譚仔三哥米線 (已搬遷) 新店位置

早幾天過了譚仔,叫了過橋米線名土匪雞過橋米線24元加到36元,土匪由20元加到22元其他除了飲品外全都加了價過橋米線的送小過之前,而且那些炸帳味道不及之前土匪雞味道就沒有變整體都可以的只是座位沒咩空間咁,環境很迫

聽到網上好多人討論同埋身邊朋友既大力推介下趁尋晚去開佐敦就去試下去到，原來得一樣食送，叫左小辣（後來先發現原來有分５小辣）男友就叫清湯我一路食就一路咳，我本身好鍾意食辣但又唔算勁食得辣原來小辣都幾勁搞到我係咁咳，最後食唔晒試下男友個碗，老實講我地都覺得冇咩特別，唔算好好味冇人地講得咁勁好彩都唔算好貴，不過我地都話唔會再食

咦?點解冇旺角分店既食評寫既??咁所以寫係呢度啦"反正我同我朋友第一餐係呢間食入到去要自己等位,好彩唔洗等好耐我叫左:墨丸,雞肉,炸醬,酸辣朋友叫:墨丸,雞肉,竹笙,酸辣2杯凍檸茶, 加多碟大土匪雞翼(5隻)米線大大碗,湯底酸多過辣不過o岩我,墨丸食落唔似溝好多粉果種,好似特別彈牙,雞肉不鞋口,炸醬溝埋米線味道唔錯,竹笙吸左酸辣湯好食!!土匪雞翼夠曬熱,而且入味!!好飽呀!!夜晚同朋友係旺角行街,行到咁上下又心思思想食譚仔結果去旺角分店,食返同樣既'食送',味道同係佐敦食1樣*好滿足!!見到人地食中辣食到塊面紅曬同埋係咁抹鼻,我都算食到辣不過都係唔敢試喇哈哈"唔知點解譚仔係港島冇分店既??

自從食左第一次譚仔米線之後就愛上左..好想日日去食, 但離我家好遠,唔知幾時會在港島區開分店呢?

兜兜轉轉，還是到了佐敦譚仔吃米線．我與朋友仔今次選了麻辣中辣湯底，若是喜歡辣的，中辣真的不錯，感覺滿足．方面選了墨魚丸，不知因何，佐敦店的墨魚比其他的好味多，不知是不是不同批發，很有口感，又有彈性，仲有墨魚呀！雞肉也不錯，喜歡吃竹生的我，今次卻感覺有點碎，又不太多；再來了一碟炸醬，正是朋友仔的喜好，甜甜的十分好味！土匪雞翼當然是不可不叫的美食，仍是這樣的美味！！！

我地今日去左食旺角道嗰間譚仔, 因為好多人都話好味, 而我地兩個都好鐘意食米線既, 所以決定去試下!一坐低, 覺得地方都幾大同幾乾淨, 我地睇個餐牌, 覺得d送都係o個d野啦, 無乜特別, 最後我地叫左一碗清湯底加墨丸, 雞肉, 豆卜, 另一碗係酸辣底加雞肉, 生菜, 墨丸, 另外仲加左碟新疆香草雞翼...初頭黎左一碗酸辣, 個湯好淡色, 白雪雪, 既唔酸亦唔辣, 淡而無味, d麵更加吸唔到d湯既味, 諗住加d辣油啦, 點知落左10幾羹都仲係一d都唔辣(我是一個唔係好食得辣既人), 真係唔明點解碗野會叫做酸辣底...清湯o個碗就真係好清, 但無咩特色可言, 味道唔算係好好食, 非常之咁普通...至於d送, 平平無其, 唔算難食, 亦都唔可以叫做好好食, 好似是旦o係街到買都可以買到既水準...但雞翼我地只試了一款, 都幾好食, 唔錯, 可以值得一試, 感覺上佢地煮雞翼好似比心機過煮米線好多咁, 我地覺得佢應該叫做譚仔雞翼而唔係叫做譚仔米線囉...下次去譚仔食野, 相信我地只會食雞翼, 而唔會再食米線...另外價錢方面, 算是中等價, 同其他米線鋪頭差不多, 30蚊左右就有大大碗~

19元得一個"送"，我叫左雞肉，好在被人叫住，冇叫中辣，因為原來少辣已經好辣，不過個湯底都幾好，清湯同辣都ok，個雞肉都幾滑...另外，見到一個好多"送"既面，37元，有齊哂咁多樣送...唔知可唔可以一個面2份share？怕有minimum charge...環境乾淨，都算食得舒服

第一次來這間譚仔，相比其他譚仔，地方大好多，至少不會人貼人． 味道也好過深水步那間好多，麵還是有些"林" , 不過, 也可以接受. 叫了中加辣, 不夠勁, 如果下次再來一定會試大辣.

此店剛開的時侯已開始食, 起初是好好味的, 但這幾年間覺得麻辣落得太重, 連叫小小辣都十分之辣, 而且重巧立名目去收費, 咩都要加錢, 之後便好少去了!!

襯住宜家仲係暑假少o的學生黎食，今日專登去食啦，以前食開長沙灣o個間都幾好，但今日的經驗令我有點不快...最大問題係d阿姐，全部都黑口黑面，同佢地講野呢，佢應都唔應嫁。另外，一向食呢d有一堆配料的米線，叫佢地俾多o的配料少o的麵通常都冇問題，因為我一定食唔晒o的米線，點知譚仔係唔得o既，仲話：份量定左嫁喇，碗碗都係咁多冇得加！一係加3蚊！至於味道，佢地o的米線都幾好味呀，特別係腐皮，但好可惜，價就加o左，但但態度真係唔好囉，所以我之後都會去返景x ，質素差唔係好多，但服務態景x 好譚仔好多！

琴日同個朋友一齊去食..其實我地兩個都係熟客黎既..成日都去食..但從加價之後"就發覺有好多野都變左"d野食差左..d"送"少左好多"d湯又少..連d人都差左好多"之前未加價個陣都好好咖""就好似我覺得我碗野唔夠辣既..都可以加辣咖嘛..但依家加左價之後.就連加辣都唔得""個d侍應呀嬸仲話:之後我問多佢一次啦..佢就話:我聽到喱句之後火都黎..咩事呀""問下之嘛"'依家價錢就貴左呀..但d野食越黎越衰""完全貨不對版囉!!!!

第一次食譚仔大約是三年前．因為工作關係時常在深水埗出没，實在係太好食啦，一食就愛上了，一個星期至少食一兩次．又因為現在的工作地點在香港島，已没有太多機會去食．但毎逄路過佐敦都會去食一次．今晚去了食一碗豬膶竹笙腐皮5少辣，好味依然，值得回味．

gum多人話好好食...我今日放學真系同同學曬住gum由佐敦地鐵站開始搵譚仔米線.....山長水遠~~哎....可能我同我同學味覺同大家都唔系好同~~~人人都話:清湯好鮮甜阿~~但點解我地都覺得好淡無味???真系唔多得~~~好普通lor!!!!唔值得有gum高評分!!!系平lor~~~20蚊就一送米線同凍飲....不過以後都唔會去lu~~~~信我!!真的不像講的gum好食~~~

o係九龍公園游完水唔想即刻食野同朋友行行下下到去佐敦呢間譚仔食米線...深水埗同長沙灣2間分店都成日食..所以唔會抱住太驚喜既心情去食..今次叫左竹笙同豬潤清湯米同涷奶茶, 等緊米線既時候望望下..發覺包圍住我既其他食客都會叫豬潤..我果張台6個人個碗米線都有豬潤..哈哈米線黎到了..-d 豬潤真係好好食..岩岩好-米線相比番深水埗同長沙灣2間分店都好似in un d.. 同埋幼身小小..好味道不過腐皮就比深水埗果間比得少好多..不過總括黎講我都係鍾意呢度多d..因為d 米線in un d$24 連涷飲..食到飽飽p.s 個人經驗: 雙拼會比單拼d 送少

辣椒女約了Miss放學後一起晚飯，我也決定一起去，最後選定了來這裡食米線；深水和長沙灣那兩間就試過，唔知這間又如何呢？我叫了一碗竹笙火腿米線和一碟麻辣雞翼。竹笙火腿米線- 竹笙吸收了湯底的湯汁，又爽又好味、火腿就沒有什麼好說了，米線比較失色，唔得煙韌還帶有很粉的感覺，都唔知係唔係未煮夠火喉，便拿出來給人客；之前在其它兩間店都無事，今次就.....都幾失望。麻辣雞翼- 唔算太辣，還可以食得到，雞肉味已經完全給麻辣味了，雞肉唔會太韌，可惜雞皮唔夠香脆，如不是相信會更加吸引。看來如再食米線，還是回到舊店，會有保証一點。