後第一次喺度試小菜，就試試昨晚公益金籌款既菜色黃金蝦，即叫即炸，鹹蛋香包含晒成隻蝦，而且蝦亦都非常大隻，口感都新鮮彈牙，入口係先有鬆化表層再配以彈牙蝦肉內層，用黎送飯真心一流！呢間基本上食乜都冇咩話唔好食，所以翻食指數係極之非常咁高，而且價錢又大眾化，將軍澳我推介呢間！

限制🚫令下，如果想外出食早餐，真的不易搵位，所以改為試吓去飲早茶吃孖寶，去同公公婆婆搶位😂😂這裡的早晨孖寶，第一part 有六款粥 +四款飯+二款點心選擇！第二Part 有十款點心選擇！今次試吓艇仔粥配手拉腸粉，艇仔粥好足料👍，手拉腸粉好滑又熱騰騰😋😋放假飲下早茶，也不錯！

早餐今日想食粥品，附近有呢間新装修後重新開市，價錢當然係調高了！點了平常食慣嘅茘灣艇仔粥，材料相當豐富，有魷魚、肉絲、魚片、花生及蔥絲，粥底綿滑，味道唔會太濃，食完唔太口乾！就咁食粥好似單調左少許，加埋糭又點睇？！點砂糖食，糯米跟綠豆軟腍，五花肥肉不多，最驚喜有隻咸蛋黃係中間，係整隻，亮點呀，咸香中又有砂糖甜味，私人加十分！

經過幾次，門市人龍長，怕怕，今日放假，早上好似無乜人，👨🏻👩🏻👦🏻試吓先，五個點心，熱騰騰，义燒包，蛋撻，小朋友覺得好味😋！大人喜歡腸粉、牛栢葉，價錢絕對平民價，美中不足d茶具，只杯飲飲下裂，嚇親😒

同屋企人嚟食冬至飯，揀咗午市嚟，可以避開人潮店面擴建之後大咗成倍，而且有圓枱，好有一家人食團圓飯嘅感覺！叫咗半隻譽香雞，半隻燒鵝雞都夠哂白滑靚仔，肥美油香，可惜雞味唔濃，要點薑蔥幫忙相反半隻燒鵝就比較靚啲，皮脆肉厚，肥瘦均稱，燒鵝香氣四溢呢個牛肉同滑蛋嘅配搭都幾正，兩種食材各有其香味牛肉片結實得嚟唔韌，滑蛋加埋蔥花一齊炒，唔老，用嚟餸飯好啱涼拌嘅雞絲以為會係麻辣，但係發現都冇咩辣味，反而有麻油香芹菜絲同凍嘅麻油雞撈埋一齊，係幾開胃嘅伊麵一上碟熱辣辣，睇落份量唔多，但係食食吓又會發現有幾多伊麵蝦球都大大隻，彈牙，加上鋪面嘅芝士，成個焗伊麵燒味拼盤有薰蹄，燒腩，叉燒3樣，佢呢度嘅燒味都唔會差薰蹄唔會過肥，滷得入味燒腩仔皮脆，層層肉質分明，食出廣東燒味嘅層次叉燒半肥瘦，係燒到外表金黃甚至有啲焦香嘅四季豆幾出色，首先啲豆特別大條又粗，食落脆嫩冇渣，十分爽口，雖然啲肉碎加咗辣椒炒，但係唔會辣最後菜芯都好翠綠，今餐同屋企人食嘅中菜幾令人滿意(特別係長輩)(唔知係咪因為後生仔埋單，佢哋覺得我哋有表孝心呢？！)

N 年前想喺將軍澳「搵食」，友人就推介咗呢間小館。果然冇令人失望，質素拍得住酒樓，所以耐唔耐就去食。早排以為佢搬過隔離書局個位，原來係擴大舖面，不過擴張後冷氣位設計麻麻，吹得幾應。鹹蛋叉燒飯 —叉燒軟熟焦香（間唔中會比較乾，但大部分時間都保持到水準），鬆軟熱辣嘅白飯加埋鹹蛋同豉油，搞到平日只食半碗飯嘅我都可以食晒呢度近兩碗飯嘅份量。山楂骨 — 擴張後餐牌都改埋，唔見咗某啲平時食開嘅餸。結果試咗呢個山楂骨，其實味道唔錯，不過肉真係唔多，比較啱鍾意啜骨嘅朋友。下次再試第二啲餸 

裝修擴充了很久滿心期待食品質素可以但是一向非常好的叉燒就令人挺失望了極肥好硬， 唔Juicy，汁少。兩邊地方太大欠缺默契，入面有好多枱已經埋咗單而且執好但係帶位小姐又唔知又或者係處理唔切，已經有三張二人枱過咗10分鐘都冇叫入座另外不停送錯食物去隔離枱都見到其他人叫嘅嘢同嚟到係錯晒。佢哋自己落錯咗單，（有機會係因為二人餐嘅小菜選擇每日唔同，所以係每個侍應將d選擇寫響自己紙度比客睇，易入錯機）就要等多成20分鐘後先補俾我一早發現嚟錯咗嘅時候已經通知左佢哋問佢可唔可以安排快啲因為其他餸同飯已經到晒 ，問左三次但佢哋完全冇諗過跟進淨係話等一陣就會補返完全無作出一些調動盡快比番客人。人手又唔夠，經常要企起身揮手。一句講晒好失望。

放左學，好肚餓，去食個下午茶先！😀見譽居重新裝修完，新開張，地方大了很多，很闊敞，價錢不太貴，就去試試看！下午茶的選擇都很多，點了一份蜜汁叉燒配米粉，都有其他粉面選擇。叉燒味道都算不錯，肉質偏向是瘦肉，如果有半肥瘦就更好！不得不讚的是涼拌雞絲，味道清新，不會一味辣油味。很喜歡加入了兩款菜，很爽脆，喜歡拌菜多過雞絲呢，哈哈。是一個意外的驚喜！家人都很喜歡這道菜，問是從哪兒買回來的。雖然是下午茶時間，但都很多人，相信價錢便宜和選擇多都是其中吸引的地方。

對早餐的要求，一向不高，平時吃西式的如煎蛋和多士奶茶，今早來到將軍澳商場的 ‘譽居’ 吃中式早餐。此店在Popcorn商場已經營多年，口碑一般，最近翻新和擴張，面目一新，早餐配搭方面，選擇頗多，價錢與以往差不多。今次選擇了北菰滑雞飯配陳皮牛肉腸粉，價錢只是$36，相當便宜。熱騰騰的蒸滑雞飯，北菰香軟入味，雞肉嫩滑，較一般大酒樓的不遑相讓，陣皮牛肉腸粉更令我喜出望外，晶瑩通透的布拉腸粉包裹着軟棉棉的陳皮免治牛肉，入口滑溜，非常可口。唯一令我感覺美中不足的是此店只有普洱茶供應，如果有其他選擇，品茗的客人必會増加。

係popcorn呢啲高價商場都預左唔會平得去邊 但都期望有翻咁上下質素啦 點知叫個皮蛋牛肉粥 連單都寫住係皮蛋牛肉粥 但就同我上個窩蛋牛肉粥 我見價錢一樣就算啦 照食費是又要麻煩再等過 但呢啲出餐基本野應該要做好

收銀員服務態度超差 會鬧食客 黑口黑面 忍受到就去食啦 早餐粥品外賣 平靚正 推介皮蛋咸瘦肉粥都算足料 食完不會很口乾同口渴 平時會配炒麵 因最快可提取 但炒麵沒有任何配料 不推介今天配了腸粉 質地不夠滑 及偏厚沒有其他選擇之下 只能選擇"食定唔食"之選

本來表現咁差，加上剛剛游完水出嚟，本應唔可以比自己食咁多嘢😏 #小秘書 本來諗住入 譽居 食完粥就算😅 點知有😈猛話要食 #叉燒飯🍚 我咁nice... 一定會就佢㗎😆明明餐牌上嘅 #叉燒飯 係裝喺個 #食飯碗 上面㗎，點解嚟到會變成咁大碟嘅？望吓張單👀 #服務員 冇落錯單喎... 唯有兩份食啦😅 #小秘書 好鍾意用 #蔥油 嚟撈飯㗎... 呢次話哂都係食 #燒味，當然唔例外😅 大家擾攘咗咁耐，終於輪到主角 #叉燒 出場🤩 #叉燒 淋滑得嚟又有咬口，師傅將 #叉燒 切得厚厚地，口感特別好👍🏻 只可惜我哋食來食去都食唔晒啲 #蔥油白飯... 下次一定記得叫「扣底」呀😏

晚飯度度都等位，又唔想食西餐，所以嚟食中菜！好快就安排左入座，啲檯櫈係實木，好古色古香，不過啲位略嫌窄！點左牛肉粥、燒腩仔飯、鹹蛋叉燒飯丶炒金菇伊麵，樣樣都好好食！燒味真係好出色，我敢講好食過太x，腩仔脆皮㗎！粉紅色肉，一層脂肪一層肉，比例適中，真係好正個粥底又係好綿，牛肉好滑好嫩！忍唔住一口接一口！

店舖位於將軍澳Popcorn商場，早餐時段好易揾位，粥品都唔錯，早餐孖寶揀了蠔豉牛肉粥配鹹肉粽，粥底夠綿帶蠔豉肉香，牛肉嫩滑，羗蔥提升鲜味。鹹肉粽幾足料，鹹蛋黃夠油香，糯米綠豆腍滑，份量相當足夠。

我最鍾意既豬潤地方：譽居親戚住喺將軍澳區 近年將軍澳有好多新嘅商場 其中一個係Popcorn 入邊都好多餐廳有次朝早去搵佢哋食早餐 佢哋就帶咗我去寓居食嗰陣叫咗個豬潤好似雙拼豬紅粥完全食過返尋味 一定要encore喺外面食嘅豬潤不外乎係乾乾地鞋鞋地而譽居嘅豬潤爽爽地好厚實🐷完全唔係乾淨淨果d仲有佢嗰陣味一啲都唔腥係好食嘅唔識形容反正你食個就知三十幾蚊仲送一碟腸粉超級抵當然咁平嘅價錢係呢啲高檔嘅嘅商場 你唔好預計佢好好服務 都係做下街坊生意咁樣 同酒樓阿姐差唔多啦 不過真係好抵食 依家商場入邊嘅嘢食郁一郁都已經要60 70蚊 最慘係快餐店都冇 麥當勞KFC都冇 所以食譽居嘅話可以食得清淡啲又好似健康啲又平都唔錯 下午茶嘅話我就會帶瑤柱牛筋牛腩瀨粉 🐮但就唔會好似豬潤粥食過返尋味不過都好抵食