譚魚頭火鍋 (已結業)

<會員> 兩字相信大家都不陌生,相對我來說可曾發生了件不快事,忘記它吧!!笑一笑人生總是要向前走>>…>>>對嗎 ?前晚2011年5月4日 *我的最愛*生日請食飯少不了,潮州菜,韓國菜,北京菜,越南菜,只要她喜歡無所謂啦,她提議食川菜,OK無問題!!因家住灣仔區為方便就近,就去了灣仔間譚魚頭火鍋店 ,一行三人(總有個細女),間店有好多不同的推廣,例如 >四人餐>匯豐銀行信用咭套餐>牛魔王鬥海龍皇>由天庭鬥到深海,等等……其中一樣優惠是$9/隻鮮鮑魚>$18/份海生蝦>$48/份糖心鮑魚丸>$12/位八寶茶>>>等在此未能祥列,不過一定要＊尊貴的譚魚頭會員＊.才可享用當時我的心情有點不悅,有位女侍應梁**芬埋檯推荐我入會,話說<有$200禮券送>總有全年八八折,>會員積分換禮物添,好大吸引力啝,在她力薦之下我又一次墜入了※會員※的陷阱,今次見識到幾特別是 <八寶茶> 每位用*焗茶盅*上,內涵包括有杞子

灣仔係寫字樓區，餐餐食Lunch都係好頭痛，周圍都難搵位，好在今天朋友訂了位先到等我地，佢訂咗灣仔地鐵站A3出口果間譚魚頭。譚魚頭唔係食火鍋架咩？有點心食架？朋友驚我地不夠時間，仲落埋單先，我地12:55分先到，坐二樓窗邊位，光線充足，全場爆滿，真係多謝朋友先到。因為其中一位朋友不飲普耳，想要個鐵觀音，個侍應姐姐都架好，好快開給我地。朋友叫著：招牌蝦餃皇、豉汁蒸魚雲、蜜汁叉燒包、野菜煎餅、香煎羅蔔糕、手拉牛肉腸、小籠包、蟹籽燒賣皇、藍莓叉燒酥、星州炒米、灼油菜。好豐富，夠我地4個人食啦。大家一致贊煎餅好食，夠香口，點心都唔差，特別是叉燒包、小籠包，小籠包皮薄汁多，只是蘿蔔糕的粉多咗D，灼菜都好靚， 4個人食下傾下就夠鐘返工啦，因為朋友係會員有8.8折，埋單HK$297元，都算OK，會再幫襯。

聽聞譚魚頭的麻辣火鍋一直都好有名氣，不過好耐都沒試過，川菜就試著好多次啦，都OK嘅。朋友話睇到譚魚頭Facebook上面有個二人火鍋套餐好抵食，約我同佢試下啦。原本想星期六去旺角分店的，後來因為朋友星期六有事，改約星期日中午食，食完仲要去中環辦事，便將地點改在了灣仔分店。可能因為我們有訂檯且食火鍋吧，中午1點到灣仔店時，仲有窗邊位給我們。店內職員話：星期日~星期四二人套餐$198加上原價加一服務費$55.6，如果不加任何食品，兩位埋單只需$254，咁樣？仲抵過任食？！價錢就抵啦，是否名副其實就要食著先知啦。鍋底有6個味道可以選擇，我們選了職員話最出名的麻辣拼蕃茄鴛鴦鍋；火鍋配料肉類選項，可以16選2：有美國肥牛、豬下青、炸魚皮、鮮花膠仔、自制四寶丸等，我們選了美國肥牛和自制四寶丸；火鍋配料菜類選項，可以11選2：有唐生菜、芋頭片、鮮冬菇、四川苕粉等，我們選了唐生菜和四川苕粉；套餐中涼菜的指定食品是：夫妻肺片和青雲飄香；火鍋配料的的指定食品是：必食花蓮魚頭2邊和深海鮮鮑魚仔4隻、味碗2隻。跟餐還有兩杯餐酒送，我們要了兩杯紅酒。麻辣拼蕃茄鴛鴦鍋：麻辣同一般的麻辣火鍋味道不同，睇上去有些油，

已很久沒有光顧譚魚頭，還記得上一次係晚市火煱，印象是水準下降了不少。今趟午市光顧，希望水準有所改善。一行四人點了一客午市套餐。天麻魚頭湯香味濃烈，藥材味敦厚，合小弟口味。冷盤酸辣海蜇，不嗜辣之士或許會略嫌過辣，個人則覺得辛辣程度剛好，配上少許酸味，更能帶出海蜇的味道。點心可選四款，分別選了燒賣、牛柏葉、咖哩魷魚及雷沙湯丸。另加蒸腸粉一碟。整體而言，點心水準不過不失。較出色的是雷沙湯丸，外層煙韌，內裡流沙香口，好吃。菜蔬選了椒絲腐乳通菜，水準普通，醬汁有欠惹味搶口。主食以雪菜肉絲炆米作結，炆米色水均勻，份量不少，OK。比起上一次光顧，食物質素看似有所提升吧！

我是個無辣不歡的小子.可說是位辣奴一名吧,在前晚23/3/2011和一個由泰國回港的老死相約在灣仔聚一聚頭,見到有間四川麻辣火鍋店(譚魚頭)就二話不說跑著上去,門口位靚女知客安排我哋坐在一樓, 間店裝飾都幾特別,清潔打點算ok啦 ,正在老友不知想食川菜或火鍋好的時候,有位四眼男經理上前做介紹,他首先推介麻辣蕃茄鴛鴦鍋,同行老友即話:＜你啲鍋底是無料到,是純粹原味湯上檯的＞那位經理即轉口吻介紹著＊燒雞公鍋＊,他保證我老友會喜歡,到菜品上檯時一見真相,原來是不錯的提議,他建議我倆先享饕食【燒公雞】後,可再免費為老友加麻辣湯作鍋底也,如是一來就滿足老友賞川菜慰火鍋的慾望了, 高人也 !!! 我喜歡#*,後來加點了安格斯肥牛,什菰盤,毛肚,鴨血,清心丸,涼瓜片等 ,菜品份量及質素ok啦.清心丸幾特別,最後有雪糕送添.招呼大致ok 啦, 當晚消費$438 ,由我付款老友格外開心.那位四眼經經理下次要再麻煩你介紹了,但賬單不要給我吧!!!

近排工作好多,成日與朋友吃飯,在灣仔譚魚頭食火鍋,任食9點後有promotion，$118/人，加多$5可以任飲,幾抵食,仲有haagendazs送,食品都幾好,番茄湯底好鮮美,番茄味特別濃,四川小食-夫妻肺片又辣又麻,正宗四川口味,服務都OK,個別火鍋配料份量太小.食物質素唔差.

岩岩新聞話湯底有問題，之後個日頭條頭版已經有promotion! 任食9點後，mon-thurs $108，fri-sun$138，任食時段唔係好多人，叫左蕃茄，魚同芫茜湯底，等左好耐先滾！侍広會幫我地將湯放係調味碗度當汁dim! 落單好快黍，特別recommend奶黃水晶包，但唔可以整過火個皮好易爆，其他都新鮮，小籠包四川餃几特別，魚蛋好彈牙，蘿白好甜，食完每人仲有杯haagen dazs...only chocolate flavour

朋友話試過旺角分店，覺得幾好，一行四人去試吓灣仔分店。九時後入座可以任食，到達時已經十分肚餓湯底：-鴛鴦鍋：朋友試麻辣味，她覺得好味。我試蕃茄味，很濃郁，勁香。加上此店不是加水，是加湯的，保持到蕃茄味，不會變淡食物：-美國肥牛：雪花平均分佈，不是平時那些勁多肥膏，切得很薄，又唔韌脆鯇骨腩：勁好味，勁爽，勁脆。我試過不少食肆用鯇魚骨腩扮脆鯇骨腩鱔片：竟然連細骨都無，我食過很多食肆，甚至自己家中食，從來未試過連細骨都無，今次第一次試到。我吃了最少六片都無骨，朋友都話無骨。認真抵讚包心蟹粉丸：與平時街市買的不同，蟹粉味很濃，勁好味炸魚皮：大部份都是大塊，只有好少細塊。很脆粟米：我估計是超甜粟，超甜試了以下食物，普通無特別：-豬仔午餐肉、芝士腸、青口、蟹籽墨魚滑、蝦餃、水晶叉燒包、水晶奶黃包、四川抄手、芝心丸、鮑魚菇、秀珍菇、娃娃菜、木耳關於食物的服務：-告訴店員先叫湯底，之後才入食物單。隔了一陣後，入了食物張單。再隔多一陣後，大部份食物上枱。但個湯底未到喎，莫非要我們生食？（叫了湯底先，但食物仲快過個鍋上枱）之後每隔一陣便催店員，我估最少催了三次，店員每次都答＂就嚟，很快到＂，但講完後便去招

9點正黎到就已經好多人等位打邊爐...不過我同個朋友只需要等10分鐘就有位一上到去....好興奮!! 因為佢地俾左間房我地兩個人,又有電視睇。佢地效率快,有禮貌..9點後係任食時段~~d牛肉,羊肉片好好食傳統麻辣湯底!!! 正~~~~~~好香

好耐之前食過一次tanyoto,食落我覺得幾正架..但近排上開飯睇到佢地comment都唔太好..去之前都有擔心過, 但係男朋友話好想食…所以都陪左佢去去到先知原來佢地裝修過黎,坐得都幾舒服~D阿姐都算手腳快,我地坐低佢地就好快幫我地落單~(咩真係好差態度咩?我見好多人投訴咁,但我又唔覺)又係幫襯個麻辣蕃茄湯..個味的確係無之前唔係任食果時甘濃..都正常既哈哈, 好彩味道都夠, 同埋, 任食都唔係加水, 仍然係加湯~~任食可以叫既都係果幾味,人地有既呢度都有既,不過至特別係雞件變雞翼, 我唔鍾意食雞胸~但見到雞翼就係咁食~!我地2個人狂叫肥牛,因為呢度D肥牛算唔錯,好有牛味,食左差唔多7,8碟肥牛之後先叫菜..菜同以前一樣,都好多品種簡,呢樣算唔錯粟米好甜!!我至愛!不過又差D食到成身都係… 仲有仲有, 炸腐皮好好食!!!好脆~~總括黎講,其實都真係唔係甘差姐,仲保持到水準丫,而且食得飽一飽

總括黎講,食物味道一般,部份甚至偷工減料!(除左粉果叫做有少少特別,其他既唔係嚴重偷工減料就只算係ok)明明等位時唔多人走,但就見到一、二樓都好多檯,人地唔肯搭檯就hold住d檯要人等15-20分鐘先入座!!!!!!!!!全體員工態度差,冇禮貌,視客人如無物!做野懶懶閒,慢吞吞!個個有心傾計冇心做野!一個二個唔憂做!!唔值得受氣去食,經過都唔會再幫襯!!!!!!!!!!!奉勸未試過或想試既人諗清楚有興趣可見以下詳情:::::::::::::::::::::::::::::::::::::::::::::::::::::::::去開呢頭,唔知食乜,呢間野一出地鐵站就係,我又中意飲茶,所以就試下啦!2點9左右去到(我地兩位!),只有一張二人檯等緊,經理極力游說我地搭檯,見唔係咁多人就等下啦,等既時候都發覺唔係咁多人走,不過有大約6組人黎唔搭檯就即刻上(當中有兩、三位及三位以上既)!等左五分鐘左右,前面等緊果張二人檯先有得入座,又等左一輪,黎左2位都係唔搭檯既,呢2位等左一陣就唔耐煩咁問個知客要等幾耐,點知個知客答佢話下張就到佢,當我透明架!?再過多冇耐就話有檯(唔記得佢點講,總之就冇嗌籌)

上星期同屋企人去譚魚頭食飯 , 坐底好耐都無人理, 揮手"揚"果個扎髻個女人(食開應該知邊個, 幾瘦嘅, 有時會上去serve人, 有時就企樓下做reception, 黑衫嘅)..佢就扮盲, 繼續玩佢手上果個抽裝箱.... 好啦, 終於叫到個戴眼鏡嘅, 塊面圓圓地嘅經理埋黎 , 問佢有關會員特價果d, 無尾音, 態度仲係一個 "鍾意就食, 唔鍾意你就走" 嘅態度... 我地話咁睇下火鍋啦... 又話任食... 但係乜野資料都無俾我地睇 , 之後又舉手舉左九千年... 先叫到一個女人侍應黎, 問佢任食包唔包湯底, 佢瞄咀... 用聽唔明嘅廣東話講一次就話包, reconfirm , 又話唔包... 我地重覆問你係唔係話包.. 佢又瞄咀.. 黑口黑面.... 咩事呀... 我黎食野, 唔係黎乞食架... 之後頂唔順都係起身走..其實上去坐底果陣, 都奇怪點解咁少人架啦.... 原來係咁...

環境衛生：好光猛，冷氣夠。餐桌餐具都好乾淨，感覺好好。服務：好多人幫親，所以個個都好唔得閒。服務雖然會慢左少少，不過態度唔會因此而惡劣，讚。味道：都幾有水準。　蒜泥白肉：全餐最正嗰味。白肉同青瓜本身係冇乜味，所以個汁好緊要。白肉唔硬，青瓜爽口，個汁好到我地要留低黎點第二d野食。　春卷：個皮夠薄又脆口，餡唔會太多，味道唔錯。　口水雞：個汁同蒜泥白肉好似一樣，不過依碟雞就冇蒜泥白肉咁好味。可能係先入為主啦，又或者係因為我自己唔鍾意＂倫＂骨。　蒸粉果：好清，皮薄多餡，唔錯。　雞扎：同事既favourite，話係全灣仔最好食wor。只有兩隻，留左比其他人，我自己冇食到。　燒賣：唔會好似其他酒樓咁油。個size都啱啱好。抵食：今餐有人請，所以唔知幾錢。

尋日又去譚魚頭，，佢係我最愛。環境幾好，唔同旺角個間，安靜，幾舒服。食物質素及服務都好好。今次食咗：蕃茄湯底 –值得一讚，好味魚湯底 –好濃，好香 手切肥牛 –雪花均勻 ，冇渣羊肉 – 麻麻魚皮餃 – 幾美味青筍 –清爽黑白鴛鴦豆腐—介紹係自己做d，都幾有風味，唔同日本豆腐,可以一試還食著油麥菜等等仲要特別提提我d新發現，呢度有四川菜，並且是好正宗的四川菜哦，今次只食著辣子雞，至辣至麻，飲著唔少啤酒，好味。

謤魚頭既下午茶的確幾抵, 而且點心既水準都有番咁上下, 所以係我同男友下午茶既首選, 但...<服務>尋日真係食到一吐氣, 未開始食已經食氣食飽, 話說我哋叫咗4個點心, 但等咗成廿幾分鐘一樣點心都未嚟, 咁我哋當然追問一下喇, 跟住有個中年收銀阿嬸就用d好無禮貎既語氣講(我哋係坐近門口/收銀果度): 您哋張單係我入既 !!! 17分果時入既... 而家咁多人客, 要等20分鐘架喎, 跟住我用沉著氣既語氣講: 我都係驚無落單啫... 等咗咁耐都未有嘢食, 跟住佢又粗聲咁講話係佢入單既, 我真係忍唔住話喇: 而家都過咗20分鐘喇, 成45分喇, 我哋唔係第一次幫襯架... 跟住有個瘦瘦既女侍應好好人咁話幫我哋睇下, 無幾耐d點心一次過到喇, 其實得到d咁既態度, 我已經唔想再等再食, 係男友話無時間再去第二度食, 咁我唯有吞聲忍氣喇... 唔好恃住自己年資高就可以咁無禮貎囉, 得罪客人始終都係妳老闆蝕抵囉 ,,, 我想話俾大家知我唔係第一次响呢間灣仔店受氣囉... <食物>1) 牛肉金菇腸粉 ~ 一般, 因為無乜金菇, 而牛肉也不多2) 牛肉球 - 我至愛