誠拉麵 (已結業)

逛Aeon 前先吃個拉麵都很不錯!!!!!麵身偏硬👍🏻湯底夠濃未👍🏻好味!!如逛aeon 逛到累時都值得坐一坐叫個拉麵😚午餐拉麵$65連飲品超值吖❤️❤️

第一次黎呢間拉麵食野 叫 誠拉麵睇下個menu 好似全部都差唔多 但個人比較鍾意食黑蒜油湯底 所以就點左個黑豚骨拉麵叉燒都比較算大塊流心蛋好好味湯底香濃紫菜大大塊然後加左個沙律同餃子 仲有罐汽水大致上所有野都滿意 會再黎幫襯

在新型冠狀病毒疫情影響之下，政府實施＂限聚令＂，不得多過4個人在公眾地方聚集，餐廳食肆都唔例外。餐廳枱與枱之間最少保持1.5米，每枱最多只能四位。 今次黎到Food court ，第一次無去食東京キッチン(Tokyo Cafe & Kitchen)，因為坐位有限，所以就試下呢間＂誠＂拉麵。睇下Menu，發現好似全部都差不多，原來分別係湯底有所不同。有白豚骨湯底丶黑蒜油湯底丶味噌湯底⋯⋯ 今次選擇白．豚骨拉麵 $75 ，自家製秘方叉燒都算大塊，半熟流心蛋好好味，湯底香濃，紫菜大大塊。另加＄15有日式沙律丶餃子(3隻)丶罐裝汽水。另外，康怡Aeon  style  好細心，設有洗手盆給食客洗手，還有抹手紙丶洗手液供應。

目前疫情尚未受控，那裏都去不了，計劃趕不上變化大概就是這樣的意思吧！能夠外出進餐已經是僅餘的活動，當然，逗留於家中也是對自己最好的保障。今次介紹位於太古城，康怡廣場Aeon內的連鎖式拉麵店。「誠拉麵」除了提供幾款不同湯底的拉麵外，還有期間限定的特別精選以及豚骨魚介沾麵。🍜【赤 豚骨拉麵 $76】據知他們家的豬骨湯底每天新鮮熬製，質感尚算濃郁，滿滿的骨膠原，湯頭十分順口。帶有焦香的叉燒油脂分布均勻，肥瘦適中不會過於膩口。溏心蛋是另一驚喜位，製作時間拿捏準確呈現留心效果，口感軟硬適中，味道不俗；唯一挑剔的是麵質不能自選生熟度。

某日放早經過，見到有下午茶又不用等位便試一試吧。座位有好些面壁位置，對一個人來說也是挺不錯，至少不用面對面搭檯。主打的是在香港不算常見的雞白湯，味道不錯，只是略鹹了少許。兩片炸蓮藕不是常見的材料，但可惜也沒什麼記憶點。另外餃子吃下的感覺應該是買來的，但反而更有日本的味道。

下午去了太古的 Aeon 逛。餓了，原本想吃的一間餐廳排了很多人，結果放棄了，便找了這間吃拉麵的。點了黑豚骨拉麵，並加了沙律，餃子和汽水。我很喜歡這拉麵，黑原來是黑蒜，非常美味，黑蒜豬骨湯入了拉麵裡和黑木耳，加上三大片紫菜，温泉蛋也很味美。加上沙律和餃子，這餐十分滿足而不會過份飽。

裝修完去AEON添置 傢俬 電器等等, 行到五點半左右覺得有啲攰， 想坐低 休息及食嘢， 去到地下唔知係唔係太早 ， 竟然見到誠拉麵有位坐,我們叫左個白豚骨拉麵 及帶子瑤柱濃湯拉麵十$15配套餐有日式沙律，烤餃子3件及可樂，超濃郁又惹味的湯加上又彈牙嘅拉麵真係食到舐舐味

康怡food count 係我飯堂， 差不多間間都食過， 方便快捷， 係要搵位麻煩d。 今晚食誠拉麵， 誠拉麵有自己的坐位，是高身吧枱， 但數量不多， 約有20個座位。 而拉麵方面選擇不多，我order 左個$98套餐， 勝在跟餐食物不少， 比起散叫拉麵平。套餐包 ：誠黑䐁骨拉麵一碗黑蒜油拉麵， 麵質軟硬適中配嫩滑䐁肉加流心蛋，湯略咸， 食完好口渴。日式沙律香濃芝麻味醬，滋味無窮。明太子手羽一隻飽滿多汁，煎烤後好香口鹽燒雞軟骨一串香脆又有嚼勁可樂一罐

因為想食拉麵而附近沒有什麼拉麵店就嘗了這店，拉麵不能自選軟硬度，味道也很普通，若只為飽肚而充飢可以一試。跟見餃子🥟原來是用火格燒一燒個底就放入microwave叮...沒有誠意的誠拉麵

去呢個商場嘅food court食野，先去自助落單機器度揀野食同俾錢，之後拎個portable嘅小機器📱返埋位坐住等。當野食預備好嘅時候，小機器就會不停閃燈同不停震動，通知客人去相應櫃枱拎野食，都算幾方便。呢度有各式各樣嘅菜式揀，今次揀咗日式拉麵。·🔸 誠 白豚骨拉麵 (特)（$85）每次食拉麵，如果有得揀嘅話，我都習慣會加隻溏心蛋，因為本身鍾意食蛋🥚！😂 呢次嘅蛋算做到半流心嘅效果，叉燒同拉麵🍜都中規中矩，整體而言都唔錯嘅！

今日同朋友去太古Aeon食「誠拉麵」，我見冇乜人分享沾麵所以就叫左個。沾麵啲湯鹹度適中啦，豚骨魚介湯底黎，又唔會太鹹，食到最尾啲湯仲係熱嘅。呢碗沾面得一個size，冇得轉大份。湯汁裏面有蔥、小豆腐。正宗沾麵啲麵都係熱嘅，比較粗身，將啲麵放落啲汁度，再夾一口荀絲同豚肉，咁就perfect👅💦。本身拉麵得半隻糖心蛋，想要食一粒就要追加多半粒喇。如果揀拉麵套餐，朝早10點到下晝5點，只要加$15就有餃子3隻同埋汽水一罐，呢個配搭幾抵食，因為本身追加五隻烤餃子就要$28。

自從aeon裝修完再升lv 變aeon style之後，food court野食都相對地要升格。誠拉麵好似冇街舖，係under aeon style food court先有，所以應該分店唔多。餐廳圍住一列Bar枱高椅，我叫左白豚骨拉麵，我見佢有赤(辛辣)同黑(黑蒜油)同埋其他選擇，不過我就試左原味，其實本身想試沾麵但售罄。我覺得佢menu整得唔錯，會講明碗麵有咩料，加做(特)既話又有咩料同埋幾多塊肉。開頭上菜驚左一秒，因為唔見肉，之後用筷子夾起就見到兩片好靚既叉燒!個湯望落好濃但又唔係好膩，不過佢既幼麵掛湯唔係掛到好多，所以食完都剩左d湯。品質ok拉麵情調欠奉，因為aeon太光猛😂😂😂

位於太古康怡的誠這拉麵店 為我的第一印象是整潔 ，整齊 。高櫈加L型長格坐位簡單舒適，面是對著店內師父非常有日本風格的一個設計。 店內提供的食物在餐牌上都清晰可見，餐牌是兩面一樣的店員都非常細心方便食客取閱。今次試了誠赤豚骨拉麵、白豚骨拉麵、烤餃子及叉燒丼。師傅上菜的速度很快，落單不久，拉麵及小食就好快奉上。 味道方面，赤豚骨拉麵的湯低濃厚，豚肉的味又夠濃郁。我好鍾意中間個pet紅色的醬！我本身是個唔可以太辣的人，這個醬就是我喜歡的那一種少少辣味又不會搶走湯本來味道。再配合豚肉味的湯就有一拍即合的感覺，沒有違和感。而白豚骨拉麵都好吃，它有一種濃郁而較清的豚肉味道，值得一讚。如果鍾意食濃味的大家，仲可以落D菜脯的東東。叫了拉麵的大家，仲可以加錢要多D配料。我今次新時另加$32要碗叉燒丼！首先飯香十足，而上面配搭叉燒粒很好吃餃子煎得都幾香口，而且個皮唔太厚，食落又Juicy。

今日同友人出左港島行街，行行下經過間拉麵店聞到好似幾香所以就比佢吸引左入左去食！呢度有4款拉麵揀，我揀左白豚骨湯底，見間舖頭都有出沾麵好似幾吸引，下次有機會再黎試埋佢今次試住拉麵先！首先要讚佢細心位係有個自助水吧俾你自己斟水，等客人想飲幾多就斟幾多👍🏻白豚骨拉麵黎到，每款配料都出奇地多，係比平時食到嘅拉麵多一倍呀！湯底好濃厚好稠，而叉燒肥瘦適中，都幾厚下，半熟蛋竟然俾夠全隻上！平時啲拉麵都係得半隻，而家隻蛋都幾入味同埋蛋味好濃真係用返日本蛋黎製作👍🏻講到份量，拉麵份量麵幾大，比平時食到嘅多，絕對唔洗擔心唔夠食對女仔黎講一定好飽！我另外加左個餃子嘅小食，要讚嘅係佢皮簿餡靚，個底係微燶，好香口！係日本食到嘅餃子味道，值得推薦！而且唔會太油！整體黎講喺港島食呢一餐價錢算實惠，而且份量十足，性價比很高👍🏻唔會食唔飽而且上菜速度都好快有機會再黎港島區希望試到埋佢嘅沾麵啦！

有驚喜。本人吃拉麵，對湯和麵的要求都很高。湯不喜歡太稠的，因為不能直接喝，也不太喜歡淡味的，因為口味重，不喜歡不夠熱的湯。對麵的要求不能太細，好像天使麵就不喜歡，不喜歡太寬的，這個不知道怎形容。這裡的麵的大小剛好，質感也很好，跟在超市看到的味千拉麵差不多。湯底是豬骨湯底，很濃味，湯會二次煮熱，保證不是暖湯。帶有味噌的那碗能喝出味噌和豬骨湯兩種味，湯底有點微辣，很野味。唯一我覺得可以再好一點就是，湯的份量不夠，我整碗湯都喝完了，麵還差2口還未吃完。正常拉麵的帶有2片叉燒，半隻溫泉蛋，2片海苔。可以升級為3片叉燒，一隻溫泉蛋，5片海苔。但對於我來說，正常的已經夠吃了。迷你叉燒飯只是一個陪襯，說不上好好吃，也說不上很難吃。