譚仔三哥米線 (已搬遷) 新店位置

當我第一次吃完佐敦譚仔後，我便愛上了雲南米線，我試過附近幾間的雲南米線，也試過其他地方，始終都係譚仔好吃-佐敦分店 不吃辣的人可以嘗五小辣，因為清湯底沒有什麼味道，必食-竹笙,雞肉，酸菜-----我個人認為 叫酸辣不要叫酸菜，因為酸菜會蓋湯底，湯底就沒有味 必叫-土匪雞翼，幾野味(唔辣) -香草雞翼(唔辣) -麻辣雞翼 -蒜泥白耳，太大蒜味 覺得米線太硬，可以要求米線林D 可以要求少米線， 過橋米線套線-抵食

尋晚食晚飯, 本來諗住去食開間景霖食米線, 點知咁休息, 咁冇辦法啦, 唯有去另一度啦, 於是靈機一觸諗起譚仔, 成日都見咁多人都讚譚仔d野好食, 於是咪黎呢度試下囉! 首先兩個人入到去, 企左門口一陣都冇人招呼入座, 於是咪自己搵位坐囉! 再睇一睇餐牌, 發覺都唔係好多選擇, 於是同友人咪求其叫左d囉!一碗要炸醬同牛肉加小麻辣, 一碗要豬肝加牛丸清湯! 炸醬酸酸辣辣都幾好味, 可以啦, 至於牛肉就好韌好老喇, 一d都唔好味; 豬肝就老左少少同埋有d苦, 而牛丸就一般啦; 小麻辣都幾辣下, 至於清湯就好清, 接近冇味咁, 湯底真係唔算吸引, 而配菜有腐皮芽菜, 呢兩個配菜反而最好味! 唯一覺得佢地d米線就真係幾多, 幾大碗咁啦!埋單$41, $17一碗米線而加多一個要加多$3, 而加麻辣又要加多$1, 呢樣我就覺得唔抵囉, 明明黎食雲南米線, 梗係要有少少辣啦, 咁冇理由食辣都要加錢囉, 好似去搶咁! 算啦, 我諗我唔會再黎囉, 就比佢搶一次啦, 因為佢地d野食都真係好一般囉, 不外如是, 唔會再吸引到我黎囉!

該店離家不遠,理應是是其中的一間心水飯堂才對但無奈自己一向不太偏愛米線,加上自己不太喜歡擁擠的環境,所以光顧的次數真的廖廖可數是日一眾友人到我家開雀局,聞說友人們都從未吃過譚仔的米線,一於帶他們來見識見識以往一丁點辣也受不了的我近期進步了點,故今次一反以往只叫清湯底的傳統,勇敢地要了生菜雞肉酸辣米線雞肉夠淋之餘亦夠入味,米線仍然很滑水準依舊,很好清湯底和酸辣湯底均有不同的風味但既然是雲南過橋米線,一場來到的話來個酸辣/麻辣湯底刺激一下也未尚不可忘記朋友們要了些什麼,反正他們都對墨丸讚不絕口就是了在落單的時候,多口問了員工一"可不可以要多點菜,少點米線?"但員工則立刻地回說"無ga wo,唔得ga wo"唉,其實我也只是抱著一個不想浪費的心態問一下而已,多點菜小點菜又有什麼關系呢?只是不想要吃剩東西罷了本想再問那可不可以只要少一點米線的但看來,還是不要自討沒趣比較好

星期六，和美美女友來吃（其實是她想吃）想不到會這麽多人，不少人站在圓臺旁等，的確會令人不太舒服。叫了1。牛肉炸醬米綫（中辣）so far so good 我覺得沒什麽特別。不辣就是有點痲。炸醬不是雲南式的。米綫軟了，不行呀。2。竹笙清湯米綫不知道，女友吃。他覺得可以。土匪chicken wing, 我也是覺得沒什麽特別出位。不是我的首選。係甘先！

呢間譚仔d米線比深水步個間爽口d,不過其餘都不太好!!紅油青瓜-->呢間個d好咸,又唔辣,深水步好食d~呢間鋪大d,所以多d侍應,但係有樣野好奇怪,d侍應全部企哂係廚房門口唔知等乜,又唔出去樓面寫單!仲有,呢度整一碗火線等好耐~~下次都係去番深水步個間好....

每次去開佐敦揾食,不是澳州牛奶公司,就是譚仔米線,以前一向都是晚上去食,未試過要等位,今次第一次中午去到,原來等位要各自找目標站係正在食緊野的客人背後等,混亂非常,一Ｄ都唔盟明,企係度啲客又佐住Ｄ阿姐運送食物,其實應派一個呀姐做登記排隊,重有效率啦..譚仔都是這幾年發大來攪,如果有心,可以做好Ｄ,還有要請過批有質數的服務員..當日叫左魚旦,雞肉,豬潤,菜,加三小辣,米線爽口,鱼旦一向是我的至愛, 雞肉無肥膏"正", 豬潤熟度剛好,再加埋個三小辣既湯底,不油, 巳非常滿足, 論整碗米線質素,己沒有其他店可比較, 但食物以外的硬件,確實有好大的改善空間.

由赤柱出到佐敦，極塞車之餘又加上天氣太熟，冇乜胃口，索性食D辣野刺激下。我要了酸菜、豬潤、雞肉中辣米線，酸菜我以為是雪菜，原來是鹹酸菜，幾爽口；豬潤唔夠大塊，每件都是"碎濕濕"，爽口程度一般；雞肉好淋，有點霉霉地感覺。所謂麻辣湯底，只是一個辣字，與麻辣完全兩回事。老公要了米線全餐，有晒所有配料，試了一粒墨丸，嘩!腍pat pat好難食，雖然係來貨o者，都搵間好D的供應商呀~至於服務方面，我想俾零分，D阿姐態度十分十分之差，極負氣、愛理不理的態度。是否店子出名的原故呀?

之前食過一次覺得好唔錯所以今日就帶左mami 去試下我叫左生菜+韭菜+雞肉清湯底mami叫左墨丸+魚蛋+生菜1/10辣雖然一場來到唔食辣係有d可惜無法...自己一向對辣無咩辦法但清湯底都非常咁好味呀又無落味精~正mami都讚話d米線同墨丸好味道但差在魚蛋無味li度扣少少分咁多人d野食都可以來得咁快服務絕對抵讚料足+勁大碗都係$23抵到爆~

同媽咪同一日生日，知道佢鍾意食米線+ 辣野，就約佢食譚仔。去佐敦因為方便之後去尖沙咀行下。叫左:媽: 牛肉+酸菜+豬潤我: 雞肉+竹笙+腐竹and 土匪雞翼我食過幾次都仍然咁鍾意食，媽咪都好鍾意，仲不停飲d湯，加埋飲野，勁飽。媽咪食得開心，我就放心喇!

自問都好食得辣, 不過有一次挑戰呢度的雙特辣.. 真係食唔到. 加3蚊食雙特.. 仲要食唔到, 哈哈. 最後我食晒d料算了都係食番特辣算.好鍾意d香草雞翼, 味道好夠. 又香口蒜泥白肉蒜泥好正. 我鍾意食蒜, 呢度食, 好夠滿足!

我每次黎到最鍾意叫雞肉酸菜中辣~好味不過佢辣味程度次次都唔一樣...有次同朋友黎,叫o左個"蒜泥白肉",朋友話要多蒜泥,阿姐話好,要多個"怪味豬耳",朋友話要多怪味...笑到我同阿姐死!!!!哈哈哈哈...雞亦,怪味豬耳同蒜泥白肉都好好食ga!

好正呀!由其係個麻辣湯呀!但係小心,真係好辣!建議首次先試1/2小辣!

呢到d米線幾好味,唔會太'林'。不過湯底就唔你太unm我口味!!另外叫左土匪雞冀...好入味,正!!

這裏環境唔錯, 地方夠寬敞, 唔會坐得迫叫左個米線同埋一個小食,小食就係叫"怪味豬耳",味道都唔錯,個米線就要左個酸辣湯底,又唔會太辣又好味,而且叫埋杯野飲都係加$3,幾抵。下次要再試個雞翼

近期返工近佐敦, 所以成日去食, 其實我都係第一次食譚仔, 仲要兩星期食左4次, 佢既炸醬豬瞤酸菜好好食, 又好大碗, 真係好飽, 我見人地叫中辣, 個湯無乜色, 以為唔係好辣就搯左一匙湯, 點知係勁辣, 個fd仲要食到鼻都紅埋, 真係好誇張