譚仔三哥米線 (已搬遷) 新店位置

上星期來買外賣-過橋米線(麻辣湯底1/5辣)+凍蜜過橋米線$32-真係好大碗,兩個先食得曬,裡面有好多料,有墨丸,魚旦,雞肉,腩肉,豬潤,火腿,竹笙,腐皮,炸醬,生菜,酸菜,芽菜等等,勁多料,好好味,湯底少少麻辣,清清地,唔錯,凍蜜加$2-ok啦lee間唔多人食,反宜隔離果間大家食就好多人(可能係有電視),d呀姐都好好人,我覺得lee間d服務仲好過長沙灣總店tim,味道就兩間差唔多,不過我覺得單叫米線加餸好似無敢抵,我下次食都會叫返lee個過橋米線,抵食好多呀ma!

琴晚與友人來到這裡吃米線，吃過長沙灣老店幾次，對其出品都好有信心。這家新開的店，算是坐得最舒服的一家分店，現做推廣，麻辣/酸辣不另收費，（實在我都吾明點解要收取額外費用）就來一碗小麻辣墨丸腩肉米線，友人要一碗酸辣牛肉豬潤米線。另加＄1有飲品，算是糧尾找吃的好選擇。一貫大大碗的端到桌上，先喝一口湯，比較麻辣和酸辣之下，個人偏愛酸辣，可是兩者的辣味都沒有老店那份勁道，相比我第一次吃酸辣的哪種味覺的震轗，現在是失色不少了。究竟是新開還沒熟手，還是改了配方？要去老店再試一趟再作定奪。其他配料都不過不失，米線也是軟糯適中，始終其招牌麻辣湯底才是我光顧的目的。

終於試o左譚仔o既麻辣米線啦. 個湯底係好似豬骨湯底,仲以為o黎錯,不過一食,係辣o既. 我o地已經叫o左大辣,但係都係較為一般. 坦白講,我同我朋友都唔覺得麻,至於辣,感覺就係好重胡椒味多d. 我都係鍾意長沙灣四川啦. 你都唯一優勝o既係土匪雞翼, 真係好好味.(呢到d呀姐係較黑口黑面gae).

食得多麻辣米線,見呢到有酸辣湯底,咪即管一試law. 個樣好似豬骨湯咁,白白o地色,酸度都適中. 我自己覺得幾新鮮,不過真係微辣, 友人就不太欣賞. 要o左過橋米線,即係咩都有,雞肉同竹笙似乎最好.其他一般. 兩個人都食o左土匪雞翼,的確好香口,但應該都好熱氣. 呢到o既環境同清潔算係好ok,但係d呀姐服務態度就唔係好掂,晦晦氣氣咁. 下次會試麻辣,睇o下佢得定四川得先!

慕名已久, 但因為不嗜辣而從未走去幫趁過. 今晚路過佐敦, 見到原來已經開左, 既然咁順路, 幾大都試下.叫左腐皮豬潤米線, 阿姐話酸辣湯底唔係好辣, 麻辣勁d喎, 於是揀左前者. 個酸辣湯底果然好易入口, 唔淨飲湯既話直頭唔多覺辣, 之但係又食到係咁包雲吞喎.........米線質感同食開既唔同, 既非腍滑亦非爽身, 而係煙un既, 都唔錯丫, 又吸到湯. 腐皮又係好煙un, 不過真係un左d; 豬潤亦都老左d.價錢方面, $16一碗一"食送"米線, 加料每款$3. 新張期間(唔知新到幾時架下), 酸辣同麻辣湯底免費(原價$3), 另外加$1有冷熱飲品(原價$7-8).