誠拉麵 (已結業)

近排成日心思思想食拉麵，試吓試下朋友就介紹我去吓呢間係food court 的拉麵鋪。見到佢係新開，地點又方便去到，咁就去試下佢啦！一個人食飯當然大悶啦，捉埋個同事放工就去行吓街，順便食埋晚餐先！呢到個格局係bar枱形式，大家邊食係可以邊望到廚師的廚藝，雖然啲人話拉麵都係放落熱水煮兩煮姐，但我覺得要控制麵的軟硬都好重要囉~ 睇見師傳專業的態度都食得開心啲。我地叫咗兩個set, 分別係黑拉麵和白拉麵。黑拉麵都幾香喎！上枱時已經聞到好勁的黑蒜味道，你仲會見到啲黑蒜油係面的位置，每口都可以嘗到湯的香味，喜歡這味的朋友應不要錯過呢款拉麵。朋友的白拉麵都唔錯，色澤係淡淡米白的湯，豬骨湯味唔似味精，都可一試。每個麵都有一隻糖心蛋，叉燒，蔥及木耳絲。叉燒超大片，但肥的位置唔多，所以女仔食哂佢都唔怕，唔會食到成口油。整體呢間餐廳係可以再來的，地方清潔，價錢合理。

太古aeon原來有間地道拉麵叫誠拉麵😍價錢公道，質素超班👍🏻我點左豚骨魚介つけ麵 $88，朋友就叫左(特)豚骨味噌ラーメン $89，佢加左$22轉左做set，有3隻餃子同一罐汽水🤤我都唔執輸，追加左荀絲🙈只係$10咋😳但原來本身我個沾麵都有荀絲🤣好在我真係勁中意食荀🤤好清甜爽口一食落去嘩左一聲😱超好味！開係超級市場food court咁竟然會咁好味，沾麵條條爽口彈牙，粗幼適中，豚骨魚介汁稠身程度極滿意，啱啱好可以掛係麵身度🤤😍個豚骨魚介汁好濃郁好正😭每一啖都係幸福呀😭💗偷食左啖朋友既味噌拉麵👀味噌口味同拉麵果然係萬年perfectmatch😎比起沾麵，拉麵會幼啲同淋少少，但都好夾好正喔🤤餃子即叫即炸，熱騰騰個皮脆卜卜🤤好滿足既一餐👍🏻

Heard about this new ramen chain inside a food court so we decided to give it a try for dinner tonight. The restaurant itself is an open space area which is quite spacious. we ordered the set which came with a salad and a drink - coke. in addition, we ordered a dumplings too which was quite delicious 😋 the open area shows how the staffs cook too. We also ordered the grilled chicken wings stuffed with mentaiko, texture was great and taste was just right 👌overall, can definitely give it a try afte

同fd去Aeon買野，順便搵地方醫肚，見到誠拉麵幾多人食，就諗住試下😳我同朋友嗌左赤豚骨拉麵同黑豚骨拉麵，姐係分別係辣同黑蒜油。配料就有紫菜，木耳，絲，葱，溏心蛋同叉燒，想配料多d仲可以叫（特），都只係加13蚊，拉麵係幼身，軟硬適中，叉燒半肥瘦😍兩碗湯底都好濃郁豚骨湯香味，食落好香口😋黑蒜油味唔會遮過湯底嘅味，好惹味；而另一碗赤嘅辣味唔算重，又點綴到個豚骨湯底，啱晒唔食得好辣又想食辣嘅人👍🏻我地仲另外加配左明太子手羽先同雞軟骨，食落好有驚喜！手羽先烤得啱啱好，d明太子鑲入雞翼入面，一咬開見到滿滿嘅明太子，好邪惡啊😈

而家去邊買野食野都有好多折扣，撞岩星期三就係百貨公司的購物日，又係時候入貨。買到攰攰地可以做乜，緊係醫下肚先啦!　大手掃完貨要補充吓體力。我同朋友兩個人係超市Food court嗰層睇吓有咩岩食，撞岩見到間拉麵鋪無乜人，唔駛點等位，咁我地就揀咗呢間喇。餐牌簡簡單有5 款拉麵，有豚骨湯、黑蒜油湯、辣味、味噌同沾麵，雖然喺Food court但都有齊哂咁多選擇，一啲都唔馬虎。我同朋友一人叫咗一個拉麵餐~　個餐都幾抵食，一個麵再加一個小食，仲有野飲。一個叫咗白拉麵，一個叫咗黑拉麵，即是豚骨湯及黑蒜油湯。我食既係白拉麵，豚骨湯都ok，唔會太鹹。最鐘意就係佢用幼身的拉麵！呢個粗度的麵我覺得係可以吸最多既湯，每一啖都可以食到有湯！另外配料都豐富，好多時要加錢先有的紫菜呢到都跟埋。抵讚！　朋友的黑拉麵，以湯底計，好似比白吸引，可能係我鐘意香口野啦！餃子同叉燒飯係跟餐小食，份量都唔少。係咪抵食先！

最近Aeon做緊折扣優惠，估唔到去 Food Court食誠拉麵都有95折！誠 黑豚骨拉麵 （原價$76）湯底唔會太咸，有豬骨味，麵質一般，有啲似阿信屋買嘅九州拉麵~蛋夠流心，叉燒肥瘦適中，有焦香味~整體未算有驚喜。跟套餐：沙律 & 細叉燒飯 & 汽水（原價$25）叉燒飯睇落似肉燥飯，食落就似臘味飯，又幾正喎。誠 魚介沾麵 （原價$88）比起拉麵，沾麵麵質較粗較彈牙，湯底雖似咖啡咁杰，但唔會過咸，既有魚香亦有肉味。蛋同叉燒同拉麵一樣，不過冇熱湯浸住食落凍咗啲。

平時都有行開Aeon，之前都見到佢執位，原來係開左呢間誠拉麵，一於試下佢咩料就甘睇店面其實都比較簡單👇🏻menu選擇都唔多，岩曬我呢個選擇困難症嘅人😂問過店員，比較多人叫嘅都係白湯-姐係豬骨味，不過其他都係豬骨湯黎嫁喎。而朋友就叫左個赤-有個辣醬係度。見2個人又餓餓地，一於叫啲小食試下，試埋個餃子同叉燒飯先🤣坐係位度其實望到店員嘅制作過程，等待時間唔洗好耐就上左野食👏🏻白湯濃而不膩😍(之前食過某啲拉麵舖真係漏到2淡就feel到飽), 味道濃郁又不會太過，叉燒好淋🤤👍🏻我超中意，肥瘦係岩岩好。個人覺得食完成個麵真係岩岩好，座位附近有啲汁醬自己加個人發現新大陸咁見到個磨芝麻嘅小玩意都幾得意😹朋友個赤醬一黎到，其實覺得同白湯加左辣醬無分別。但點知撈完再飲個湯，發現都幾唔同😍對於中意食辣嘅人黎講其實唔太辣，不過食過就好香，又係唔好好膩，食曬成碗都無問題👍🏻至於小食，餃子味道不錯👍🏻但我就中意個叉燒飯多啲！小小一碗望落好似肉燥飯，但一食落口...有驚喜！!!!個飯香...😍望一望，原來用日本米，唔怪得🙊一開始仲俾個樣呃左以為個叉燒肉同汁會唔夠送飯，但點知原來岩岩好丫👏🏻不過我地一個叫餐加一麵一散

平時成日覺得港島區食野好貴，今次黎到太古就去左aeon mall 搵食！係cashier 隔離呢間拉麵鋪鋪面十分企理！menu都好吸引所以就決定同朋友試試佢☺我就叫左個明太子雞翼同黑豚骨拉麵，明太子雞翼啖啖肉冇骨架，最岩懶人食😂，而且本身雞翼醃過所以好入味但又唔會搶左明太子既香！至於拉麵，個湯都幾濃味，雖然係黑蒜湯底但都唔會遮左豚骨本身既味道，而麵既份量都好足料，麵質好彈牙唔會太淋或者太硬所以好掛湯。本身拉麵都會配木耳絲同溏心蛋，溏心蛋有一整隻架唔會好似其他拉麵鋪咁得半隻！食落有好香蛋味而且唔會過熟👍🏻。重點係豚肉！有4大塊而且十分厚，油脂分佈均勻，唔會太過油膩，中意食肉既人一定要黎試下！另外朋友追加左碟餃子，我試食左隻皮好薄而且脆口，內裡多汁！正！總括黎講性價比十分高，而且份量十足，下次經開太古會再黎試埋佢個沾麵😍

今日星期三去開吉之島，見到想食好耐嘅誠拉麵，就決定坐底食。佢有五款唔同嘅拉麵同沾麵，因為我想食辣所以叫咗佢哋唯一一個辣嘅豚肉拉麵。因為驚食唔晒所以淨係叫咗一個細嘅 (hkd$78)，呢個拉麵入面有木耳，紫菜，半熟蛋同埋豚肉，仲要分量都吾少。之後仲可以加錢轉套餐或者追加其他嘢食。我同朋友就追加左一份餃子🥟 (hkd$25)。 至於碗拉麵，個湯底好好味，同埋拉麵煮得啱啱好，唔會太硬又唔係咁太軟，d豚肉都好淋好入味。

在太古城看完戲有點肚餓便隨便找了一間拉麵店坐下。本來沒有什麼期待,只為求飽肚，拉麵卻讓我十分之驚喜。拉麵店在一個food Court裏面，開放式經營，也不不算是很多座位，但勝在坐得舒適，店員也很有禮貌，耐心地為我們介紹了四款拉麵。我和朋友分別點了兩碗不同的拉麵和兩款小食。我的是黑蒜油豚骨拉麵，朋友的是辣豚骨拉麵。坐了大概5分鐘拉面便呈上來了，拉麵的外觀還是很讓我食指大動的。若大的拉麵碗上有三片海苔，切了一半的溫泉蛋和三片叉燒，再配上青蔥和木耳絲的點綴，讓我我急不及待地拿起了筷子。溫泉蛋的熟度剛剛好，做到流心的效果，我同行的朋友更是想吃了我的溫泉蛋。叉燒的厚度也是適中，不會太薄太厚，也不會說太多肥膏，是我最滿意的一樣。拉麵也是中規中矩，是比較軟身的面，沒有什麼挑剔也沒有什麼讚賞。但是在湯底方面，我認為黑蒜的味道沒有十分突出， 我嚐了友人的辛辣拉麵湯底，辛辣的味道十分特別，不是外頭吃到那種普通辛味，讓我十分喜歡。所以我會推介辛辣拉麵多一些。而我們的小食明太子手羽亦做得出色，烤成金黃色的雞翼香誘人，叉燒丼則與滷肉飯很相似，分量十足，自認是大胃王的可以追加這項小食。

今日就入左康怡睇戲+拍拖。響康怡唔知有乜好食，就上左Openrice睇，咁見到呢間誠拉麵有唔少好評，好奇心驅使下我地就過左去睇。見有唔少人都食，加上本身就特別偏愛拉麵，緊係諗都唔諗就入去食啦。平時忠於原味既我，終於獻出左第一次既黑蒜拉麵。平時通常都係男朋友食，但見親都好似好濃味，所以唔敢叫。不過今次食既呢個黑蒜都好岩口味，好易入口。而男朋友就叫左個沾麵，佢話食落都幾好味。另外我呢個雞翼狂仲叫左小食，明太子手羽。誇張d講可以話係未試過呢種口味，有少少似雞翼包飯，加埋佢既調名，好惹味，就咁食一兩隻係唔夠喉。另外，大食既我地仲叫左個餃子食。一碟5件食埋真係岩岩好夠飽。平均每人$100左右 都算抵食啊！呢間拉麵店既回頭機會好高！

雖然成日黎太古城，但系都系第一次黎呢間日本拉麵店食，近近地，幾方便。我地叫左兩款不同口味的拉麵，諗住可以試多啲味。佢地的拉麵有5款選擇，豚骨魚湯底、赤豚骨湯底、黑豚骨湯底、白豚骨湯底和豚骨味噌豚骨湯底。我地分別選左黑豚骨湯底($76)和白豚骨湯底($72)。黑豚骨湯底系有好重蒜香味，味道濃郁過白豚骨湯底，鐘意食較重口味的人就一定要試試。白豚骨湯底的就好creamy，有陣牛奶香味，好正。司傅系處理拉麵的時後非常仔細，麵條同系日本食的好相似。客人坐系度果時，系可以睇到司傅的處理過程，由司傅放生的拉麵去煮，到將煮熟的拉麵加入湯底，都一目了然，好似置身系日本。另外，我地重叫左個餃子，小食呢講都算幾抵。

Aeon 有一個類似 food court 嘅範圍，發現有誠拉麵，於是同朋友夾埋點左1. 赤（辣）拉麵同 2. 黑（蒜油）拉麵同兩款小食一試根底~先試一啖未撈辣醬嘅 赤，睇介紹係豚骨湯底，但係唔知點解有微微嘅酸味，問返店員先知原來佢哋額外再加咗特製辣油，反而令到碗湯味道有層次，有辣香而唔嗆喉！個辣椒醬有少少似豆瓣醬，撈勻之後都唔會太辣，啱香港人口味。黑 唔會太太太濃蒜味（ 因為有時太濃食到最後會有啲頂唔順），黑蒜油湯底啖啖蒜油清香，又唔會cover哂豚骨味，呢碗我食到最後仲可以飲曬啲湯。黎到小食啦：燒雞軟骨好好食！面頭灑左黑椒令佢咬落更香口，另外唔知係咪落咗啲海鹽，因為覺得啲鹽同平時有少少唔同，總之吊起左味，配埋濃濃燒汁，無得輸~而明太子手羽先，係啖啖雞肉配合明太子粒粒， 燒到外脆內軟，非常juicy，誠 拉麵真係讓你感覺到誠意！

同朋友行行吓街見有啲餓咁朋友話想食拉麵 見到誠拉麵啲嘢幾吸引咁就再去食啦Aeon 入面啲嘢食種類多環境衛生好乾淨企理位置都頗多坐個位置都幾舒服我哋諗緊食咩嘅期間個員工都會主動同我地推介啲麵食除此之外佢都會同其他客人都係講解邊一個比較好食咁我哋就分別揀咗兩碗拉麵 同追加左小食我就揀咗赤豚骨拉麵 （特）一嚟到 碗面勁香最吸引嘅係佢粒糖心蛋 同埋佢一篤紅色嘅醬汁跟手就將啲辣嘅醬汁撈埋落碗麵度辣味同埋豚骨湯好夾 唔會搶咗對方嘅味辣得來幾過癮 但唔會過分死辣嗰隻同埋唔識得辣嘅人都接受到呢個辣度因為佢只係好輕微嘅辣嘅咋如果加少少白芝麻嘅話令到成碗麵食落更加香成碗面有3塊叉燒夾上黎都幾軟身口感方面油脂分布得幾平均容易咬開 但唔會過分鬆散碗麵係屬於幼麵嘅軟硬適中有啲咬口糖心蛋食落有少少醬油嘅味 蛋黃勁流心睇嚟講個碗麵色香味俱全明太子手羽換言之係明太子釀雞翼員工建議點燒汁食個醬汁同雞翼都幾夾原本驚個燒汁會搶咗明太子嘅鹹香味但出乎意料之外都幾平均啲味雞翼釀滿晒明太子每啖都充滿晒明太子同雞肉仲有些少肉汁我朋友食嗰個係黑豚骨拉麵黑蒜蓉味十分之出每一啖面充滿着黑蒜茸食咗最底碗麵都有黑蒜個醬汁喺度烤餃子感覺上同煎

太古Aeon自大翻生以嚟，food court檔次高咗，我就好少再幫襯喇。今日堂食呢間誠拉麵可以話係我嘅新．第一次。明太子手羽餡料爆滿，明太子吸咗雞油，更加香辣。煎餃子皮都幾黏，餡都足料，不過有啲位穿咗皮，肉汁唔多，要扣少少分。我點咗嘅係味噌拉麵。豬骨湯底每日新鮮熬製，用上日本味噌，湯底唔算太濃，但亦因為冇傳統拉麵咁鹹而食得舒服，食得出味噌香。溏心蛋冇得挑剔，味道同生熟度都恰到好處。叉燒係薄切款，油脂分佈均勻，咬落去脂肪香而不膩。拉麵設計方面都幾有心思，每款除咗湯底之外會加多至少一樣特色。呢碗嚟講就用咗比較香同彈牙嘅蛋太麵。黑蒜拉麵而家似乎係拉麵店必備。呢度嘅湯唔算濃，但黑蒜味都幾出。麵條唔洗煮得太腍都掛到湯。而家推緊呢個套餐，加少少錢有兩款小食。雖然環境唔算太好，但餐廳喺每個吧枱位都加咗鈎畀人掛袋，算係幾貼心。