譚魚頭火鍋 (已結業)

佢點心好精緻，顏色好鮮艷。大致講都幾好食，只係發覺好似好多都係大同特點，要個小點都幾難。佢最抵食係炒粉麵，碟頭大要多人先好食。上次同兩個朋友貪得意叫個龍躉球煎麵，其實係魚片放一塊塊煎起麵餅上，味道幾好，但好大碟，一共有八大塊麵餅，真係一人分一塊都仲得。午市通常都幾爆，唔想企條街度食塵記住要訂位。

Eight of us book a table at this famous hot pot restaurant for a celebration. They gave us a room without additional charge. The interior design is actually quite good.However, the table is a problem. It is a round table with a turn-table surrounding the hot pot. After the food is put onto the turn-table, some of the girls are not able to reach the hot pot at all.Overall, the food is not worth mentioning. Nothing special and nothing good. They do have interesting things such as Uni Ball.

經過上次吃小肥羊吃到肚痾的經歷,都不敢試同是由大陸進軍香港的譚魚頭.今次終於衝破心理障礙,試試看.... 兩個人點了: 譚魚頭蕃茄湯底($68):蕃茄味濃,不是放幾塊蕃茄做做樣那麼簡單,幾開胃魚頭($58):來到譚魚頭當然要吃魚頭,味道的確唔錯,幾鮮美國肥牛($48):不過不失.算腍桂花蚌($48):爽口,好味四寶丸:其中蝦丸好彈口,其他0既都不俗油墨菜:size比一般0既菜大整體來說材料幾好,最欣賞佢用蔥,豆瓣醬mix埋湯底代替豉油,味道特別. 而且魚頭味道很配合,愛好魚頭的食友值得一試.兩人埋單三百八十幾,打邊爐黎講唔算平, 不過佢有佢特別之處,會再黎

之前到旺角譚魚頭打邊爐覺得服務同食物質素都好好，所以星期三晚(19-7-06)去完書展咪唸住去灣仔分店試吓。我地4個人叫咗一客例牌象拔蚌刺身，一嚟到，嘩！份量很少，墊底的碎雪居然係溶到大約有半碗水！！！我地即刻話俾個部長知，佢居然話：「而家夏天天氣熱嘛，係咁嫁喇！」然後有個應該係經理嘅人出嚟了解情況，居然講埋同一番說話！仲要一啲唔好意思都無！(一直都無表示歉意，仲覺得係我地嘅問題！)真係當我地係傻嫁？我地當堂目瞪口呆(由廚房出嚟大堂啲碎雪居然會溶咗咁多？咁如果我叫雪糕咪變咗奶昔？)，呢個係刺身，係生食入口，處理唔好好易有菌！後來因為我地一直堅持佢先肯換，但我己經對碟象拔蚌刺身信心全無，唯有灼熟先食。本來唸住大擦一餐，但已經胃口全無，咁嘅服務同佢收嘅價錢根本唔相符！(有很多火鍋配料都比旺角分店貴，服務又差！)俾咁多錢仲要受氣，我以後都唔會再去灣仔譚魚頭火鍋！

2006年7月18日晚上大約7：45，我與一朋友到灣仔莊士敦道129-135號地下的譚魚頭火鍋食晚飯，點了一些肉和菜，赫然發現有一隻死蒼蠅在菜葉之上，我立即向部長投訴，其後他們更換另一款菜。 部長話送甜品道歉，我原本都原諒佢，唔想搞大，但埋單時甜品照計錢，本來$24好少數目，但應承送甜品而無口齒，令人火起，立即話要向食環署投訴，部長先話照單九折。 本人特此來信投訴此食店食物衛生水平差劣，請大家轉告各方好友，小心為上，錢銀事少，食壞肚皮事大!

我們二人在星期六想幫襯茶市,約一點多去到,地下知客問食唔食煙,我話唔食,叫我去三樓(係無,要行樓梯),居然係安排我就咁坐樓梯口臨時加的位.其實當時在通路的地方已經共有三/四客,都唸住滿局住坐低,但剛有人送濕貨經過,很不放便,於是再問多聲有冇其他位,個女侍應話裡面冇喇,無奈坐低.但未開茶己發現隔離兩個人食緊煙,係樓梯口都覺勁臭!真離譜!向侍應查問,她才通過對講機問完安排我們入去裡面的貴賓廳坐,看到全部二/三間貴賓廳根本空無一人,無一張有留坐牌,亦有二/四人,真係唔明點解要咁做生意?!因為我之前冇過,唔知係貴賓廳貴,定係留比熟客?Anyway,點都唔應該講大話欺騙顧客,而且侍應亦無處理在非吸煙區有人食煙的問題.最差係我要走,然後一路下落一樓就有侍應話有位,啋佢都氣!點知落到地下,知客仲要狡辯話有人走,短短幾分鐘星期六下午繁忙時間就有人埋單,好難令我相信.當時仲有個西裝類似經理的物體在旁,一句道歉說話都冇,一直眼啤啤.我唔知如何,但服務真係惡劣,個個服務員都講大話,以後永不錄用.

奶皇癮未除，一心想到譚魚頭食魚頭奶皇包，點知...無o左，唯有轉行食芋香奶皇包。相比起其他檯，今日D 野算o黎得快：三個即蒸既芋香奶皇包熱辣辣上檯，配熱茶；雖然奶皇餡交足功課- 激多鹹蛋黃碎，但未必人人o岩之餘，所謂既「芋」只限於個色，「香」只限於個奶皇。偷聽隔離檯先知原來所有糕點都係o係深圳做同入口...仲有，由於深圳無蘿蔔賣（？），所以譚魚頭既蘿蔔糕無蘿蔔（？？）。

3個人一齊走去譚魚頭食啦, 今次係第二次去食, 是次消費為每人250元。天氣正下著毛毛細雨, 望出街外的景物, 真是有一種好正的感覺。下了幾道菜:肥牛, 大蝦, 貴妃蚌, 魚滑, 魚頭....本人最喜歡的還是那一碟魚滑, 每次都會叫這一碟的。爽口彈牙的, 夾著少少的葱花。還有那一只調味碗, 沾一沾調味碗, 令夾出來的食物更添上一點麻香和辣味。不過, 去譚魚頭最好的季節一定是冬天, 因為暖笠笠的感覺實在太好了。

好耐都無嚟過呢度飲茶啦,好掛住佢添,所以星期六(20/5)幾大雨都堅持嚟,14:30下午茶時間(14:00開始),唔駛等位,正^.^,個女仔啲服務態度仲好好添<食物>1)牛肉球2)豉油蒸魚雲3)韮王叉燒腸粉4)煎蘿白糕5)叉燒包6)雞扎另送甜品三人共消費: 105後記:還記得有一晚同朋友共5人到此打邊爐慶祝生日,有一個黑衫部長(頭細細,帶眼鏡)服務態度勁差,不但沒接受我們投訴,還斥責我們,根本係佢哋員工做錯,還給我們面色,呢啲態度真係唔掂啦!

到這兒飲中午茶，一定要訂位！！未到十二點半，巳見人龍，場內達八成滿。八個男人，吃得飽飽，埋單才五佰蚊樓下，價錢比「海x亞洲漁港」、「東園xx」或差無幾。各式點心選了一大堆。較有印象的，如：「譚氏老曇子」乃必點。一個玻璃曇盛載足八位用的醋漬前菜，如：紅蘿蔔、白蘿蔔、青瓜、椰菜、雞腳、好似還有些少內臟！那些泡菜相當入味！賣相又漂亮！呢期特色點心都試得過。如：「紅湯素菜卷」（茄汁椰菜卷）、「澳洲駝鳥石榴餃」（相然吃不到駝鳥肉的味道！）、「法國鵝肉奇妙脆香卷」（幾甘香）、「鳳城上湯炸粉果」（當然不及「鳳x」，但都食得過）、「白日藏珍」（唔記得左係什麼！但我地邊食邊讚，差極有限！）、「海皇蔥油餅」（炸得好味）其餘，蛋散仔、蘿蔔千絲酥、煎蝦米腸、千層馬拉糕、粉蒸排骨、牛肉球、叉燒包，都比附近的酒樓像樣。還點了一窩「蝦仁魚腐米線」，那些湯都幾油膩，魚腐的油「益」味和腥味不弱，麻麻地！價錢唔算貴，碟頭算大；因太滿座，所以做唔切，服務麻麻；地方光猛企理，新淨，唯桌椅間距侷促，有點「擠迫」。大概會再來，但一定要訂位。

友人生日五人行去食火鍋，有兩人去食過都話好，連主角之前食過都話想回味一番，無反對之下，便到此館。我們選了蕃茄湯+純白湯，友人話食火鍋前，會有一碗湯飲先，是湯底的湯，會有人Serve,但見各個黒衣人走來走去,但都無人理會,我便提議不如自己來吧!終於友人三吹四請之下,我們終於有湯飲。蕃茄湯是幾特別,是濃濃的, 酸酸的,頗入味!我們都是order了些菜呀,九肚魚呀,脆魚(魚完)呀,(魚善)呀,order了普通,好common的料.食完後order了甜品,只是好普通的甜品,不過,値得一提楊枝甘露的芒果,好酸,二十元,食剩十元.可能我們無order一些特別的,所以我覺得普普通通.我記得此館是QTS member, 但唔覺得此館有Quality Service.最可笑的是問有那張Visa Card有Discount.問了好耐,簽埋名先知.唉!引用劉生的一句:'今時今日o甘o既服務態度唔得o拉!'

d服務幾好,又好快加水,d野材料好快到....叫左麻辣同魚湯.....d肥牛好食,叫左兩次....d菜唔貴囉...平時其他火鍋店$28會得好細碟....呢度唔係架.....爸爸媽媽叫左黃喉....姐係牛喉嚨....佢地話好爽....仲有魚脆白....姐係魚雲.....又話好食咁啦....我就唔食呢d...有食石班片...好軟,有魚味....

睇完多啦A夢drama，已經9點半，不過一早答應朋友睇完就去呢度打邊爐，所以夜就夜啦!10點鐘，地下大堂已經冇接待小姐，自己就上去1樓，得1成人，我地坐梳化位^Q^睇過張餐單，我發覺有d餸料原來旺角分店同呢度係唔同架，之後先點左5樣餸，湯擇了純白湯同海鮮湯.湯黎到我地發現2種湯都一樣樣，顏色一樣，浮上面的材料也是一樣(汗汗)，立即問部長係咪錯左，部長就用餐具撈下撈，一邊撈到條魷魚，他就說兩者外貌雖然是一樣，不過海鮮湯底會多一些海鮮(爆)因為朋友係N年前黎過，所以今次都係食返我推介既東東，食了一半我再叫多2樣餸料，食到11點半我地竟然飽到食唔哂﹗原因係...佢呢度一碟餃子有12粒!!(旺角得十粒八粒)我地叫左2碟餃子...之後我做左人生第一次既野,就係將食剩既熟食拎走,真係好多架!每人分到一個外賣碗(滿).埋單每人187，人少係貴d架啦^^(不過朋友話太貴了...)服務一流，朋友話唔知係咪人少關係lu...中途部長無啦啦過黎幫我地'針'左次茶XD

我本來只是Openrice 的讀者, 但真係忍不住, 終於Register左, 講下我尋晚$750/3person得到D o羊尋晚做冬, 唸住去間好D既地方打邊爐. 點知....3個人吃了$750, 更吃了一肚火叫了一些配料, 有象拔蚌,海蝦,手切肥牛,成都手切麵,唐生菜等..平心而論,食物質素一般,除了成都手切麵不錯外, 其他都是一般, 海蝦更是一D 都不像海蝦, 又霉又不爽但更重要的, 是服務態度差到爆真係唔該, 做服務性行業D老細, 請人醒少少好唔好!?做服務性行業D人呀, 專業少少得唔得!?你地知唔知邊個係劉德華呀?知唔知今時今日o甘既服務態度係唔夠架?我坐2樓, o個個唔知係部長定係經理(著黑杉, 一男一女) 再加上一個女侍應無禮貌,上菜慢,我已經唔嘈,最罄係叫了配料,等了半小時,o甘我催了一次再等半小時,先上左一半配料,o甘我催了一次再等半小時,唐生菜還沒有到,o甘我又催了一次再等半小時,全部o野都食晒,唐生菜還沒有到,o甘我只有話取消,埋單其間,一句"唔好意思"都冇數分鐘後,唔知係D唐生菜終於種好收成定係終於記得洗菜然後, 個黑杉先生一邊講Walkie一邊問我"D唐生菜仲

已經不是第一次在這裡飲茶，午飯時間人流比以前剛開店的時候少了些，不過也滿座，非訂位不可。午市點心款式不是太多，可能因為這裡主要是四川菜的關係吧，不過點心的味道也不錯，點心紙裡有十款特別介紹的點心，我們叫了其中2、3款，其中一款外面像南瓜，以為是甜，原來裡是包了南瓜及蝦，味道不錯，可惜皮厚了一些，其它的餃子點心，用料大致上都是以蝦仁為主，分別不大，可以不試。朋友是個無湯不歡的人，所以叫了是日例湯- 粉葛鯪魚湯，雖然是例湯，味道好和用料也多，值得一試。