譚仔三哥米線 (已搬遷) 新店位置

土匪雞翼夠味又冇咁燶.米線質地粗身d同埋滑d.大辣湯底好似有料過深水土步舖.坐位又多d,下次都係食呢間啦!

一路有去譚仔食開米線，呢到d米線夠煙"un"，有咬口，唔會太"林"，d餸都幾新鮮，我就鍾意肉醬&竹笙，米線加d肉醬會野味d，又唔會太辡。而且呢度d雞冀都幾好味，最愛土匪雞冀，唔會太辡!呢度真係經濟實惠，而且水準都幾好架!

以為o係大角咀返工, 附近有1間譚仔..好出名架..一到食飯時間等位...真係等死人.....不過d麻辣湯真係好好....諗住轉下其他分店食......真係一間不如一間.....剩係得d土匪雞翼無變....其他咩都變晒....我叫左一碗雞肉, 豬潤, 竹笙同酸菜, d酸菜超大舊又唔切....d雞肉超差...無味既.... 仲要d豬潤...唔好食......我下次一定唔幫襯...寧願去返荃灣食雲貴川.... 起碼無甘差...

小熊仔君形容得仔細，我與你有同感，$31試勻全部餸料算是抵食，可惜清湯底一般．最有驚喜的是：他們用最普通的材料，但製法有特色，往往帶來驚喜，唔怪之得咁得人等位，一次一定再到！

這間分店裝修,環境不錯及很寬敞,如果廁所有槻液洗手會好些.我和男友共叫了,一碗過橋米線(係樣樣餸都有)($31),大約有15樣左右,我覺得價錢都可以,餸都幾新鮮,製法都有特色,但我男友話湯不是太鮮甜,有味精,我就覺得出面食野係咁啦!(不過如果有的話可以話我知,我都會唔叫酸辣,試下清湯)另外,又叫左炸醬小辣米線,但我覺得配菜真係太少,仲冇酸菜,腐皮得兩塊,仲有酸辣要加$3 不太合理但米線都算多,湯都夠酸,小辣不太辣,不太吃得辣也可以.我都飲左好多湯,好味!最有特色係士匪雞翼,有黑芝麻係面,都好入味!加三元有野飲,但檸檬茶唔夠酸,食物又唔駛等好耐(星期六7:00幾),服務都算好.值得再去!(但我想去總店試下,但不知是哪一間,希望有心人士可以告訴我,唔該呀!^-^)

今個星期因公事出o左尖沙咀,心思思就行o左去佐敦依間分店食米線,可以一嘗我想食好耐o既酸菜......好味,其他配料都好食,但酸菜係我每次必食o既配料,仲要係兩餸加一杯drink,都係22蚊,一個字~~~~抵,真係好今個星期可以食到兩次

食過無數咁多次啦已經!!但都仲係只抵得順小辣~最好味係d竹笙,雞肉,墨丸,豬潤,牛肉,炸醬等等..差唔多樣樣送都好正!!d湯底1流呀!!d面好多,岩岩好,唔會太諗..

呢間米線舖黎過共3次.. 第一次感覺唔好.. 因為米線太稔啦... 第二次去覺得幾好食喎.. 今日係第三次.. 叫左碗酸辣雞肉腐皮米線.. 米線口感都不錯.. 不過覺得唔夠酸同辣.. 但係真係好抵食.. 午餐黎講錯ok既..

因為係附近做野,所以一個禮拜都有兩,三日會過嚟食晏,不過每次我嗌0既餸都係獨孤三味-魚蛋,雞肉同酸菜,再叫個中辣醒一醒胃,有時好胃口再加多個土匪雞翼,米線0既水準都唔錯,幾有咬口,而湯底好清,唔會有好多油浮面,飲多幾啖都唔驚,而配料我最鍾意係雞肉,好林好索汁,酸菜就勁開胃,而呢度0既小食其實我只食過土匪同麻辣雞翼,土匪雞翼係唔辣0既,上面有d芝麻粒,烤得好香口,而雞肉仍然好滑,唔會乾身,而雞翼本身都幾大隻,所以20蚊5隻我唔覺得貴law,所以呢度已經開始變左我0既飯堂

是日膽粗粗一人來這裡試下聞名的蒜泥白肉。肉本身是五花腩的部份，薄切成1mm厚的長長肉片，賣相及口感不錯。蒜泥多到嚇壞人，大概有一支益力多的份量！咁大個仔先知道原來食蒜頭都可以辣到流晒眼淚。整體味道一般，除非很喜歡蒜味，否則只限一試。起初吃時是用肉片勁包住D蒜泥來食，食到一半時突然覺得好辣，本來以為是碟面一層油的辣味，但分開了試味先證實辣味來自蒜泥。最初以為沒事大口大口吃著吃著，當突破「臨界點」後就算有少少蒜泥都會覺得好辣，都幾有趣。整碟吃了五分之四蒜泥！已經超越小弟一年所吃的份量。哈哈，蒜頭的辣、四川花椒的麻辣、廣東的辣、日本的芥辣和辣妹的辣，種種刺激的部位也不同，所謂俞墜落俞快樂，固然辣得幸苦卻偏要一試再試，如此而已。後記：不知是否吃得太多蒜泥，個肚嘰哩咕嚕，口氣勁就唔駛講，個頭又暈暈地，心跳又好像有D促，是否是中了「蒜毒」或是被人暗「蒜」？...唔，今晚可以去高街探險...

基本上呢間米線都幾抵食($20 多元已有一交易, 食到捧住個肚), 但係d辣度就唔係咁穩定. 佢地d麻辣分特辣, 大辣, 中辣, 小辣, 而小辣又分一至五級. 不過我有兩次叫中辣, 都feel到唔同既辣度, 其中一次辣到肚痛添!!攪到我以後都只係敢叫d高程度既小辣, 唔敢再試中辣.不過個人覺得呢度d雞翼同蒜泥白肉就好值得推介.

尖沙咀勒巷的湯底做得唔錯, 是次試酸辣與超少麻辣(1/5辣), 個人覺得都己夠辣同夠湯味米線OK, 配料普通貨式

終於試過呢度既豬潤米線.豬潤幾薄幾爽口同無根,但係湯底就麻麻啦!清湯底用左好多胡椒唔係咁好味,酸辣湯底太酸太搶喉,搞到冇乜辣味.我覺得長沙灣果間四川麻辣米線湯底做得好佢,下次或者試下麻辣湯底睇下好唔好D!

又系路過見到咁多人食,所以入去試下.叫左米線,同埋三個"食送": 豬腩肉,牛丸,墨魚丸.因為唔食辣,所以叫左清湯,牛丸同墨魚丸都好彈牙,最好食系豬腩肉,豬腩肉切成一片片,D肥肉同瘦肉一層一層的,難得食o個時完全唔覺得肥膩,夠淋,夠爽口,食落好有口感!加3蚊有野飲,真係好抵!

慕名而來試下雲南米線,響大熱天時到達,好彩冷氣都好足,算係咁...橫掃餐牌,同南記的配料差唔多,但係呢度就只係得米線,冇米粉或麵食....19 蚊米線加3 蚊飲品,都真係幾抵...我叫左個魚旦,牛丸米線加中級麻辣,男友叫小辣,有豬腩肉同埋竹笙...估唔到呢度d麻辣真係好勁,同麻辣粉有得揮...我地食到要買包紙巾頂住...我男友後悔加左辣椒油,佢辣到成個咀變左紫色孖潤腸,我都頂唔住d麻辣,暖住個胃...麻住個咀...魚旦,牛丸都好彈牙,竹笙都好食,但係米線就麻麻,如果可以有其他麵種食就最好啦...