譚仔三哥米線 (已搬遷) 新店位置

平時晚上才來今次下午來吃,店面也擠滿人呢!!腩肉清湯(走九芽):叫左少米,但係份量依然好大還記得第一次食譚仔,叫了酸辣湯底但係都頂唔順,因為我係不好辣的人要叫D呀姐俾碗清湯我沖淡D味所以依家次次都係叫清湯,味道也很鮮甜最喜愛吃腩肉,痴住D肥膏,真係一流 但食完應該會好肥 墨丸腩肉小辣:男友必叫ITEM次次連D渣都冇晒, 好誇張呢 有樣野係譚仔成日見倒,就係D人一路食辣一路眼濕濕一路呻鼻也是為了食辣的享受吧又怕辣 又要食 很有趣推介*炸醬同蒜泥白肉之前試過好好味呀!!

依間店的服務算唔錯，以咁既收費唔可能要求好高，但係都幾好，的辣湯好正，如果你唔食得辣就無乜好食啦。唔辣食唔到個的味道架。提議你食小辣，慢慢就會習慣。首選是雞肉和豬肝，個味道真係幾好，信不信由你！可以加埋杯涷檸茶都係加多五蚊咋

譚仔我食左好多次，佢d米線好有彈性，d湯底又ok，辣味不會蓋過雞湯和香料的味，重點是又平又大，一餸加麻辣湯底都是$22元(飲品加$4元)!!!我食開跟豬潤or雞絲，不錯。

我一個星期總會去一兩次~~ 依舊咁好味！尋日所見，佢地轉左新menu, 套餐又加左一蚊~~ 但都有新野---------- 金菇!!! (though it's not my fave...) 但多d加吓or改吓個menu都唔係壞事。我食左小辣米線同土匪雞翼。米線個soup超麻，ichiban!!!! 但雞翼就似乎係一早燒 /定既，因為野飲未到，個土匪雞翼就到左啦！但個quality都係一樣咁好！而家個土匪雞翼仲做埋三哥推介tim!!P.S.: 編號604既阿姐 -- super diligent and courteous!!!!!!!!!!! 抵讚呀!!

星期六見大埔好鬼多人就決定出九龍食個晏仔,出到佐敦,男朋友話無意見既時候我就話食呢間喇...因為想試太耐了我自己叫左一個炸醤+酸辣湯底$21男朋友叫左個<大包圍>即係咩都有D+中麻辣$40我個米線真係好好味,又滑...最重要係個湯底真係好得意酸酸辣辣....剛剛好....岩晒我唔係好食得辣既人男朋友就慘了叫左個中麻辣黎到我自己都試左一口湯真係辣到媽媽唔認得又啃呢...而佢..........就食到成頭都係汗堅架...真係一滴滴咁流落黎連傷風食完到通晒=_=另外我地叫左一客土匪雞亦$15

自從譚仔開左南京街店之後，我就未返過呢間食。今日有時間，過呢度食米線啦。又係特辣米線配牛肉同雞肉，飲品當然係凍奶茶啦。都超過半年未來過，環境好似舒服點，而且制服都換過。令人口水流既米線到啦！紅紅既湯底噴出香味，令人難以抗拒。雞肉同牛肉既份量都好多，米線都係好多。個湯底好正，飲到個口痹哂，真係去到幾高既景界。我都唔知點解，食米線既前後都會飲三啖米線既湯底，但真係正爆呀。凍奶茶都係咁好飲，奶同甜味夾得好好。真係好正不過我覺得南京街會好食點，而且坐得舒服點。仲有一樣改善既係，辣度已經統一左，我以前試過係度食中辣米線，但我覺得只係得小辣。我今次食特辣，同南京街既辣度差唔多，有進步。

今晚放學同朋友嚟呢度食嘢～因為不太餓所以叫咗一碗竹笙雞肉酸麻米線～加凍檸蜜　（＄３１）點解咁好味～或許我鍾意酸辣的味道～可惜港島區沒有這間嘢．．．如果佢開就好嘞～

這裡的米線無論在味道和口感都非常正！其他同類型的店舖均是將米線over cooked，令致口感盡失！而這間 "譚仔" 煮出來的米線就恰到好處 - 好彈牙！$20 已經有一個餸啦！

尋日係佐敦果頭放學,同學仔都好肚餓星期六食魚蛋大王時經過譚仔所以今日就食佢入到佢都坐滿左八成人我地有十個人所以分開左兩張台坐我叫左豆卜墨丸3小辣米線豆卜吸左d湯之後好好食,墨丸好新鮮有墨魚味不過3小辣對我泥講都辣左小小其中兩個朋友就叫個39蚊乜都有果米線佢地果鍋到時我真係差d嘩左出泥好大鍋好似打邊爐咁,仲有一小碟炸醬同酸菜跟打劫左佢地小小炸醬同酸菜食,好好味呀!我本身都唔食呢兩樣野,但見佢地個樣咁靚所以心郁試左有d後悔點解之前唔揀炸醬呢!?野食整整唔係好突出,不過不失啦好肚餓時食哂會好飽好滿足冇咁餓真係食到一半都夠,可以兩個人share!唔知點解同朋友食親個個都辣到面紅又流汗流鼻水不過大家都好似好享食呢種感覺,哈哈食完之後我同我台d朋友傾左好耐計d阿姐都冇叫我地走或者有任何面色埋數時冇得分開俾但個阿姐都好好人咁我地一個個唱錢佢地的服務應該真係值得一讚!!!

上星期到師傅晚上十一點幾開始肚餓, 於是又落街搵下有咩好食啦, 忽然間心癮起好想食米線, 於是師傅醒起呢間食店, 雖然唔係好想黎呢度, 不過又好想食米線, 所以冇計啦!一坐底即刻睇下食咩好啦, 最後柯打左一碗牛腿米線, 要左酸辣湯底! 等左一陣牛物米線就登場, 牛腿米線即係牛肉同埋火腿! 二話不說即刻試下個湯底, 酸辣湯底酸酸辣辣都幾好味, 唔錯; 牛肉今次又唔老喎, 幾鬆身加上幾好味, 都唔錯; 火腿就切得細細塊, 都唔算好多, 加上冇咩特別, 一般啦; 配菜有腐皮芽菜, 芽菜爽口, 腐皮就好香, 好入味; 而米線份量都幾多, 都煮得幾煙煙韌韌, 口感唔錯, 可以啦!總括黎講今次食物質素又幾好, 服務普普通通, 環境尚可, 價錢唔叫得平, 埋單二十有五, 唔算抵食; 前前後後師傅黎呢間都食過三次, 而今次算係最對辦, 不過師傅唔明點解佢個湯底一定會起泡? 不過笑臉都值得一比, 以示鼓勵!

放學後,去咗食譚仔呀~ 過橋米線呀~ 唔知點解咁大碗既??? (好似大碗過旺角添...)難道佐敦係大碗d 今日個湯底超酸同辣 (但又好好味喎~) 我又飲埋D湯, 超爆肚呀 ^^我的至愛酸辣湯底呀^^ 好飽的一晚

早前在官塘區那家譚仔吃過酸辣湯底, 覺得不錯, 今晚突然想起, 走到最近的這家分店, 一心回味酸辣湯底及土匪雞翼, 可惜, 兩者均只有辣, 沒有上次吃的那種香氣撲鼻, 非常失望。不知跟收費有否關係, 這家分店比官塘的平一至兩元, 但食物質素卻相差很遠。

岩岩同5個同學專成去搵譚仔...嘩...成間鋪坐滿人...真係咁好食??見個套餐有10幾樣"食送"只係39蚊...幾抵wo@@"叫左酸辣湯底...(轉湯底要加1蚊=,=)碗米線黎到...woo...超大碗...如果女仔食...2個人食1碗差唔多!!唔知點解個湯底咁淡既??酸辣唔係應該紅紅橙橙咩=.=!食左1啖...勁難食...湯底好怪好怪...好難入口...最後米線食1半都食唔到...只係食"食送"...跟住幾個同學仔輪住試湯底...3個叫左酸辣...2碗酸辣都唔同味...=,=仲話似"嘔"味!!!!!!1個叫左小辣...反而仲好味...最後有個同學仔遲黎...叫佢千祈唔好試酸辣...叫佢試清湯...is ok!好在提一提佢咋...真係一路食一路鬧...火都黎埋-,-勁難食丫...奇怪既係一路食一路有好多人入黎...就算冇位都企係到等...真係好好味咩??????一d都唔覺呢餐食得好火-,-仲有呀...果到d阿姐真係完全唔掂...我地冇叫野飲...叫佢比幾杯水啦...佢比得1杯...唉...仲話"你地叫比杯水丫嘛...咪比杯你地囉"...頂=,=之後我地叫雞翼啦...佢一埋黎就話要土匪

一路都聽人譚仔好食GA!!由其是D chicken wings... etc...咁我地一行6人就走去試下啦... 都幾大期望... 點知真係 希望愈大 失望愈大... 簡直唔知似乜... 我地一人叫碗米線... 叫個呀姐黎落單... D服務態度又差!! 我地叫麻辣雞翼...個呀姐就話 食土匪雞翼啦 好多人食ga...點知... 佢就同我地落土匪雞翼...=.='' 跟住我地叫左個酸辣湯底就...中招... d味都唔match gei!!唉...真係唔明點解咁多人... 可能隔離大家食仲好味ar!!真係只此一次...

今日我同bb由紅磡行左過黎佐敦,熱到冇朋友, 入左黎呢度食晚飯~一入到去感覺唔錯啦, 因為佢好闊落, 唔迫, 又涼wor d冷氣我地叫左個清湯豬潤米線同小辣牛肉米線~ 呢度o既辣好有研究架, 有大中小辣, 小辣仲有分5個程度, 真係寫個服字~我食左bb碗小小小辣米線一啖都頂唔住, 唔識得真係清湯好啦!講返d米線, 真係好架, 幾大碗, 同埋好多送, 好似食極都唔完咁~ d米線又唔會浸得耐發脹,個人覺得豬潤好吃過牛肉,hhaahaha所以bb比左好多豬潤我食呀!之後我貪心叫左個土匪雞翼, 其實都唔知咩味, 搏下架咋嘩, 勁香, 好味呀, 裡面入味有d唔知咩既香料, 外面有好特別既黑芝麻!!!! 原來咁樣整咁香的!!!由於太好味同肚餓我地仲飲左兩杯檸茶tim~只係加$5咋!! 好抵啊!!then bb就送我去坐地鐵!!!!!happy meal b4 interview!!