譚仔三哥米線 (已搬遷) 新店位置

有日夜晚收工同同事去食...ok喎, 個墨丸+炸醬米線好好味...可能我幾愛食spicy food 所以覺得唔錯...但講真都幾勁...差d頂唔順!!!土匪雞翼超好味~~~~環境就冇得講啦...有d污糟就一定啦, 佢咁既格局....同個價錢有d 唔match.....anyway, 可以一試, 將focus環境轉為focus食物就ok架啦!

好耐都無嚟呢間吃嘞~因為尖沙咀同旺角都開咗分店~ (但我始終鍾意呢間多D)今日轉登出九龍剪髪~ 順便去埋呢度吃午攴(早攴都唔食, 留番個肚吃呢攴)12:30 嚟到~ 都已經FULL 晒丫(好彩有兩個位比我同阿B坐)我吃咗雞肉,竹笙,腐皮酸辣米線 加凍檸蜜 ($35) 加咗價嘞~阿B 叫咗: 豬肉,墨魚丸 麻辣米線 (5小辣) 終於得到~ 好大碗 ~ 米線好多, 好正就係個湯(酸酸地辣辣地~ 好醒胃呀) 好耐無食過~ 真係覺得好好味~ (點解港島區無架~ 只得南記???)見到對面枱的人吃過穚米線 (好大碗) $39 喳, 相比我吔個D 平好多好 ~ (我下次試下先)最後我將成碗米線食晒~ (HAHA~ 係咪好勁呢) ...連湯都飲晒呀~結果飽到夜晚8時才吃DINNER~ 抵呀

又係一日早出晚歸嘅監獄生涯, 一日比一日夜嘅生活真係令師傅有點兒洩氣, 終於捱到放監喇, 肚空空咁走, 丁點力都冇晒, 唯有打的返家, 於是師傅邊坐車邊諗食咩好; 淨係知想食辣野, 不如就食米線啦!但係食開嗰間就已經打烊喇, 唯有轉一轉啦; 於是見到呢間未收爐, 就入黎食番碗啦; 雖然上次印象唔係咁好, 但都隔左成年啦, 睇下有冇改善都好!一坐底即刻睇下食咩好啦, 講真呢度嘅餸真係選擇唔多, 最後柯打左一碗牛炸物米線, 而今次就特別要酸辣湯底! 等左一陣牛炸物米線就有得食, 牛炸物係咩黎? 就係牛肉, 炸醬同埋墨魚丸! 先講下個湯底, 酸辣湯底酸酸辣辣都幾好味, 唔錯; 炸醬係另外上, 味道酸酸辣辣嘅肉碎, 空口食又得, 連米線食都得, 幾好; 牛肉就好韌好老好鞋, 一d都唔好味; 墨魚丸有三粒, 咬口幾粉, 係食到有墨魚, 不過可皆一d都唔吸引, 唔算好味; 而配菜有腐皮芽菜, 呢兩個配菜反而唔差, 芽菜夠爽口, 腐皮就好香, 幾好; 而米線份量都幾多, 但口感都係一般, 可以啦!總括黎講食物質素一般, 服務都係普普通通, 環境尚可, 冷氣充足, 但價錢都算貴, 埋單二十有九, 廿蚊

聽咁多人推介譚仔之前同男友去過試下係咪真係咁正!叫左一碗小辣一碗清湯我唔鍾意佢個種辣 米線亦都冇乜特別 男友個碗清湯更加係只算普通 侍應又叫極唔應 又多人又迫還是我地去開個間寂寂無名既麵店d辣好味d所以唔會再去譚仔

本來想去牛奶公司既, 點知條隊排到離譜,突然就想起譚仔喇!! 立即衝去, 希望星期六既中午人潮未到啦,好彩, 我得一個人, 攝得落, 唔洗等位.... 今次叫左個 豬潤 + 墨丸, 走辣 (上次叫小辣都頂唔住),好味, 足料, 比起尖沙咀店足料好多!加個汽水, 滿足咁完全左我既午餐, good!

吃完川居之後~ 真係好掛住譚仔 第一次食呢間譚仔飲品比太子的分店平一蚊其他是一樣的照舊係套餐加一杯凍OT送都頗多 但雞肉很碎 而竹笙都算幾多幾大塊 米線份量則稍比太子的少dd湯底也是一貫水準整體還是太子分店的好一點

譚仔係我既至愛個湯底好特別最鍾意食酸辣湯底酸酸地好開胃又有D辣麻辣都唔錯試過五小辣已經好夠辣食得辣既人可以食辣D雞翼都唔錯土匪雞翼好特別但我通常都係食香草雞翼比較惹味一個竹笙酸辣米線加香草雞翼已經好飽有時兩個人唔係好肚餓會食大大碗既套餐不過近來D餸少左同埋近幾個月加價幅度幾大但依然好多人食

去佐敦我諗我有一半機會都係黎呢度食最鍾意食佢d雞肉米線(一定要麻辣 小辣)唔辣其實都無咩特別啦, 不過我都唔敢食太辣, 中辣我次次食完去洗手間都出事架連個度都好辣......唔食得太辣都係試2-5小辣好啦, 費事辛苦自己啦其他雞翼都好好食, 本人較喜歡土匪口味,不過依家d野貴晒唔係次次都叫少食多滋味算啦..haha

真係唔明白點解會咁多人鍾意食呢度既米線，o個個所謂既酸辣湯味道極似坊間既胡椒豬肚湯～！！！米線同配料份量又少，阿姐態度又有問題，真係食一次就夠晒數，反而佢既土匪雞翼就出奇地好食，所以我有句心底話同三哥講就係唔好做米線喇，索性全部轉行做雞翼啦～～～

They got my order wrong tonight. And it was very very crowded... Maybe I should go to the new one nearby next time....Agree that they have been increasing the prices month after month-- hopefully, the quality will be improved as well....Chicken Wings are the best forever. Highly recommended -- 土匪Wings!!!!

食完添記, 本來想食個糖水便收工, 但友人想吃點正餐, 就來個米線吧!本想點墨魚丸米線, 記得之前食還不錯, 但友人說而家的很不滯, 立時打退堂鼓. 一時間, 想不到要些什麼, 記得上次吃別家米線的炸醬也不錯, 就要呢個啦. 炸醬, 其實一點也不辣, 係有少少茄汁點的肉碎. 這裡的炸醬, 味道也不錯, 份量之多, 令人咋舌. 之前還吃了法飽, 吃了一大半, 吃不下了...

唔知三哥點做野？佐敦南京街裕華後面個度又開左一間新既，原本我今日經過見到好開心，但係我睇一睇個價錢，過橋米線套餐已經加到＄３９蚊，本身在佐敦道既呢一間價錢已經比深水埗，長沙灣要貴，現在呢一間更超越晒。作為一個在佐敦生活既人，我平常都在長沙灣食譚仔，覺得長沙灣既可算係最有品質保証，而且ｑｕａｔｉｔｙ數量最多。係佐敦道既呢一間譚仔，食同一碗既過橋米線套餐，同長沙灣個比例可以差天共地，莫講話已經冇左牛柏葉俾你，價錢亦貴ｄ，而且ｄ餸係少得好可憐！完全唔夠食！在長沙灣，食到最後冇晒米線仲可以食到餸，但在這間，食晒餸仲有好多米線。。。而且佐敦道的這一間經常米線會煮得好硬，，有次食到我消化不良．．胃頂頂所以從此去到邊都好保險咁叫”米淋”,,,,所以話,,,舊既佐敦道個間譚仔已經咁差,,,,新既叫人點信你呀,,,又唔係開係大街大巷,收費咁貴.........唔知有冇人識三哥？我真係好想反映一下佐敦人民既意見。就係因為佐敦既太差，我只會係長沙灣食，但我驚長沙灣遲ｄ都加喇．．．唉....其實三哥有冇諗過佢加價加得咁犀利,,唔係人人負擔得到,,,佢既價格上升得快過經濟指數上升...人人既薪金都冇話加,,,但

我的飲食哲學是貴嘢要試,平嘢更不能不試.這間雲南米線出名是大件夾抵食.一碗粉二十蚊都不用.吃完後更捧著肚離開.這間店的麻辣湯底有分幾個層次,我會選擇中辣.最喜愛雞絲麻辣湯米線.記得在月頭時曾與男友到這間店晚膳,叫了一客麪線套餐,只是三十六元.內有腐皮，雞絲，豬膶，墨丸等等多種配菜，另再配兩杯凍奶茶，吃完捧著肚子離開．埋單只是四十五元左右．值得一去再去．

雖然很喜歡吃辣辣的東西,但很多餐廳都下味精,雖美味但過後舌頭喉嚨都會難受。想不到其門若市的譚仔都逃不過,那次我吃了酸辣的酸菜腐皮米線,味道的確不錯, 酸菜夠酸卻不會太咸,爽爽的配滑滑的腐皮,是我的最愛。友人也讚其雞絲米線的雞絲夠鮮,凍奶茶少甜和凍檸茶少甜也的確減了甜味。正捧著肚子離開後15分鐘,味精毒發作,非常口渴,一罐coke light 都解決不了。本值95分的米線打了8折。

食完一次後,就成日懷念佢既胡椒麻辣湯底,雖然辣,但一啲都唔熱氣.胡椒麻辣湯好得!通常叫3小辣,飲一啖即上隱,條舌頭會有少少麻痺感覺,但辣得黎又唔會食到流汗,很過癮.最最推介係佢既墨魚丸,係咬落有口感,有墨魚粒果隻.(其他配料: 豬潤,牛丸,牛肉, 炸醬都好好味.)一碗米線加野飲都係加3蚊, 抵到爛! 廿零蚊食一餐咁perfect既,以後我再無食街邊魚旦粉喇!